93
2. Kitabxananın diyarşünaslıq fondu və ya onun ayrı-ayrı hissələri
üzrə xülasə-ekskursiya;
3. Ən əhəmiyyətli müxtəlif diyarşünaslıq nəşrlərinin xülasəsi və s.
Kitablar haqqında xülasə mövzu və janr üzrə yaxın
olan bir neçə əsərin
xarakteristikasıdır. Xülasədə kitablardan biri haqqında müfəssəl, digərləri
haqqında qısa məlumat verilir. Tövsiyə siyahısında əsər haqqında məqalələr,
resenziyalar göstərilir. Həmçinin haqqında məlumat verilən nəşrlərin oxucular
tərəfindən necə əldə edilməsi, yerləşdiyi kitabxanalar, elektron versiyasının
mövcud olduğu saytlar barədə də məlumat verilir.
Biblioqrafiya günü - oxucuların biblioqrafik
informasiya mədəniyyətinin
artırılmasının kompleks formasıdır. Günün keçirilməsində məqsəd oxucuların
marağını ədəbiyyat axtarışında biblioqrafik mənbələrə, tövsiyə vəsaitlərinə,
soraq-biblioqrafiya aparatına yönəltməkdir. Biblioqrafiya günü universal və
tematik ola bilər. Sərgilərə baxış, kitabxanaya ekskursiya, xülasələr, kitabxana
dərsləri
keçirilir, məlumat nəşrləri, kataloqlar haqqında məsləhətlər verilir (5).
Hər bir MKS-də BİX elə təşkil edilməlidir ki, tələbatçı ona lazım olan
informasiyanı tam və dolğun əldə edə bilsin. Müasir dövrdə mövcud
informasiyalar ənənəvi çap məhsulu ilə yanaşı, eyni zamanda elektron formada
təqdim olunmaqdadır. Kitabxanalar internet şəbəkəsinə qoşulmaqla oxucular
üçün ümumaçıq informasiya məkanını formalaşdırır, xidmət prosesində
elektron sənədlər
və elektron kataloqlar, elektron poçt və s. istifadə edirlər.
Kitabxanada ənənəvi kitabxana-biblioqrafiya xidmətləri ilə yanaşı,
internetdən istifadə, müxtəlif təqdimatlar və konfransların keçirilməsi, skaner,
surətçıxarma və s. əlavə xidmətlərdən istifadə olunur, tammətnli elektron
nəşrlər hazırlanır. İndi bütün kitabxanaların çox maraqlı dizaynlı, informasiya
ilə zəngin saytları yaradılmışdır.
MKS-lərin biblioqrafik xidmətində kitabxanaların saytı xüsusi yer tutur.
Onlar öz saytlarında istifadəçilərin maraq dairəsinə uyğun olan materialları
yerləşdirirlər. MKS-in saytında “Yeni ədəbiyyat”, ən çox oxunanlar, elektron
nəşrlər, müxtəlif sahələr üzrə (tarix, diyarşünaslıq,
mədəniyyət və turizm,
hərbi-vətənpərvərlik və s.) məlumat bazaları, kitabxanada keçirilən tədbirlər,
regionda baş verən yeniliklər, mətbuatın xülasəsi (mətn və audio) yerləşdirilir.
Saytda müəyyən sahənin mütəxəssisləri üçün “Mütəxəssislər üçün”,
“Mütəxəssislərə kömək”, “Mədəniyyət və incəsənət”, “Kiçik və orta biznes”,
“Kitabxanaçılar üçün yeni sənədlər” və s. bölmələr yaradıb ixtisasa uyğun
mövzu siyahıları hazırlayırlar (siyahılar vaxtaşırı dəyişdirilir) və orada
mütəxəssislərə yeni ədəbiyyat haqqında yeniliklər öz əksini tapır (5).
Ənənəvi çap məhsulunu elektron formada hazırlamaq, qorumaq və
düzgün istiqamətləndirmək üçün hazırda insan fəaliyyətinin bütün sahələrində
informasiya-kommunikasiya texnologiyalarından geniş şəkildə istifadə olunur.
