K
ONVENSIYANIN
6-
CI MADDƏSI ÜZRƏ TƏLIMAT
–
MÜLKI HÜQUQI ASPEKT
qazanmasıdır. Buna görə də, qərəzsizliyinin şübhə altına alınması üçün legitim əsaslar olan
istənilən hakim prosesdən uzaqlaşdırılmalıdır (
Micallef Maltaya qarşı
[BP], § 98).
155. Məhkəmələrin cəmiyyətdə etimad doğurması üçün daxili təşkilatçılıq məsələləri də
nəzərə alınmalıdır. Qərəzsizliyin təmin edilməsi üzrə milli prosedurların, yəni hakimə etirazı
tənzimləyən qaydaların mövcud olması mühüm amil hesab olunur (hakimlərə etirazla bağlı
xüsusi qaydalara bax,
Micallef Maltaya qarşı
[BP], § 99-100). Bu cür qaydalar sözügedən
hakimin və ya məhkəmənin qərəzsizliyinə dair bütün ağlabatan şübhələri yox etmək üçün
milli qanunvericilik orqanının narahatlığını göstərir və bu cür narahatlıqların səbəblərini
aradan qaldırmaqla qərəzsizliyi təmin etməyə cəhd edir. Bu qaydalar faktiki olaraq tərəfkeş
münasibətin olmamasını təmin etməklə yanaşı, qərəzli münasibətin istənilən əlamətlərinin
aradan qaldırılmasına yönəlib və demokratik cəmiyyətdə məhkəmələrin oyandırmalı olduğu
etimadın artırılmasına xidmət edir (
Mežnarić Xorvatiyaya qarşı
, § 27).
Məhkəmənin qərəzsizliyinə dair şübhə doğuran hallar
156. Məhkəmənin qərəzsizliyinə dair şübhə doğura biləcək iki mümkün hal var:
- Birincisi təbiəti etibari ilə funksional olub, məsələn, eyni insanın məhkəmə prosesi
daxilində müxtəlif vəzifələri icra etməsi, yaxud onunla məhkəmə prosesinin digər
iştirakçıları arasında iyerarxik və ya başqa əlaqənin mövcud olması ilə bağlıdır.
- İkincisi fərdi xarakter daşıyır və müəyyən bir məhkəmə işində hakimin davranışından
irəli gəlir.
Funksional xarakterli hallar
(i) Bir məhkəmə işində həm məsləhətçi, həm də məhkəmə vəzifələrinin eyni anda
həyata keçirilməsi
157. Bir şəxs tərəfindən məsləhətçi və məhkəmə vəzifələrinin ardıcıl şəkildə icra
edilməsi, müəyyən hallarda, obyektiv baxımdan həmin şəxsin qərəzsizliyinə dair 6 § 1
Maddəyə əsasən məsələ qaldıra bilər (
Procola Lüksemburqa qarşı
, § 45 – pozuntu).
158. Məsələ "eyni məhkəmə işi", "eyni qərar" və ya "analoji məsələlər" ilə əlaqəli
məhkəmə və məsləhətçı funksiyalarının yerinə yetirilib-yetirilməməsidir (
Kleyn və digərləri
Hollandiyaya qarşı
[BP],§ 200;
Sacilor-Lormines Fransaya qarşı
, § 74 – pozuntu yoxdur).
(ii) Bir məhkəmə işində məhkəmə və qeyri-məhkəmə funksiyalarının eyni anda
həyata keçirilməsi
159. Ərizəçinin şübhələri üçün obyektiv əsaslandırma müəyyən edilərkən, hakimin
məhkəmə prosesində ikili vəzifəsi, onun iştirak etdiyi iki məhkəmə prosesi arasında keçən
müddət və onun məhkəmə prosesində iştirak dərəcəsi kimi amillər nəzərə alına bilər
(
McGonnell Birləşmiş Krallığa qarşı
, §§ 52-57).
160. Qanunverici aktın və ya təşkilati qaydaların qəbul edilməsində istənilən birbaşa
iştirak, sonradan bu qanunvericilik aktının və qaydaların tətbiqindən imtina üçün əsasların
olub-olmaması ilə bağlı mübahisəyə dair qərar çıxarması gözlənilən şəxsin məhkəmə
qərəzsizliyinin şübhə altına alınması üçün kifayət olacaq (bax:
McGonnell Birləşmiş Krallığa
qarşı
, § 55-58, bu işdə məhkəmə prosesində baxılan məsələ üzrə inkişaf planının qəbul
edilməsində hakimin bilavasitə iştirakı ilə əlaqədar, Məhkəmə 6-cı Maddənin 1-ci bəndinin
pozuntusunu müəyyən etmişdir; müqayisə et:
Pabla Ky Finlandiyaya qarşı
, § 34 – pozuntu
yoxdur).
161. Eyni şəxs iki paralel proseslərdən birində hakim, digər prosesdə isə qarşı tərəfin
qanuni nümayəndəsi olaraq çıxış etdikdə, ərizəçi hakimin onu qarşı tərəf olaraq görməkdə
davam etməsi ilə bağlı narahatlığında haqlı ola bilər (
Wettstein İsveçrəyə qarşı
, §§ 44-47).
