12
internet kimi müasir texnologiyalardan istifadə edərək
uşaqlarda virtual sekslə məşğul olmağa həvəs oyatmaq.
İqtisadi zorakılıq – zərərçəkmişin yaşayış vasitələrinə
çıxışlardan məhrum edilməsi və onun üzərində nəzarətdir. Bu,
gəlirlərin gizlədilməsi, ailə büdcəsinin xərclənməsi, maliyyə
məsələləri ilə bağlı qərarların müstəqil verilməsi, vəsaitlərin
xərclənməsinə ciddi nəzarətin olması deməkdir.
Zorakılığın bu növü qanun pozuntusu hesab edilmir, amma çox
təhlükəlidir. Çünki cəzadan yayınaraq psixoloji, fiziki və cinsi
zorakılıq etməyə şərait yaradır, həmçinin, qurban ona zərər vurandan
asılı olur.
Uşağın kommersiya və ya digər məqsədlə istismarı – zəif,
həssas vəziyyətlərdə, etibar etdikdə, təbəqələşmiş səlahiyyət zamanı
seksual, pul, sosial və ya siyasi fayda qazanmaq məqsədilə uşaq
əməyi də daxil olmaqla, uşağın hər hansı bir fəaliyyətdə istismarı. Bu
fəaliyyət uşağın fiziki və psixi sağlamlığına, təhsilinə, sosial-
emosional inkişafına zərər gətirir.
Hərbi əməliyyatlarda iştirak etmək üçün orduya cəlb edilən
uşaqlar da bu kateqoriyaya aiddirlər.
Etinasızlıq – qurbanın əsas ehtiyaclarının (qida, geyim, tibbi
yardım, təhsil və s.) ödənilməsinə laqeyd münasibətdir.
Bədbəxt hadisələrə, zəhərlənmələrə, həyat və sağlamlıq üçün
digər təhlükəli nəticələrə səbəb olan (məsələn, pedikulyoz, distrofiya
və s.) uşaqları nəzarətsiz qoyma halları etinasızlığın tipik
nümunəsidir.
Sosial zorakılıq – qurbanın təcavüzkar tərəfindən təcrid edilməsi
zorakılığın gec aşkar olunmasının ən vacib səbəbidir. Bu, təcavüzkar
tərəfindən qurbanın tədricən valideynləri, qohumları və dostlarından
başlayaraq, bütün sosial çevrəsi ilə əlaqələrinin tamamilə
kəsilməsində öz əksini tapır.
Ailə zorakılığı – ailənin bir üzvünün digər üzvünə qarşı qəsdən
edilmiş hərəkəti, ailə üzvünün qanuni hüquqlarını və azadlıqlarını
məhdudlaşdırırsa, ona fiziki və ya psixi-əzab verir və mənəvi ziyan
yetirirsə, bu halda ailənin həddi-buluğa çatmamış üzvünün fiziki və
şəxsi inkişafı üçün təhlükə yaranır.
13
Məktəbdə zorakılıq. Dünyanın bütün ölkələrində u şaqlar
məktəbdə kifayət qədər çox vaxt keçirirlər. BMT-nin 2006-cı ilin
uşaqlara qarşı zorakılıq haqqında məruzəsində oğlanlara nisbətən
qızlara qarşı münasibətdə incitmə, əziyyət vermə, sıxışdırma daha
çox qeyd edilir. Məktəblərdə baş verən zorakılıq hallarının 80%-i isə
12-16 yaş qrupunda baş verir. Hər 10 uşaqdan biri məktəbdə
zorakılığa məruz qalır.
Məktəblərdə fiziki cəzanın qadağan edilməsinə baxmayaraq
incitmə, sataşma, qrup şəklində hücumlar geniş yayılıb.
Adətən məktəbdə zorakılığa məruz qalmış uşaqlar təcavüzkardan
qorxduqları üçün və məktəb müəllimləri və müdiriyyəti tərəfindən
neqativ reaksiyalardan qorunmaq üçün belə hallar haqqında xəbər
vermək istəmir və ya çəkinirlər. Məktəb müəllimləri və müdiriyyət
zorakılıq probleminin və bədən cəzalarının mövcud olmasının
gizlədilməsində mühüm rol oynaya bilərlər.
