Azərbaycan Tarixi
393
dirilməsi və respublikada yeni mütərəqqi sənaye sahələrinin
yaradılması, iqtisadi və sosial yüksəliş. XX əsrin 60-cı
illərinin ortalarında bütün Sovet İttifaqında oluğu kimi
Azərbaycanda da iqtisadi və mədəni həyatın bütün sahələrində
durğunluq baş vermişdi. Respublika sənayesinin, kənd
təsərrüfatının, tikintinin və xidmət sahələrinin heç bir sahəsində
plan göstəriciləri yerinə yetirilmir, mənəviyyat sahəsində
rüşvətxorluq, bürokratizm və dövlət vəsaitini mənimsəmək,
dövlət əmlakını dağıtmaq halları baş alıb gedirdi. Belə bir
şəraitdə Moskvanın təşəbbüsü ilə Azərbaycan KP MK-nın
1969-cu il iyulun 14-də keçirilən Plenumu respublikaya
rəhbərliyi möhkəmlətmək sahəsində tarixi bir addım atdı,
Mərkəzi Komitənin birinci katibi vəzifəsinə, bundan öncə
respublika Dövlət Təhlükəsizlik Komitəsinə rəhbərlik edən
Heydər Əliyevi seçdi. Azərbaycanın müasir tarixində 1969-cu
ildə dönüş mərhələsinin təməli qoyuldu.
Çağdaş dövrdə Azərbaycanla bağlı taleyüklü vəzifəni
boynuna götürən Heydər Əliyev həmin il avqustun 5-də
Azərbaycan KP MK-nın Plenumunda məruzə ilə çıxış edərək
respublikanın iqtisadiyyatını dərin və hərtərəfli təhlil etdi,
təsərrüfata rəhbərlikdə, mədəni quruculuq sahəsində və ideoloji
işdə ciddi nöqsanlar olduğunu qeyd etdi və onları aradan
qaldırmaq yollarını göstərdi.
Heydər Əliyev qısa müddətdə respublikada idarəçilik
sistemini xeyli möhkəmləndirdi, bütün dövlət hakimiyyəti
orqanlarının işini böyük uzaqgörənliklə xalqın iqtisadi, sosial
və mədəni tərəqqisi və milli oyanış siyasətinin reallaşmasına
yönəltdi. O, rüşvətxorluğa, təsərrüfatsızlığa və dövlət əmlakını
dağıtmağa qarşı mübarizəyə başladı. Heydər Əliyev ağlı,
bacarığı və yorulmaq bilmədən fəaliyyəti nəticəsində Sovet
İttifaqının rəhbərliyində böyük nüfuz qazandı. O, 1976-cı ildə
Sov. İKP MK Siyasi Bürosunun üzvlüyünə namizəd, 1982-ci
ildə Siyasi Bürosunun üzvü seçildi.
Qəzənfər Rəcəbli
394
Heydər Əliyevin mövcud reallıqlar daxilində məharətlə
həyata keçirdiyi çoxcəhətli siyasi-dövlətçilik fəaliyyətinin
nəticəsi olaraq Sovet İttifaqında XX əsrin 70-ci illərində əsas
iqtisadi göstəricilərin artım sürətinin aşağı düşdüyü bir vaxtda
Azərbaycanda bütün iqtisadi göstəricilər durmadan artırdı. 14
ildə respublikada milli gəlirin ümumi həcmi 2,5 dəfə, sənaye
istehsalı 2 dəfə, xalq istehlakı malları 3 dəfə, kənd təsərrüfatı
istehsalının ümumi həcmi 2,7 dəfə artmış, 250-dən çox fabrik,
zavod, istehsal sexləri tikilmiş, 2 milyondan çox adamın mənzil
şəraiti yaxşılaşdırılmışdı.
Heydər Əliyev 1976-cı ildə Sov. KİP MK, SSRi Nazirlər
Soveti və SSRİ Ali Soveti Rəyasət Heyətinin "Azərbaycanda
yeni mütərəqqi sənaye sahələrinin yaradılması haqqında" birgə
qərarının qəbul edilməsinə nail oldu. Azərbaycan KP MK-nın
1976-cı il Oktyabr və Noyabr plenumlarında mərkəzin həmin
qərarı müzakirə olundu və Azərbaycanda radioelektronika və
dəqiq cihazqayırma sənaye sahələrinin yaradılması və inkişaf
etdirilməsi tədbirləri hazırlandı.
Həmin tədbirlərin həyata
keçirilməsi nəticəsində Azərbaycanda IX-X beşilliklərdə hərbi
sənaye əhəmiyyətli və kosmik tədqiqatlarla bağlı 11 iri sənaye
müəssisəsi, radioelektronika zavodları tikilib istifadəyə verildi.
Sonuncu, 12-ci nəhəng müəssisə - Əhmədlidə tikilən robot
dəzgahlar zavodunun tikintisi isə Heydər Əliyev Moskvaya
rəhbər işə aparıldıqdan sonra yarımçıq qaldı və sonralar ləğv
edildi.
Azərbaycanın neft sənayesinin Xəzər dənizi hesabına
böyük gələcəyini nəzərə alaraq, Heydər Əliyev uzaqgörənliklə
son dərəcə mühüm bir tədbir də həyata keçirdi. Sovet İttifaqının
ümumi vəsaitindən alınan 400 milyon manat hesabına Bakıda
dərin dəniz özülləri kimi nəhəng bir zavod tikildi.
