Otuz üçüncü fəsil
PREZİDENT SEÇKİLƏRİNİN NƏTİCƏLƏRİ
M a d d ə 2 0 3 . Prezident seçkilərinin nəticələrinin müəyyən edilməsi
203.1. Mərkəzi Seçki Komissiyası səsvermə günündən başlayaraq 10 gündən gec olmayan müddətdə
Prezident seçkilərinə yekun vurur və nəticələrini təsdiq olunmaq üçün Konstitusiyanın 102-ci maddəsinə
uyğun olaraq Azərbaycan Respublikasının Konstitusiya Məhkəməsinə təqdim edir. Konstitusiya
Məhkəməsinin bu haqda qərarı qətidir.
163
203.2. Mərkəzi Seçki Komissiyasının protokoluna dairə seçki komissiyalarının məlumatlarını əks
etdirən ümumi cədvəl əlavə edilir.
203.3. Mərkəzi Seçki Komissiyası dairə seçki komissiyalarından daxil olmuş səsvermənin nəticələri
haqqında protokollar əsasında bu Məcəllənin 108-ci maddəsində göstərilənlərə əlavə olaraq, səsvermənin
keçirilməsi zamanı və ya səsvermənin nəticələrinin müəyyənləşdirilməsi zamanı yol verilən qanun
pozuntularının seçicilərin iradəsini müəyyənləşdirməyə imkan vermədiyi seçki dairələrinin sayını,
səsvermənin nəticələri etibarsız sayılmış seçki məntəqələrinin sayını, hər bir prezidentliyə namizədin
lehinə verilmiş səslərin sayını müəyyən edir.
203.4. Konstitusiyanın 101-ci maddəsinin II hissəsinə əsasən, prezidentliyə namizədə səsvermədə
iştirak etmiş seçicilərin yarısından çoxu səs verdikdə, o, Azərbaycan Respublikasının Prezidenti seçilmiş
sayılır.
203.5. Prezident seçkilərinin nəticələri haqqında protokol imzalandıqdan sonra 24 saat müddətində
dərc edilir.
M a d d ə 2 0 4 . Prezident seçkilərinin nəticələrinin etibarsız sayılması
204.1. Mərkəzi Seçki Komissiyası aşağıdakı hallarda Prezident seçkilərinin nəticələrini etibarsız
sayır:
204.1.1. seçki məntəqələrinin 2/5 hissəsindən çoxunda səsvermənin nəticələri etibarsız sayıldıqda və
ya ləğv edildikdə, o şərtlə ki, həmin seçki məntəqələrində qeydə alınmış seçicilərin sayı seçki dairəsi üzrə
qeydə alınmış seçicilərin ümumi sayının 1/4-dən çoxunu təşkil etsin.;
164
204.1.2. məhkəmənin qərarı əsasında.
M a d d ə 2 0 5 . Prezident seçkiləri zamanı təkrar səsvermə
205.1. Seçki bülleteninə prezidentliyə namizəd kimi ikidən çox şəxs daxil edilibsə və onlardan heç
biri seçilməyibsə, Mərkəzi Seçki Komissiyası seçkilərdə daha çox səs toplamış iki namizəd üzrə təkrar
səsvermə təyin edir.
205.2. Konstitusiyanın 101-ci maddəsinin III hissəsinə uyğun olaraq təkrar səsvermə ümumi
seçkilərdə səsvermə günündən sonra ikinci bazar günü keçirilir.
205.3. Təkrar səsvermə keçirilməsi haqqında məlumat Mərkəzi Seçki Komissiyası müvafiq qərar
qəbul etdikdən sonra ən geci 2 gün müddətində kütləvi informasiya vasitələrində dərc olunur.
205.4. Konstitusiyanın 101-ci maddəsinin IV hissəsinə uyğun olaraq təkrar səsvermədə seçkilərdə
iştirak edən seçicilərin çoxunun səsini toplayan namizəd Azərbaycan Respublikasının Prezidenti seçilmiş
sayılır.
M a d d ə 2 0 6 . Təkrar Prezident seçkiləri
Prezident seçkilərinin nəticələri Konstitusiya Məhkəməsi tərəfindən etibarsız hesab edilərsə və
Azərbaycan Respublikasının Prezidenti seçilməzsə, Mərkəzi Seçki Komissiyasının qərarı ilə təkrar
Prezident seçkiləri təyin edilir.
