282
– Allah saxlasın. Əsil kişi oğlu kişidi. Alma budağından
kənar düşmədiyi kimi, o da Allahverdi oğlu Məmli kişidən kə-
narda qalmamışdı. Mehralını görən ağbirçəklər, analar əl götü-
rüb Tanrı-təaladan ona uzun ömür, xoşbəxtlik diləyərdilər. Çox
anaların, nənələrin könlündən ilıq, kövrək, qızları, nəvələri üçün
isti bir dilək də keçərdi.
Hə, mənim əzizlərim! Bayaq dediyimi davam etdirim, Qaf-
qaz basarığının hər yerində olduğu kimi, adı hər yerdə car olan,
neməti bol olan Borçalı mahalında və bu mahalın meşəli dağlar
qoynunda yerləşən və dağların abu-havasını alan Darvaz kən-
dində də qarışıqlıq idi. Camaat uruslara qarşı tez-tez üsyan eylə-
yirdi. Çar qazaqlarının belləri Məmli kişidən bərk deyildi. O idi
ki, hər necə olursa-olsun fürsət düşən kimi onu aradan götürmək
qərarına gəlmişdilər.
Bəli, belə bir üsyan hərəkatında Allahverdi oğlu Məmli kişi
qəhrəmanlıqla həlak oldu. Urus qazaqları Məmli kişinin ölüsün-
dən də qorxaraq, onun meyidini kəndin qəbirstanlığında deyil,
Darvazın qonşuluğundakı Örmeşən
1
kəndinin gavur-duxoborlar
uyuyan xaçpərəst qəbirstanlığında dəfn etdilər. Məmli kişinin
qəbrini qorumaq üçün iki qazaq əsgərini qaravul qoydular.
Məmli kişinin xristyan qəbirstanlığında dəfn edilməsi
uruslara qarşı xalqın amansız qəzəbinə səbəb oldu. Ustad deyir
ki, elə dəfn gecəsi Allahverdi oğlu Məmili kişi gəlib girdi oğlu
Mehralının vayğasına. Başladı ona tənə-töhmətə:
Utanmırsan, dörd oğul atası da gavur qəbirstanlığında
uyuyarmı? Əgər üç günə qədər məni gavurların içərisindən çıxa-
rıb müsəlman qəbirstanlığında dəfn etməsən verdiyim duz-çörək
sənə haram olsun.
Yuxudan hövələng qalxan Mehralı gördü ki, anası Zöhrə
xanım kəsdirib yastığının yanını. Mehralı anasına dedi: «Aneyi-
1
О дюврдя ики Юрмешян кянди олуб, онларын бириндя гарапапаглар, диэярин-
дя ися духоборлар йашайырды.
283
mehriban! Atam məni vayğamda tənbeh edib dedi ki, oğul, əgər
sən məni bu gavurların içərisindən çıxarmasan başıyın papağı
sənə haram olsun. Bil və agah ol! Bu ata deynidi
1
, ana! İndi razı-
lıq səndən, qəbrin yerini dəyişmək məndən». Zöhrə xanım
kövrəlib göz yaşlarını tökdü. Mehralı bəyin ürəyi qubar eylədi.
Götürdü görək yuxusuna binəm anasına sözlə nə dedi, anası nə
cavab verdi, biz deyək, sizə könül xoşluğu.
Aldı Mehralı:
Canım ana, bu gecə yuxu gördüm,
Atam nalə çəkir qəbir içində.
Onun o naləsi məni yandırır,
İnan, qalmayıbdı səbir içimdə.
Aldı Zöhrə xanım:
Canım-ciyərim, gəl çıxma sözümdən,
Getmə oğlum, getmə qoymaram səni.
Gəl, yazığam, ayrı düşmə gözümdən,
Getmə, oğlum, getmə qoymaram səni.
Aldı Mehralı:
Könlüm yasdan çıxmır, qəlbim qaradan,
Kömək olsun mənə ulu yaradan.
Atam dedi, çıxar məni buradan,
Qalmışam gavurla qəbir içində.
Aldı Zöhrə xanım:
Oğul, bu dərdimin çarası sənsən,
Vuran ürəyimin parası sənsən.
Görən gözlərimin qarası sənsən,
Getmə, oğlum, getmə qoymaram səni.
1
deyin – borc, vəzifə, görəv, tapşırıq mənasında
284
Aldı Mehralı:
Mehralıyam, qəm dəryaya dalaram,
Pərvanə tək özümü oda salaram.
Gavurlardan qisasımı alaram,
Pərişan qalmışam abır içində.
Aldı Zöhrə xanım:
Gəl, yazıq Zöhrəni salma azara,
Tutulsan sinəmə vurarsan yara.
