294
eşidən düşmənlər sevindi ki, indi Mehralını tutmaq asan olacaq.
Başladılar axtarışa. Bir gün elə oldu ki, Dovşanqulu oğlu Hüseyn
bildi ki, Mehralı Qaraxaç yaylağındadı. Yoldaşları ilə gəlib yol
qırağında iri daşların arxasında gizləndi. Bir də gördü ki, budu,
Mehralıyla Bahar gəlirlər. Xəlvətcə çıxıb qılıncını Mehralıya
endirdi. Bunu görən Bahar əlini qılıncın qabağına tutdu. Qılınc
Baharın üç barmağını üzdü. Mehralı tez geri dönüb Hüseyni vur-
maq istədi. Ancaq at yan qaçdı. Qılınc Hüseynin atının quyruğunu
dibindən üzdü. Mehralı Dovşanqulu oğlunun yoldaşlarının bir
neçəsini öldürdü. Özünün isə arxasınca düşsə də öldürə bilmədi.
Bahar maneçilik etdi. Mehralının əl-ayağına dolaşdı.
Bu döyüşdə Mehralı yaralanmışdı. Buna görə də Baharı
aparıb Çıldırdakı bir dostunun evinə qoydu və yarasını sarıyıb
saxladı. Özü də ağır yaralı olduğundan bir yana tərpənə bilmədi.
Atalar deyib: “Çuyğul nə ölüb, nə də öləcək”. Gedib xəbər
verdilər hökumətə. Mehralını yaralı olub əl-ayağını tərpədə bil-
mədiyi üçün aparıb saldılar Qars türməsinə. Mehralı o yerdə
özünə gəldi ki, əl-qolu bağlı zindandadı. Burada istədilər ki,
onun yarasını sağaldalar. Ancaq Mehralı qoymadı. Qorxdu ki,
daha da zəhərli dərman qoyarlar, öldürərlər. Ona görə də özü ara
parpısı eyləyib sarıdı.
Qalada məhbusların içində Əhməd adında bir aşıq var idi.
Onun arvadı tez-tez onlara əppək gətirirdi. Mehralı bu qadından
xahiş etdi ki, ona bir yeyə gətirsin. Qadın yeyəni çörəyin içində
keçirdi. Mehralı başladı yeyə ilə qapını bir tərəfindən kəsməyə.
Başqa bir yerdən də yeri eşib özünə pünhanı bir deşik açdı. Qa-
pını kəsəndən sonra məhbusları öyrətdi ki, keşikçiyə hücum edib
qaçsınlar. Məhbuslar Mehralının dediyi kimi edəndə, Mehralı da
eşdiyi deşikdən qaçıb qaladan beş-on addımlıqda olan ot tayala-
rında gizləndi. Bildilər ki, Mehralı qaçıb, başladılar uzaqlarda
onu gəzməyə. Ta nə biləydilər ki, dörd bir yanda arayıb-axtar-
dıqları qalanın böyründəki ot tayasındadı. Sizə xəbəri verim
Mehralıdan. Mehralı üç gün iki gecə həmin ot tayasında qaldı.
295
Sonra da fikirləşdi ki, artıq yat-küt olar. Gizləndiyi yerdən çıxdı.
Ot tayasının yanında ən yaxşı cins atların saxlandığı tövlə var
idi. Oradan özünə yaxşı bir at seçib minib tərpəndi. Ancaq gecə
olduğu üçün heç özü də bilmirdi haraya gedir. Yarası tam sağal-
mamışdı. Üstündə yarağı-yasağı da yox idi. Hər an tuta bilər-
dilər. Özü də bilirdi ki, bu dəfə ələ keçsə, qalada üsyan təşkil
edib qaçdığı üçün edam edəcəklər. Bir bulağın yanında atı saxla-
yıb aşağı endi. Əl-üzünü yudu. Sonra ötən günləri, bütün başına
gəlmiş hadisələr gözünün qabağından keçdi. Bahar, ailəsi, qo-
hum-əqrəbası, yurdu Borçalı, kəndi Darvaz yadına düşdü. Köv-
rəldi, ürəyi qübarlandı. Öz-özünə dedi, deyirlər insan dara dü-
şəndə ərənlər pirini çağırır, o da dada yetir, gəl sən də çağır,
bəlkə sənə də bir yol açıla. Üzünü göyə, Allaha tutub alır görək
nə deyir:
Çağırdım adını, ya Şahi-Mərdan,
Dar günü dadıma yetiş sən mənim.
