BULUDXAN XƏLİLOV
––– 92 –––
irəli gəlmir, bir sözlə, bu qüsurlar məndən asılı deyil;
daha doğrusu, bu, təbiətin mənə bəxş etdiyi istedadın
mənim və tənqidçimin arzuladığından az olduğunu gös-
tərir. Amma müəllimlikdəki qüsurlarım mənim özüm-
dən asılıdır. Bu ya savadımın, ya da zəhmətimin azlığın-
dan irəli gəlir. Buna görə də şairlikdəki qüsurlarımı
müəyyən qədər özümə bağışlasam da, müəllimlikdəki
qüsurlarımı bağışlaya bilmərəm”
1
. Bəxtiyar Vahabzadə
1969-cu ildə “Xoşbəxt o şagirdlərdir ki...” məqaləsində
bir sıra məsələləri ürək yanğısı ilə qeyd edirdi. Bunlar-
dan biri də uşaqların təsəvvüründə müəllimin müqəd-
dəsliyi və böyüklüyü məsələsi idi. Bəxtiyar Vahabza-
dənin özü də uşaq olarkən, ibtidai siniflərdə oxuduğu
zaman müəllim haqqında belə bir təsəvvürdə idi
2
. O, ilk
sinif müəllimi Şirəli müəllimi müqəddəs hesab edirdi,
ona elə gəlirdi ki, Şirəli müəllim çörək yemir, su içmir.
O, gündüzlər dərs deyir, gecələr isə mələk olub göylərə
çəkilir. Bir gün tənəffüs zamanı məktəbin həyətində
Şirəli müəllim onu yanına çağırır və ona pul verib deyir
ki, get, mənə yaxşı bir isti çörək al. O, çörəyi alıb
gətirir. Şirəli müəllim isə çörəyi geri qaytarıb ona deyir
ki, sənə dedim ki, isti çörək al. Bəxtiyar geri qayıdır və
çörək gətirən qoca kişiyə yalvarır ki, çörəyi müəllim
istəyir. Xahiş edir ki, çörəyi dəyişdirsin. Qoca kişi isə
əsəbiləşir və müəllimin ünvanına nalayiq sözlər deyir.
Bəxtiyar çörəyi gətirib müəlliminə verir. Müəllim
çörəkdən bir tikə qoparıb ağzına qoyur. Bu hadisə
Bəxtiyarı dəhşətə gətirir. Onun müəllim haqqında olan
1
Xoşbəxt o şagirdlərdir ki... – Bəxtiyar Vahabzadə. Sənətkar və
zaman. Bakı, Gənclik, 1976, s.203-204
2
Yenə orada. s.201-202
BƏXTİYAR VAHABZADƏNİN PEDAQOJİ GÖRÜŞLƏRİ
––– 93 –––
təsəvvürünə böyük zərbə vurur. Axı o, təsəvvür edirdi
ki, müəllim çörək yemir. O yazırdı: “Mən bu məsələnin
pedaqoji tərəfini deyə bilmərəm. Lakin bir şeyi bilirəm
ki, müəllimim məni çörəyə göndərməkdə, çox böyük
təsəvvürümü qırmaqda haqlı deyildi!”
1
.
Müəllim bilməlidir ki, dərs zamanı şagird onun bü-
tün hərəkətlərinə – danışığına, sözlərinə, yerişinə, baxı-
şına, geyiminə, rəftarına fikir verir. Müəllimində olan
bütün yaxşı cəhətləri təqlid etmək istəyir. Təqlid
deyəndə yadıma “Zülmət” filmi düşür. Bu filmin hansı
ölkəyə aid olduğunu deyə bilmərəm. Azərbaycan dilinə
tərcümə olunmuş bu filim maraqlı bir mövzuya – müəl-
lim mövzusuna həsr olunmuşdur. Kinoda simvollaşmış
məqamlar var: zülmət, işıq, su, qaşıq, ot və s. Belə ki,
müəllim müəllimlik fəaliyyətini vəhşi təbiətli bir qızın
savad almasına, eləcə də tərbiyə almasına sərf edir.
