21
anamnez
fiziki müayinənin məlumatları
rentgen müayinəsinin protokolu
qanın laxtalanmasının müayinəsi
rəngli fotoşəkillər
bacı və qardaşların müayinəsinin məlumatları
rəsmi tibbi rəy
zərərçəkənin davranışının xüsusiyyətləri
zərərçəkənin emosional vəziyyəti
uşağın inkişafının qiymətləndirilməsi
Fiziki zədələr
Qançırlar. Zorakılığa məruz qalan uşaqların 90%-də müşahidə
olunur. Bunlar qan damarları zədələndikdə qan dəri səthinə və
dərialtı toxumalara sızanda əmələ gəlir. Qan-damar sisteminin ciddi
xəstəlikləri istisna olmaqla, qansızmanın səbəbi travma olur.
Müxtəlif qançır növləri müşahidə oluna bilər:
əl izləri
əşya, məsələn, qayış, toqqa, qaytan izləri
itələmək, atmaq, ilişmək nəticəsində alınmış qançırlar
uşağı yırğalayaraq küt əşyaya vurmaq
dişlənmək: insan dişlərinin izləri ellips şəklində qalır,
qançırlar xasdır
naməlum mənşəli izlər
təpik izləri
yanıq izləri (siqaretlə, ütü ilə yandırma)
Zədələrin yaranma müddəti (təxminən)
Müddət
Rəngi
0-48 saat
şişkin, yumşaq, qırmızı
2-3 gün
bənövşəyi/sarı
4-7 gün
sarı/qəhvəyi
>7 gün
qəhvəyi/solur
22
Qançırların diferensial diaqnostikası:
bədbəxt hadisə
boya, mürəkkəb
Daun sindromu zamanı mavi ləkə
qan-damar xəstəlikləri (idiopatik trombositopenik purpura,
hemofiliya)
kapillyar hemangioması
Yanıqlar
Zədə növləri:
qısa müddətdə zorla hər hansı bir kimyəvi məhlula basmaqla
yanıq
qida yanığı
kontakt yanığı
siqaret yanığı
od, aşındırıcı maddə və ya elektrik yanığı
Müxtəlif travmaların xüsusiyyətləri
Məhlulla
yanıq
Mərkəzdə maksimal dərəcədə dərin olmaqla, sıxlığı zədə
dərəcəsindən asılı olaraq dəyişir. Forması məhlula basılması, onun
sıçradılması və üstünə tökülməsi barədə xəbər verir. Zədənin
qıraqları düzdür. Qabıq və qasnaq, suluqlar, nəmlik olur.
Kontakt
yanığı
Forması əşyanın formasına bənzəyir. Dəqiq çevrələnmiş sahələr.
Kvadrat və düz qıraqlar. Dərinliyi dəyişkən, adətən eynidir.
Qurudur və qabıq verir.
Siqaret
yanığı
Dairəvi, 0,5-1 sm, bərk konsistensiyalı, krater formasında,
basılmış, nazik, dairəvi çapıq izi qoyan. Bədbəxt hadisə zamanı
qeyri-dairəvi səthi, toxunan kontakt nəticəsində “quyruqlu” olur.
Od yanığı
Kömürləşmiş toxumalar. Yanmış saçlar.
Kimyəvi
yanıq
Məhlulla yanıqda olduğu kimi ləkələr, toxumaların dərin
zədələnmələri ilə müşayiət edilir.
Sürtünmə
Bədənin qabağa çıxan hissələrinin səthində, burunda, alında,
çiyinlərdə zədələr.
Yanıqların diferensial diaqnostikası:
İmpetigo
Ağır ekzema və ya səpgi/bişmələr
Kontakt dermatiti
Göyərmiş əl-ayaq (akrosianoz)
23
Sınıqlar – travmaların nəticəsi olaraq çox ağrılıdır, hərəkət
funksiyalarının itirilməsinə gətirib çıxarır. Çox vaxt sınıq yerində şiş
əmələ gəlir, lakin qançır olmaya da bilər. Bəzi qeyri-adi sınıqlar
bədbəxt hadisələr nəticəsində də ola bilər (qabırğa, kürək, döş
sümüyü, kəllədə geniş, mürəkkəb çatlaqlar, çoxsaylı sınıqlar). Əl-
ayaqların sınıqları mümkün ola bilən zorakılıq nəticəsi kimi diqqətlə
müayinə edilməlidir:
Çiyin sümüyünün spiral/əyri və ya metafizar sınıqları
Ombanın sümük və ya metafizar sınıqları (xüsusilə də 2
yaşdan az uşaqlarda)
Baldırın sümük və ya metafizar sınıqları
Sınıqların diferensial diaqnostikası:
bədbəxt hadisə nəticəsində əmələ gələn
zorakılıq nəticəsində əmələ gələn
doğuş travması
natamam osteogenez (inkişaf qüsuru)
osteomielit nəticəsində əmələ gələn
raxit nəticəsində əmələ gələn
Kəllədaxili travma
Beyin travması həyatın ilk ilində baş verən zorakılıq qurbanları
olan uşaqların daha çox rast gəlinən ölüm səbəblərindən biridir.
