açıqsöz
35
Kaşan əhalisi içərisındə mənim və Bikəxanımın qazandığı hörmət bu şəhərin dövlət idarə
başçılarının və tanınmış adamların qulağına çatmışdı. Tehrandan mənə gələn teleqramda Qəmsərə
həkim və səhiyyə işlərinə başçı olmaq təklif edilirdi. Kaşan çox isti və əqrəbli yer olduğundan mən
bu təklifı qəbul etmək istəyirdim, Bikəxanım da mənimlə həmfıkir idi. Lakin Kaşandakı dostlar və
idarə başçıları məni Kaşanda qalmaq üçün dilə tutdular və Kaşan səhiyyəsinə başçı təyin
olunmağım haqda Tehrana müraciət etdilər. Bu xəbəri eşidən doktor Mötəmədi dərhal Tehrana
teleqram vurub mənim dövlət əleyhinə olduğumu, kommunist fəaliyyətındə bulunduğumu və s
böhtanla dolu məlumat göndərdi. Yerli orqanlar onunla həmfikir olmadıqları üçün vurulmuş
teleqram bir fayda vermədi. Doktor Mötəmədi mərkəzə aparıldı, onun yerinə məni səhiyyə
şöbəsinin başçısı qoydular. Biz burada sürgündə olduğumuz üçün aylıq maaşlarımız ən aşağı
ölçüdə təyin edilmişdi. Mənim Kaşan səhiyyə işlərinə təyin olunmağımla 2ci oğlum Nikzadın
1313cü ildə (1934) dünyaya gəlməsi eyni günlərə təsadüf etdi.
Bikə xamımla öz sənətimiz üzrə bacardıqca yaxşı işləməyə və əhalinin daha çox hüsn rəğbətini
qazanmağa çalışırdıq. Kasan şəhər rəhbərliyinin xahışi, əsasında Tehran mənim səhiyyə işləri üzrə
məsulluğuma və Bikəxanımın mamaçılıq üzrə fəaliyyətinə icazə versə də, aldığımız məvacib xeyli
aşağı, tariflə verilirdı. Mən buna görə ruhdan duşmədım. Səhiyyə cəhətdən İranın geri qalmış
yerllərindən biri olan Kaşanda var qüvvə ilə çalışdım ki, az da olsa tibbi xidmətimin səviyyəsini
qaldırım. Bütün imkanlardan istifadə etməyə əl atdım. Əvvəlcə şəhridari rəisi ağaye
Etimaddövlənin vasitəsi ilə şəhridari büdcəsi hesabına beş çarpayılıq bir "mini xəstəxana" açmağa
müvəffəq oldum. Yerli 9 nəfər tacirdən topladığım ianələr hesabına xəstəxananın digər xərclərinə
vəsait ayırmaq mümkün oldu. O vaxt hər xəstənin yeməyinə 30 şahı kifayət edirdi. Mənim və
şəhridari rəisi Etimaddövlənin birgə səyi ilə xəstəxana üçün daha münasib yer aldıq. Tibbi
avadanlıq, alət və vasitələr əldə etmək üçün bütün imkanlardan istifadə olundu və nəticədə o dövr
üçün münasib tibb ocağı yaradıldı.
Mənim Kaşanda səhiyyə işlərinə məsul təyin edilməyimin bir xeyri də bu şəhərin tanınmış
ziyalıları, iş adamları ilə şəxsi və ailəvi tanışlığım oldu. Bu tanışlıq sonrakı illərdə də mənim bəzən
dadıma çatmış və mən də imkanım daxilində köməkliyimi heç vaxt onlardan əsirgəməmişəm.
Kaşanda işlədiyimiz müddətdə imkanı az, kasıb adamlara cüzi haqla və çox zaman məccanı xidmət
göstərməyimiz Bikəxanımla məni ictimaiyyət içərisində yaxşı mənada tanıtdırdı.
Kaşan sürgünündə işlərimizin tədricən yoluna düşdüyü, maddi vəziyyətimizin qismən düzəldiyi bir
açıqsöz
36
vaxtda şəhər polis idarəsinin rəisi və mənə pis munasibət bəsləməyən Yavər Vetkarın Kaşandan
başqa şəhərə işə göndərilməsi ailəmizi qayğılandırıb, narahat etdi. Axı mən siyasi əqidəmə görə
zindandan buraxılıb buraya təbid olunmuşdum. Hər addımımın ölçüldüyünü, hər sözümə fikir
verildiyini və izləndiyimi yaxşı bilirdim. Bu işlər hamısı mövcud qayda üzrə yerli polisə, ona
başçılıq edənə həvalə olunmuşdu. Polisə yeni rəis Yavər Teymuri adlı bir azərbaycanlı təyin
olunmuşdu. O ilk gündən mənimlə hörmətlə davranır, ürəyinin dərinliyində mənə sanki yazığı gəlir
və ailəmin ağır taleyinə təəssüflənirdi. Bu haqda mənə bir kəlmə deməsə də, onun baxışlarından,
davranış və münasibətindən bunu yaxşı anlayırdım. Dünya yaxşılardan xali olsaydı, nə qədər kasıb
və miskin görünərdi.
Xidmətimlə əlaqədar Tehrana yolum düşmüşdü. Köhnə dostum Əjdər Əlizadədən batareya ilə
işləyən bir radio aldım.
