www.kitabxana.net
– Milli Virtual Kitabxana
89
əməliyyatçılardan hansı iləsə aşkar dostluq edəni yox idi. Əməliyyatçının yanında çox duran adama - istər zabit
olsun, istərsə məhkum, yaxşı münasibət bəslənmirdi.
Hamıdan gec Akif müəllim qayıtmışdı. Həyətdə dayananlara az qalmış Şəfi narahatlıqla onun qarşısını
kəsdi.
- Nə baş verib, Akif müəllim? Xeyli ləngidiniz.
- Allah lənət eyləsin bu “çort”lara. Əclafları yatırmaq olur ki, güc-bəlayla işıqları söndürtmüşəm.
- Akif müəllim, - Şəfi ona marağını gizlədə bilmədi, - mənə başa sal görüm, çortlar nə olan şeydi,
kimlərə çort deyirlər?
- Çort üzdəniraqlara oxşar olanlara deyirlər. Beləsindən istə-nilən hərəkəti gözləmək olar. Çortdan
üzdəniraqlığa yarım addım məsafə qalır. Mənim dəstəmdə bu sayaq on-on beş məhkum var. Dü-şüblər bir yerə,
o gün olmur baş-beynimi aparmasınlar. Çox üzüboz, siyafur adamlardı.
Şəfinin yadına Cəbrayılın ayaması düşdü. Yəqin onu bu sa-yaq adamlarla eyniləşdirib, “çort”
deyirmişlər. Guya qalanları lap mələk imiş, ondakı xasiyyətlərdən əksər işçilərdə vardı. Fərq bura-sındadı ki,
Cəbrayıl hamıda paxıllıq yaradan fəal, haqqından keçməyən və maskasız idi.
- Akif müəllim, saat yarım ötdü. Qalan saatları da bir yerdə keçirəcəyik? Yoxsa Rasim müəllimin
tapşırdığı kimi növbə ilə qalıb istirahət edəcəyik? Kim bölüşdürəcək? Qrupun böyüyü kimdir?
- Böyük adətən əməliyyatçı olur. Mənimçün fərqi yoxdur. Kim nə vaxt istəyir istirahət etsin, onsuz da
yatmıram.
- Siz Fazildən qat-qat təcrübəli, yaşlı olan halda niyə o, böyük hesab olunur?
- Müəssisədəki təhlükəsizliyə və sabitliyə daha çox cavabdeh olduqları üçün yuxarıdan bu cür qayda
qoyulub. Fazil təzədi, cavan-dı, təcrübəsizdi, o biri əməliyyatçılara belə demək olmaz. Xəlil, Qaçay, Orxan isə
köhnə işçilərdi. Hər vəziyyətdən baş açmağı baca-rırlar.
Nəzarətçilər üç məhkumu barakdan çıxarıb Yusifin yanına gətirmişdilər.
- Yenə nə qələt eləyiblər, - Yusif nəzarətçi Sahibdən soruşdu.
- Biri yataqda siqaret çəkirdi, o birilər də yatmaq əvəzinə, dəhlizdə oturub söhbət edirlər. Deyirəm, niyə
yatmırsan, qayıdıb deyir, get işinlə məşğul ol.
- Eybi yox, yaz adlarını götür, səhər aydınlaşdırarıq.
Məhkumlardan etiraz etmək istəyən oldu. Yusif imkan ver-mədi:
- Gedin. Gedin, ağlınızı başınıza yığıb yıxılın yerinizə. Valla-hi, elə etməyin, indi salım sizi karsa.
Yusifin səsinin dəyişdiyini görən mühkumlar dinməyib yer-lərinə qayıtdılar.
Fazil korpuslardan birinin açarını alıb, yenidən təkbaşına obxoda getdi. Şəfi ətrafdakıların eşitməməsi
üçün astadan Mehman-dan soruşdu:
www.kitabxana.net
– Milli Virtual Kitabxana
90
- Bu niyə tək obxoda gedir?
- İstəyir ki, kiminlə nə söhbətləşsə, yanında şahid olmasın. Heç kimə nə etibar edir, nə də bölüşmək
istəmir.
- Ağlabatandır, - Şəfi heyrət edərək başını yırğaladı.
Uzaqdan həyətdəki ayaqyolu tərəfdə iki qaraltı göründü. Şəfi təəccübləndi: gecənin yarısı ayaqyolunda
kimdi görəsən? Yusif onla-rı görcək söyüşsüz keçinmədi:
-Ey, “g...r”, nə sürtüşürsüz orda? Ə, bunların dünya qulaqlarına deyil, ibnələri qalxdımı, gündüz olsun, gecə
olsun, öz işlərindədir. Sahib, - nəzarətçini çağırdı, - get o petuxları qov ordan gedib yerlərinə cəhənnəm
olsunlar…
***
Saat ikiyə işləmişdi. Hər tərəfdə sakitlik hökm sürürdü. Müəs-sisəni əhatə edən şəhər də sakitləşmişdi.