Zorakılığın qurbanı istənilən hər bir uşaq ola bilər. Lakin əsasən
ya daha zəif və gücsüzü, ya da digərlərindən kəskin fərqlənəni (daha
ağıllı, böyük və ya kiçik, ləhcə ilə danışan, bəzi hərflərin
tələffüzündə çətinlik çəkən) seçirlər. Adətən məktəb zorakılığının
qurbanı aşağıdakı qrup uşaqlar olurlar:
fiziki məhdudiyyətləri olanlar (eynəkli, eşitmə qabiliyyətində
və hərəki problemləri olan)
xüsusi davranışa malik olanlar (qapalı və ya impulsiv uşaqlar)
xüsusi xarici görünüşə malik olanlar (kürən saçlı, çilli, əyri
ayaqlı, kök və ya çox arıq, başın, qulaqların xüsusi forması)
sosial bacarıqları inkişaf etməmiş uşaqlar
məktəb qorxusu olanlar
kollektivdə həyat təcrübəsi olmayanlar (ev uşaqları)
xəstəliklər (epilepsiya, tiklər və hiperkinezlər, kəkələmə,
enurez, danışma qabiliyyətinin pozulması və s.)
intellektin aşağı olması və qavrama çətinlikləri
Məktəbdə rast gəlinən zorakılıq halları:
ən çox rast gəlinən psixoloji zorakılıqdır: sözlə təhqir etmə,
alçaltma, o cümlədən qorxutma, hədələmə. Uşağı digərləri ilə
müqayisə edəndə, onun xarici görünüşünə rişxənd edəndə,
lağa qoyanda, küncə qoyanda, həmçinin uşağın fikirlərinə
14
kinayəli yanaşdıqda da şagird psixoloji zorakılığa məruz
qalmış olur
zorla, hədələməklə pul və əşyaların əlindən alınması
yuxarı sinif şagirdləri tərəfindən kiçik yaşlı uşaqların
istismarı, işlədilməsi
məktəbdə döyülmə. Bura müəllimlərin uşağı vurması
(həmçinin, göstərici çubuqla), qulağını burması, sillə çəkməsi
də aiddir.
cinsi zorakılıq (məktəbin əməkdaşları, yuxarı sinif şagirdləri
və s. tərəfindən)
Müəllimlər və həmyaşlıları tərəfindən təhqir olunan
uşaqların valideynlərinə tövsiyələr:
bu haqda vaxtında məlumat vermədiyinə və qarşısını almaq
üçün heç bir tədbir görmədiyinə görə uşağı danlamayın
uşaqla söhbət edib münasibətlərdə toqquşmanın, stressin,
gərginliyin mənbəyini təyin edin
uşağı inandırın ki, onu başa düşürsüz və ona inanırsınız
sinif rəhbərinə və məktəbin müdiriyyətinə məlumat verin
IV. Risk faktorları
ÜST tərəfindən uşaqlara qarşı zorakılığın risk faktorları müəyyən
edilmişdir:
► Uşaqla bağlı. Qeyd etmək vacibdir ki, uşaq zorakılığın
qurbanıdır və buna görə onu heç vaxt günahlandırmaq olmaz.
Uşağın bəzi fərdi xüsusiyyətləri onun qurban olması ehtimalını
artırır:
Xüsusi yaş dövründə olanlar (4 yaşadək uşaqlar,
yeniyetmələr), vaxtından əvvəl anadan olan, narahat və əsəbi,
hiperaktiv və impulsiv davranışı ilə fərqlənən uşaqlar
Arzuolunmayan və ya valideynlərin ümidlərini, etimadını
doğrultmayan uşaqlar
Xüsusi qayğıya ehtiyacları olan, ağlağan, fiziki və/və ya psixi
qüsuru olan uşaqlar
Əqli cəhətdən geri qalan uşaqlar arasında zorakılığa məruz
qalanların faizi daha çoxdur və 20-40% təşkil edir.
Dostları ilə paylaş: |