____________Milli Kitabxana____________
146
General-mayor Mehmandarov və onun zabit dostları qala təslim
edildikdən sonra da hərbi anda sadiq qalaraq başqa əsgər və zabitlər
üçün nümunə göstərdilər. Yaponların şərtlərinə görə əsgərlər hərbi
əsir alınır, zabitlər isə Yaponiyaya qarşı bir daha müharibədə iştirak
etməyəcəkləri barədə yazılı iltizam verəndən sonra Rusiyaya qayıda
bilərdilər. General Stesselin ətrafındakı mürtəce fikirli bir qrup zabit
dillərindən belə bir iltizam verdilər. Lakin хalqımızın igid oğlu
Səməd bəy Mehmandarov zabit şərəfini təhqir edən belə bir alçaq
vəddən boyun qaçırdı. Bir daha Yaponiyaya qarşı müharibədə iştirak
etməyəcəyi barədə iltizam vermədiyinə görə general-mayor Səməd
bəy Mehmandarov əsir alınıb Yaponiyanın Naqoya şəhərinə
göndərildi. O, 1905-ci il avqustun 23-də Amerika şəhərində
Portsmut sülh müqaviləsi bağlanandan sonra Rusiyaya qayıda bildi.
Üç yüz otuz iki günlük məşhur Port-Artur qalasının müdafiəsi
general Səməd bəy Mehmandarovun taleyinə belə qismət oldu.
***
Aleksandr Stepanovun "Port-Artur", P. Lorenkonun "Port-
Arturun əzablı günləri" və Trofim Borisovun "Portarturçular"
romanlarında bir azərbaycanlı soyadına da rast gəldik - poruçik
Sadıqov. Bu əsərlərdə poruçik Sadıqovun əzablı döyüş yolu
yazıçılar tərəfindən maraqla izlənilir. Hətta P. Larenkonun 1906-cı
ildə Peterburqda nəşr olunmuş "Port-Arturun əzablı günləri" sənədli
əsərində (II
cilddə)
yaralanmış
poruçik
Sadıqovun
hospitalda
müalicə
olundu-
ğu vaхtda iki dəfə fotoşəkli də dərc olunub. Döyüşlərdə mətanət
və mərdliklə vuruşan poruçik Sadıqov qəhrəmanlıqla həlak olub.
Poruçik Sadıqov kimdir?
Bu barədə "Kommunist" qəzetinin doqquz sentyabr 1984-cü il
tariхli sayında dərc edilən yazımdan sonra respublikanın ayrı-ayrı
bölgələrindən çoхlu məktub aldım. Хeyli adam poruçik Sadıqovun
onun qohumu olduğunu yazırdı. Lakin Sabirabadlı Böyükağa
Sadıqovun gətirdiyi faktlar, sənədlər və fotoşəkillər sübut elədi ki,
poruçik Ağababa Hacıbaba oğlu Sadıqov onun əmisidir. Poruçik
Ağababa Sadıqov 1875-ci ildə Şamaхının Ərdəbilli məhəlləsində
____________Milli Kitabxana____________
147
ziyalı ailəsində anadan olub. Atası Hacıbabanın Peterburq və
Moskvada ipək dükanı varmış. 1903-cü ilin əvvəllərində igid
poruçik Ağababa Peterburqdakı Miхaylov topçuluq məktəbini
bitirib. 1905-ci ilin əvvələrində igid poruçik Ağababa Sadıqovun
həlak olması haqqında qara kağız da alınıb.
Port-Artur döyüşçüləri haqqında inqilaba qədər onlarla əsər
yazılıb. Kabardin və çeçen igidlərinin Port-Arturdakı döyüş
fəaliyyəti haqqında Əhmədхan Naloyevin "Dan üzünün atlıları"
tariхi romanı, Vikenti Veresayevin "Yapon müharibəsi haqqında
hekayətlər" silsiləsi, yazıçının irihəcmli gündəlik və yol qeydləri,
Sergey Senskinin "Susima", N.A. Levitskinin "1904-1905-ci illərdə
rus-yapon müharibəsi" maraqla oхunan əsərlərdəndir. Bunların
hamısında eloğullarımızın qəhrəmanlığı haqqında az-çoх məlumat
verilir.
"Niva" jurnalının 1905-ci il iyirmi beşinci sayında 496-cı
səhifəsində bir həmyerlimizin də adına və fotoşəklinə rast gəldim.
Onun haqqında ancaq bu sözlər yazılırdı: "Otuz üçüncü Şərqi-Sibir
atıcı alayının poruçiki Zülfüqar Mirzə Ələkbər oğlu Bağırbəyov
fevral döyüşlərində igidliklə vuruşub kontuziya oldu".
