İslam Qəribli
172
Sən əkdiyin o gözəl daneyi-həqiqətdir(201, N 8),-
deyə müraciət edən şair inamla bildirir ki, sənin adın xalqın
yaddaşında əbədi yaşayacaqdır. Çünki:
Cahanda məzrəələr danəpərvər olduqca,
Cahaniyanə adın mayeyi-Ģərafətdir(201, N 8).
Sovetlər birliyinin məlum qadağaları ucbatından M.
Hadinin kitablarına salınmayan əsərlərindən biri də “Növheyi-
əhraranə” şeiridir. “Təzə həyat” qəzetində(203, N 22-23) çap
oluan bu şeirə müəllif türk şairi Ziya Paşanın “Məsuma! Etdi-
zati-həsən ədnə intiqal, Məzluma! Oldu Ģahi-Ģəhidan bəridə
sər” misralarını epiqraf kimi vermiş və həmin epiqraf, yəni Ziya
Paşanın misraları istisna olmaqla şeir heç bir dəyişiklik edilmədən
“Firdovsi-ilhamat”da da dərc olunmuşdur(377, 29-32). Müsəddəs
(altılıq) formasında olan bu on dörd bəndlik şeir 680-ci ilin
sentyabr ayının 10-da Kərbəla faciəsində həqiqət yolunda
şəhadətə yetişmələri ilə ölümsüzlük qazanan İmam Hüseyn və
onun şəhid yoldaşlarının müqəddəs ruhuna ithaf olunmuşdur. Bu
əsərdə:
Hürriyyətin yolunda ən Ģanlı bir dilavər,
ĠĢtə Heseyndir bu, canpareyi-peyğəmbər , -
misraları bütün bəndlərin sonunda nəqarət kimi səslənir və əslində
bu şeirdə tərənnüm obyeti Kərbəla şəhidləri yox, vətən, millət,
həqiqət yolunda canlarını fəda etmiş bütün insanlardır. Yeri
gəlmişkən bir məsələni də qeyd edək ki, akademik B. Nəbiyevin
çox doğru olaraq qeyd etdiyi kimi, “böyük və davamlı bir ənənə
olaraq bizim bütün görkəmli söz sərraflarımız özlərinin ən sanballı
əsərlərini tək olan Allahın adı ilə başlamış, onu və Allahın
rəsulunu səmimi qəlbdən
tərənnüm
etmişlər”(416, 25).
Peyğəmbərimizə istər poetik, istərsə də publisistik əsərlərində
böyük sevgi və sayğı ilə yanaşan, peyğəmbərimiz Rəsuli-əkrəmin
nəvəsinin rəyasət düşgünü Müaviyyə övladının – Yezidin əmri ilə
rəyasətpərəst Məhəmməd ümmətləri tərəfindən qətlə yetirilməsini
ürək ağrısı, insanlığa və müsəlmanlığa sığmayan bir hadisə kimi
xarakterizə edən müəllif müasirlərini bu tarixi olaydan ibrət
Məhəmməd Hadi və mətbuat
173
götürməyə çağırır. Bu hadisəni vətəni, milləti darda olanların
yadına salmaqla “xalaq və həqiqət yolunda belə qurban getmək
lazımdır” həqiqətini bir daha xatırladan şairin təsvirində:
Bu ol Hüseyndir kim, yetmiĢ iki cavanla,
Qıldı cihadi-əzəm ġümr ilə həm Sənanla,
Əndami-zəxmdarı girdi məzara Ģanla,
Dərgahi-Həqqə düĢdü cismındəki niĢanla(203, N 22).
“Məhərrəm ayında, Aşura günündə şaxsey-vaxsey deyib
yalandan göz yaşı axıtmaqdan, ah-uf etməkdənsə, millətin ağlar
gününə baxıb onu bu vəziyyətdən qutarmaq üçün İmam Hüseyn
məktəbindən bəhrələnmək gərəkdir” (kursiv bizimdir – Ġ. Q.)
fikrini irəli sürən müəllif müsəlman qardaşlarının nəzərinə çatdırır
ki, islam məmləkətlərində islamiyyətin ehtiramı qalmamışdır və
bizlər vətənimizdə qərib kimiyik. Elə bir hala düşmüşük ki, bizim
İmam Hüseynə yox, bəlkə də Kərbəlada uyuyan İmam Hüseynin
bizim halımıza ağlamağı daha məqsədəmüvafiqdir. Boş sözlərdən,
yalan vədlərdən əl götürülməlidir. Şair tərəddüd etmədən, mərd-
mərdanə boğazdan yuxarı azadlıqdan danışıb milləti səfalətə
sürükləyən həməsrlərinə bildirir:
Hürriyyət iddiası vurma, sözün yalandır,
Candan keçərmisən? Gəl, meydani-imtahandır!
