139
Gömrük rüsum dərəcələrinin məcmusu kimi gömrük tarifinin funksiyalarının və
gömrük işi sferasında tutdugu yerin ətraflı təhlili gömrük tariflətinin təsnifatının
aparılmasını tələb edir. Məhz gömrük rüsumlarının düzgün tətbiq edilməsi dövlətin
gömrük siyasəti ilə sıx əlaqədardır. Gömrük rusumlarının dərəcələri nəinki malın
növündən, həm də onun mənşə ölkəsindən də asılıdır.
Malların idxalı və ixracı üzrə gömrük rüsumları gömrük tarifinə əsaslanır (218).
Malların idxalı və ixracı ilə bağlı qanunvericilikdə nəzərdə tutulmuş digər tədbirlər bu
malların tarif təsnifatına uyğun olaraq tətbiq olunur.
Gömrük tarifi aşağıdakılar əsasında müəyyən edilir:
- xarici iqtisadi fəaliyyətin mal nomenklaturası;
- tamamilə və ya qismən xarici iqtisadi fəaliyyətin mal nomenklaturasına əsaslanan və
malların ticarəti ilə bağlı tarif tədbirlərinin tətbiqi məqsədilə xüsusi sahələri tənzimləyən
qanunvericilik aktları ilə müəyyən edilmiş digər nomenklatura;
- xarici iqtisadi fəaliyyətin mal nomenklaturasının əhatə etdiyi mallara tətbiq
olunması nəzərdə tutulan avtonom və ya konvensiya idxal gömrük rüsumları;
- müəyyən ölkələrlə, yaxud beynəlxalq təşkilatlarla bağlanılmış beynəlxalq
müqavilələrdə nəzərdə tutulmuş preferensial tarif tədbirləri;
- müəyyən ölkələrə, yaxud beynəlxalq təşkilatın üzv ölkələrinə münasibətdə birtərəfli
qaydada qəbul edilən preferensial tarif tədbirləri;
- müəyyən mallar üzrə gömrük rüsumlarının azaldılmasını, yaxud gömrük
rüsumlarından azadedilməni təmin edən tədbirlər;
- müəyyən malların xüsusiyyətləri, yaxud son istifadəsi ilə əlaqədar olaraq, Gömrük
Məcəllə və müvafiq qanunvericiliklə müəyyən edilmiş güzəştli tarif rejimi;
140
- kənd təsərrüfatını, ticarəti və başqa sahələri tənzimləyən qanunvericiliklə müəyyən
edilmiş digər tarif tədbirləri.
“Konvensiya idxal rüsum dərəcələri” dedikdə bağlanılan beynəlxalq müqavilələr
əsasında, “avtonom rüsum dərəcələri” dedikdə isə dövlət tərəfindən birtərəfli qaydada,
beynəlxalq müqavilə bağlanılmadan müəyyənləşdirilən rüsum dərəcələri nəzərdə tutulur.
Malların tarif təsnifatı gömrük rüsumları, vergilər, malların idxalı və ixracı üzrə
qadağalar və məhdudiyyətlər barədə məlumat toplusundan ibarətdir. Gömrük orqanları
gömrük rüsumlarının və qanunvericilikdə nəzərdə tutulmuş vergilərin tətbiqində malların
tarif təsnifatından istifadə edirlər.
Konkret mallar üzrə gömrük rüsumlarının dərəcələrini müvafiq icra hakimiyyəti
orqanı müəyyən edir. Gömrük rüsumlarının dərəcələri rəsmi nəşrlərdə dərc olunur və
müvafiq icra hakimiyyəti orqanlarının rəsmi internet saytlarında yerləşdirilir.
Gömrük rüsumunun dərəcələri vahid olub, malları gömrük sərhədindən keçirən
şəxslərdən, sövdələşmə növlərindən, “Gömrük Tarifi haqqında” qanunla nəzərdə tutulmuş
hallar istisna olmaqla, digər faktorlardan asılı olaraq, dəyişdirilə bilməz.
Az R-nın ərazisinə gətirilən, gömrük rüsumuna cəlb olunan (olunmayan) malların
siyahısı və tətbiq edilən rüsum dərəcələri Az R-nın Nazirlər Kabineti tərəfindən müəyyən
edilir.
Idxal gömrük rüsumlarının dərəcələri malın mənşə ölkəsindən asılı olaraq
diferensasiya olunur.
Əgər idxal olunan malın mənşə ölkəsi ilə AR arasında əlverişli ticarət rejimi
mövcuddursa, onda idxal gömrük rüsumlarının bazis yada əsas dərəcələri müəyyən edilir.
Bu zaman rüsum dərəcələrin və gömrük rüsumuna cəlb olunmiyan malların siyahları AR
Nazirlər Kabineti tərəfindən müəyyən edilir.
