297
Mustafayam, artıq ötübdü yaşım,
Qəzanın işidi, ağarıb başım,
Oğlanlarım olsun sənin qardaşın,
Mərdlərə heç zaval olmaz, ay oğlum!
Mustafa kişi sözünü qurtarıb dili ilə də dedi ki, oğlum, heç
qəlbinə qaraltı gəlməsin, biz bilirik ki, günah mənim oğlumda
olub, ona görə də biz səni Musa Çavuşun yerinə qoyduq, bundan
sonra sən də mənim oğlum sayılırsan, bu oğlanlarım da sənin
qardaşların sayılacaq. Mehralının minib gəldiyi at damğalı idi,
Mehralını tez ələ verə bilərdi. Ona görə də Mustafa kişi oğulla-
rına tapşırdı ki, aparıb bu atı azdırsınlar. Düz bir ay Mehralıya
baxdılar. Sonra Mehralı daha burada qala bilmədi, vətən şirindi,
vətəni yadına düşdü. Getmək üçün Mustafa kişidən izn istədi.
Mustafa kişi dedi:
– Oğlum, mən səni başa düşürəm, bilirəm ki, darıxırsan.
Amma sənə məsləhətim var. Eşitmişəm ki, uruslar sənin haqqında
fərman verib ki, könüllü təslim olsan sənə çoxlu ənam verəcəklər,
özünü də edəcəklər knyaz. Belə şeylərə oğlum Musa Çavuş kimi
suslama. İnsanın şərəfi hər şeydən üstündür. Bu günə kimi
qeyrətli ömür yaşayıbsan, bundan sonra da belə davam et. Heç
kəsə boyun əymə. Yalnız ehtiyatlı ol. Ehtiyat igidin yaraşığıdı.
Sonra da Mehralıya yaxşı bir at, bir də Musa Çavuşun qılın-
cını verdi, xeyir-duasını əsirgəməyib Borçalıya yola saldı. Altı
qardaş da Mehralıyı tək qoymadı. Ona qoşulub Arpa çayı
keçdilər, vardılar Ağbabaya, ordan da dağlarla-dərələrlə yol gedib
gecənin birində özlərini yetirdilər Darvaza. Kənd əhli onları toy-
bayramla qarşıladı. Hamı qonaqlıq vermək üçün sıraya düzüldü.
Mehralı bəyin gəlişinə ən çox sevinənlərdən biri o tutulduqdan
sonra Darvaza, evlərinə gəlib çıxmış sədaqətli atı Qarakötük oldu.
Bu o vaxt idi ki, Uruset-Osmanlı davası təzə başlamışdı.
Uruslar qaçaqları öz tərəflərinə çəkmək üçün dəridən-qabıqdan
çıxırdılar. Bu məqsədlə Mehralıya da çoxlu məktublar göndər-
mişdilər. Amma Mehralı onların təkliflərini qəbul etmirdi, öz
298
din, dil qardaşlarına qılınc vurmaq, güllə atmaq istəmirdi. Ona
görə də Osmanlı ordusunun başçısı marşal Muxtar Paşaya bir
namə yazıb xəlvəti bir adamla göndərdi. Mehralı bu məktubda
görək nə yazdı, biz deyək, eşidənlər şad olsun:
Muxtar Paşa, bir ərzim var sizlərə,
Qəbul qılsan bir arkadaş bilərəm.
İstəmirəm gavurlara qarışam,
İzin versən, sizin elə gələrəm.
Ta ölüncə vicdanımı satmaram,
Müxənnətin kölgəsində yatmaram.
Gavurlarla sizə güllə atmaram,
Verərəm özümü selə gələrəm.
Fələk qatıb Mehralının sərini,
Pünhan saxla, bilməsinlər sirrini.
Çağırmışam, ərənlərin pirini,
Ölsəm də, müsəlman-türk tək ölərəm.
Muxtar Paşa məktubu oxudu və əvəzində cavab yazdı ki,
Osmanlı ordusunun sənin kimi igidlərə çox ehtiyacı var, ancaq
əvvəlcə sənə Osmanlı Sultanının bir fərmanını göndərəcəm, onu
Qafqazın quzeyində yaşayan müsəlman dağlılara çatdırmalısan.
Əgər bu tapşırığı yerinə yetirsən, onda biləcəm ki, bizlərdənsən
və o zaman gözümüz üstündə yerin var. Mehralı Muxtar Paşanın
tapşırığını yerinə yetirmək üçün gəldi Qaraçöp mahalının Yor-
Muğanlı kəndinə. Bir neçə gün orada atasının dostu olan maha-
lın hörmətli və mərd ağalarından Alı Ağakişi oğlunun evində
qonaq qaldı. Sonra da onun köməkliyi ilə Dağıstan və Çeçenis-
tan dağlarına qalxıb Osmanlı hökmdarının məktubunu çatdırdı
oradakı naiblərə.