Lakin Kaşana dönərkən məlum oldu ki, siyasi adam olduğumdan radiodan istifadə üçün gərək
Tehrandakı siyasi idarədən icazə alam, bu isə mənə qarşı şübhəni yeniləşdirə bilərdi. Buna görə
radiodan istifadə etməkdən vaz keçdim.
Bikəxanımla Kaşanda sürgündə həkimlik ixtisası üzrə fəaliyyətimizi davam etdirib, maddi
vəziyyətimizi bir balaca yoluna qoyduğumuz bir vaxtda xəbər gəldi ki, onu valideynləri (Məşədi
Əliağa və Kübrə xanım) oğlanları Bəhmən, Cəmşid və qızı Məsumə ilə Şimali Azərbaycandan
İrana köçürülməyə məcbur ediliblər (Güney mənşəli olduqlarına görə). Bu əhvalat istəristəməz
bizim maddi vəziyyətimizə təsir göstərdi. Onlara hər cəhətdən köməklik etmək bizim borcumuz
idi. Məsumə xanım tibb üzrə ali təhsil almağına və institut qurtarmasına baxmayaraq, onun
həkimlik diplomu İranda bir müddət qəbul olunmadı. Bu hal 13171318ci (19371939) illərdə
Quzeydən İrana gələn adamlara daha çox şamil edildi.
13161318ci illərdə Quzey Azərbaycandan İrana köçürülən və burada "mühacir" adlandırılan
adamların ölkənin cənubuna, abhavası ağır olan yerlərə köçürülməsi haqda Riza şahın əmri
verilmişdi. "Mühacir" sözünün ortaya atılması rejimin düşünülmüş siyasəti idi. Bu ad altında
Azərbaycanda millətin vəhdətini pozmaq, ikitirəlik salmaq və bundan faydalanmaq məqsədi
güdülürdü. Həm Riza şah, həm də onun oğlu "mühacir" adından öz çirkin məqsədlərində kifayət
qədər ıstifadə etmişlər. "Gəlmə", "yerli" sözünü ortaya atıb və bunu millətin qafasına yeritməklə
Azərbaycan türklərinin arasında parçalanma salmağa nail olmuşlar. Qəsdən edilmiş bu fıtnəkarlıq
açıqsöz
37
Pəhləvi hakimiyyətinə çox vaxt gərək olmuşdur1. Mən və ailəm İran təbəəsi olan Azərbaycan
türklərinin sovet rəhbərliyi tərəfındən kütləvi sürgünündən çox əvvəl İrana gəldiyimizə görə
"mühacirlik" bizə şamil olunmurdu. Lakin Bikəxanımın valideynləri 30cu illərin sonunda İrana
gəldiyindən onlara şamil edilirdi ki, bu da ailəmiz üçün yeni problem yaradırdı. Mən bir qədər pul
və bir qədər də dövlət idarələrində qohumları işləyən dosttanışın köməyi ilə Bikəxanımın
valideynlərinin adının sürgünə göndərilməyə hazırlaşan mühacirlər siyahısından çıxarmağa
müvəffəq oldum.
PİŞƏVƏRİ KAŞANDA
Artıq 2ci Cahan müharibəsi başlamışdı. İranın daxili siyasi vəziyyəti hiss olunacaq qədər
kəskinləşib mürəkkəbləşirdi. Məhbəslərdəki siyasi məhbusların sayı artır, "şübhəlilər"in həbsə
alınması çoxalırdı. Riza şah diktaturası daha da amansızlaşmışdı. Belə bir şəraitdə Qəsr Qacarda
məhbusluq müddətini başa vurmuş siyasi şəxslərin tam azadlığından söz belə gedə bilməzdi.
1320ci ilin əvvəllərində (1941ci il mart) S.C.Pişəvəri, Məmi Nünəkərani (Dehqan) və bir neçə
nəfər mənim yaxşı tanıdığım Qəsr Qacardakı zindan yoldaşlarım həbs müddətlərini qurtardıqlarına
görə onlar da Kaşana sürgün edilmişdilər. Zindan yoldaşlarımın Kaşana gəlməsi və onları
sağsalamat görməyim məni çox sevindirdi, həm də qayğılarımı artırdı. Axı onlar zindandan təzə
çıxmışdılar, mən isə artıq Kaşanda "sabiqəli" (stajlı) sürgündə idim, həm də keçən bir neçə ildə
burada xeyli adamla tanış olmuşdum, hətta bəziləri ilə ailə dostluğumuz da var idi. Mən Pişəvərini
və xanımını bir müddət evimizdə saxladım. Pişəvəri bir yerdə olmağımıza siyasi rəng verilə
biləcəyi ehtimalını ortaya gətirdi və onlara başqa yerdə ev kirayə etdik. Mənim zindandan çıxmış
yoldaşlarımla görüş və söhbətlərim, demək olar ki, məxfi olurdu, çünki bizi burada da izləyirdilər.
Pişəvəriyə bir əttar, Mərəndi familiyalı başqa bir dostuma baqqal dükanı açmaqda köməklik etdim.
Əslində bu dükanlar Kaşandakı azadixahların görüş və məşvərət yeri idi. Kaşanda olarkən Pişəvəri
beynəlxalq vəziyyət, İranın daxili siyasi durumu, biz azadixahların vəzifəsi haqda, demək olar ki,
hər gün söhbət edir, mülahizə və fikirlərini bizimlə bölüşdürürdü.
Kaşandakı günlərimizdə beynəlxalq vəziyyət haqda ən yaxşı məlumatı qonşum ağaye Cucani ilə (o
Dostları ilə paylaş: |