Arabir, gündüzlər səsi eşidil-məyən, uzaqdan keçən yük qatarının taqqıltısı gəlirdi. Hava elə bil, bir az
təmizlənmiş, yüngüllük, xoşluq yaranmışdı. Bütün günü qaynar qazana oxşayan müəssisə səsini içinə qısıb
dincəlirdi.
Yusif katyoldan gətirilən termosdan çay içib özünə gəlmişdi, yadına nəsə düşdü:
- Cənab leytenant, - o, həyətdəki skamyada oturub Akiflə söhbət edən Şəfini çağırdı, - sizin vaxtınızdı,
nəzarət iz zolağına getmək lazım-dır.
Şəfi ayağa durub yaxına gəldi:
- Mən hazır.
- Hikmət, - vaxtadakı nəzarətçini səslədi, - “keespe”nin qapı-sını aç, Şəfi müəllim getsin.
Sonra Şəfiyə xatırlatdı:
- Müəllim, oxumuş adamsan, özün bilirsən. Şumlanmış ərazi-yə diqqətlə baxırsan, iz olsa xəbər edirsən.
- Aydındır, cənab kapitan!
- Sənə yaxşı yol!
Hikmət müəssisənin qapısı tərəfindən divarın kənarı boyu uzanan nəzarət iz zolağına olan girişin
qapısını açdı. Zolaq narın qum kimi şumlanmışdı. Təzə dırmıq çəkildiyindən izləri aydın görünürdü. Hər on
metrdən yanan iri lampalar, divar boyu sıra ilə düzülüb zolağı tam işıqlandırırdı. Bir birindən uzaq məsafələrdə
qırmızı lampalar da gözə dəyirdi. Yağış dəyməməsi üçün, lampaların qəribə formalı me-tal papaqları vardı.
O, iyirmi-otuz addım yerimişdi, bağırtıya bənzər qışqırıq səsi gəldi. Şəfi addımını saxlayıb hər tərəfə
www.kitabxana.net
– Milli Virtual Kitabxana
91
göz gəzdirdi. Hardan idi bu qışqırıq? Olmaya irəlidəki vışkadan gəldi bu səs? Həyəcanlandı, nə etsin? Kim var
idi ki, nəsə soruşsun. Dayanmaq olmazdı. Addım-lamağa davam etdi.
On addımdan sonra qışqırtı bir də təkrarlandı. Şəfi bu dəfə başa düşdü ki, qışqıran vışkadakı əsgərdi. O,
“kimdir gələn?” demək istəyirdi. Şəfini gülmək tutdu: “Zalım oğlunun nə əcaib səsi varmış.” Adi səslə cavab
verdi:
- Mənəm, növbətçi zabit.
Şəfi müxtəlif ölçülü papaqları olan lampaların işıqları altında iz zolağına nəzər yetirərək gecənin müdhiş
sakitliyində addımladıq-ca, qəribə hisslər keçirirdi. İndi onun xətri istədiyi, sevdiyi adamların hamısı yatmışdı.
Atası, anası, qardaşı, dostları, bir də son vaxtlar ürəyinə xal salan qonşu qızı da, güman ki, şirin yuxudaydı.
Kimsə onu düşünmürdü. Ancaq, o, oyaq idi. Sakitliyin, ədalətin keşiyini çə-kirdi…
Həyətdə Yusif onu gülə-gülə qarşıladı:
- Uşaqlar kənardan baxıblar, sən ki, o, bağırtıdan qorxmayıb getməkdə davam etmisən, sənə zaval
yoxdur. Zabit var birinci dəfə qorxudan ürəyi gedib, adını çəkmirəm inciyər məndən, - oturanlara tərəf göz
vurub qımışdı.
- O, zalım uşağına neçə dəfə deyilib ki, qışqıranda adam kimi qışqır, - Fazil söhbətə qarışdı, - ombasına
güllə dəyən ayı kimi bağırır.
Bu zaman gecə yoxlaması məqsədilə baraklarda yatan məh-kumları sayıb qayıdan nəzarətçilər,
yanlarında balaca boylu məhkum, həyətdə oturan zabitlərə yaxınlaşdılar.
- Say düz gəldi? - Yusif gələnlərdən soruşdu.
- Yuxarı korpusda biri artıq çıxır.
- Düz saymamısız, gedin bir də sayın. Məhkumu niyə gətir-misiniz?
- Biz baraka girəndə başqasının çarpayısının altında gördük.
Mehdi dözmədi:
- Baho, üzdənirağımız az idi, biri də artdı. Ay bala, sənin baş-qasının çarpayısının altında nə işin var?
- Siqaret çəkmək üçün alışqan axtarırdım. Əlimdən düşdü qonşu çarpayının altına, istədim tapam,
nadzorlar içəri girib məni tut-dular, - məhkum həyacandan əsə-əsə danışırdı, - vallah başqa fikrim yox idi.
- Daha, günahın yoxdu niyə əsirsən? Əsmə. Gedək mənim otağıma, aydınlaşdırarıq, - Fazil onu qabağına
qatıb otağına apardı.
Yusif istehza ilə Mehdinin qulağına pıçıldadı:
-“Şikarını” apardı.
Yarım saat sonra Fazil bayaqkı məhkumla geri qaytıdı:
Dostları ilə paylaş: |