M a d d ə 2 0 7 . Növbədənkənar Prezident seçkiləri zamanı seçki hərəkətlərinin həyata
keçirilməsi
Növbədənkənar Prezident seçkiləri keçirilərsə, Mərkəzi Seçki Komissiyası növbədənkənar Prezident
seçkilərinin keçirilməsi haqqında qərarla birlikdə Konstitusiyanın 105-ci maddəsinin I hissəsində
göstərilən müddətə zəruri olan seçki hərəkətlərinin həyata keçirilməsi müddətlərini müəyyən edir və
cədvəl şəklində dərc edir. Bu məqsədlə bu Məcəllədə nəzərdə tutulan müddətlər ən çoxu 2 dəfə azaldıla
bilər.
M a d d ə 2 0 8 . Prezident seçkilərinin yekunlarının və səsvermənin nəticələrinin dərc
olunması
Prezident seçkilərinin yekunlarının və səsvermənin nəticələrinin dərc olunması qaydaları bu
Məcəllənin 109-cu maddəsi ilə müəyyən edilir.
M a d d ə 2 0 9 . Prezidentin öz vəzifəsinə başlaması
209.1. Konstitusiyanın 103-cü maddəsinə uyğun olaraq, Prezident seçilmiş şəxs Prezident seçkilərinin
yekunları haqqında məlumatın Konstitusiya Məhkəməsi tərəfindən rəsmi elan olunduğu gündən
başlayaraq 3 gün ərzində and içir.
209.2. And içdiyi gündən Azərbaycan Respublikasının Prezidenti 15000 manat (yeni manat
miqyasında) məbləğində aylıq vəzifə maaşı.
165
209.3. Fəaliyyətdə olan Azərbaycan Respublikasının Prezidenti öz vəzifələrini yeni seçilmiş
Azərbaycan Respublikası Prezidentinin öz vəzifəsinə başlamasına kimi həyata keçirir.
VII bölmə
BƏLƏDİYYƏ SEÇKİLƏRİ
Otuz dördüncü fəsil
BƏLƏDİYYƏ SEÇKİLƏRİNƏ AİD ÜMUMİ MÜDDƏALAR
M a d d ə 2 1 0 . Bələdiyyə seçkilərinin əsasları
210.1. Azərbaycan Respublikasında yerli özünüidarəni həyata keçirən bələdiyyələrin üzvləri nisbi
çoxluq sistemi əsasında çoxmandatlı seçki dairələri üzrə seçilirlər.
210.2. Seçki əraziləri üzrə aşağıdakı sayda bələdiyyə üzvləri seçilir:
210.2.1. əhalisi 500-dən az olan ərazilərdə — 5 bələdiyyə üzvü;
210.2.2. əhalisi 500-dən 999-dək olan ərazilərdə — 7 bələdiyyə üzvü;
210.2.3. əhalisi 1000-dən 4.999-dək olan ərazilərdə — 9 bələdiyyə üzvü ;
210.2.4. əhalisi 5000-dən 9.999-dək olan ərazilərdə — 11 bələdiyyə üzvü;
210.2.5. əhalisi 10000-dən 19.999-dək olan ərazilərdə — 13 bələdiyyə üzvü;
210.2.6. əhalisi 20000-dən 49.999-dək olan ərazilərdə — 15 bələdiyyə üzvü;
210.2.7. əhalisi 50000-dən 99.999-dək olan ərazilərdə — 17 bələdiyyə üzvü;
210.2.8. əhalisi 100000-dən 299.999-dək olan ərazilərdə — 19 bələdiyyə üzvü.
M a d d ə 2 1 1 . Bələdiyyələrin səlahiyyət müddəti
211.1. Bələdiyyələrin səlahiyyət müddəti 5 ildir.
211.2. Bələdiyyələrin səlahiyyət müddətinin hesablanması səsvermənin keçirildiyi gündən başlanır və
yeni seçilən bələdiyyələrin birinci iclas günü başa çatır.
211.3. Bələdiyyə üzvlərinin səlahiyyətləri yalnız bələdiyyənin səlahiyyət müddətində qüvvədədir.
211.4. Ölkə üzrə bələdiyyə seçkilərinin keçirilməsinə 6 aydan az müddət qalarsa, bu Məcəllənin
243.0.2-ci maddəsində nəzərdə tutulmuş hallarda, habelə yeni yaradılmış, birləşmiş, ayrılmış, yaxud
vaxtından əvvəl buraxılmış bələdiyyələrə seçkilər ölkə üzrə bələdiyyələrə seçkilər zamanı keçirilir.
166
Dostları ilə paylaş: |