Beyin travması, adətən əhəmiyyətsiz yıxılmalardan sonra baş vermir
və hətta nərdivandan yıxılmanın kəllə çatları və ya serebral
kontuziyalarla nəticələnməsi şübhəlidir. Zorakılıq səbəbindən baş
verən kəllədaxili travmanın mexanizmi, adətən silkələnmə və
zərbələrdir. Bu da kəllə çatları, travmatik beyindaxili hematomalar
və gözün tor qişasının zədələnməsi ilə müşayiət edilə bilər. Çatlar bir
və ya çoxsaylı, təzə və sağalan ola bilər. Beyindaxili hematomalar
intensivliyi müxtəlif ola bilən kəllə-beyin travmaları zamanı baş verə
bilər. Onların klinik təzahürləri müxtəlifdir və yerləşməsindən,
həcmindən, qanaxma mənbəyindən və kompressiya sindromunun
inkişaf sürətindən asılıdır.
Daha xarakterik klinik əlamətlər şüurun 3 fazalı dəyişikliyidir:
travma baş verdiyi anda ilkin özündəngetmə, sonra ayıq vaxt, daha
24
sonra ikinci dəfə özündəngetmə. İlkin özündəngetmə həm
qısamüddətli, həm də uzunmüddətli (bir neçə dəqiqədən bir neçə
günədək) ola bilər. Ayıq vaxt ayılmaqla xarakterizə olunur, bu zaman
xəstələr artan baş ağrılarından şikayət edir, bəzən dəfələrlə baş verən,
rahatlıq gətirməyən qusma ilə müşayiət olunurlar. Çox vaxt
psixomotor həyəcan, nevroloji simptomatika əmələ gəlir.
Adətən ayıq vaxt 1-2 həftə davam edir. Bu müddətdə xəstələrin
vəziyyəti, adətən qorxu yaratmır. Onların şikayətləri zəif baş ağrıları,
başgicəllənmələr, ümumi halsızlıq, yuxu pozuntularından ibarət olur.
Sonra vəziyyət tədricən, ya da qəfil pisləşir. Ocaqlı simptomatikanın
yaranması, hərəkət və hissiyyat sistemlərinin zədələnməsi diqqəti
cəlb edir. Diaqnostika təfsilatla toplanmış klinik, laborator,
rentgenoloji tədqiqat üsulları, maqnit-rezonans tomoqrafiya
anamnezinə əsaslanır.
Abdominal travmalar
Abdominal travmalar adətən ciddi zorakılıq əlamətləri
kontekstində baxılır. Bəzən bunlar yalnız uşağın vəziyyətinin
pisləşməsi baş verdikdə aşkarlanır və ağır nəticələrə gətirib çıxara
bilər. Digər hallarda uşaq “kəskin qarın” əlamətləri ilə müraciət
edilir. Zədənin məhz travma nəticəsində baş verməsi bu vəziyyətin
müayinəsi və ya laparotomiya zamanı dəqiqləşdirilir. Travma zərbə
və ya itələmə (sıxılma), təzyiq və ya silkələmə ilə törədilir.
Travmanın növləri:
perforasiya
qanaxmalar
parçalanma,
kontuziya
hematoma
Klinik təzahürlər zədənin xüsusiyyətlərindən asılıdır.
Parenximatoz orqanının travmasından sonra qanaxma əlamətləri
aşkarlanır. Ağır qanaxma zamanı uşağın vəziyyəti kəskin pisləşir,
onun rəngi qaçır, dəri örtüklərinin sarılığı əmələ gəlir, nəbzi kəskin
tezləşir. Tədricən baş verən qanaxmalar zamanı qanaxma
simptomları elə də kəskin artmır: dəri örtükləri solur, qarın köpür,
cinsi orqanlar şişir. Palpasiya zamanı uşaq narahat olur. Perkussiya
ilə qarının aşağı yerlərində sərbəst məhlul müəyyənləşdirilir. Qanda
Dostları ilə paylaş: |