302
Tarixdə bu gün
Beynəlxalq Ahıllar Günü
1992
OKTY
ABR
BMT Baş Məclisinin 1992-ci ildə
qəbul etdiyi “Ahılların müdafiəsi ilə
bağlı Qətnamə”yə əsasən, 1 Oktyabr
- Beynəlxalq Ahıllar Günü kimi təsis
edilmişdir.
Beynəlxalq Ahıllar Günü 1993-cü
ildən başlayaraq Azərbaycanda da hər
il yüksək səviyyədə qeyd edilir. “So-
sial xidmət haqqında” Azərbaycan
Respublikası Qanununa əsasən,
ölkədə 70 yaşına çatmış vətəndaşlar
ahıl hesab olunurlar. Rəsmi statisti-
kaya əsasən, respublikamızda belə
şəxslərin sayı 400 min nəfərə yaxın-
dır. Həmin insanların hərtərəfli dövlət
qayğısı ilə təmin olunması, onla-
rın maddi və mənəvi tələbatlarının
ödənilməsi ümummilli lider Heydər
Əliyevin sosial siyasət kursunun va-
cib tərkib hissəsi olmuşdur. Milli və
bəşəri dəyərlərə söykənən bu siyasət
Prezident İlham Əliyev tərəfindən
layiqli səviyyədə davam və inkişaf
etdirilir. Dövlət başçısı tərəfindən
imzalanan fərman və sərəncamlara,
2006-cı il 17 aprel tarixli Sərəncamla
təsdiqlənmiş “Ahıl vətəndaşların so-
sial müdafiəsinin gücləndirilməsi
üzrə Dövlət Proqramı”na, habelə bir
sıra dövlət proqramlarına uyğun ola-
raq, ötən müddətdə ahılların sosial
müdafiəsi sahəsində mühüm işlər
görülmüşdür. Ahıl şəxslərin rifahın-
da mühüm yer tutan pensiya təminatı
mütəmadi olaraq gücləndirilir. Dövlət
qarşısında xüsusi xidmətləri olmuş
ahıllar əmək pensiyaları ilə yanaşı,
Azərbaycan Prezidentinin təqaüdü ilə
də təmin olunurlar. Dövlət başçısının
17 mart 2014-cü il tarixli Fərmanına
əsasən, Böyük Vətən müharibəsi
əlillərinə verilən Azərbaycan Pre-
zidentinin təqaüdləri cari il aprelin
1-dən I qrup əlillər üçün 110 manat-
dan 150 manata, II qrup əlillər üçün
85 manatdan 130 manata və III qrup
əlillər üçün 60 manatdan 100 mana-
ta çatdırılıb. Bu vaxta qədər Əmək
və Əhalinin Sosial Müdafiəsi Nazir-
liyi (ƏƏSMN) tərəfindən 1055 nəfər
Böyük Vətən müharibəsi əlili minik
avtomobili, həmin təbəqədən olan 80
nəfərə yaxın ahıl isə mənzillə təmin
edilib.
Azərbaycan Prezidentinin 29 de-
kabr 2012-ci il tarixli Fərmanı ilə
təsdiq edilmiş “Azərbaycan - 2020:
Gələcəyə Baxış” İnkişaf Konsepsiya-
sının 7.3-cü bəndinin icrasını təmin
etmək məqsədilə hazırda ƏƏSMN
tərəfindən “Ahıl vətəndaşların sosi-
al müdafiəsinin gücləndirilməsinə
dair Dövlət Proqramı”nın (2016-
2020-ci illər) layihəsi hazırlanmışdır.
Layihənin hazırlanması zamanı BMT-
nin Beynəlxalq Madrid Fəaliyyət
Planının və Yaşlaşma Problemləri
üzrə Vyana nazirlər konfransının
prinsipləri, ahılların layiqli həyat tərzi
keçirmələri üçün əlverişli şəraitin
yaradılması, onların cəmiyyətə in-
teqrasiyasının gücləndirilməsi və s.
məsələlər diqqətdə saxlanılır.
Ə d ə b i y y a t
Azərbaycanın Prezidenti
İlham Əliyev Bakının Bilgəh
qəsəbəsində müharibə və
əmək əlilləri üçün pansio-
natda tikilmiş yeni korpusun
açılışında iştirak etmiş, bu-
rada aparılan yenidənqurma
işləri ilə tanış olmuşdur
//Azərbaycan.- 2013.- 2
oktyabr.- S. 1-2.
Məmmədli, Q. Ahıllar dövlət
qayğısı ilə əhatə olunublar
/Q.Məmmədli //Ekspress.-
2015.- 1 oktyabr.- S. 10.
İ n t e r n e t d ə
azertag.az/.../1_Oktyabr_
Beynelxalq_Ahillar_G.
aztv.az/readnews.
php?lang=az&id=2977
1
303
Tarixdə bu gün
Xocavənd rayonunun işğalının
25-ci ildönümü
1992
OKTY
ABR
Ərazisi: 1458 km²
Əhalisi: 41725 nəfər
Xocavənd rayonunun 1923-cü ilədək
adı Aşağı Qaranlıq olmuşdur. Məntəqə
adını ərazidəki Qaranlıq dağından al-
mışdır. Ərazidə eyniadlı çay da vardır.
