___________ Milli Kitabxana_______________
46
minlərlə insanın çiynində son mənzilə uğurlandı. Yol boyu
sıralanmış qadınlar günahsız övladlara ağı deyir, uşaqlar
əllərindəki çiçəkləri yollara səpir, qırmızı tabutlara qırmızı
qərənfillər yağırdı. Səsucalanlardan ətrafa Kamil qaboyunun,
Habil kamanının, Əhsən, Hacı tarının iniltisi yayılırdı.
Azərbaycan matəm içərisindəydi. Şəhidlərə 40 gün yas
saxlanılacaqdı...
* * *
Bir azca özünə gələn Şövkət xanım başa düşürdü ki, başına
qara bağlayan təkcə o deyil... Ondan da ağır dərddə olanlar
vardı. Əzizlərinin itkin xəbərini alanların gözü onun bunun
üzündə idi, Allaha yalvarırdılar ki, heç olmasa meyiti tapılaydı,
aparıb el adəti ilə dəfn eləyəydim, ya da ki, kaş o da çiyinlərdə
gedən bu ərənlərin arasında olaydı.
Uşaqlar analarına sarılıb, ata-ata deyə-deyə ağlaşırdılar.
Şövkət xanım öz faciəsini unutmuş kimi balalarını
sakitləşdirməyə söz axtarırdı. Amma tapa bilmirdi. Elə bil
sözlər, fikirlər qeybə çəkilmişdi, əvvəlki dilli-dilavər Şövkətin
yerini süst, gözü yaşlı, başı qaralı, yüz sözdən birinə cavab
verməyən bir qadın tutmuşdu. Bu qadın donuq nəzərlərlə ona
başsağlığı verməyə gələnlərin üzünə maddım-maddım baxır,
eləcə için-için yanırdı...
Bütün kənd, Ramizi tanıyan-tanımayan hər kəs onun
ölümünə heyfslənir, “o ölməli oğul deyildi” deyirdilər.
Hamının bircə təsəllisi vardı ki, “ellə gələn dərddir bu.Yaddan
çıxarmayın bu dərdi ortadan qaldırmaq üçün hamılıqla
birləşməliyik.”
Həyətdə əl-ayaq eləyən, qohumlar dil-boğaza qoymur, bu
müsibətdən danışırdılar. Bütün kənd ayaqda idi.
___________ Milli Kitabxana_______________
47
– Xəstəxanaya getmək lazımdır, – deyə qaynı gözlərinin
yaşını silərək, Şövkətə müraciət etdi.
Kimsə yavaşca dilləndi:
– Hələ tezdir, getməyə tələsməyin, onsuz da saat 9 olmamış
heç kəs bizə meyiti verməyəcək, o vaxtadək də yol-iz açılsa...
Ramizin anası Gülxanım xala ağlaya-ağlaya yanıqlı səslə
oğlu Sabbara dedi:
– Ramizin məzarını qazmağa hələ tələsməyin. Qoyun balam
bir gün bizdə qonaq qalsın. Qoy doyunca balamla söhbət
eləyim. Dünən gələndə heç oturmadı, danışmağa macal
tapmadıq.
– Sən narahat olma, ay ana, necə istəyirsən, elə də olsun, -
Sabbar anası ilə razılaşdı.
* * *
Şövkət xanım hələ də Ramizin ölümünə inana bilmirdi. 15 il
əvvəl bu evə gəlin kimi qədəm qoymuşdu. Hələ də
qulaqlarından “Vağzalı”nın sədaları çəkilməmişdi. Yaddaşında
həkk olunmuş o gözəl xatirələr, o qayğısız xoş günlər bu gün
kino lenti kimi gözləri önündə canlanırdı. Necə də xoşbəxt,
bəxtiyar anlar yaşamışdılar bu kiçik otaqda. 4 övladının
körpəliyi də bu otaqda keçmişdi. Elə bil bir anlıq uşaq qığıltısı
da eşitdi Şövkət xanım. Körpələrinin məsum, cingiltili gülüşü
də bu otağın divarlarına hopmuşdu... Uşaqlarının balaca
çarpayıları hələ də burada idi. O bu çarpayılarda balalarına
layla çalıb yatırdar, şirin, xoş sözlərlə onları oyadar, geyindirər,
yedirdib içirdər, onların hər addımına diqqət edərdi.
Şövkət xanım xəyal aləminə baş vuraraq həyatın şirinli, acılı
xatirələrinin birdən-birə qov kimi uçub getdiyinə təəssüflənirdi.
Bu zərif qadın, 15 ildən bəri ərinin qüvvətli çiyinlərinə
___________ Milli Kitabxana_______________
48
söykənərək özünü güclü sayan xanım indi ucsuz-bucaqsız
səhrada qəfil gələn tufanla üz-üzə dayanmışdı. Ramiz daha
onun səsini, harayını eşidən deyildi, çətin məqamında qolundan
tutmayacaq, onu və balalarını qoruya bilməyəcəkdi. Şövkət
üçün həyatın bir anlamı, mənası, ləzzəti qalmamışdı.
