286
– Qardaşoğlu! Bil və agah ol! Bir ölümə çarə yoxdu. Qalan
dərdlərin çarəsi var. Fikir eləmə! Qoca əmin elə bu axşam
ağsaqqallar ilə gedər Katta Osmanın evinə. Bir mübarək saqqal
tərpədər. İnşaallah, hər şey olar ürəyincə.
Bəli, qaş qaralanda Əhməd ağa kəndin sözləri ötən ağsaq-
qalları ilə kəsdi Osman katdanın qapısını. Açdı gəlişinin mətlə-
bini. Çaylar süzüldü, söz-söhbət uzandı. Çox söz-söhbətdən son-
ra razılıq əlaməti olaraq ortalığa iki rəngli çay gəldi, içdilər
Mehralıyla Bahar xanımın şirin-şəkər şərbətini.
Gələn bahara toy tədarükünün görülməsi oldu məsləhət. Bu o
vaxt idi ki, uruslar bildilər ki, Qaçaq Mehralı Əhməd ağanın
qonağıdı. Qomardılar Əhməd ağanın evini. Mehralı gördü ki, işi
çox çətinə düşdü, dedi, mənim atımı tövlədə yəhərləyin. Əhməd
ağa fürsəti-fövtə vermədi keçdi evin arxasına. Tövlədə Mehralı-
nın atını yəhərləyib, yüyənlədi. Aynalı tüfəngini də keçirdi yəhə-
rin qaşında bağlanan qancırğaya. Yol tədarükü üçün üç günlük
azuqəni də qoydu heybəsinə. Çəkdi atını evin arxa tərəfindən cöv-
lana. Qaçaq Mehralı bayaqdı qırğı kimi qondu Qarakötüyün yəhə-
rinin qaşına, yatdı yalmanına, bir nərə çəkib aldı görək nə dedi:
Yağı düşman, nə düşübsən izimə,
Bu qovğadan dönsəm mənə ar olsun!
Düşmənimdən qisasımı almasam,
Qoy, bu geniş dünya mənə dar olsun!
Düşmənin qanından içsəm doymaram,
Qisasımı qiyamətə qoymaram.
On beş saldatdan beşini saymaram,
Təki, yaradanım mənə yar olsun!
Mehralıyam, hər savaşa dözərəm,
Qartal təki zirvələrdə süzərəm,
Tanrım yar olarsa, səflər pozaram,
Qoy, arxamda Xaliq mənə var olsun!
287
Mehralı sözünü qurtarıb atın qarnı altından çıxıb sırtı ustə
qalxan kimi bir neçə saldatı öldürüb aradan çıxdı. Ya mədəd
səndən deyib, üz qoydu qaçaqların, qoçaqların darda sığındığı
dağların damanına. Çox keçmədi, yerli hakimiyyətin, ağa-bəylə-
rinin, qazaqların əzab-əziyyətindən zinhara gəlmiş Dələverlı
Mansur, Dovşanqulu oğlu Hüseyn, Kələ oğlu Hüseyn başının
adamları ilə qoşuldular Mehralının dəstəsinə. Uzun müddət bir-
likdə gəzib dolandılar dağları. Mehralı bir gün üzünü tutdu
qaçaq yoldaşlarına, dedi:
Mənim əziz dostlarım! Bilin və agah olun. Qaçaqlıq asan
deyil. Qaçaq olan həm özünü, həm silahdaşlarını, həm də
müqəddəs ana torpağı yağılardan, yadlardan didəsi kimi qoru-
malıdır. Atalar yaxşı deyib: “Qaçaqdan nə naçaq, nə də qorxaq
olmaz”. Odur ki, bir anlığa baxın gözlərinizin içinə. Göz
qənimini daha yaxşı tanıyır…
Mehralı qaçaqlar haqqında bu söhbəti gəlişi xoş sözlər üçün
deməmişdi. Mehralı hər bir insanın üzünə bir dəfə baxanda
ürəyini, dölək-diləyini gözündən doğru-dürüst oxuyurdu. O,
Dovşanqulu oğlu Hüseynin, Dələverli Mansurun namərd adam-
lar olduqlarını da üz-gözlərindən dürüst oxumuşdu. Mehralı
yalnız yerliliyi Darvaz sunurunun kəndlərindən olan Kələnin
oğlu Hüseynə inanırdı. O idi ki, Mehralı Kələ oğlu Hüseyni
etmişdi özünə qulaq-həyan. Kələnin oğlu da öz növbəsində
duymuşdu Mehralının fikrini. O bilirdi ki, Mehralı bu günlərdə
Alosmana getməyə hazırlaşır. O idi ki, Kələnin oğlu söhbətin
şirin yerində Mehralıya dedi:
– Qardaş, deyəsən uzaq səfərə hazırlaşırsan. Səfərin müba-
rək. Rüxsət versən uğur qabağı gedib ailəmlə görüşərdim. Ata-
anamdan halallıq alardım. Uğurdu, sonra düşər-düşməzi olar.
