114
Azərbaycan etnoqrafiyasının orta əsr dövrünün
öyrənilməsində mühüm
mənbə rolunu məhəbbət dastanları təşkil edir. "Qurbani", "Abbas və Gülgəz",
"Aşıq Qərib", "Tahir və Zöhrə", "Şah İsmayıl", “Qul Mahmud” dastanları ən
məşhur məhəbbət dastanlarımızdır. Xalqın təsərrüfat məişəti: əkinçilik,
heyvandarlıq, ov üsulları və ov adətləri, maddi mədəniyyəti: yaşayış
məskənləri və evlərin əsas tip və formaları, geyim və bəzək əşyaları, yemək və
içkilərin hazırlanması, xalq nəqliyyat vasitələri, ailə məişəti sahəsində: ailə və
nigah formaları, toy və dəfn adətləri, xalq musiqisi,
xalq təbabəti,
qonaqpərvərlik kimi etnoqrafik ünsürlər öz əksini tapmışdır.
Azərbaycan
məhəbbət dastanları da bir etnoqrafik mənbə kimi tədqiqatçılar tərəfindən
araşdırılmışdır[10].
Azərbaycan etnoqrafiyasına dair məlumatlar verən orta əsr ərəb və fars
mənbələr mühüm əhəmiyyət daşıyır. Bəlazurinin “Fütuh əl Buldan”, IX əsrin
müəllifi İbn Vazeh Yəqubinin “Tarix əl Yəqubi”, Təbərinin “Tarixe-Təbəri”,
İbn əl Əsirin “Əl-Kamil fit Tarix”, Məsudinin “Əl-Tərbiyh və əl-Əşaf”,
Həmzə-İsfahaninin “Tarixe Məlük əl-Ərz və əl-Ənbiya”, Estəxtinin “Məsalik
və Məmalik”, İbn Hövqəlin “Sürət-əl Ərz”, Əbu-Reyhan Büruninin “Asar əl-
Baqiyyə”, İbn Fəzlanın “Səfərnamə”, Ömər Xəyyamın “Novruznamə”,
Qəzvininin “Əcaib-əl Məxluqat” kimi əsərlərini göstərmək olar. Əsasən, tarixi
hadisələr haqqında məlumat verən bu mənbələr etnoqrafiyanın tədqiqat
obyekti olan əhalinin dini etiqadları məsələlərinin
tədqiqində xüsusi rol
oynayır[3].
Orta əsrlərdə Azərbaycanla bir sıra qərbi Avropa ölkələri ilə əlaqələri
yaranmışdır. Bu dövrdə Azərbaycan ərazisində yaranan dövlətlər xarici ticarəti
genişləndirmək məqsədilə diplomatik, iqtisadi və ticari əlaqələr qurmuşdular.
Bu əlaqələrin yaranması avropalı səyyahların, tacirlərin, diplomatların
Azərbaycana ayaq açmalarına səbəb olmşdur. Onların əsərlərində, yol
qeydlərində Azərbaycanın orta əsr şəhərləri, memarlıq abidələri, əhalinin
zəngin
adət-ənənələri, qonaqpərvərliyi haqqında məlumatlara rast gəlirik. Orta
əsrlər dövründə Avropa-Səfəvi, Ağqoyunlu dövlətlərinin əlaqələri görkəmli
tarixçi alim Yaqub Mahmudlunun tədqiqat fəaliyyətinin əsas hissəsini təşkil
edir. Müəllifin “Səyyahlar Azərbaycana gəlir” adlı kitabında Azərbaycanın
tarixi keçmişindən məlumat verən Avropa səyyahlarının əsərləri ilə tanış
oluruq. Əslən Venesiyadan olan ticarət məqsədilə Şərq ölkələrini, o cümlədən
Azərbaycanı gəzən Marko Polo daxil olduğu hər bir şəhərin sənətkarlıq
məhsulları və ticarəti ilə maraqlanıb, qeydlər aparmışdır. Marko Polonun
səyahətnaməsində Azərbaycanda ipəkçiliyin inkişafı haqqında
qiymətli
məlumatlara rast gəlinir. O, Təbriz şəhərinin ticarət və sənətkarlığından, bahalı
zərxara və ipək parçalardan, zərgərlik məhsullarından, əhalinin əhəmiyyəli
təsərrüfat sahələrindən olan balıqçılığın qədim tarixə malik olmasından bəhs
edir. Bundan başqa, Kastiliya krallığından Teymur sarayından göndərilmiş
ispaniyalı elçilərdən biri Ryun Qonsales de Klavdixo, əsasən, Təbriz şəhərinin
115
təsvirini vermişdir. Şəhərin ticarət həyatını təsvir edən səyyah burada
sənətkarlığın müxtəlif sahələrinin inkişafına da toxunmuşdur.
