edildiyi halda inkar olunduğunu göstərir; onun, kitabı yazarkən istinad etdiyi
göstəricilər əsasında çıxardığı fundamental nəticələrin Argentinaya tətbiq
edildikdə, düzgün olmadığı aşkarlandı. Həmin dövrdə, yəni XIX əsrin ortalarında
Argentinanın iqtisadi artım göstəriciləri mənfi, daxili investisiyalarının həcmi az
(8,3%) olduğundan, ölkə, Rostounun özünün ideyasına görə sıçrayış mərhələsi
üçün tələb olunan investisiya həddindən aşağı səviyyədə yerləşirdi. M.Todaro
tamamilə haqlı olaraq iddia edirdi ki, «Latın Amerikasının və Afrikanın bir çox
ölkələri kimi, Argentina da ... iqtisadi tərəqqinin ilkin vəziyyətə qayıtması və
zahirən görünən sabit artımın dayanması fenomenini təsdiq etdi.» . Bu mühüm
ümumiləşdirmə bir dəfə nail olunan səviyyənin əldən buraxılmayacağı barədə
stereotipi ləğv edir.
Növbəti onilliklərdə (1970-ci illərdən sonra) Argentina, Rostounun
ideyasının əksinə olaraq, «sıçrayış üçün qüvvə toplamaq» əvəzinə, «getdikcə
sönən artım» nümayiş etdirirdi. Bu tarixi fenomenin əhəmiyyəti, həm dinamik
artım dövründə, həm də onun «sönməsinin» uzun çəkən mərhələlərində gəlirlərin
bölgüsünün struktur təhlilini apannaq üçün istifadə edilən bəzi modellərin və
statistik metodların tətbiq olunmasına imkanlar açmasındadır. Statistik
göstəricilərin olması bu cür hesablamaların həyata keçirilməsini təmin edir*.
Argentinanın uzunmüddətli iqtisadi artım dövrünə Luis, Kuznets, Lorens və Cini
metodikalarının əhalinin müxtəlif sosial stratları ilə onların gəlirlərinin həcmi
arasında əlaqələrin və qarşılıqlı asılılığın aşkar olunması mövqeyindən
yanaşılması iqtisadi artımı ləngidən daxili amilləri eyniləşdinnəyə imkan
yaratmışdır. Bunlara nümunə kimi, həmin XIX əsrin ikinci yarısından
Argentinanın öncül hesab edilən sənaye sahələrində dinamik artımın istehsalda
məşğulluğun artımı ilə müşayiət olunmamasını göstərmək olar. Bu cür inkişafın
nəticələri ölkə əhalisinin məhdud stratı arasında bölüşdürülür və qalan hissəsinin
gəlirlərinin və yığımlarının artmasına səbəb olmurdu; buna müvafiq olaraq,
yığımlar artım üçün zəmin yaradan uzunmüddətli amilə çevrilmirdi.
Bir qədər sonra, artıq XX əsrin ikinci yarısında inkişafın bu yolu (inkişaf
modeli) Latın Amerikasının digər ölkələri və Afrika üçün səciyyəvi olmuşdur;
^ H.Fİlds Luisun təsvir etdiyi dual inkişaf ssenarilərində Lorens əyrisindən istifadə olunmasının
variantlarını göstərmişdir {Fields G.S. Poverty, inequality and Development. Cambridge: University Press, 1980.
P. 46-56; Who benefits form economic development? A reexamination of Brazilian growth in the 1960s //
American Economic Review. № 67. September 1977, P. 186).
752
bu
məsələnin tədqiqi ilə Lorents, Filds və başqa alimlər məşğul olmuşdur'.
Bir çox alimlər tərəfindən aparılmış tədqiqatlar ÜDM-in artımı ilə
gəlirlərin bölgüsü arasında möhkəm əlaqənin mövcud olmaması barədə fikirləri
təsdiqləmişdir. Onlar ÜDM-in artımının, onun nəticələrinin cəmiyyətin bütün
təbəqələri arasında bərabər surətdə istifadə olunmasından asılılığı barədə geniş
yayılmış səhv fikri təkzib etdilər. Bu fikirlər Dünya Bankı çərçivəsində aparılan
tədqiqatların nəticələri ilə üst-üstə düşür. Həmin tədqiqatlarda «yüksək artım
templərinin çox hallarda daha böyük qeyri-bərabərlik dərəcəsi ilə müşayiət
olunduğu» göstərilir“. Amma burada bizim üçün bu cür uyğunsuzluğun,
prinsipcə, mümkünlüyü və iqtisadiyyatın artımı ilə əhalinin əsas qruplarının
gəlirləri arasında əlaqənin olmaması daha önəmlidir.
Artımın göstərilən (və başqa) modellərdən və metodikalardan istifadəsinin
başlıca nəticələri (xüsusən Argentina timsalında) səngiyən artım mərhələlərində
cəmiyyətin stratifikasiyasmm destruktiv proseslərini xarakterizə edən
göstəricilərdir:
•
yüksək artım mərhələləri, bir qayda olaraq, cəmiyyətdə getdikcə çoxalan
gəlirlərin az-çox bərabər bölgüsü ilə yanaşı, onun ən yüksək və ən aşağı təminatlı
təbəqələri arasındakı fərqin azalması ilə müşayiət edilir. 1870- 1914-cü illərdə
Argentinada bu fərq 1 : 3, 1955-ci ilin əvvəlində isə 1 : 5 nisbətində olmuşdu;
•
yüksək artım mərhələsində sosial stratlarda orta təbəqə, habelə iri və
kiçik sahibkarlar arasındakı mövqedə qərarlaşan sahibkarlıq stratmda («orta
sinif» anlayışı ilə səhv salınmamalıdır) böyük aralanma baş verir;
•
yüksək artım şəraitində öndə gedən iri iqtisadi agentlər (şirkətlər,
banklar), onun dinamik qüvvəsi, müasir texnologiyaların daşıyıeısı olan sahələr
daha əlverişli vəziyyətə düşür. İqtisadi artımın nəticələrinin bölgüsü barədə ən
güclü münaqişələr də məhz bu mühitdə baş verir; bu sərvətin bərabər bölgüsü
həmin iqtisadi agentləri təmin etmədiyinə görə, onlar «oyun qaydalarının»
dəyişdirilməsinə çalışırlar. Beləliklə, yüksək artım templəri heç də həmişə və
bütün ölkələrdə yoxsulluğun azalmasına birbaşa təsir göstərmir.
•
milli iqtisadiyyatın ixracyönümlü sahələrinin hipertrofiya olunmuş
şəkildə inkişafı hesabına baş verən sürətli iqtisadi artım 1970-1990-eı
illərdə və
^ The Effect on Income Distribution of Development, the Growth Rate and Economic Strategy //
Journal of Development Economics, 1986. № 23. P. 55-63.
^ Worldbank. World Development Report, 1991. N.Y.: Oxford University Press, 1991.
753