|
Ministry of education of azerbaijan republic sumgayit state universityBALETİN KEÇDİYİ TARİXİ İNKİŞAF YOLUmagistr2021 3 2 BALETİN KEÇDİYİ TARİXİ İNKİŞAF YOLU
Sadıqlı İ.Y.
Naxçıvan Dövlət Universteti
E-mail:
sadiqli.inci
@
mail.ru
Balet – musiqi, rəqs və səhnə hərəkətini cəmləşdirən musiqili teatr əsəridir. Rəqs tamaşaları hələ
qədim zamanlardan bəri (Misir, Hindistan, Çin) mövcud idi. O, uzun müddət musiqi ilə vəhdətdə
olmuşdur. Müasir Avropa baleti İntibah dövründə İtaliya və Avropada yaranmışdır. Müstəqil janr kimi balet
18-ci əsrdə formalaşmışdır. Baletdə rəqs vasitəsilə açılan müəyyən bir süjet vardır. Baletdə musiqi və
rəqslərdən başqa, pantomima jestlər və mimikadan ibarət olan lal aktyor oyunu böyük rol oynayır. Solo
rəqslər - variasiya və adajio adlanır, həmçinin, bu nömrələr ansambl rəqslərində də ola bilər. Solistlərlə
yanaşı, səhnə əsərində kütləvi səhnələr yaradan kordebalet də iştirk edir. XIX əsrdə balet sənətində üç
istiqamət mövcud idi: italyan, fransız və rus məktəbləri. O zaman fransız baletləri, ilk növbədə, A.Adan
və L.Delibin baletləri ən böyük bədii dəyərə malik idi. Rus baletinin çiçəklənmə dövrü isə XIX əsrin
əvvəllərinə təsadüf edir. P.Çaykovskini, haqlı olaraq, rus baletinin islahatçısı adlandırmaq olar. Onun
novatorluğu baletin simfonikləşdirilməsində özünü büruzə verdi. Bəstəkar partituranı, əvvəllər yalnız
instrumental və opera musiqisinə xas olan gərgin tematik inkişafla və vahidliklə zənginləşdirir. Bununla
belə, o, rəqs və rəqs hərəkətlərinə xas olan bütün səciyyəvi cəhətləri saxlamış, yəni baleti rəqs elementli
simfoniyaya çevirməmiş, operaya oxşatmamış və rəqs süitalarını, ənənəvi klassik baletin rəqslərini qoruyub
saxlamışdır. P.İ.Çaykovskisinin hər üç baleti – "Qu gölü", "Yatmış gözəl" və "Qozsındıran" (“Şelkunçik”)
fantastik dünya ilə bağlıdır. P.Çaykovski baletdə əfsanəviliyə, operada isə real həyatın təsvirinə üstünlük
verirdi. Amma buna baxmayaraq, bəstəkarın bütün baletlərində real və əfsanəvi-fantastik aləmlər bir-birinə
qarışır.
“Qozsındıran” («Şelkunçik») («şelk», "şaqqıltı" sözündən, yəni qoz-fındıqları sındıran) – Pyotr İlyiç
Çaykovski tərəfindən E.A.Qofmanın balaca qızcığaz Maşanın yuxuda gördüyü qəribə macəralarından bəhs
edən "Qozsındıran və siçanlar kralı" nağılının motivləri əsasında yazılan iki aktlı baletdir. Real həyat burada
uydurma və fantastika ilə uzlaşır. P.Çaykovskinin musiqisi uşaq həyəcanlarını səmimi və inandırıcı əks
|
|
|