Ümumiyyətlə, XX əsrin 70-80-ci illərinin əvvəllərində
yeni tikilən müəssisələr Azərbaycan sənayesinin istehsal
quruluşunun təkmilləşdirilməsində və məhsul istehsalının
Azərbaycan Tarixi
395
artırılmasında əhəmiyyətli rol oynamışdır. Həmin illərdə
respublikada istifadəyə verilən yeni sənaye müəssisələri
Azərbaycanda sovet hakimiyyətinin əvvəlki 50 ili ərzində
tikilən müəssisələrin 70 faizinə qədər idi. Həmin illərdə
istifadəyə verilən sənaye müəssisələri sırasında Bakı məişət
kondinsionerləri zavodu, Bakı şampan zavodu, Bakı və
Xankəndində iri ayaqqabı fabrikləri, Gəncə xalça və qənnadı
fabrikləri və çini qablar zavodu, Sumqayıt kompressorlar
zavodu, Mingəçevirdə Yeni Azərbaycan Dövlət Rayon Elektrik
Stansiyası, Mingəçevir yol maşınları və rezin-texnika
məmulatları zavodları, Əli Bayramlı (indiki Şirvan) məişət
cihazları, avtomatik və telemexanika zavodları, Ağdam
dəzgahqayırma və metiz-furnitur zavodları, Naxçıvan alt
trikotaj fabriki, Yevlax yunun ilkin emalı zavodu, Göyçay
pambıqəyrici fabriki, Neftçala yeni yod-brom zavodu, Salyan
plastik kütlə emalı zavodu, Şəmkir SES və onlarla yüngül və
yeyinti sənaye müəssisələri vardı. Üzümçülüklə məşğul olan az
qala hər kənddə şərab zavodu tikilmişdi. Həmin illərdə tikilən
sənaye müəssisələrinin 158-i, yəni 70 faizi Bakı-Sumqayıt
iqtisadi rayonun hüdudlarından kənarda, respublikanın başqa
bölgələrində idi. Bu da Azərbaycanda sənayenin müxtəlif
bölgələrdə yerləşdirilməsi probleminin həllində önəmli rol
oynadı.
XX əsrin 70-80-ci illərinin əvvəllərində Azərbaycanın
kənd təsərrüfatının maddi bazasının genişləndirilməsi ilə
yanaşı, torpaq fondunun intensiv yollarla mənimsənilməsi və
ixtisaslaşma sistemi də güclənmişdi. Nəticədə 1981-1985-ci
illərdə respublikada illik kənd təsərrüfatı məhsulu istehsalı taxıl
üzrə orta hesabla 1239,5
min ton, pambıq üzrə - 861, 4 min ton,
tərəvəz üzrə - 890,4 min ton, üzüm üzrə 1829,2 min ton, çay
üzrə - 29,2 min ton, meyvə və giləmeyvə üzrə - 317, 5 min ton,
kartof üzrə - 1898 min ton, barama üzrə - 6 min ton, tütün üzrə
- 56,9 min ton təşkil edirdi.
Qəzənfər Rəcəbli
396
İqtisadi potensialı ilbəil möhkəmlənən Azərbaycanın
inkişafının üzə çıxan yeni-yeni imkanlarının gerçəkləşdirilməsi
üçün Heydər Əliyev düşünülmüş və əsaslandırılmış maliyyə və
başqa resurs təminatı almaq barədə təşəbbüslərlə çıxış edirdi.
Bu, ilk növbədə, Azərbaycanın Sovet İttifaqında o zaman çox
yüksəlmiş nüfuzu və tutduğu mövqeyi ilə bağlı idi. Həmin
illərdə Azərbaycanda bütün İttifaqın neft-mədən avadanlığının
üçdə iki hissəsi, məişət kondinsionerlərinin hamısı, sintetik
kauçuk və bir sıra kimya məhsullarının xeyli hissəsi istehsal
olunurdu. Azərbaycan 70-ci illərin axırında ildə orta hesabla 2
milyon tona qədər üzüm istehsal edərək İttifaqda birinci, 700-
800 min ton pambıq istehsal edərək dördüncü, 6 min ton
barama istehsal edərək ikinci yerdə dururdu. Bu baxımdan
Heydər Əliyevin təşəbbüsü və rəhbərliyi altında Azərbaycanın
sosial-iqtisadi inkişafında çox böyük imkanlara malik mühüm
bir istiqamət kimi müalicə, istirahət və turizm sahəsinin əsaslı
dərəcədə genişləndirilməsi barədə təklifinin Sov. İKP MK
Siyasi Bürosu tərəfindən qəbul edilməsinin əhəmiyyəti xüsusi
qeyd edilməlidir.
Respublika iqtisadiyyatının kompleks halında hərtərəfli
inkişafı çox mühüm problemlərin həllində, xüsusilə əhalinin
maddi rifah halının və sosial vəziyyətinin yüksəldilməsində
əhəmiyyəti rol oynadı.
Ədəbiyyat:
1. Azərbaycan tarixi. 7 cilddə, 7-ci cild, s. 103-248.
2. H.Əliyev. Sovet Azərbaycanı 50 ildə. Bakı, 1970.
3. H.Əliyev. Azərbaycan SSR. Bakı 1983.
4. Əsrlərə bərabər illər: 1969-1999. Bakı, 2000.