Adicə stolda oturub çörək yeməyi bacarmayan, gözləri
görməyən, qulağı eşitməyən, nitqi olmayan bu vəhşi qı-
zı tərbiyə etmək missiyasını müəllim öz üzərinə götürür.
Müəllim öz metodu ilə davranır, hətta ona yemək
öyrədərkən üstünə qışqırır, bəzən itələyir. Bu qızın ata-
sının xoşuna gəlmir. Qızın atası 20 günlük məzuniyyətə
getməli olur. Və gedəndə müəllimə deyir ki, sənin
biletini almışam, çıx bu evdən get. Qızın atası gedəndən
sonra müəllim qızın anasından əl çəkmir və ona deyir
ki, mən əriniz gələnə qədər qızınızı tərbiyə edəcəyəm.
Müəllim öz metodu ilə qızı tərbiyə etməyə, bilik vermə-
yə çalışır. Və axırıncı gün qızın atası gəlir. O, müəllimi
evdə görür və əsəbiləşir. Müəllim isə yalvarır ki, ona
1
Xoşbəxt o şagirdlərdir ki... – Bəxtiyar Vahabzadə. Sənətkar və
zaman. Bakı, Gənclik, 1976, s.201-202
BULUDXAN XƏLİLOV
––– 94 –––
imkan versinlər hər şey düzələcəkdir. O, axıra qədər bu
qızın yolunda öz müəllimlik cəfakeşliyini göstərəcəkdir.
Beləliklə, müəllim qıza stolda oturmağı, çörəyi yeməyi,
müəllim sözünü (ilk öyrətdiyi söz müəllim olur), qaşıq,
su, ot, ana, ata və s. sözləri öyrədir. Qızın valideynləri
bunu görüb yavaş-yavaş müəllimə inanmağa başlayırlar.
Müəllim ömrünün 40 ilini bu qızın savad almasına və
tərbiyələnməsinə sərf edir. Və tez-tez deyir ki, mən bu
qızı öyrətməsəm, onda dəlixanaya düşəcək. Həm də
tərbiyəli və bilikli olmasa, başqalarından asılı olacaq.
Nəhayət, qıza xeyli bilik verir. Hətta xəstə qızın bacısı
artıq ona qısqanmağa başlayır. Xəstə bacısına bu qədər
diqqətin göstərildiyinə etiraz edir. Qız müəlliminin qay-
ğısı sahəsində universitetə daxil olur. Universiteti bitirir.
Yeganə arzusu o olur ki, məzun günü onun müəllimi
orada olsun, onun bu gününü görsün. Belə də olur. Qız
sonda deyir ki, müəllimim mənə əlifbanı öyrətdi, mən
isə zülmətdən çıxmağı öyrədəcəyəm. Bununla da
zülmətdən işığa, aydınlığa, suya, duruluğa gedən bir
yolun olduğu öz təsdiqini tapır. Həm də müəllim bütün
ömrünü bir qıza, onun tərbiyəsinə, bilik almasına sərf
edir. Həm də nəyi öyrədirsə, onu təqlidetmə yolu ilə
öyrədir. Bax müəllim fədakarlığı, cəfakeşliyi budur.
Bəxtiyar Vahabzadəyə görə ən ümdə hisslərdən biri də
vətəndaşlıq hissidir. Vətəndaşlıq hissi güclü olan
şəxslərdə – müəllimlərdə məktəbin maddi-texniki baza-
sı, məktəbdəki dərs şəraiti arzuolunan səviyyədə olma-
dıqda belə, təhsilin cəfakeşi olmaq həvəsi azalmır.
Vətəndaşlıq hissi güclü olan müəllimləri məktəbdəki,
tədrisdəki qüsurlar həvəsdən salmır. Onlar hansı çətin-
liklərlə üz-üzə gəlsələr də, hansı müqavimətlə qarşılaş-
salar da, vətəndaşlıq hissləri azalmır, tədris etdikləri
fənnə və peşəyə məhəbbətləri tükənməz olur.
Dostları ilə paylaş: |