Bundan sonra Mehralı kəndinə dönüb Alosmana keçmək
üçün başladı hazırlığa. Darvaz dərəsində qərar tutan 12 para
kəndin ruhanisi Hacı Molla Məhəmməd, kənd ağalarından Rəfi
299
ağa, Bayram ağa, İdris ağa və Cəfər ağa, Darvaz kəndinin kənd-
xudası Eyyub oğlu Alı Mehralıya uruslar işgəncə verməsinlər
deyə ən yaxın qohum-əqrəbasını özü ilə aparmağı məsləhət
gördülər. Mehralı da bu ağsaqqalların dediyi ilə razılaşdı. Yır-
yığışdan sonra Mehralının qəfləsi Darvazda Hərşənin ocağını və
Boyalı pirini ziyarət etdi, nəzir-niyaz verdi və hava qaralan kimi
kənddən Şindilər dağına tərəf yol aldı. Bir az gedib Quyubulaq-
da dayandılar. Mehralı bəlkə sonuncu dəfədi deyib Quyu-
bulağın suyundan doyunca içdi və ovuc-ovuc üz-gözünə vurdu,
buradakı ağacları, daşları öpdü. Mehralının Bahardan bir oğlu
olmuşdu, adını Rüşdü qoymuşdu. Hələ çağa idi. Mehralı düşün-
dü ki, uşaq yolda ağlayıb onlara çox maneçilik edə bilər, uşağın
səsini duyub onlara zərər yetirə bilərlər. Ona görə də Bahara
dedi ki, Rüşdünü aparmaq olmaz, bəlkə uşağın bələyinə çoxlu
qızıl, pul-para qoyub saxlayaq bu qoca vələsin dibində, tapan
olsa, pula görə uşağa dəyməsin. Sizi addadım Arpa çayının o
tayına, sonra qayıdıb inşallah Rüşdünü apararam. Bunu eşidən
Bahar ahu-nalə çəkib görək Mehralıya nə dedi:
Ay Mehralı, and verirəm Allaha,
Yalvarıram, gəl ayırma balamı.
Aləmi xəlq edən o gözəl şaha
Yalvarıram, gəl ayırma balamı.
Aləmin təbibi, ədalət şahı,
Külli aləmdə islamın pənahı,
Təmənnam budur ki, çəkdirmə ahı,
Yalvarıram, gəl ayırma balamı.
Əzizdir Vətənin torpağı-daşı,
Yunisi dəryadan qurtaran kişi,
Balam çox uşaqdı, körpədi yaşı,
Yalvarıram, gəl ayırma balamı.
300
Baharın bulud tək gözü dolubdu,
Ah-naləsi göyə bülənd olubdu,
Bu bəlalar bizə haqdan gəlibdi,
Yalvarıram, gəl ayırma balamı.
Mehralı dedi, indi bir çağadan ötəri bu qədər xalqı badamı
verək? Bahar, eləcə də Mehralının qardaşı İsa, bacısı Hürü nə
qədər yalvardılarsa Mehralı həmişə olduğu kimi dediyindən
dönmədi. Uşağı sonra gəlib götürmək ümidi ilə vələs ağacının
dibinə qoyub yaxınlarıyla Alosmana doğru yola düşdü. Qəfilə
bir qədər gedib Şindilər dağının ətəyindəki Sınıq körpüyə çatan-
da Bahar çağanın ayrılığına dözməyib hönkür-hönkür ağlamağa
başladı. Bunu görən baldızı Hürü gizlicə döndərdi atının başını
geriyə və qoyduqları yerdən götürdü qundağı, uşağın dil-doda-
ğına bal çəkdi. Uşaq hıçqırıb mışıl-mışıl yatdı. Sonra da Hürü
qundaqla bərabər Mehralının gözünə görünmüyüb qarabaqara
başladı köçü izləməyə. Qəfilə Osmanlı torpağını keçdi. Bir az
dincəlmək üçün dayandılar. Elə bu vaxt Hürü uşağı gətirib Meh-
ralının qucağına qoydu. Mehralı bacısını bağrına basdı. Onun
üz-gözündən öpüb dedi, elə bil dünyanı mənə verdin. İndi gör
ana necə olar da. Bahar Hürünün ayaqlarına döşəndi. Uşağını
bağrına basdı, sevinci həddən aşdı. Bir az dincələndən sonra
təzdən yola düşdülər.
Beləliklə, Mehralının köç qəfiləsi gəlib çatdı Çıldır mahalı-
na, ustadlar-ustadı Aşıq Şenliyin kəndi Suxaraya. Bunları görən
Aşıq Şenlik tez qarşılarına çıxdı, evinə dəvət eylədi. Ustad deyir:
– Suxarada Aşıq Şenlik qarapapaq qəhrəmanı Qaçaq
Mehralının şərəfinə elə bir ziyafət düzəltdi ki, hələ indiyə qədər
Alosmanda belə ziyafəti rüzgarın gözü görməmişdi.
Aşıq Şenlik bildi ki, Mehralı Osmanlıya kömək üçün gəlib,
odur ki, – əfəndim, sinəmə bir neçə xanə söz gəlib, izn verin sizə
ərz eyləyim – deyib basdı sineyi-sandığa imrandilli bülqurlu
sazını. Aldı görək «Mehralı bəy atlıları» türküsündə nə dedi, biz
deyək, siz şad olun:
Dostları ilə paylaş: |