276
Beşinci fəsil
Azad mütaliə
“Nəsx”i inkar edənlərin iradları
Bu fəsildə “nəsx”i inkar edənlərin və ya şəriətdə “nəsx”in baş verdiyinə irad
tutanların başlıca iradlarını nəzərinizə çatdıracağıq.
Birinci irad: Şəri qanunlarda “nəsx”, əvvəlcədən məlum olmayan bir məslə-
hətin, xeyirin məlum olması və yeni qərarın, rəyin ortaya çıxmasıdır ki, bu da
Mütəal Allah barəsində təsəvvürolunmazdır. Çünki Allahın elmi əzəlidir, Onun
elmində dəyişilmə və yeni qərarın, rəyin ortaya çıxması qəbulolunmazdır.
Cavab: Onlar
elə güman etmişlər ki, şəri qanunlarda “nəsx”, nəsxin həqiqi
mənasındadır. Halbuki, bir qədər əvvəldə izah etdik ki, şəri qanunlarda “nəsx”,
məcazi və zahiri mənadadır.
İkinci irad: Qurani-Kərimdə mənsux ayələrin olması mükəlləfləri (yəni üzərinə
şəri vəzifələr düşən fərdlər) səhvə sala bilər. Çünki onlar bu ayələri “möhkəm
ayələr” hesab edib ona əməl edə və ya onun mənasını qəbul edə bilərlər. Bu
məsələ səhvə, yanlışlığa salmaqdır və Mütəal Allah barədə təsəvvürolunmazdır.
Cavab: Qeyd etdik ki, əvvəlki şəri hökmün sonrakı şəri
hökm vasitəsilə
“nəsx” olunması, hansısa bir məsləhət əsasındadır. Mükəlləflər bilirlər ki, Qurani-
Kərimdə “nasix və mənsux”, “ümum və xas”, “mütləq və müqəyyəd”, “möhkəm
və mütəşabih” ayələr vardır. Ona görə də, bir ayəni götürüb, onun hansı ayələr
qismindən olduğunu araşdırmamış ona əməl etməkdə tələsməməlidirlər. Elə
bu səbəbdəndir ki, Həzrət Əli (ə) qazidən soruşur: “İndi
ki sən fətva verirsən,
Quranın nasix və mənsuxunu tanıyırsanmı?”
Üçüncü irad: Qurani-Kərimdə “nasix və mənsux” ayələrin olduğunu qəbul
etmək Quran ayələri arasında ziddiyyəti qəbul etməyi tələb edir. Bu isə Allahın
aşağıdakı kəlamına ziddir:
.ﺍًﺮﻴِﺜَﻛ ﺎًﻓ َﻼِﺘ ْﺧﺍ ِﻪﻴِﻓ ﺍﻭُﺪَﺟَﻮَﻟ ِﷲ ِﺮْﻴَﻏ ِﺪﻨِﻋ ْﻦِﻣ َﻥﺎَﻛ ْﻮَﻟ َﻭ َﻥﺍَءْﺮُﻘْﻟﺍ َﻥﻭُﺮﱠﺑَﺪَﺘَﻳ َﻼَﻓَﺃ
“Məgər onlar bu Quran (onun ayələrinin mənası) barəsində düşünmürlər?
Əgər o, Allahdan qeyrisi tərəfindən olmuş olsaydı, şübhəsiz, onda çoxlu ziddiyyət
tapardılar.”
1
1
Nisa surəsi, ayə: 82.
277
Cavab: Yuxarıdakı ayədə sözükeçən “ziddiyyət”, həqiqi ziddiyyətdir. Lakin
“nasix və mənsux” ayələrdə mövcud olan ziddiyyət, ayələrin mənaları arasındakı
ziddiyyət deyildir. Məntiq alimləri “ziddiyyət və tənaquz” üçün “səkkiz vəhdət”i
şərt
hesab etmişlər, o cümlədən, “zaman vəhdəti” bu şərtlərdən biridir. Bu
“vəhdət”lərdən biri dəyşildiyi təqdirdə artıq ziddiyyət və tənaquz mövcud
olmayacaqdır. “Nasix və mənsux”da “zaman fərqliliyi”, bundan daha mühüm
“hökmün meyarının fərqliliyi” mövcuddur. Bu məsələlərə diqqət yetirdikdə aydın
olur ki, “nasix və mənsux” arasındakı ziddiyyət zahiridir.