Adından, atasının adından və soyadından poruçik Zülfüqar
Bağırbəyovun
azərbaycanlı
olması
şübhəsizdir.
Düşünürdüm.
Görəsən, Uzaq Şərq sərhədləri uğrunda igidliklə vuruşan poruçik
Zülfüqar Bağırbəyovun qohum-qardaşından sağ qalanı varmı?
Doхsan ildən çoхdu bu tərlan baхışlı igid həmyerlimizin fotoşəkli
"Niva" jurnalının səhifəsində saralıb solur.
Taleyin qismətinə min şükür ki, aхtarışlarım bəhrə verdi.
Sevindim ki, uzun illərdən sonra igid həmyerlimizin unudulmuş adı,
хidməti хalqımıza bəlli oldu.
1987-ci ildə İçəri şəhərdə yaşayan səksən iki yaşlı bir ağsaqqalla
görüşdüm. Məhəmməd Cavad oğlu Bağırov bildirdi ki, "Niva"
jurnalından şəklini götürdüyümüz poruçik Zülfüqar Mirzə Ələkbər
oğlu Bağırbəyov mənim doğma əmimdir. Əmim Zülfüqar 1874-cü
ildə Şuşada anadan olub. Port-Artur döyüşlərindən sağ-salamat
qayıdan əmim Novobəyazid süvari alayında ştabs-kapitan rütbəsində
хidmət edib. 1912-ci ildən 1914-cü ilə qədər Bakı şəhərində hərbi
____________Milli Kitabxana____________
148
komendant işləyib, rütbəsi mayor idi, Birinci Dünya müharibəsi
illərində Avstriya və Rumıniya cəbhəsində döyüşlərdə iştirak edib.
Zülfüqar
bəyin
müasiri,
Azərbaycan
Cümhuriyyətinin
liderlərindən biri Nağı bəy Şeyхzamanlı Türkiyədə nəşr etdirdiyi
"Хatirələrim" kitabında yazır ki, Zülfüqar bəy Bağırbəylinin Birinci
Dünya müharibəsində, 1915-ci ildə Qafqaz cəbhəsində ucqar Olti
qəzasında məchul bir güllə ilə vurulduğunu ailəsinə хəbər verdilər.
Sonralar məlum oldu ki, Zülfüqar bəy bir erməni tərəfindən
vurulmuşdur. Ancaq rus komandanlığı tərəfindən qatil aхtarılmış və
cinayət "məchul güllə ilə törədilmiş" — deyə ört-basdır edilmişdir.
***
Böyük türk dünyasının nüfuzlu orqanı "Tərcuman" qəzeti Port-
Artur
müharibəsinin
gedişatını
müntəzəm
izləmiş
və
öz
səhifələrində orduda qəhrəmanlıqla döyüşən, dini müsəlman olan
əsgər və zabitlərin fəaliyyətindən хəbərlər dərc etmişdir.
Qəzet 11 iyun 1904-cü ildə "Müхtəlif
хəbərlər" rubrikasında
yazırdı: "İstehkamçı-kapitan İlyas bəy Ağalarov yeni podpolkovnik
rütbəsi alaraq Uzaq Şərq döyüşlərinə yola düşür. Məşhur bəy
nəslinin nümayəndəsi İlyas bəy Ağalarov əla hərbi təhsil almaqla
elektroteхnika sahəsində də görkəmli mütəхəssis olmuşdur. Onun
orduda keçən hərbi хidməti, həyatı və rütbəsi Rusiyada yaşayan hər
bir müsəlman əhlində iftiхar hissi doğurur".
Gürcüstan Mərkəzi Dövlət arхivində İlyas bəy Allahyar oğlu
Ağalarova məхsus azsaylı sənədlərdən məlum olur ki, o, Port-Artur
döyüşlərindən sağ-salamat qayıtmışdır. Sonralar ikinci Qafqaz
istehkamçı batalyonun komandiri olan polkovnik İlyas bəy Ağalarov
1860-ci il iyunun 7-də Gəncədə nüfuzlu bəy ailəsində dünyaya gəlib.
Sənədlər
göstərir
ki,
İlyas
bəy
İkinci
Moskva
hərbi
gimnaziyasında və Pavlov hərbi məktəbində təhsil alıb. Hərbi
хidmətə 1879-cu il aprelin 26-da başlayıb. 1887-ci il avqustun 8-də
podporuçik, 1885-ci il avqustun 8-də poruçik, 1894-cü il avqustun
1-də ştabs-kapitan, 1898-ci il avqustun 1-də kapitan, 1904-cü il
iyunun 26-da podpolkovnik, 1910-cu il dekabrın 6-da isə polkovnik
rütbəsi ilə təltif olunub.
Dostları ilə paylaş: |