Fəsil 3.
BƏDXASSƏLİ ŞİŞLƏRİN MÜALİCƏSİNİN ÜMUMİ PRİNSİPLƏRİ
67
F
F
ə
ə
s
s
i
i
l
l
3
3
BƏDXASSƏLİ ŞİŞLƏRİN MÜALİCƏSİNİN
ÜMUMİ PRİNSİPLƏRİ
Bədxassəli şişlərin müalicə taktikasına təsir edən amillərə aşağıdakılar
aiddir:
• Şişlə əlaqədar
amillər
• Xəstə ilə əlaqədar amillər
• Həkim və müalicə müəssisəsi ilə əlaqədar amillər
Müalicə taktikasına təsir edən şişlə əlaqədar amillər aşağıdakılardan
ibarətdir:
− şişin lokalizasiyası
− şişin yayılma dərəcəsi (birincili şişin ölçüsü, regionar və uzaq me-
tastazların statusu)
− əvvəllər aparılmış müalicələr (cərrahi, şüa, dərman müalicəsi)
− şişin morfoloji xarakteristikası (histoloji quruluşu, bədxassəlilik və
diferensiasiya dərəcəsi)
Xəstə ilə əlaqədar əsas amillər aşağıdakılardır:
− xəstənin yaşı
− somatik
vəziyyəti
− peşəsi
− müalicə taktikasına münasibəti
Həkim və müalicə müəssisəsi ilə əlaqədar olan amillərə aiddir:
− xəstənin müalicə olunduğu klinikanın texniki təchizatı
− klinikada işləyən həkimin təcrübəsi və bacarığı
Bədxassəli şişlərin müalicəsində aşağıdakı metodlardan istifadə olunur:
• Cərrahi
• Şüa
• Dərman
• Kombinəolunmuş
• Kompleks
Kombinəolunmuş müalicə cərrahi və şüa müalicə metodlarının istənilən
BAŞ-BOYUN ŞİŞLƏRİ
68
ardıcıllıqla istifadəsidir.
Kompleks müalicə metodu dedikdə cərrahi və/və ya şüa metodlarının
dərman müalicəsi ilə birgə istifadəsi nəzərdə tutulur.
3.1. Cərrahi müalicə metodu
Cərrahi metod bədxassəli şişlərin müalicəsində ən qədim müalicə meto-
dudur. Xərçəngin cərrahiyyəsinin əsasını iki prinsip təşkil edir:
• Ablastika
• Antiblastika
Ablastika – şişin sağlam toxumalar sərhəddində çıxarılmasını nəzərdə
tutur. Müasir dövrdə ablastik cərrahi əməliyyat 100% halda ancaq epiteldaxili
xərçəngdə (cancinoma in situ), 80%-ə qədər halda isə I-II mərhələli bədxassəli
şişlərdə mümkündür. III-IV mərhələli şiş proseslərində bu ehtimal azalır.
Bədxassəli şişlərin cərrahi müalicəsi zamanı ablastika anatomik zonalılıq
və futlyarlıq prinsiplərinə əsaslanır.
Onkoloji nöqteyi nəzərdən anatomik
zonalılıq şişin sağlam toxumalar sərhəddində regionar limfatik toxumalarla
(limfatik düyünlər və limfatik damarlar) birgə çıxarılmasıdır.
Anatomik
futlyarlıq prinsipi cərrahi əməliyyatın şişin yayılmasını məhdudlaşdıran
anatomik futlyar (fassial, piy, seroz) sərhədində aparılmasını nəzərdə tutur. Bu
nöqteyi nəzərdən cərrahın şişlə zədələnmiş hər bir konkret orqan və ya sahənin
regionar limfa cərəyanı yollarını aydın təsəvvür etməsi, müəyyən futlyar
zonaların quruluşunu (məsələn, boyun fassiyaları) bilməsi vacibdir. Anatomik
futlyarların sərhədlərinin pozulması cərrahi müdaxilənin effektivliyini azaldır
və şişin residiv verməsinə gətirib çıxarır.
Antiblastika – cərrahi əməliyyat sahəsində qalmış bədxassəli şiş hücey-
rələrinin məhv edilməsinə yönəldilmiş tədbirlərdən ibarətdir.