Respublikanın ictimai-siyasi və mədəni həyatında
baş verən hadisələrə,
əlamətdar günlərə, elm, təhsil, mədəniyyət, incəsənət, iqtisadiyyat, texnika,
tibb və s. sahələrə aid kitabxanaya daxil olan qəzet və jurnallar araşdırılıb
94
məqalələrin analitik yazılışını və tam mətnini elektron kataloqda
yerləşdirməklə analitik məlumat bazaları yaradılır. Bununla da həm çap
formasında (cari biblioqrafik nəşrlər), həm də kitabxananın saytı vasitəsilə
rəhbər işçilərə, elmi tədqiqatçılara, alim və ziyalılara,
müxtəlif sahələrdə
çalışan mütəxəssislərə, eləcə də geniş ictimaiyyətə operativ məlumat çatdırılır
(6).
MKS-də oxuculara göstərilən biblioqrafik xidmət növlərindən biri də
biblioqrafik informasiya xidmətidir. Biblioqrafik informasiya xidmətinin əsas
mahiyyəti ondan ibarətdir ki, kitabxanaya daxil olan yeni ədəbiyyat haqqında
oxuculara müntəzəm və operativ məlumat verilsin. Qeyd etmək lazımdır ki,
MKS-də fərqləndirilməyən - yəni kütləvi biblioqrafik informasiya xidmətinin
müxtəlif metodlarından geniş şəkildə istifadə olunur. Kütləvi biblioqrafik
informasiya xidmətinin ən geniş yayılmış forması kitabxanaya
daxil olan yeni
ədəbiyyatın məlumat bülletenidir. MKS-də metodiki biblioqrafiya şöbələri
sistemin vahid fonduna daxil olan yeni ədəbiyyatın məlumat bülleteni
hazırlamışdır. Məlumat bülletenləri yeni daxil olmuş ədəbiyyatın miqdarından
asılı olaraq əvvəlki illərdə hər rübdə hazırlanırdı. Son illər sistemə daxil olan
ədəbiyyatın azlığını nəzərə alaraq ildə bir dəfə kitab fonduna daxil olan yeni
ədəbiyyatın məlumat bülleteni adı ilə tərtib olunur. Bülletendə materiallar
onluq təsnifat üzrə verilir, daxildə isə əlifba qaydasına riayət olunur.
Məlumat
bülleteni bütün kitabxana-filiallara göndərilir.
MKS-də tərtib edilən bülletenlərin qarşısında duran tələblər bunlardır:
məlumatın tamlığı, dəqiq seçmə meyarı, materialların düzülüşündə sistemlilik,
dəqiq və vahid biblioqrafik təsvir, məlumat annotasiyasının verilməsi,
bülletenin hər bir buraxılışı üçün “giriş” məqaləsinin olması, yaraşıqlı xarici
tərtibat və nəhayət kifayət qədər tiraj.
“Dövlət kütləvi kitabxanalarının mərkəzləşdirilməsi” haqqında
“Əsasnamə”yə görə, bülletenlərin nəşri bütün MKS-lər üçün vacib hesab
edilir.
Mütəxəssis oxuculara biblioqrafik informasiya xidmətinin bir çox
üsullarından istifadə olunur. Mütəxəssis oxucuları ən çox sırf elmi ədəbiyyat
maraqlandırır. Bu ədəbiyyatlar isə kitabxanaya az nüsxədə daxil olur və lazım
olan filialların hamısına göndərilə bilmir. Ona görə bu cür ədəbiyyatı mütəxəs-
sislərin nəzər-diqqətinə çatdırmaq üçün mərkəzi kitabxanada sərgilər təşkil
edilir. Bu sərgilər filiallarda da nümayiş etdirilir. Bu haqda əvvəlcədən filialın
işçisi elan vasitəsilə oxculara məlumat verir. Mərkəzi
kitabxanada mütəxəssis
oxuculara biblioqrafik informasiya xidmətini yaxşılaşdırmaq üçün biblioqraf
kitabxananın komplektləşdirmənin mövzu planı ilə tanış olur ki, il boyu
şöbəyə daxil olan bütün biblioqrafik sorğulara dair kitabxanada olmayan
ədəbiyyatın alınması üçün xüsusi səy göstərir (5).
Bildiyimiz kimi, biblioqrafik icmallar kitabxanalarda kitabın kütləvi
təbliğinin ən geniş yayılmış formalarından biridir. Həm mərkəzi
kitabxanalarda, həm də kitabxana-filiallarda biblioqrafik icmallar keçirilir.