Azərbaycanlı müəlliflərin tarixi əsərlərində etnoqrafik
məlumatlar az
verilməmişdir. Sözü gedən dövrdə yaşayıb-yaradan böyük mütəfəkkirlərimiz
Nizami Gəncəvi, Xəqani Şirvani, Məshəti Gəncəvi, Mücirəddin Beyləqani,
Nəsimi, Məhəmməd Füzuli və sairələrinin ədəbi-bədii əsərləri də Azərbaycan
xalqının etnoqrafik baxımından təsvirini verməyə imkan verir. Xüsusilə ailə
məsələləri, adət və ənənələr onların əsərlərində üstünlük təşkil edir.
Bütövlükdə XVIII əsrin ortalarından XIX əsrin əvvəllərinə kimi mövcud
olmuş Qarabağ xanlığının tarixini əks etdirən “Qarabağnamələr” Azərbaycan
xalqının etnik xüsusiyyətlərini öyrənmək üçün mənbədir. “Qarabağnamə”
müəlliflərindən biri оlan Rzaqulu bəy Mirzə Camal оğlu öz əsərinin “Qarabağ
vilayətinin tоrpağı və əyaləti haqqında” fəslində Qarabağın təbii-cоğrafi
şəraitini təsvir еtmiş, suvarma sistеmi, əkinçilik və kənd təsərrüfatı
məhsullarının bеcərilməsi haqqında da məlumatlar vеrmişdir. Bu diyarın
məhsuldar tоrpaqları, bоlsulu çayları, təbii sərvətləri, əvəzsiz ab-havası Mirzə
Camal Cavanşir Qarabağinin də diqqətini cəlb еtmişdir.
Abasqulu ağa Bakıxanovun “Gülüstani-İrəm” əsəri XIX əsrin birinci
yarısında Azərbaycan tarixi haqqında yazılmış ən dəyərli əsərlərdən biridir.
Qüdsi əsərinin girişində Şirvan və Dağıstanın coğrafiya və etnoqrafiyası
haqqında ilk dəfə olaraq geniş elmi analiz verir. A.Bakıxanov elm, ədəbiyyat,
mədəniyyət, tərcümə, hərbi və mülki işlərlə gərgin məşğul olmasına
baxmayaraq, etnogenez və etnik tarix məsələsinə o peşəkar mütəxəssis -
etnoqraf kimi yanaşmışdır.
Azərbaycan etnoqrafiyasına dair dəyərli
informasiya böyük Azərbaycan
mütəfəkkiri Mirzə Fətəli Axundovun əsərlərində də öz əksini tapmışdır. Onun
komediyaları Azərbaycan məişətini öyrənmək üçün tutarlı mənbə hesab edilə
bilər.
Azərbaycanda etnoqrafik məlumatların elmi şəkildə toplanmasına XIX
əsrdən başlanılmışdır. Qafqazda yaşayan xalqları öyrənmək məqsədilə XIX
əsrin əvvəllərində Çar Rusiyası burada bir sıra inzibati təşkilat, idarə və
cəmiyyətlər, müxtəlif elmi və mədəni müəssisələr təşkil etmişdir. O vaxtlar,
əsasən, Qafqazın mərkəzi şəhəri olan Tiflisdə yaradılan həmin idarə və
təşkilatlar müxtəlif kitab, məcmuə, jurnal və çap etdirməyə başlamışdır. 1845-
ci ildə fəaliyyəti bu gün də davam edən İmperator I Nikolay tərəfindən “Rus
Coğrafiya Cəmiyyəti”nin əsası qoyuldu. Cəmiyyətin əsas məqsədi Rusiya və
dünyanın müxtəlif ərazilərində coğrafi məlumatları toplamaq
və yaymaq,
Rusiyanın ucqarlarında, o cümlədən Qafqazda tədqiqat məqsədli
ekspedisiyalar təşkil etməkdən ibarət idi. 1845-ci ildə Rus Coğrafiya
Cəmiyyətinin tərkibində K.M.Berin sədrliyi ilə məhz etnoqrafiya bölməsi
yaradıldı [21; s.215]. İlk regional bölmələrindən olan Qafqaz bölməsi isə
1950-ci ildə Tiflisdə təsis edildi. Rus Coğrafiya cəmiyyətinin Qafqaz
bölməsinin “Qeydlər”i (1852-1913)
(Записки Кавказского отдела