K
ONVENSIYANIN
6-
CI MADDƏSI ÜZRƏ TƏLIMAT
–
MÜLKI HÜQUQI ASPEKT
191. İlkin suallar: işin ilkin baxılması ilə bağlı mexanizm mövcud olduğu təqdirdə, yerli
məhkəmənin müvafiq məsələyə baxmaqdan imtina etməsi müəyyən hallarda, məhkəmə
araşdırmasının ədalətliliyini poza bilər (
Ullens de Schooten və Rezabek Belçikaya qarşı
,
§§ 57-67, sonraki istinadlar ilə). Belə imtina aşağıdakı hallarda əsassız hesab olunur:
- tətbiq edilən qaydalar işə ilkin baxılması prinsipindən hər hansı istisnaya və ya ona
alternativlərə icazə verməməsinə baxmayaraq imtina olunmuşdursa;
- imtina qaydalarda nəzərdə tutulmayan digər səbəblərə əsaslanırsa;
- və ya imtina bu qaydalara uyğun olaraq müvafiq qaydada əsaslandırılmayıbsa.
192. 6-cı Maddənin 1-ci bəndi bu səbəbdən işin yerli məhkəmə tərəfindən Avropa
İttifaqının Ədalət Məhkəməsinə göndərmək hüququna təminat vermir (
Dotta İtaliyaya qarşı
(qərardad)). Yuxarıda istinad edilən presedent hüququnu tətbiq edərkən, Məhkəmə imtinanın
əsassız olub-olmadığını araşdırır
(
Canela Santiago İspaniyaya qarşı
(qərardad)).
193. Yerli məhkəmə təcrübəsində dəyişikliklər: hüquqi müəyyənlik tələbi və legitim
gözləntilərin qorunması müəyyən olunmuş məhkəmə təcrübəsinə hüququ daxil etmir (
Unédic
Fransaya qarşı
, § 74). Presedent hüququnun inkişafı özlüyündə ədalət mühakiməsinin lazımi
qaydada həyata keçirilməsinə zidd deyil, belə ki, dinamik və təkmilləşdirici yanaşmanın
olmaması istənilən islahatların və irəliləyişlərin qarşısını alır (
Atanasovski "Keçmiş
Yuqoslaviya Respublikası Makedoniyaya" qarşı
, § 38). Bu qərarda Məhkəmə qət etdi ki,
ümumi qəbul edilmiş məhkəmə təcrübəsinin mövcudluğu Ali Məhkəmənin üzərinə presedent
hüququndan yayınmaya əsas verən səbəbləri daha detallı şəkildə bildirmək öhdəliyi qoyur,
əks təqdirdə şəxsin əsaslandırılmış məhkəmə qərarına malik olmaq pozulmuş olar. Bəzi
hallarda həllini gözləyən mülki işlərə təsir edən yerli məhkəmə təcrübəsindəki dəyişikliklər
Konvensiyanı poza bilər (
Petko Petkov Bolqarıstana qarşı
, §§ 32-34).
194. Presedent hüququnda fikir ayrılılıqları ilə bağlı Məhkəmə məhkəmələrin
təcrübəsində sistemliliyi və presedent hüququnun vahidliyini təmin etmək üçün
mexanizmlərin yaradılmasının vacibliyini vurğulayıb (
Frimu və digərləri Rumıniyaya qarşı
(qərardad), §§ 43-44). Buna baxmayaraq, qanunvericiliyin vahidliyinə nail olmaq vaxt tələb
edə bilər və presedent hüququnun mübahisəli olduğu müddətlərdə, hüquqi müəyyənlik
prinsipinə xələl gətirmədən dözümlülük nümayiş etdirilə bilər (
Nejdet Şahin və Perihan
Şahin Türkiyəyə qarşı
[BP], § 83;
Albu və digərləri Rumıniyaya qarşı
, §§ 36 və 40-43).
15
195. Dövlətin tərəf qismində çıxış etdiyi məhkəmə işi davam edərkən qanunun qüvvəyə
minməsi: Məhkəmə Dövlətin tərəf olduğu iş üzrə mübahisənin məhkəmələr tərəfindən həll
olunmasına təsir edən qanunvericiliyin retrospektiv tətbiqinə xas olan təhlükəni xüsusilə
vurğulayır, bura həllini gözləyən iddianın qazanılmasını mümkünsüz edən təsir də daxildir.
Bu cür tədbirləri əsaslandıran istənilən səbəblər yaxından araşdırılmalıdır (
National &
Provincial Building Society, Leeds Permanent Building Society və Yorkshire Building Society
Birləşmiş Krallığa qarşı
, § 112). Prinsipcə, qanunvericilik orqanına mövcud qanunvericiliyə
uyğun olaraq yaranan hüquqları tənzimləmək üçün mülki məsələlər üzrə yeni retrospektiv
müddəlar qəbul etməyə heç nə mane olmur. Buna baxmayaraq, 6-cı Maddə qanunvericilik
orqanlarının mübahisənin məhkəmə qaydasında həllinə təsir etmək məqsədilə ədalət
mühakiməsinin həyata keçirilməsinə müdaxilə etməsini qadağan edir – "ümumi maraqları
ifadə edən məcburedici səbəblər" istisna təşkil edir (
Zielinski və Pradal və Gonzalez və
digərləri Fransaya qarşı
[BP], § 57;
Scordino İtaliyaya qarşı (№ 1)
[BP], § 126).