162. İcraatın əvvəlində ərizəçinin qarşı tərəfinin hüquqi məsləhətçisi kimi çıxış edən
hakim tərəfindən konstitusiya şikayətinə baxılması 6-cı Maddənin 1-ci bəndinin pozuntusuna
32/71
Avropa İnsan Hüquqları Məhkəməsi
K
ONVENSIYANIN
6-
CI MADDƏSI ÜZRƏ TƏLIMAT
–
MÜLKI HÜQUQI ASPEKT
gətirib çıxarmışdı (
Mežnarić Xorvatiyaya qarşı
, § 36). Birinci instansiya məhkəməsində
mülki məhkəmə icraatı çərçivəsində ərizəçinin qarşı tərəfi üçün hüquq eksperti kimi çıxış
edən Konstitusiya Məhkəməsinin hakiminin qərəzsizliyi ilə bağlı bax:
Švarc və Kavnik
Sloveniyaya qarşı
, § 44).
(iii) Müxtəlif məhkəmə funksiyalarının həyata keçirilməsi
163. Eyni hakimin mülki prosesin müxtəlif mərhələlərində iştirakının 6 § 1 Maddədə
nəzərdə tutulan qərəzsizlik tələbinə uyğunluğunun qiymətləndirilməsi konkret işin halları
əsasında, fərdi şəkildə aparılmalıdır.
164. Hakimin sadəcə məhkəmədən əvvəlki mərhələdə qərarların verilməsində artıq iştirak
etməsi faktı onun qərəzsizliyi ilə bağlı şübhələrə haqq qazandıra bilməz. Əsas məsələ
məhkəmə iclasından əvvəl hakim tərəfindən görülən tədbirlərin mahiyyəti və əhatə dairəsidir.
Eynilə hakimin işin materialları barədə hərtərəfli məlumata malik olması faktı onun ön yarğılı
olduğuna gətirib çıxarmır, əks halda bu, işin mahiyyəti üzrə qərar çıxarılarkən onun
qərəzsizliyi barədə nəticəni istisna edərdi. Eyni zamanda mövcud informasiyanın ilkin təhlili
də yekun təhlilin əvvəlcədən müəyyən olunduğunu nəzərdə tutmur. Önəmli olan bu cür
təhlilin qərar qəbul edilərkən aparılması və məhkəmə iclasında təqdim olunan sübutlara və
dinlənilən arqumentlərə əsaslanmasıdır (
Morel Fransaya qarşı
, § 45).
165. Məhkəmə araşdırmasının müxtəlif mərhələlərində müəyyən edilmiş əhəmiyyətli
məsələlərin arasındakı əlaqənin, bu mərhələlərdə qərar vermədə iştirak edən hakimin
qərəzsizliyinə şübhə yaradacaq qədər yaxın olub-olmamasını müəyyən etmək zəruridir
(
Toziczka Polşaya qarşı
, § 36).
Məsələn:
- Məhkəmə və ya inzibati qaydada çıxarılmış qərarı ləğv edən yuxarı instansiya
məhkəməsinin qərəzsizlik tələbindən irəli gələrək işi başqa məhkəməyə və ya eyni
məhkəmənin başqa tərkibinə göndərmək vəzifəsi ümumi qayda hesab oluna bilməz
(
Ringeisen Avstriyaya qarşı
, son cümlə § 97);
- Hakimin eyni qrup faktlarla bağlı iki məhkəmə prosesində iştirakı onun qərəzsizliyi
barədə məsələ qaldıra bilər (
Indra Slovakiayaya qarşı
, §§ 51-53);
- Apellyasiya məhkəməsinə sədrlik edən hakim iki məhkəmə iclasçısı ilə birlikdə öz
qərarından verilən apellyasiya şikayətinə baxa bilməz (
De Haan Hollandiyaya qarşı
,
§ 51);
- Birinci instansiya məhkəməsinin hakimləri öncə verdikləri qərarlarında
qanunvericiliyin səhv şərh olunması və ya tətbiq olunması məsələsinə baxılması
üçün Apellyasiya Məhkəməsinə çağırıldıqları halda, Apellyasiya Məhkəməsinin
qərəzsizliyinə dair şübhələr yarana bilər (
San Leonard Band Club Maltaya qarşı
,
§ 64);
- Eyni hakimin əvvəlcə məhkəmə işi üzrə qərarın çıxarılmasında, daha sonra həmin
qərardan verilən şikayətin qəbuledilənliyinin araşdırılması ilə bağlı prosesdə iştirakı,
ilk baxışda qərəzsizlik tələblərinə zidd deyil (
Warsicka Polşaya qarşı
, §§ 38-47);
- Hakimin birinci prosesdə ərizəçi şirkətə qarşı tərəfi təmsil edən vəkil və ikinci
prosesdə Apellyasiya Məhkəməsinin hakimi qismində ikili rola malik olmasıyla
əlaqədar olaraq, Məhkəmə müəyyən etdi ki, xüsusilə birinci prosesin ikinci prosesə
nəzərən zaman baxımından uzaq və fərqli predmetə malik olduğunu, vəkil və hakim
vəzifələrinin zaman ərzində kəsişmədiyini nəzərə alaraq, ərizəçilərin sözügedən
hakimin qərəzsizliyində obyektiv qaydada əsaslandırılmış şübhələri ola bilməzdi
(
Puolitaival və Pirttiaho Finlandiyaya qarşı
, §§ 46-54);
- Daha əvvəl iş üzrə qərar çıxarmış bəzi hakimlər əvvəlki qərarlarında səhv edib-
etmədiklərini müəyyən etmələri üçün cəlb olunduqları və digər üç hakim məsələ ilə
33/71
Avropa İnsan Hüquqları Məhkəməsi