Dördüncü irad: “Nəsx” olunan ayələri Quranda qeyd etməyin və yazmağın
faydası nədir? Hökmü aradan qaldırılmış ayələrin Quranda yazılmasında məqsəd,
illər və əsrlər boyu müsəlmanların və qarilərin bu ayələri oxumasıdırmı?
Cavab: Əgər Quran ayələrinin nazil olmasının faydası və hədəfi, təkcə şəriət
hökmünü çatdırmaq olsaydı, bu irad doğru ola bilərdi.
Lakin bilməlisiniz ki,
şəriət hökmünü çatdırmaq, Quran ayələrinin nazil olmasında nəzərdə tutulan
hədəflərdən biridir. Quranın çox ayələri, ümumiyyətlə şəriət hökmünü ehtiva etmir.
Quranşünaslar bu inancdadırlar ki, “ehkam ayələri” beş yüz ayədən artıq deyildir.
Quran ayələrinin nazil olmasında əsas hədəf, “bəşəri hidayət etmək”dir.
Bəzi ayələrdə bəyan olunan hökm aradan qaldırılsa da, lakin onun “möcüzəlik”
və “təhəddi” cəhəti qüvvədədir.
Səkkizinci fəsildə “nasix və mənsux” ayələri nəzərinizə çatdırdıqda görəcəksiniz
ki, mənsux ayələr nasix ayələrin mənasını başa düşməkdə çox böyük əhəmiyyətə
malikdir. Bir çox hallarda nasix ayənin hökmü dəqiqliklə mənsux
ayənin hökmü
əsasındadır. Odur ki, Quranda nasix ayənin qeyd olunması zəruridir. “Zinakar
qadının cəzası” və “nəcva” ayələrinə müraciət etdikdə, bu məsələ sizə aydın
olacaqdır.
Başqa bir mühüm məsələ də budur ki, Quranda mənsux ayələrin qeyd olunması
şəriət hökmlərinin keçdiyi mərhələləri, şəriət hökmlərinin nazil olduğu dövrdə
İslam ümmətinin qabilliyini göstərir.
Qurani-Kərimdə mənsux ayələrin qeyd olunmasının
başqa bir səbəbi də, bu
ayələri mədəni irs ünvanında qoruyub saxlamaqdır. Dünya xalqları öz mədəni
irsinin qorunmasına böyük əhəmiyyət verdikləri halda, ilahi vəhy, zahir və batini
nur olan Quran ayələrini qorumaq doğru olmazdımı?!
“Nəsx”in mümkünlüyünə və baş verdiyinə dair yəhudilər, məsihilər və
başqaları tərəfindən də bir sıra
iradlar tutulmuşdur ki, bu iradların əsassız olduğu
tam aydındır və biz onları burada qeyd etməkdən daşındıq.
1
1
Maraqlananlar müraciət edə bilərlər: “ət-Təmhid”, c.2, s.294-297; Dr. Mustafa Zeyd, “ən-Nəsxu fil-Quranil-
Kərim”, s.27-52. Təəssüflər olsun ki, bu tədqiqatçının şiənin “nəsx və bəda” məsələsi barədə inancı ilə
düzgün tanışlığı olmadığı üçün “nəsx və bəda”nı onun qəbulolunmaz mənasında şiəyə nisbət vermişdir.
Onun bu addımı tədqiqata deyil, sırf keçmiş alimlərin fikrini təqlid etməyə söykənmişdir.
278
Fəslin əsas mətləbləri:
1. “Nəsx”i inkar edənlər bir neçə məsələyə istinad etmişlər, o cümlədən:
a) Şəri hökmlərdə “nəsx” dedikdə, yeni qərarın və rəyin ortaya çıxması nəzərdə
tutulur. Bu isə Allah barədə təsəvvürolunmazdır.
b) Nəsx olunan ayələrin Quranda qeyd olunması (yazılması) müsəlmanları
səhvə salır.
c) Quranda “nasix və mənsux” ayələrin olması Quran ayələri arasında
ziddiyyəti tələb edir.
ç) Quranda mənsux ayələrin qeyd olunması faydasız bir işdir.
2. Yuxarıdakı iradlar “nəsx”in mənasını düzgün
başa düməmək və mənsux
ayələrin yazılıb saxlanılmasının fəlsəfəsini nəzərə almamaqdan irəli gəlir.