91
axtarışı nəticəsində verilir. Biblioqrafik ünvan arayışı biblioqrafik
mənbələr
əsasında oxucunun tələb etdiyi sənədin mövcudluğunu və ya müəyyən fondda
(kitabxanada, arxivdə, kitab mağazasında) dəqiq saxlanma ünvanını (şifrəsini)
müəyyənləşdirmək məqsədilə yerinə yetirilən arayışdır. Biblioqrafik ünvan
sorğusu üzrə axtarışın son nəticəsi sənədin kitabxana fondunda saxlandığı yeri
göstərən şifrədən və yaxud sifarişin KAA vasitəsilə başqa yerə göndərilməsini
göstərən cavabdan (arayışdan) ibarətdir. Kitabxanada oxucuların belə
sorğularını əlifba və sistemli kataloqlar, diyarşünaslıq kartotekası, habelə
soraq-biblioqrafik nəşrlər fondu vasitəsilə ödəyirlər. Oxucu çox vaxt
kitabxanaya müəyyən bir biblioqrafik məlumatı dəqiqləşdirmək
məqsədilə
müraciət edir. Belə sorğuların məqsədi müxtəlifdir. Biblioqrafik məlumatı
dəqiqləşdirmək məqsədilə verilən arayış oxucunun verdiyi sorğuda olmayan
və təhrif edilən məlumatı dəqiqləşdirmək məqsədi daşıyır.
Faktoqrafik arayış - sorğuya cavab olaraq faktiki məlumatların
verilməsidir. Bura dəqiq ay, il, gün, rəqəmlər, terminlər, istinadlar və s.
daxildir. Arayışlar faktiki sənədlər əsasında müəyyən edilir və onların
tərtibində bir qayda olaraq ensiklopediyalardan, lüğətlərdən və kartotekadan
istifadə edilir. Çox vaxt kitabxanalarda oxucuları fəallaşdırmaq, onları
biblioqrafik axtarışa cəlb etmək məqsədilə biblioqrafik məsləhətlər verilir.
Oxucuya kitabxananın
elektron kataloqundan, respublika və xarici ölkə
kitabxanalarından, onların informasiya resurslarından necə istifadə edilməsi,
biblioqrafik təsvirlərin siyahıların, sənədlərin sistemləşdirilməsi və onlara
annotasiyaların verilməsi qaydaları haqqında məsləhətlər verilir.
Ödənilmiş arayışlar fondu - eyni mövzular üzrə sorğular tez-tez təkrar
olunduğuna görə kitabxanada ödənilmiş arayışlar fondunun yaradılması
məqsədəuyğundur. Bu zaman həm vaxta qənaət edilmiş olur, həm də sorğu
operativ cavablandırılır.
Fonddan səmərəli istifadə etmək məqsədilə ona
kartoteka şəklində
köməkçi əlifba-predmet göstəricisi tərtib olunur. Hər bir kartoçkada arayışın
tam adı, predmet rubrikası və sıra nömrəsi göstərilir. Kartotekada tez-tez
təkrarlanan şifahi arayışların mövzularının və onların ödənilməsi mənbələrinin
də göstərilməsi məqsədəuyğundur. Yaxşı təşkil olunmuş bu fond yalnız təkrar
arayışların yerinə yetirilməsinə deyil, həm də kitabxanada keçirilən müxtəlif
diyarşünaslıq tədbirləri üçün ədəbiyyatın seçilməsinə də köməklik göstərir.
Fondda saxlanan arayışlar kitabxananın soraq biblioqrafiya işini təhlil etməyə
və tez-tez təkrarlanan mövzular üzrə müxtəlif biblioqrafik
göstəricilərin
tərtibinə imkan verir. Ödənilmiş arayışlar fondunu kitabxananın saytında da
yerləşdirmək olar.