Məhkəmə məsələn, aşağıdakılara münasibətdə pozuntular müəyyən etmişdi:
- Dövlətin tərəf olduğu məhkəmə prosesinin doqquz il davam etdiyi və ərizəçilər əlində
Dövlət əleyhinə son və icra edilə bilən qərarı aldıqları bir vaxtda, işin qaçılmaz
15
. Həmçinin Dördüncü instansiya bölməsinə baxın.
38/71
Avropa İnsan Hüquqları Məhkəməsi
K
ONVENSIYANIN
6-
CI MADDƏSI ÜZRƏ TƏLIMAT
–
MÜLKI HÜQUQI ASPEKT
nəticəsini Dövlətin xeyrinə dəyişmək məqsədilə - qanunvericilik orqanı tərəfindən
müdaxilə (
Stran Greek Refineries və Stratis Andreadis Yunanıstana qarşı
, §§ 49-50);
- məhkəmə işinin qaçılmaz nəticəsini Dövlətin xeyrinə dəyişdirən qanun (
Zielinski və
Pradal və Gonzalez və digərləri Fransaya qarşı
, [BP], § 59);
- Kassasiya Məhkəməsi qarşısındakı prosesin əhəmiyyətli bir mərhələsində,
mübahisənin mahiyyətində duran məsələni praktiki aspektdə həll edən və məhkəmə
araşdırmasının davam etdirilməsini mənasız edən bir qanunun qəbul edilməsi
(
Papageorgiou Yunanıstana qarşı
);
- məhkəmə prosesi zamanı qəbul edilən və icraatın nəticələrinə təsir edən qanuna
subsidiar qaydada olsa belə əsaslanan apellyasiya məhkəməsinin qərarı
(
Anagnostopoulos və digərləri Yunanıstana qarşı
, §§ 20-21).
Bununla belə, 6-cı Maddənin 1-ci bəndi hakimiyyət orqanlarının tərəf olduqları və həllini
gözləyən məhkəmə proseslərinə istənilən müdaxiləsinə mane olan müddəa kimi şərh edilə
bilməz. Digər işlərdə Məhkəmə hesab etmişdir ki, cavabdeh Dövlətin istinad etdiyi
mülahizələr qanunun retroaktiv təsirinin əsaslandırılmasını tələb edən ictimai əhəmiyyət kəsb
edən məcburedici motivlərə əsaslanmışdır (
National & Provincial Building Society, Leeds
Permanent Building Society və Yorkshire Building Society Birləşmiş Krallığa qarşı
, § 112;
Forrer-Niedenthal Almaniyaya qarşı
, § 64;
OGIS-Institut Stanislas, OGEC Saint-Pie X və
Blanche de Castille və digərləri Fransaya qarşı
, §§ 71-72;
EEG-Slachthuis Verbist Izegem
Belçikaya qarşı
(qərardad)).
196. Bu presedent hüquqi həmçinin dövlətin tərəf olmadığı lakin qanunvericilik
səlahiyyətləri vasitəsilə prosesin gedişatını pozduğu məhkəmə işlərinə də tətbiq olunur
(
Ducret Fransaya qarşı
, §§ 33-42).
197. Qanunvericilik tərəfindən müdaxilənin digər növləri:
- Qanunlar məhkəmə prosesləri başlamadan öncə (
Organisation nationale des syndicats
d’infirmiers libéraux (O.N.S.I.L.) Fransaya qarşı
(qərardad)) və ya başa çatdıqdan
sonra qəbul edilibsə, (
Preda və Dardari İtaliyaya qarşı
(qərardad)) 6-cı Maddənin
pozuntusu barədə məsələ qalxmır;
- Ümumi qanuniverciliyin qəbulu hətta davam edən məhkəmə proseslərinə faktiki
olaraq yönəlməyibsə və beləliklə, hüququn aliliyi prinsipindən yan keçirsə, tərəflər
üçün əlverişsiz ola bilər (
Gorraiz Lizarraga və digərləri İspaniyaya qarşı
, § 72);
- Qanun məhkəmə prosesinin davam etdiyi müddətdə, bu prosesə hər hansı təsir etmək
niyyəti olmadan da qeyri-konstitusion elan edilə bilər (
Dolca Rumıniyaya qarşı
(qərardad)).
198. Ali Məhkəmədə "milli hüquqi xidmətinin müstəqil üzvü"nün müşahidələrinin
tərəflərə açıqlanmaması (prokurorluq şöbəsinin üzvləri):
Vermeulen Belçikaya qarşı
,
Van
Orshoven Belçikaya qarşı
;
K.D.B. Hollandiyaya qarşı
- Baş Prokuror/ Baş müvəkkil:
Göç
Türkiyəyə qarşı
[BP];
Lobo Machado Portuqaliyaya qarşı
– Dövlət komissarı:
Kress
Fransaya qarşı
;
Martinie Fransaya qarşı
[BP], və bu cür müşahidələrə cavab vermək
imkanının olmaması: əksər cavabdeh Dövlətlər bildirmişlər ki, milli hüquq xidmətinin
üzvlərinin bu kateqoriyası nə məhkəmə prosesində tərəf, nə də ki, hər hansı bir tərəfin
müttəfiqi və ya rəqibi deyillər, lakin Məhkəmə müəyyən etmişdir ki, sözügedən vəzifəli
şəxsin faktiki olaraq məhkəmə prosesində oynadığı rola və xüsusilə də onun təqdimatlarının
məzmununa və nəticələrinə diqqət yetirilməlidir (
Vermeulen Belçikaya qarşı
, § 31;
Kress
Fransaya qarşı
[BP], § 71 son cümlə).
39/71
Avropa İnsan Hüquqları Məhkəməsi