Ermənistan ərazisindəki Martuni rayo-
nunun adı da 1946-cı ilədək Aşağı Qa-
ranlıq olmuşdur.
26 noyabr 1991-ci ildə DQMV ləğv
edilərək Martuni və Hadrut rayonları-
nın bazası əsasında Xocavənd rayonu
yaradılmışdır. Rayonun ümumi sahəsi
1458 km², əhalisi 41.725 (o cümlədən
azərbaycanlılar – 10.648) nəfərdir. Ra-
yonda 1 şəhər (Xocavənd şəhəri-rayon
mərkəzi), 2 iri qəsəbə (Qırmızı Bazar və
Hadrut), 81 kənd var. Xocavənd rayonu
ərazisində, Salakətin kəndinin yaxınlı-
ğında (Quruçay vadisində) 1,5 milyon
il yaşı olan Azıx mağarası, həmçinin
qədim tarixə malik Tağlar mağarası,
Tuğ kəndi ərazisində yerləşən V-VIII
əsrlərə aid “Ritiş” qalası, Ərgünəş
dağının yamacında sıldırım qayalar
üzərində yerləşən “Ərgünəş” qalası,
Düdükçü kəndi ətrafında XIII əsrə aid
“Rzaqulu bəy türbəsi” və s. abidələr
var. Olduqca əlverişli coğrafi mövqeyə
və şəraitə malik Xocavənd rayonu Ağ-
dam, Ağcabədi, Füzuli, Cəbrayıl, Qu-
badlı, Laçın, Şuşa, Xocalı rayonları ilə
həmsərhəddir.
2 oktyabr 1992-ci il tarixdə
Xocavənd rayonu Ermənistan Silah-
lı Qüvvələri tərəfindən işğal olun-
muşdur. İşğal nəticəsində rayonun
azərbaycanlılar yaşayan 10 kəndində
1723 yaşayış evi ermənilər tərəfindən
yandırılaraq əmlakları talan edilmiş,
47 sənaye, 144 kənd təsərrüfatı ob-
yekti dağıdılaraq viran edilmişdir.
Erməni vandalları tərəfindən 17 təhsil
müəssisəsi, 4 məktəbəqədər tərbiyə
ocağı, 32 səhiyyə müəssisəsi, 59
mədəniyyət obyekti, 10 tarixi abidə da-
ğıdılmışdır. Rayonun infrastrukturuna
aid olan 12 rabitə qovşağı, 341 km av-
tomobil yolları, 32 körpü, 42 su anbarı
və 316 km su kəməri xətti dağıdılıb,
talan edilərək yararsız hala salınmış-
dır. İşğal nəticəsində vurulmuş maddi,
mənəvi ziyanla bərabər, rayonun bitki
və meşə örtüyünə də böyük miqdarda
zərər dəymişdir. Belə ki, rayonun 1202
ha meşə sahəsindəki qiymətli ağac
növləri qırılaraq məhv edilmişdir.
Xocavəndlilər 13 nəfəri qadın, 13
nəfəri uşaq olmaqla 145 nəfər şəhid ver-
miş, rayon sakinlərindən 300 nəfərdən
çox insan sağlamlığını itirmiş və ya əlil
olmuş, 243 uşaq valideynlərindən biri-
ni, 68 qadın həyat yoldaşını itirmişdir.
Müxtəlif dövrlərdə girov götürülmüş
110 nəfər dinc sakinlərdən 49 nəfəri
əsir və girovluqda olarkən erməni ter-
roru və vəhşiliyinin qurbanı olmuş, bir
ailədən olan 3 uşaq hər iki valideynini
itirmişdir.
Ə d ə b i y y a t
Məmmədov, N.
Azərbaycan Respub-
likasının Xocavənd
rayonunun tarixi
/N.Məmmədov; elmi red.
Y.Mahmudov; AMEA,
A.A.Bakıxanov ad. Tarix
İn-tu.-Bakı: Avrora,
2016.- 678, [1] s.
Tapdıqoğlu, N. Xocavənd
ensiklopediyası
/N.Tapdıqoğlu.- Bakı:
[Zərdabi LTD], 2009.-
543 s.
Xocavənd rayonu
//Qarabağ. Yaddaş.-
Bakı, 2010.- S.179-186.
Vaqıfqızı, L.Xocavənd
rayonunun işğalı
yaddaşlarda //Xalq
cəbhəsi.- 2015.- 19, 20,
21 noyabr.- S.14.
İ n t e r n e t d ə
http://anl.az/down/me-
qale/xalqcebhesi/2015/
noyabr/464106.htm
http://anl.az/down/me-
qale/xalqcebhesi/2015/
noyabr/464428.htm
2