tivlərinin təşkilinə xüsusi fikir verilir. Naftalan şəhər orta
məktəbində təşkil edilmiş özfəaliyyət kollektivi şəhər
zəhmətkeşlərinin böyük hörmətini qazanmışdır. Onların
əməyə, Vətənə, sədaqətə həsr etdikləri mahnılar kənd
əməkçilərini çox sevindirmişdir. Özfəaliyyət kollektivinin
üzvlərindən Ədalət Paşayev, Həcər Məmmədova,
Məmməd Şahmuradov və başqalarının çıxışı kolxozçuların
dərin rəğbətinə səbəb olmuşdur. Məktəb partiya təşkilatının
katibi F.Əhmədova və məktəbin musiqi müəllimi M.
Məmmədov şagirdlərin estetik tərbiyəsi ilə yaxından məşğul
olurlar. Həmçinin məktəbin pedaqoji kollektivi və eləcə də
bütün kommunistləri təlim-tərbiyə ilə yanaşı olaraq,
yeniyetmələrin estetik tərbiyəsi məsələlərinə də ciddi fikir
verirlər. Ümu miyyətlə, məktəb kollektivi gənc bəstəkarların,
müğənnilərin, yüksək zövqlü insanların yetişməsi üçün
əlindən gələni əsirgəmir.
Lakin Qızılhacılı kənd orta məktəbində özfəaliyyət kollek-
tivinin təşkil edilməməsi kənd camaatını çox məyus etmiş -
dir. Axı, Qızılhacılı kənd orta və səkkizillik məktəblərində
onlarca istedadlı gənclər vardır. Onların meydana çıxması,
yetişməsi üçün birinci növbədə qayğı, həvəs lazımdır.
Görünür ki, məktəbin müdiriyyəti və partiya təşkilatı yeniyet -
mələrin estetik tərbiyəsini lazımınca qiymətləndirmirlər.
Bədii özfəaliyyət bizim ümumi mədəni işimizin bir
sahəsidir. Məktəblərdə özfəaliyyət kollektivlərinin fəaliy -
yətini təkcə musiqi müəllimlərinin üzərinə atmaq heç də
düzgün deyildir. Bu işin təşkilində bütün fənn müəllimləri
yaxından iştirak etməlidirlər. Rayon mədəniyyət evi nəzdində
Sahib Sailov
156
təşkil edilmiş özfəaliyyət kollektivinin üzvləri də məktəblərin
özfəaliyyət kollektivlərinə yaxından köməklik göstərirlər.
Burda aşıqlar ansamblı da yaradılmışdır. Bu kollektiv
respublikamızın baqşa rayonlarının əməkçiləri qarşısında da
geniş konsert proqramı ilə çıxış edirlər.
1965-ci ildə rayon mərkəzində musiqi məktəbi təşkil
edilmişdir. Məktəbin iki şöbəsi vardır. Tar və fortepiano
şöbələrində hazırda 115 nəfər şagird təhsil alır. Onların
məşğələsi ilə 9 nəfər müəllim məşğul olur. Keçən il məktəbin
tar şöbəsində ilk buraxılış olmuşdur. 18 nəfər gənc tarzən
məktəbi müvəffəqiyyətlə bitirmişdir.
Borsunlu kənd orta məktəbində özfəaliyyət kollektivi ilə
yanaşı, dram dərnəyi də fəaliyyət göstərir. Dərnəyin üzvləri
dərsdən sonra məşğələlərdə yaxından iştirak edir, ayrı-ayrı
əsərlərdən parçalar hazırlayırlar. Bu günlərdə məktəbdə dram
dərnəyinin üzvləri Cəfər Cabbarlının "Sevil" pyesini
tamaşaya qoymuşlar. Yuxarı sinif şagirdlərindən Afət
Rüstəmova, Firdovsi İsgəndərov, Həmidə Nəbiyeva, Hüseyn
Tahirov və başqaları rolları bacarıqla ifa etmişlər. Məktəb
partiya təşkilatı (katibi S. Əliyeva yoldaşdır) şagirdlərin
məktəb daxilində və məktəbdən xaric estetik tərbiyəsi ilə
daha yaxından məşğul olur.