141
Əgər idxal olunan malın mənşə ölkəsi inkişafda olan ölkələrə aiddirsə, onda idxal
gömrük rüsumlarının preferensial dərəcələri müəyyən olunur. Hal hazırda prefensial
rüsum dərəcələri bazis dərəcələrinin 75% təşkil edir.
Əgər idxal olunan malın mənşə ölkəsi ilə AR arasında əlverişli ticarət rejimi tətbiq
edilmirsə, o zaman gömrük rüsumlarının maksimum dərəcələri müəyyən olunur. Bazis
dərəcəsi x 2.
Ticarət rejimindən asılı olaraq bu ya digər qrupaya aid olan ölkələrin siyahısı dövlət
orqanları tərəfindən müəyyən olunur.
Gömrük rüsumları maddə 225-yə əsasən bəyan edilən malların yerləşdirilməsi üçün
seçilmiş gömrük prosedurunun tələbləri əsasında, normativ hüquqi aktlara uyğun olaraq
tətbiq olunur.
Gömrük Məcələsinin 226 madəsinə və “Gömrük tarifi haqqında” Azərbaycan
Respublikasının Qanununa uyğun olaraq aşağıdakı gömrük rüsumları tətbiq edilir:
- advalor - malların gömrük dəyərinə görə nisbətən faizlə hesablanan;
- spesifik - malın vahidinə görə müəyyən olunmuş məbləğlə hesablanan;
- kombinə edilmiş – yuxarıda göstərilən hər iki gömrük rüsum növlərinin
birləşdirilməsi yolu ilə hesablanan.
Advalor rüsumlar satışa qoyulan vergiylə eynilik təşkil edir və adətən eyni mal qrupu
daxilində müxtəlif keyfiyyət xüsusiyyətlərinə aid olan mallar rüsuma cəlb olunduqda tətbiq
olunur.
Spesifik rüsumlar adətən standart mallara qoyulur və inzibati cəhətdən çox sadədir,
əksər hallarda sui istifadə üçün heç bir imkan yeri qoymur. Ancaq spesifik rüsumlar
qiymətlərin dəyişməsindən daha çox asılı olduğundan, onların köməyi ilə bazarın gömrük
vasitəsi ilə qorunması səviyyəsi qənaətbəxş deyildir.
142
Az R-nın maraqlarının müdafiəsi məqsədi ilə idxal edilən mallara eyni zamanda
gömrük rüsumlarının əlahiddə növləri, o cümlədən xüsusi, antidempinq, kompensasiya
rüsumları tətbiq edilə bilər.
1. Əgər Az R-nın gömrük ərazisinə xarici mallar oxşar yaxud bilavasitə rəqabət aparan
malların istehsalçılarına zərər vuran və ya vura biləcək miqdarda, həmçinin belə şərtlər
daxilində getirilirsə, eləcə də digər dövlətlərin və onların qruplarının Az R-nın maraqlarına
toxunan diskriminasiya və yə bu kimi başğa hərəkətinə cavab tədbiri kimi xususi rüsumlar
tətbiq edilir.
2. Əgər Az R-nın gömrük ərazisinə xarici mallar gətirildiyi ölkədəki və gətirilmə
ərəfəsindəki normal qiymətlərdən daha aşaqı qiymətə daxil edilirsə, həmçinin belə idxal
bu cür malların milli istehsalçılarına maddi zərər vura bilərsə, yaxud həmin malların
istehsalının təşkilinə və genişləndirilməsinə mane olursa o zaman antidempinq rüsumları
tətbiq edilir.
3. Əgər Az R-nın gömrük ərazisinə gətirilən xarici malların mənşə ölkəsində istehsalı,
yaxud ixracında bilavasitə və ya dolayısı yolla subsidiyalardan istifadə edilmişsə, həmçinin
əgər belə idxal bu cür malların istehsalçılarına maddi zərər vura bilərsə, yaxud həmin
malların istehsalının təşkilinə və genişləndirilməsinə mane olursa, o zaman kompensasiya
rüsumları tətbiq edilir.
Azərbaycan Respublikasının iqtisadi maraqlarının qorunması məqsədi ilə ixrac və idxal
edilən mallara “Gömrük tarifi haqqında” Azərbaycan Respublikasının Qanununda və
müvafiq icra hakimiyyəti orqanının normativ hüquqi aktlarında nəzərdə tutulmuş qaydada
müvəqqəti olaraq mövsümi rüsumlar tətbiq oluna bilər.
4. Mallar üzrə tarif güzəştləri, gömrük rüsumlarından azad edilmə, tarif
preferensiyalarının və güzəştlərinin verilməsi halları və qaydaları “Gömrük tarifi haqqında”
Azərbaycan Respublikasının Qanununa və müvafiq icra hakimiyyəti orqanının normativ
hüquqi aktlarına uyğun olaraq tənzimlənir.
Dostları ilə paylaş: |