Bədxassəli şişi
olan xəstələrdə limfatik və venoz damarlarda, birincili şiş ocağı və metastaz-
ların ətrafındakı toxumalarda xərçəng hüceyrələrinin qalması ehtimalı mövcud-
dur. Bununla əlaqədar olaraq ablastika tədbirlərindən əlavə antiblastik tədbirlər
də həyata keçirilməli, yəni şiş hüceyrələrinin yara sahəsində səpələnməsinin
qarşısı alınmalı, onlar məhv edilməlidir. Bu məqsədlə aşağıdakı tədbirlərdən
istifadə edilir:
− əməliyyat sahəsinin, cərrahın əllərinin və tibbi alətlərin kimyəvi va-
sitələrlə (xlorheksidin,
etil spirti, yosept, aktoderm və s.) işlənməsi
− elektrobıçaq və elektrokoaqulyatorlardan istifadə
− əməliyyatönü və əməliyyatdaxili şüa müalicəsi, ximioterapiya
Bədxassəli şişlərə görə aparılan cərrahi əməliyyatlar iki qrupa bölünür:
1. Ablastika və antiblastika prinsiplərinə cavab verən radikal cərrahi
əməliyyatlar
2. Ablastika və antiblastika prinsiplərinə cavab verməyən palliativ və
Fəsil 3.
BƏDXASSƏLİ ŞİŞLƏRİN MÜALİCƏSİNİN ÜMUMİ PRİNSİPLƏRİ
69
simptomatik
cərrahi əməliyyatlar
Radikal cərrahi əməliyyatlar 3 qrupa bölünür:
• Tipik və ya standart
• Kombinəolunmuş
• Genişləndirilmiş
Tipik və ya standart cərrahı əməliyyatlar zamanı birincili şiş ocağı və
onun regionar metastazvermə zonaları bir blok (en bloc) halında çıxarılır (mə-
sələn, qırtlaq xərçəngi zamanı larinqektomiya, qalxanabənzər vəzi xərçəngi za-
manı tireoidektomiya, dil xərçəngi zamanı hemiglossektomiya, qulaqətrafı ağız
suyu vəzisinin xərçəngi zamanı parotidektomiya boyun diseksiyaları ilə birgə).
Əgər cərrahi əməliyyatın həcmi şişə bilavasitə yaxın olmayan əlavə qrup limfa
düyünlərinin çıxarılması hesabına artırsa, bu,
genişləndirilmiş cərrahi əməliy-
yat adlanır (baş-boynun bədxassəli şişləri zamanı boyun limfa düyünlərindən
əlavə körpücüküstü, paratraxeal, yuxarı divararalığı limfa düyünlərinin çıxarıl-
ması). Əgər tək şişlə zədələnmiş orqan deyil, həm də şişin
sirayət etdiyi digər
orqan və ya onun bir hissəsi də çıxarılırsa, (qırtlaq xərçəngi zamanı larin-
qektomiya və udlağın sirkulyar rezeksiyası, dilin xərçəngi zamanı dilin subtotal
rezeksiyası və ağız dibinin və çənənin rezeksiyası) buna
kombinəolunmuş
əməliyyat deyilir.
Palliativ cərrahi əməliyyatlar şişin qeyri-rezektabel regionar metastazları
və/və ya uzaq metastazları olan xəstələrdə aparılan palliativ rezeksiyalardır.
Palliativ cərrahi əməliyyatlar iki tip olur. Birinci tip palliativ əməliyyatlara
göstəriş şüa və/və ya kimyəvi müalicəyə həssas şişlərdir. Bu zaman birincili şiş
və imkan olarsa onun metastazlarının tam və ya mümkün maksimal kütləsi
çıxarılır ki, bu da qalıq şişə və ya qeyri-rezektabel metastazlara konservativ
müalicə metodlarının təsir effekti şansını artırır. Belə ki, qalıq şişin
həcmi nə
qədər kiçik olarsa, onun radio və kimyəvi həssaslığı da bir o qədər çox olar. Bu
tip palliativ əməliyyatlar
sitoreduktiv əməliyyatlar adlanır və kompleks
müalicənin komponenti kimi qəbul edilir. Sitoreduktiv əməliyyatlardan qalxa-
nabənzər vəzin və yumurtalıqların xərçəngində, xayanın seminomasında, süd
vəzisinin xərçəngində, yumşaq toxumaların sarkomalarında və s.
istifadə olu-
nur. Palliativ cərrahi əməliyyatların ikinci tipi bədxassəli şişi olan xəstələrdə
şişin proqressiyası ilə əlaqədar əmələ gəlmiş həyati vacib ağırlaşmaların (qa-
naxma, keçməməzlik, stenoz və s.) müalicəsi və daha çox profilaktikası məq-
sədi ilə istifadə olunur. Belə ki, fərdi əsaslandırılmış situasiyalarda qeyri re-
zektabel regionar metastazlar və uzaq metastazlar olduqda müəyyən lokaliza-
siyalı bədxassəli şişlərdə (mədə, ağciyər, yoğun bağırsaq və s.)
palliativ re-
zeksiyalar simptomatik əməliyyatlara nisbətən özünü daha çox doğruldur.
Simptomatik cərrahi əməliyyatlar zamanı şişə bilavasitə təsir edilmir.
Bu əməliyyatlar yayılmış şiş prosesinin xəstənin həyat üçün verdiyi hər hansı
bir ağırlaşmanın (simptom və ya sindrom) aradan qaldırılmasına yönəldilmişdir