_____________Milli Kitabxana_____________
42
6) Verilənlərin analizi. Burada aşağı, orta və yuxarı siniflərin
xüsusiyyətlərini nəzərə alaraq stoxastika, kombinatorika, informatika və onların
tətbiqlərinin öyrənilməsi nəzərdə tutulur.
7) Riyaziyyatın ümumtəhsil funksiyasına diqqətin artırılması, habelə
proqram və dərsliklərin variantlığı şəraitində kursun qurulmasına yanaşmada
çoxcəhətlilik fənlərarası əlaqəyə baxış nöqteyi-nəzərdən köklü şəkildə dəyişir.
Ümumiyyətlə, bir sıra hallarda riyaziyyat biliklərin mənbəyi deyil, təbiətşünaslıq
və başqa fənlərin öyrənilməsi zamanı formalaşmış məlumatlara əsaslanan sahələrin
tələbi olmalıdır. Həqiqi aləmin və onun qanunauyğunluqlarının təcrübi dərk edil-
məsi uyğun riyazi aparatın yaranması, habelə onun tətbiqləri üçün bünövrə ola
bilər. Məsələn, fizikanın verdiyi məlumatlar bunlardan əlavə riyaziyyatın yaran-
ması və inkişafının tarixi prosesini əks edir. Analoji vəziyyət coğrafiyada da vardır.
Burada şagirdlər tənasüb və oxşarlıq anlayışlarını öyrənənə qədər miqyasla, hətta
ümumiyyətlə məktəb riyaziyyatında öyrənilməyən sferik koordinatlarla tanış
olurlar. Riyaziyyat tədrisinin məzmununa stoxastika elementlərinin, xüsusən
ehtimalın diskret modellərdə baza komponenti kimi kombinatorikanın daxil
edilməsi ilə əlaqədar fənlərarası əlaqənin yeni mühüm cəhətləri yaranır. Bu təkcə
fizikada statistik nəzəriyyəni və biologiyada genetikanın öyrənilməsi üçün yeni
aşkar imkanlar yaratmaq deyil, daha mühüm riyaziyyatla humanitar fənlər arasında
qarşılıqlı əlaqə problemini qoyur.
8) Fənlərarası əlaqə planında riyazi dilin real dillə müqayisəli öyrənilməsi
olduqca faydalıdır. Savadlı riyazi dil, aydın təfəkkür, düzgün ümumiləşdirmələr,
cümlənin mahiyyətini, cümlələr arasındakı məntiqi əlaqəni başa düşmək, təbii dilə
sahib olmağa genişləndirilir. Bununla da idrak prosesi, xüsusən təfəkkür, o cümlə-
dən ümumiləşdirmə qabiliyyəti düzgün formalaşır və inkişaf edir. Eyni zamanda
təbii (ana dili və xarici) və riyazi dillər qarşılıqlı inkişaf edir.
5. Riyazi təhsilin quruluşu. Bu məsələ də şagirdlərin ümumiləşdirmə
qabiliyyətinin inkişafı üçün müəllim tərəfindən düzgün müəyyənləşdirilməlidir.
1) Riyaziyyatın ümumtəhsil və ixtisaslaşdırma funksiyalarına metodoloji
səviyyədə düşünülmüş və dəqiq bölünməsi müxtəlif yaş mərhələlərində fərqli
_____________Milli Kitabxana_____________
43
şəkildə reallaşdırılır. Riyaziyyatın ibtidai siniflərdə tədrisi ümumtəhsil xarakter-
lidir. Bu zaman təkcə riyaziyyata meyl yaratmaq nəzərdə tutulmur (lakin riyazi
dərnəklər, maraq kursları xüsusi rol oynaya bilər). Son nəticədə, riyaziyyatın
dərindən öyrənilməsi sisteminə gələcək kontingentləri hazırlamaq nəzərdə tutulur.
Təlimin bu mərhələsində heç bir profil diferensiallaşma ola bilməz, yalnız səviyyə
diferensiallaşması vasitəsilə riyazi hazırlıqdan danışmaq olar.
2) Riyaziyyata əsaslı maraq 14-15 yaşda formalaşdırılır. Odur ki, əsas
məktəbin VIII-X siniflərində profil diferensiallaşmasının başlanması lazım gəlir.
Ümumtəhsil kursunun “gövdə”-sindən riyaziyyatın dərindən öyrənilmələri budaq-
lanır ki, bununla riyaziyyat kursu ixtisaslaşdırmaya çevrilir. Konsepsiyaya uyğun
olaraq VIII sinifdə riyaziyyatın dərindən öyrənilməsi sisteminə şagirdlərin seçilmə-
sinin düzgünlüyünü yoxlamaq imkanı verildiyindən, istiqamətləndirici mərhələ
kimi baxılır. Odur ki, bu sinifdə kursun ixtisaslaşdırma xarakteri riyaziyyatın
ümumtəhsil funksiyasına kəskin zidd olmamalıdır. Bu onu göstərir ki, təhsilin
məzmununun genişlənməsi baş verir. Dərinləşmə maraq kursları və əvvəllər
deyildiyi kimi fakültətiv məşğələlərin hesabına olar. IX-X siniflərdə təlim artıq iki
istiqamətdə aparıla bilər – ümumtəhsil və ixtisaslaşdırma, bu da bu mərhələdə
təlimin profil diferensiallaşdırılmasının həyata keçirildiyini deməyə imkan verir.