Candan keçən, həqiqət, pək Ģanlı qəhrəmandır,
Hürriyyəti-Hüseynə əhvalı tərcümandır,
Hürriyyətin yolunda ən Ģanlı br dilavər,
ĠĢtə Hüseyndir bu, canpareyi-peyğəmbər!(203, N 23).
Nəsrlə yazılmış kiçik müqəddimə ilə başlayan, müsəddəs
formasında olan “Rahgüzari-mətbuatda bir şükufeyi-maarif”
şeiri(204, N 32, 33) millətin tərəqqi və təkamülü üçün çox gərəkli
bir məsələnin şərhinə həsr edilmişdir. Mətndə dəyişiklik
edilmədən “Firdovsi-ilhamat”a və sonrakı kitablara daxil
edilən(377, 64-67; 379, 80-82) bu on bir bəndlik şeirə yazılmış ön
sözdə oxuyuruq: “Sabaleyin (bir sabah, bir səhər - İ. Q.) odamdan
çıxıb mətbəəyə gedirdim. Kitab çantasını zinəti-duşi-şətarət edən
(sevinclə çiyninin bəzəyi edən, çiyninə keçirən - İ. Q.) bir xristian
İslam Qəribli
174
balasına rast gəldim... Hənuz 8-9 yaşlarında bulunan bu gül-
qönçeyi-irfanın könlümə ilqa etdiyi hissiyyti-məsumanəyi-kudə-
kanəsi şeir olaraq dodaqlarımdan tökülməyə başladı”(204, N 32).
İnkişaf etmiş, tərəqqi və təkamülünü elm, maarif və
mədəniyyət sayəsində qazanmış millətlətlərə həsəd dolu nəzərlərə
baxan, öz millətini mədəni millətlər sırasında ön cərgələrdən
birində durmağa layiq ikən səfalət girdabında çabalayan görən
müəllif o xalqlara qibtə edir ki, həmin millətlərdə uşaqların
oynadıqları yer səfil və sərgərdanların gəzib dolaşdıqları
tərbiyəsizlik yuvaları olan küçələr deyil, mədəniyyət beşikləri olan
məktəblərdir. Özü uşaq olsa da, ruhunda bir intibah, sifətində
maarif nuru olan əcnəbi balalarını:
Memari-elm ilə dili imran olan çöcuq,
Ey cənnəti-səadətə pizvan olan çocuq(204, N 32), -
deyə vəsf edən, “Təhsili-mərifətlə olur rüfəti-bəşər” deyən müəllif
uşaqların tərbiyəsində cəmiyyətin təsiri ilə bərabər anaların da
böyük rol oynadığını, bu işi elmsiz xanımların deyil, elmli,
oxumuşların gördüyünü qeyd edir və təəsüflə bildirir ki:
Bizlərdə yox ki, kəĢfi-kəmalət xanımlara,
OlmuĢ halal pərdeyi-qəflət xanımlara,
Hürriyyətü hüquq “zəlalət” xanımlara,
Pirayədir qüyudü əsarət xanımlara(204, N 33).
Müsəlman qadınlarının halına rəğmən “Olsun həsəd şu
madərə kim, elmə yardır” deyə acı-acı təəssüflənən mütəfəkkir
sual edir ki, ilk müəllimi oxumuş anaları olan övladlar “... olurmu
tihi-cəhalətdə sərsəri?”. Cavab aydındır. Validəsi, anası savadlı
olan uşaq cahil ola bilməz. Daha sonra o, nisvan - qadın adı
tutulanda dodaq büzən, qadınları cəhalət pərdəsi altında saxlayıb
onlardan bir canlı əşya kimi istifadə edənlərə üz tutaraq yazır:
Nisvan sözü alındımı kilki-kitabətə,
Bir daĢdı sanki bu düĢüyor rəsi-millətə!
Olsun, tüfu-tüfu, bu cühulanə qeyrətə,
Layiqmidir, quzum, belə millət siyadətə?(204, N 33)
Dostları ilə paylaş: |