Kələ oğlunun sözləri qara tikan olub yapışdı Mehralı bəyin
ürəyinin başına. Gətirdi ana-bacılarını, qardaşlarını, sevgilisi
Baharı gözləri önünə. O idi ki, verdi Kələnin oğluna rüxsət.
Hə, qardaşlar! Söz var deyərlər:
288
– Sən saydığını say, gör fələk nə sayır?! Çuğullar yatma-
mışdı. Kələnin oğlu evə yenicə çatmışdı ki, onun gəlişini çatdır-
dılar qazaqlara. Bayaqdı qazaqlar aldılar Kələnin oğlu Hüseynin
evini mühasirəyə. İşin pis nəticə verəcəyini duyan Kələnin oğlu
özünü
289
bına günü-gündən artırdı. Mehralının şan-sədası artıq təkcə Bor-
çalını deyil, Qars, Ərdahan, Çıldır, Şörəyel, Ağbaba, Axısxa,
Axalkələk, Qazax, Gəncəbasar, Açıqbaş, Pənbək mahallarını də
bürümüşdü. Tiflisdə, İstanbulda, Moskovada, Peterburqda,
Ərzurumda çıxan qəzetlər hər gün Qaçaq Mehralının ən qorxulu
düşmən olduğunu yazıb-yayırdılar.
Hökümət əsgərləri qaçaqların öhdəsindən gələ bilmirdilər.
Odur ki, uruslar hiyləyə əl atdılar, Onlara qarşı günah-suçları nisbə-
tən az olan qaçaqları əfv etdilər. Mehralını tutub onlara əsir verən-
ləri çoxlu ənam, rütbəylə mükafatlandıracaqlarına söz verdilər.
Məsələni eşidən Mansurla Dovşanqulu oğlu xəlvəti danışı-
ğa girib, oldular hökümətə təslim və urusa dedilər ki, Mehralını
tutmaq bizim boynumuza. Mehralı gördü ki, yoldaşları namərd
çıxdı. Ona görə də Borçalıda durmayıb keçdi Alosmana, Çıldır
mahalındakı qarapapaq dostlarının yanında özünə sığınacaq tap-
dı. Bunu bilən və Mehralının hünərindən lərzəyə gələn urus
höküməti Osmanlı padşahı Sultan Əbdüləzizə bir məktub yazıb
xahiş etdi ki, Mehralını təcili versinlər uruslara. Əbdüləziz Paşa
sədrəzəmə, o da öz növbəsində Ərzurum valisinə göstəriş verdi
ki, Paşanın əmri yerinə yetirilsin, Mehralı bəyi təcili tutub
Urusetə versinlər.
Bunu eşidən Mehralı təzədən keçdi urusların əlindəki tor-
paqlara. O fürsəti-fövtə verməyib özünü verdi ailəsi ilə görüş-
mək üçün Darvaza.
Mehralının Uruset sunurlarına keçməsini duyan Dalaverli
Mansur, Dovşanqulu oğlu Hüseyn, Musa Çavuş, Qərib ağa
başladılar hər yerdə Mehralını qarabaqara izləməyə.
Günlərin bir günü, elə oldu ki, Musa Çavuş Mehralıyla üz-
üzə gəldi. Ancaq Mehralı istədi ki, döyüşdən yayınsın, dəfələrlə
Musa Çavuşa bildirdi ki, etmə-eləmə. İstəmirəm əlim qanına
bulaşsın. Bilirəm bu gavur uruslar sənə pul veriblər, gəl tama-
hına təp de. Məndən sənə xeyir gəlməz. Kimə deyirsən, Çavuş
Musa ay qandı ha. İşin bəd gətirdiyini görən Mehralı dedi, gəl
Dostları ilə paylaş: |