Məktəblərdə estetik tərbiyə sahəsində həyata keçirilən
kütləvi tədbirlərdən ədəbiyyat və incəsənətin ayrı-ayrı
məsələlərinə həsr olunmuş məruzə, mühazirə və söhbətlər,
ədəbi-bədii gecələr, radio və televiziya verilişlərinin kütləvi
şəkildə dinlənilməsi, bədii əsərlərin sinifdaxili mütaliəsi, tarix
və incəsənət muzeylərinə ekskursiyalar, kino və teatr
Zəkanın gücü
157
tamaşalarına kollektiv baxışlar, bayramlara hazırlıq, mədəni
əyləncələr, foto-montajlar hazırlanması da mühüm rol oyna -
yır. Uşaqlar üçün müntəzəm olaraq Sovet vətənpərvərliyi və
yoldaşlıq, sosialist əmlakını qorumaq, əməyə məhəbbət kimi
əxlaqi sifətlərin formalaşmasına kömək edən filmlərin göstə -
rilməsi xüsusi əhəmiyyət kəsb edir. "Əsgər atası", "Timur və
onun komandası", "Gənc qvardiya", "Uzaq sahillərdə" və s.
kimi ümumittifaq miqyasında şöhrət qazanmış filmlərin
göstərilməsi məktəblilərə xoş təsir bağışlayır.
Tarixi yerlərə, tarix, incəsənət muzeylərinə ekskursiyalar
təşkil etmək estetik tərbiyənin ayrılmaz hissəsidir. Rayonu-
muzun bir çox məktəblərində bu sahədə xeyli iş görülmüşdür.
Hazırəhmədli kənd orta məktəbinin tarix müəllimi Qafur
Aslanov yoldaşın təşəbbüsü ilə Kirovabad şəhərinə - Nizami
məqbərəsinə, Mingəçevirə və başqa yerlərə məktəblilərin tez-
tez ekskursiyaları təşkil edilir. Bu da şagirdlərin kommunizm
ruhunda tərbiyə edilməsinə müsbət təsir göstərir.
Şagirdlərin estetik tərbiyəsində ədəbiyyat müəllimlərinin
imkanı daha genişdir. Məktəbdə bədii ədəbiyyat hər şeydən
əvvəl, tərbiyə vasitəsidir. Şagirdlər oxuduqları, öyrəndikləri
bədii ədəbiyyat nümunələri vasitəsilə onları əhatə edən icti-
mai mühiti, müasir həyatı, müasir dünyanı dərindən dərk
etmək imkanı əldə edirlər. Bu mütaliə həmçinin, şagirdlərdə
mütərəqqi dünyabaxışının formalaşmasına kömək edir, on -
ların mərdlik, qəhrəmanlıq ruhunda, nikbin, mübarizə ruhun -
da Vətənə, xalqa xidmət və sədaqət, insanlara məhəbbət,
beynəlmiləlçi olmaq ruhunda tərbiyələnməsinə səbəb olur.
Rayon partiya komitəsi məktəblərdə şagirdlər arasında es-
Sahib Sailov
158
tetik tərbiyəni daha da canlandırmaq məqsədi ilə ilk partiya
təşkilatlarının işinə konkret rəhbərlik edir. Hazırda 17
məktəbdə ilk partiya təşkilatı yaradıl-mışdır. Borsunlu,
Safıkürd kənd, Qasım İsmayılov şəhər 2 nömrəli, Naftalan
şəhər orta məktəblərinin partiya təşkilatları müəllim
kollektivlərinin və ictimai təşkilatların işinə əməli köməklik
göstərir və konkret rəhbərlik edirlər. Bu partiya təşkilatları
öz yığıncaqlarında başqa tədbirlərlə yanaşı, yeniyetmələrin
estetik tərbiyəsi məsələlərinin vaxtaşırı olaraq müzakirəsinə
də diqqəti xeyli artırmışlar.
Rayonumuzun məktəblərində partiya və hökumətimizin
qarşıya qoyduğu vəzifələri layiqincə yerinə yetirilir. Hazırda
orta və səkkizillik məktəblərin çoxunda idmanın müxtəlif
növləri üzrə idman yarışları keçirilir. Futbol, voleybol,
yüngül atletika üzrə keçirilən yarışları daha yüksək nəticə
verir. Dəliməmmədli qəsəbə, Faxralı, Qızılhacılı kənd orta
məktəblərində bədən tərbiyəsi və idman işinə daha yaxşı fikir
verilir. Bu və ya digər məktəblərdə təşkil edilmiş komandalar
məktəblərin rayon birinciliklərində və tarixi günlərə həsr
edilmiş idman yarışlarında fəal iştirak edirlər. Hazırda ray-
onun məktəblərində 4 min nəfərdən artıq yeniyetmə idmanın
müxtəlif növləri ilə məşğul olur. 160 nəfərdən artıq məktəbli
rayon komsomol komitəsinin diplomu, fəxri fərmanı ilə təltif
edilmişdir. Bütün bunlar şagirdlərdə sağlamlıq, əzmkarlıq,
dözümlülük, yüksək fiziki səy və əmək qabiliyyətinə malik
olmaq kimi əxlaqi keyfiyyətlər tərbiyə edir, onlarda zehni və
mənəvi kamilliyin fiziki inkişafında düzgün əlaqəsinə şərait
yaradır.
Zəkanın gücü
159
Dostları ilə paylaş: |