Sənsən, xəlq eyliyən aləm-cahanı,
Bu darda dadıma yetiş sən mənim.
Hayana gedirəm, əl çəkmir qada,
Cavankən ömrümü vermişəm bada.
Yetiş imdadıma, ya Şiri-Xuda,
Bu darda dadıma yetiş sən mənim.
Çağırram dadıma qadir-sübhanı,
O Xıdır Əlləzi Sahib-Zamanı,
Dağıldı atamın ol xanimanı,
Bu darda dadıma yetiş sən mənim.
Mehralının bəxti niyə yatıbdı,
Mən görürəm tale məni atıbdı,
Yoxsa cavan ömrüm başa çatıbdı,
Bu darda dadıma yetiş sən mənim.
296
Mehralı sözünü qurtarıb yoluna davam etdi. Dar cığırla bir
az getmişdi ki, qarşısına geniş bir yol çıxdı. Bu yolu əlinə alıb
bir az getmişdi ki, gəlib bir kəndə çıxdı. Həmin kənddə ilk qar-
şısına çıxan bir qapını döydü. Fələyin işinə bax ki, Mehralının
gəlib çıxdığı bu kənd Maraslı kəndi, qapısını döydüyü ev də
yaralayıb öldürdüyü Musa Çavuşun atasının evi idi. Baxdı ki, bir
qoca nurani kişi çıxdı qapını açmağa. Mehralı bu kişidən xahiş
elədi ki, onu Allahın qonağı eyləsin bir günlüyünə. Kişi də bunu
çox mehriban qəbul eylədi, dəvət etdi evinə, tez buna süfrə açdı.
Mehralı üç gün idi heç nə yeməmişdi. Doyunca yeyib aclığını
öldürdü. Sonra adı Mustafa olan bu kişi Mehralını sorğu-suala
tutdu. Gördü ki, bu oğlu Musanı öldürən Qaçaq Mehralıdır. Am-
ma hələ ki, heç nə bildirmədi. Gətirib su qızdırdı, Mehralını
yaxalayıb yaralarına məlhəm sarıdı. Sonra da yatağını salıb
qonağını rahatladı. Mustafa kişinin Musa Çavuşdan başqa altı
oğlu var idi. Mehralı yatandan sonra o, oğullarının hamısını
başına yığıb qonağının kim olduğunu söylədi və tapşırdı ki, ona
xəyanət etməsinlər. Çünki Musa Çavuşu yaralı halda evlərinə
gətirənlər günahın Mehralıda yox, onun özündə olduğunu
atasına və qardaşlarına söyləmişdilər.
Sübh açıldı, üstünüzə xeyirli sabahlar açılsın, Mehralı oyan-
dı ki, yarası dincəlib. Çox keçmədən Mustafa kişi altı oğluyla
birlikdə Mehralının yanına gəldi və özünü tanıtdı. Mehralı karıx-
dı, pərişan oldu. İşi belə görən Mustafa kişi aldı əvəzində görək
ona nə dedi:
Tanrı saxlayana xətər toxunmaz,
Yaşayar hər zaman ölməz, ay oğlum!
Haqqın qəhərindən yayınmaq olmaz,
Bunları hər nadan bilməz, ay oğlum!
İnam bağla ərənlərin pirinə,
Qorxu gəlməz mərd igidin sərinə,
Səni qoyduq Musa Çavuş yerinə,
Bizdən sənə xəta gəlməz, ay oğlum!
Dostları ilə paylaş: |