...Gözlərini pəncərəyə zilləsə də şüşənin o üzündə baş
verənlərdən xəbəri yox idi, daha dəqiqi daha onu bu dünyada
maraqlandıran, nəşələndirən heç nə yox idi elə bil... Həmişə
səhərin açılmasına tələsən Şövkət xanım bu gün dan ulduzunu
görəndə üşəndi. O indi anladı ki, ömründə ilk dəfədir, yeni
günün başlamasını arzulamır. İlk dəfədir ki, tənha qalmaq, bu
qaranlıq otaqda heç kəsin səsini eşitmək istəmirdi. Çünki,
açılan yeni səhər, başlayan yeni gün onun üçün əbədi bir
ayrılıq, həsrət, tənhalıq, məşəqqət gətiriridi.
Əbədi ayrılığın ilk acısı, Ramizsiz başlayan ilk günün ağrısı
dolmuşdu ürəyinə... Dünəndən bəri daşa dönmüşdü, daha
ağlaya da bilmirdi, gözlərinin yaşı üzünə yox, daş kimi içinə
yaşırdı indi.
Bir azdan Ramizi gətirəcəkdilər. Dünən öz ayağı ilə çıxdığı
həyətə bu gün çiyinlər üstündə geri dönəcək.
“Torpağın üzü soyuqdur, o bütün ağrıları yavaş-yavaş
unutdurur, insanları ovudur” – deyirlər. Bir də deyirlər ki,
“ölənlə heç kəs ölmür”. Amma Şövkət Ramizdən sonra ölmək
istəyirdi, bir vaxtlar xofla, qorxu ilə haqqında düşündüyü ölüm,
indi onun üçün adiləşmişdi... İndi o ölmək, bu ayrılıq əzabından
birdəfəlik qurtarmaq istəyirdi. Ancaq onunla ölüm arasında
dayanan yeganə sədd övladları, gözlərini onun üzündən
ayırmayan balaları idi...
...Dan yeri sökülürdü. Şövkət xanım yuxuya getmiş uşaq-
larını oyatmamaq üçün yenə pəncərə önünə gəldi. Göyə,
üfüqlərə baxdı. Elə bil göy hamilə qadın kimi ağrı çəkirdi. Yeni
___________ Milli Kitabxana_______________
49
bir gün, bir səhər üçün yeni günəş doğulacaqdı. Üfüqdə
cəmləşmiş buludlar parçalanmış günəşin şüaları arasından göyə
nazik zolaqlar salırdı. Buludlar bu zolaqları örtmək istəsə də
bacarmırdı. Ana göyün ağrısı davam edirdi. Çəkdiyi əziyyəti-
əzabı buludların hərəkəti ilə bildirirdi uca Göy. Nəhayət ki,
Ana Göy azad oldu. Yenicə doğulmuş körpə günəş qırmızımtıl-
sarı rənglə göyün üzünə doğru yavaş-yavaş hərəkət edərək, öz
gücünü, öz gözəl rəngini alır, dünyanı öz nuruna boyamaq, hər
yeri nur, işıq selinə qərq etmək istəyirdi. Yeni həyatın bu yeni
başlanğıcı gecələrin qaranlığını qovub, onunla mübarizə aparan
günəşin qələbə əzmini gerçəkləşdirirdi. İşıqla zülmətin,
qaranlıqla aydınlığın bu əbədi mübarizəsi, güclü-qüvvətli səhər
günəşinin başlanğıc yolu Şövkət xanımın ürəyini isindirdi,
onun düşüncələrinin buz tutmuş qalın qatını əritdi, günlərdən
bəri dolaşıq düşmüş fikirlərinin kələfini çözələməyə vadar etdi
Düzdür, həyat davam edirdi. O da bir təhər özünü toplayıb
ayağa qalxmalı, Ramizin məclisini ona layiq yola verməli,
balalarının xatirinə yaşamalı idi.
Görəsən bundan sonra onu və körpələrini nə gözləyirdi?
Onun ailəsini taleyinə vurulan bu qəfil zərbədən, onun qolunu-
qanadını sındıran bu nə amansız və vaxtsız ölümdən sonra
açılan yeni səhər onlara nələr gətirəcəkdi?
...Ceyhunun hönkürtüsü onu xəyaldan ayırdı. Oğlu otağın
ortasına uzadılmış cənazəni qucaqlayıb göynəyə-göynəyə
ağlayırdı:
– Ata, ata, atamı istəyirəm, ata qalx ayağa, nə olar qalx, ata –
heç kəs uşağı yerindən qaldıra bilmirdi, cənazədən ayrılmaq
istəməyən uşaq balaca əlləri ilə atasının tabutundan yapışmışdı.
Əbülfəz də qardaşına qoşulmuşdu, uşaqların səsi gecə güc-bəla
ilə yatızdırqları qızları da oyandırmışdı. Balalarının dördü də
səs-səsə verib ağlaşırdı, kənardan baxanların ürəyi parcalanır,
Dostları ilə paylaş: |