112
sərəncamlar imzalandı [1, 2].Artıq tədqiqatlar
Azərbaycan dövlətçiliyi
maraqlarına əsaslanaraq aparılmağa başlandı. Bu baxımdan bu gün
Azərbaycan etnoqrafiyasının hərtərəfli tədqiqi, o cümlədən bu elmin
informasiya təminatının araşdırılması aktuallıq kəsb edir. Azərbaycan
etnoqrafiyasının sənəd-informasiya mənbələri ümumilikdə tədqiq olunmamış
bir sahədir. Lakin ayrı-ayrı dövrləri tədqiq edən
tarixçi-etnoqraf alimlərin
tədqiqatlarında müəyyən dərəcədə işıqlandırılmışdır [5, 16].
Elmin sənəd-informasiya kütləsinin formalaşmasında əsas yeri ilkin-
sənəd informasiya mənbələri tutur. Azərbaycanda etnoqrafiya elminin tarixi
inkişaf yoluna nəzər saldıqda bu elmin XX əsrin əvvəlləri hesab olunur. Lakin
Azərbaycan xalqının yaşayış tərzi, maddi-mənəvi mədəniyyəti haqqında
məlumatları hələ 15 minillik tarixə malik olan qayaüstü təsvirlərdən əldə
etmək olur. Azərbaycan Respublikası ərazisində qayaüstü təsvirlər Qobustan,
Gəmiqaya (Naxçıvan), Kəlbəcər və Abşeron ərazisində qeydə alınıb. Mövzü
və süjeti zəngin olan qayaüstü təsvirlərdə: Qobustanın
qaya təsvirlərində vəhşi
öküzlərin tələyə salınması, şahinlə ov, Abşeronun qaya təsvirlərində ox və
kamanla maralın ovlanması, itlərin ov heyvanına hücumu, Gəmiqaya
təsvirlərində kəməndlə ov və s. səhnələr diqqəti cəlb edir. Əkinçilik
təsərrüfatının müxtəlif proseslərinin əks olunduğu səhnələr əsasən Kəlbəcər
qayaüstü təsvirlərində qeydə alınmışdır. Bu təsvirlərdə çiynində toxa tutmuş
insanları, öküzə qoşulmuş ibtidai xışla yerin şumlanmasını, taxılın biçilməsi və
döyülməsi prosesini müşahidə etmək mümkündür.
Qayaüstü təsvirlərdə az
sayda quş rəsmlərinə rast gəlinir. Bəzən sxematik, bəzən də real üslubda
verilmiş quş təsvirləri də müəyyən mifik məzmun ifadə edir. Türk xalqlarının
inanclarına görə quş göy aləminin təmsilçisi kimi insanların ruhlarını bəd
qüvvələrdən qoruyur. Astral işarələr isə göy cisimlərinə sitayişlə bağlıdır.
Qayaüstü təsvirlər əjdadlarımızın yaşayış tərzi, adət və inancları haqqında
məlumat verən ən ilk mənbələrdir.
Daha sonralar yazılı və şifahi mənbələr meydana gəlmişdir. Azərbaycan
etnoqrafiyasına dair məlumatlar şifahi xalq ədəbiyyatı nümunələrində, antik
dövrün müəlliflərinin,
daha sonra orta əsr ərəb, rus, türk, azərbaycan
müəlliflərinin əsərlərində rast gəlinir. Tarixi dövrləri nəzərə almaqla
Azərbaycan etnoqrafiyasının ilkin sənəd informasiya mənbələrini aşağıdakı
kimi qruplaşdırmaq olar:
Antik dövr müəlliflərinin Azərbaycan haqqında məlumatlar verən
mənbələri;
Xalq tərəfindən yaradılan dastanlar və orta əsr azərbaycan, ərəb,
rus, avropa, türk, müəlliflərinin əsərləri;
XIX əsrin sonu XX əsrin əvvəllərində Çar Rusiyasının daha çox
imperialist maraqları baxımından bölgənin araşdırmasının nəticələri ilə bağlı
mənbələr;
113
Sovet dövrünün ilk illərində: etnoqrafik tədqiqatların sistemli
şəkildə aparılması və Azərbaycanda etnoqrafiya elminin yarandığı zaman
meydana gələn mənbələr.