3) yuxarı siniflərdə tam profilləşmə olur. Bu o deməkdir ki, yaranmış
təcrübənin göstərdiyi kimi, sayı kifayət qədər çox olan, hər bir şagird konkret
profillərdən biri üzrə təhsil alır (sayın çoxluğu profillərə də aiddir). Riyaziyyatın
tədrisi nöqteyi nəzərdən kifayət qədər müxtəlif olan bütün profillər, burada
riyaziyyatın nə dərəcədə rol oynamasından asılı olaraq, üç istiqamətdə birləşdirilir:
ümumtəhsil, ümumelmi və riyazi. Bu istiqamətlərin hər birində riyaziyyat kursu
əsas məktəbin ümumtəhsil kursuna əsaslanır. Bu meyllər hər şeydən əvvəl şagird-
lərdə öz qüvvəsini, bu gec də yarana bilər, riyaziyyat sahəsinə yönəltmək imkanı
verməyi nəzərdə tutur.
4) Ümumtəhsil istiqaməti üçün, hər şeydən əvvəl praqmatik məqsədə tabe
olan və funksional savadın yüksəldilməsinə yönəldilən, ümumi kurs təklif edilir.
Bu kurs şagirdləri ali məktəbdə riyaziyyatla əlaqədar olan ixtisaslarda təhsillərini
_____________Milli Kitabxana_____________
44
davam etdirməyə hazırlamaq məqsədi daşımır, onlar riyaziyyatdan qəbul imtahan-
larına hazırlaşmır. Lakin Azərbaycanda belə hazırlıq da olmalıdır. Ümumi kursu,
məsələn, dillə, incəsənətlə, bədii yaradıcılıqla, sport ilə maraqlananlar seçə bilər.
Humanitar sahəyə gedən şagirdlər öz işlərində lazım olan səviyyədə riyaziyyatı
öyrənirlər.
5) Ümumelmi istiqamət üçün təbiət və humanitar elmlər sahəsində riyaziləş-
dirmə proseslərinin xüsusiyyətindən asılı olaraq iki variantda göstərilə bilən
riyaziyyatın xüsusi kursu təklif edilir. Təbiət elmlərində hazırda real proseslərin
miqdar şərhi və uyğun miqdar modeli mühüm yer tutur ki, bunların tədqiqində
riyazi analizin başlanğıcı, stoxastika ilə birlikdə riyaziyyatın ənənəvi bölmələri
lazımdır.
Humanitar elmlərdə isə daha çox struktur modellərin əhəmiyyəti vardır.
Bunların isə qurulmasında və araşdırılmasında riyaziyyatın daha müasir və hazırki
məktəb riyaziyyatından olduqca uzaq, hər şeydən əvvəl diskret riyaziyyat sahəsini
cəlb etmək tələb olunur.
Konsepsiyada ümumi elmi istiqamətli ayrı-ayrı iki kurs yaradılmasına
alternativ olaraq, kifayət qədər əlavə modullarla təmin olunmuş, bir kursun olması
da nəzərdə tutulur ki, bu təkcə bir blokun xüsusiyyətini deyil, təlimin konkret
profilini də nəzərdə tutur.
6) Təlimin məxsusi riyazi, fiziki-riyazi və ya “informatik” profillərini təmin
edən dərinləşdirilmiş kurs riyazi istiqamət üçün nəzərdə tutulmuşdur. Bu istiqamət
üzrə təkcə şagirdləri riyaziyyatın yüksək səviyyədə mənimsənilməsini tələb edən
ali məktəbə daxil olmağa hazırlamaq deyil, habelə uyğun ali məktəbdə təhsillərini
müvəffəqiyyətlə davam etməsini təmin etməlidir. Riyaziyyatın bu təmayüllərdə
öyrənilməsi nümunəsi Rusiyada və ölkəmizdə bir neçə onilliklərdə mövcud olan
dərinləşdirilmiş öyrənmə sistemidir. Bunlar riyaziyyat təmayüllü siniflər və mək-
təblərdir. Məhz ümumielmi və riyazi profilli şagirdlər gələcəkdə elmi, texniki,
texnoloji, Azərbaycanda cəmiyyətin sosial tərəqqisini təmin edən kadr potensialını
təşkil edəcəkdir. Odur ki, onların hazırlığı dünyəvi səviyyədən aşağı olmamalıdır.
Ölkəmizdə aparılan təhsil islahatının tələblərini əsas tutaraq riyazi təhsilin
Dostları ilə paylaş: |