MKS-də oxuculara göstərilən biblioqrafik xidmət növlərindən biri də
biblioqrafik informasiya xidmətidir. Biblioqrafik informasiya xidmətinin əsas
mahiyyəti ondan ibarətdir ki, kitabxanaya daxil olan yeni ədəbiyyat haqqında
tələbatçıya onun sorğusunu gözləmədən və ya daimi sorğulara uyğun olaraq
operativ cari biblioqrafik informasiya verilsin. Biblioqrafik informasiya
92
xidməti ayrı-ayrı şəxslərin, qrupların və ya bütövlükdə cəmiyyətin informasiya
tələbatının ödənilməsi üzrə informasiya
proseslərinin məcmusundan
(sənədlərin toplanması, analitik-sintetik işlənməsi, informasiyanın axtarışı və
yayılması) ibarət olan fəaliyyətdir. BİX-in elementləri aşağıdakılardır:
informasiyanın istehsalçısı
və yayıcısı, alıcısı
və informasiya-
kommunikasiyası üsulları və vasitələri.
Qeyd etmək lazımdır ki, MKS-də fərqləndirilməyən, yəni kütləvi
biblioqrafik informasiya xidmətinin müxtəlif metodlarından geniş şəkildə
istifadə olunur. Kütləvi biblioqrafik informasiya xidmətinin ən geniş yayılmış
forması kitabxanaya daxil olan yeni ədəbiyyatın məlumat bülletenidir. MKS-
də metodiki biblioqrafiya şöbələri sistemin vahid fonduna daxil olan yeni
ədəbiyyatın məlumat bülleteni hazırlamışdır. Məlumat bülletenləri yeni daxil
olmuş ədəbiyyatın miqdarından asılı olaraq əvvəlki
illərdə hər rübdə
hazırlanırdı. Son illər sistemə daxil olan ədəbiyyatın azlığını nəzərə alaraq ildə
bir dəfə kitab fonduna daxil olan yeni ədəbiyyatın məlumat bülleteni adı ilə
tərtib olunur. Bülletendə materiallar onluq təsnifat üzrə verilir, daxildə isə əlif-
ba qaydasına riayət olunur. Məlumat bülleteni bütün kitabxana-filiallara gön-
dərilir.
BİX-in növləri informasiya sorğularının ödənilməsinin differensasiya
səviyyəsinə görə fərqlənir: Rəhbər İşçilərə Differensial Xidmət (RİDX),
müəyyən qrupa və ya konkret istehlakçıya istiqamətlənən fərdi, kollektiv və
kütləvi informasiya xidməti. Bu xidmətin əsasında
oxucular kitabxanaya yeni
daxil olan kitablar haqqında vaxtlı-vaxtında xəbər tutur.
Kütləvi BİX-in mühüm formaları:
1. Yeni alınan ədəbiyyatın məlumat bülleteni (aylıq və rüblük);
2. Yeni ədəbiyyat sərgiləri (mövzu sərgisi, dövri mətbuatda dərc
olunmuş məqalələrin nümayişi);
3. Xülasələr (yeni nəşrlərin xülasəsi, mövzu xülasələri, diyarşünaslıq
fondu və onun ayrı-ayrı hissələri üzrə xülasə-ekskursiya, ən əhəmiyyətli
müxtəlif diyarşünaslıq nəşrlərinin xülasəsi), həmçinin kitabxananın təşkil
etdiyi “informasiya günündən”, “mütəxəssis günlər”indən, “biblioqrafiya
günü”ndən və başqa oxşar tədbirlərdən ibarətdir.
Məlumat bülletenləri aylıq və rüblük tərtib olunur. Bu bülletenlərdə
adətən kitabların biblioqrafik təsvirinin qarşısında kitabın
fondda yerini
göstərən şifrələr də yazılır, bu da oxucu sorğuları üzrə konkret kitabın
biblioqrafik axtarışını xeyli asanlaşdırır.
Yeni ədəbiyyatın müvafiq siyahıları hazırlanıb abonementdə və ya oxu
zalında, həmçinin yerli qəzetlərdə çap edilməklə və ya kitabxananın saytında
əks etdirilməklə oxuculara təqdim edilir.
Xülasələri aşağıdakı kimi qruplaşdırmaq olar:
1. Yeni nəşrlərin xülasəsi; mütəxəssis günlərində, əlamətdar və tarixi
günlərlə əlaqədar keçirilən mövzu xülasələri;