Antik müəlliflərinin əsərlərində Azərbaycan ərazisində yaşayan tayfalar:
lullu, kuti, hurri, turukki, uti, alban, kaspi, sak, skif və başqaları haqqında
onların təsərrüfat həyatı, maddi və mənəvi mədəniyyəti haqqında məlumata
rast gəlirik. Antik mənbələrdən biri yunan coğrafiyaçısı və tarixçisi Strabonun
17 kitabdan ibarət “Coğrafiya” əsəridir[20].Azərbaycanın qədim dövlətləri:
Albaniya və Atropatenanın tarixi, coğrafi şəraiti və etnoqrafiyası haqqında
məlumatlar əsərin XI kitabında toplanmışdır. Kitabda albanların maldarlığa
meylliliyidən, əkinçilik, üzümçülük ənənələrindən, dini etiqadlarından və
qurbanvermə adətlərindən bəhs olunur. Tarixin atası sayılan Herodot (e.ə.V
əsr) antik dövrdə Azərbaycanda yaşamış xalqların yaşayış tərzi,
məişəti
haqqında ən dolğun məlumat verən müəlliflərdəndir [8]. Digər antik müəllif
Klavdiy Elian heyvanlar haqqında olan əsərində Azərbaycan ərazisində
mövcud olan heyvanlar, o cümlədən ev heyvanları və onların saxlanması
haqqında məlumat verir. O, kaspilərin balıq yağından müxtəlif məqsədlər üçün
necə istifadə etdiyindən yazır. Pomponi Mela da “Yerin təsviri” əsərində
burada yaşayan etnik qrupların yaşayış tərzini təsvir etmişdir.
Azərbaycan tarixinin etnoqrafik cəhətdən az tədqiq olunan orta əsrlər
dövrü mənbələrini əsas etibarilə iki hissəyə ayırmaq olar. İlk
növbədə bura
şifahi xalq ədəbiyyatı nümunələrindən olan xalq dastanları daxildir. Dastanlar
hər bir xalqın taleyində, tarixində, ədəbiyyat və mədəniyyətində müstəsna rol
oynayır. Azərbaycan xalqının dastan yaradıcılığı çox zəngindir və biz o
dastanların
hər birində öz tariximizin, mədəniyyətimizin bir hissəsini görürük.
Etnoqrafik materiallarla zəngin olan bu mənbələrin xalqın tarixi və
mədəniyyətinin etnoqrafik cəhətdən öyrənilməsindəki rolunu tədqiqatçılar
yüksək qiymətləndirir [6, 10].Azərbaycan dastanlarının yaranmasının qədim
dövrlərə gedib çıxdığı vurğulansa da, folklorşünas alim M.H.Təhmasib öz
kitabında orta əsrləri Azərbaycan dastançılığının məhsuldar dövrü hesab edir
[9; s.21].Bu baxımdan etnoqrafik cəhətdən az tədqiq olunan orta əsrlər
dövrünün öyrənilməsində dastanlar ilkin mənbələr hesab edilə bilər.
Dünya mədəniyyət xəzinəsində xüsusi yer tutan və Azərbaycan xalqına
dair bir çox adət-ənənələri özündə qoruyan “Kitabi Dədə Qorqud”
qəhrəmanlıq dastanı müxtəlif elm sahələrinin tədqiqat obyekti olmuşdur. İki
yüz ilə yaxın tədqiq və nəşr tarixi olan bu dastan ilk öncə Azərbaycan xalqının
etnogenezisi, oğuz türkü olan azərbaycanlıların həm maldarlıq, həm də
əkinçilik
adətləri, dini baxışları, ailə məişətinin xarakterik xüsusiyyətləri,
yaşayış məskənləri və maddi-mədəniyyətin digər ünsürlərini tədqiq etməkdə
mühüb mənbə rolu oynamış və aktuallığını itirməmişdir. Bu gün də “Kitabi-
Dədə Qorqud” abidəsi Azərbaycan etnoqrafiyasının öyrənilməsində bir mənbə
olaraq tədqiq edilməkdədir [6].