Yaradan dərdinə eyləsin çara,
Getmə, oğlum, getmə, qoymaram səni.
Söz tamama yetdi. Çox yalvar-yaxardan sonra Zöhrə xa-
nım Mehralıya razılıq verdi. Elə Mehralıya da bu lazım idi. O
altdan geyib üstdən, üstdən geyib altdan qıfıllandı. Götürdü yar-
yasağını, gecənin oğlan çağı yetirdi özünü xristyanların qə-
birstanlığına. Etdi hər iki qazaq gözətçisini qanına-qəltan.
Çıxardı Məmli kişinin nəşini. Gətirib dəfn etdi müsəlmanlar
uyuyan qəbirstanlıqda.
Nağılçıların dili yüyrək olar. Dan yeri qızaranda söz-söhbət
yayıldı Darvaza. Urus saldatları qomarladılar Darvazı. Kəsdilər
dağlara gedən bəndi-bərələri. Aldılar bütün Darvaz ətrafı kənd-
ləri göz altına. Əhvalatı belə görən Mehralı anası, bacı-qardaş-
ları ilə halal-hümmət etdi. Yatdı dar gününün gərəyi Qarakötük
adlı atının yalmanına. Ya mədəd səndən deyib, üz qoydu pənahı
Xram meşələrinə, Başkeçid dağlarına. Bir qədər dağlarda-or-
manlarda gəzib-dolaşdı, adıbəlli qaçaq oldu. Günün bir günündə
Allahın xoş saatında, xoş dəqiqəsində yaylaqdan endi Soyuqbu-
lağın başına. Baxdı ki, tanrı-təala xoş anında hüsnü-camalına
qələm çəkdiyi sərv boylu, maral baxışlı, ürkək yerişli bir qız gəl-
di bulaq başına. Qız nə qız?! Günəş xəcalətindən, ay utandı-
ğından üzünü bürüyüb. Ulduzların gözü olub qırpıq. Mehralının
gözləri sataşdı qızın gözlərinə, ürəkləri söz alıb danışdı.
285
Mehralının kəsildi səbri-qərarı. Qızın xiffətini çəkməkdən
saralıb sapa, incəlib ipə döndü. Öyrəndi atası Məmlinin dar gü-
nünün yaxın dostu, Keçəli kəndinin, düz çörəkli el-oba ağsaq-
qalı Əhməd ağanın evinin yerini. Üz tutdu Əhməd ağanın evinə.
Ustad deyir ki, Əhməd ağa dostu Məmlinin oğlu Mehralını
basdı bağrına. Başladı duz kimi yalamağa. Əhməd ağa baxdı ki,
ey dili-qafil qardaşoğlunun halı özündə deyil. Əvvəl-əvvəl elə
bildi Mehralı ac-susuzdu. Oydu ki, yox olsun yoxsulluğu, kəsdi
bordax bozuğu, çəkdi şişlərə. Əhməd ağa adına layiq bir süfrə
açdı ki, kababın ətrindən yeməyənin də yeyəsi gəldi. Amma
Mehralının halı düzəlmədi. Əhməd kişi Mehralıdan niyə kefsiz
olduğunu soruşanda Qaçaq Mehralının dərdi tüğyan eylədi,
halına binəm Əhməd ağaya utana-utana aldı görək nə dedi,
tərəfindən biz deyək, sizə könül xoşluğu:
İstəyirəm sirrim sənə söyləyim,
Mənim bu dərdimi biləsən, əmi!
Bir gözəlin sevdasına düşmüşəm,
Bu dərdimə əlac edəsən, əmi!
Əhməd kişi dedi, oğul, başına dönüm, bu nə sirrdi, nə
dərddi açıq de görüm. Aldı Mehralı:
Sevdiyim gözəlin ismi Bahardı,
Elə bil açılmış yeni səhərdi.
Gəl qıyma çəkməyə mənə bu dərdi,
Qəmimə bir qəmxar olasan, əmi!
Mehralıyam, mən çəkirəm qəhəri,
Yatammıram nə gecə, nə səhəri.
Canı-dildən mən sevirəm Baharı,
O dildarı mənə alasan, əmi!
Əhməd kişi gördü ki, qardaşoğlunun dərdi ayrı dərddəndi.
O, dünya görmüş, çox belə işləri yorub-yozub yoluna qoymuş-
du. Soraqlayıb öyrəndi ki, qardaşoğlunun könül verdiyi Bahar
xanım kəndin mötəbər ağsaqqalı Osman katdanın qızıdır. Dedi:
Dostları ilə paylaş: |