221
Aristotel üçün təbiətin fəlsəfəsi fizika ilə deyil, ekologiya ilə
müəyyənləşir. O, güman edir ki, həyatın öz təbii funksiyalarına və
məhdudiyyətlərinə malik olan müxtəlif formaları və müxtəlif həyati
prinsiplər mövcuddur ki, heç bir məxluqat onlara heç bir zərər
yetirmədən onları poza bilməz.
Təbiətin fəlsəfəsinin və təbiət haqqında elmin idrak və
hökmranlıq maraqları əsasında fərqləndirilməsi, şübhəsiz ki,
mühümdür. O, eyni zamanda belə bir problemi də aşkar bir şəkildə
göstərir. Hər şeydən əlavə, ayrıca alimin şəxsi marağını kollektiv
fəaliyyətin bir nəticəsi olaraq meydana çıxan elmi tədqiqatın arxasında
gizlənən ictimai mənafedən fərqləndirmək olar. Belə güman etmək
qəribə olardı ki, Nyuton təbiət üzərində hakimiyyətə sahib olmaqda
şəxsən maraqlı idi. Belə bir maraq çətin ki, onun hərəkətverici qüvvəsi
ola bilsin və öz etdiyinə bəraət qazandırmaq üçün onun belə bir
marağa istinad etməsi də az ehtimallıdır. Bu mənada təbiət üzərində
hökmranlıq marağı ictimai qüvvələrə aiddir. O, bizim zəmanədə
əhəmiyyətli dərəcədə güclənmişdir və mümkündür ki, o, əvvəllər
əhəmiyyətli dərəcədə zəif idi.
Əgər dünyaya Demokrit ruhunda, mexaniki dünyaanlam
baxımından nəzər salınsa, onda həyatın ali formalarının məhvinə
gətirə bilən ekoloji böhran müəyyən mənada şeylərin fundamental
nizamının pozulması olmayacaqdır. Yalnız kəmiyyət xassələrinə
malik olan maddi hissəciklər ekoloji sarsıntılardan sonra da boşluqda
öz mexaniki hərəkətlərini davam etdirəcəklər. Bu mənada təbiətin
anlaşılması üçün Demokrit tərəfindən istifadə olunan kateqoriyalar
ekoloji olaraq neytraldır və deməli, praktik nöqteyi-nəzərdən də qeyri-
adekvatdır.
Ekoloji məqam mexaniki atomizmə insani dəyərlər və
keyfiyyətin qavrayışı kimi subyektiv kateqoriyaların əlavə olunması
yolu ilə də ifadə oluna bilməz
89
. Səbəb ondadır ki, ekosistemdə baş
verən ekoloji böhran Yerdəki destruktiv dəyişiklikləri nəzərdə tutur,
idilər. Sonuncu məqsədə nail olmaq üçün hipotetik-deduktiv metod və abstrakt
riyazi anlayışlar daha effektli oldu. (Müqayisə edin. Fəsil 7).
89
Təbiətin mexaniki anlamı insanı hislərlə qavranılan dünyanın keyfiyyət
tərəfi ilə yalnız yanlış bir qaydada bağlanmır. O, eyni zamanda insanın təbiət
üzərində hökmranlıq imkanını da irəli sürür. Düşünən varlıqla (res cogitans)
və məkani varlıq (res extensa) arasında Dekart tərəfindən göstərilən fərq
cəmiyyətin belə bir anlamı ilə müəyyən paralelə malikdir ki, bütün mövcudat
gəlirini hesablayan subyektə və çiy materiala bölünmüşdür. Sonuncunun
qismində heyvanlar, daşlar və insani varlıqlar çıxış edirlər – onların hamısı
özünün intellekti sayəsində onlardan istifadə edən və onları öz nəzarəti
altında saxlaya bilən subyekt üçün obyektlərdir.
222
hətta əgər insan mövcud olmasa belə. (Məgər təbabətdə xəstə və
sağlam arasındakı fərq canlı varlığın özündə deyilmi, fizikaya isə belə
fərq məlum deyildir).
Buna görə də, təbiətin elə bir fəlsəfəsi zəruridir ki, onun
kateqoriyaları daha çox ekoloji məqamı anlamaq üçün yararlı olsun.
İnsan ekoloji proseslərdə iştirak etdiyi üçün bu fəlsəfə həm insan
üçün, həm də təbiət üçün yer ayırmalıdır.
İlk yunan filosofları təbiəti bir bütöv, physis kimi nəzərdən
keçirirdilər, insan burada təbii olaraq verilmiş qarşılıqlı əlaqələrin
tərkib hissəsi idi. Beləliklə, yunan naturfilosofları üçün təbiətin ekoloji
fəlsəfəsi fiziologiya (physiology), təbiətdə bir bütöv olaraq qarşılıqlı
əlaqələr haqqında təlim idi. Physis funksional totallıqdır, burada hər
bir şey məqsədinə uyğun olaraq öz funksiyasını yerinə yetirir. Təbii
funksiyalar sərhədlərindən kənara çıxma nizamsızlığa, xaosa apara
bilən təkəbbürdür (hybris). Şeyə onun təbii məkanında təbii olaraq xas
olan atributların harmonik reallaşması həm təbiətdə, həm də
cəmiyyətdə düzgündür. Təbii son sərhədlər daxilində həyatın müxtəlif
formaları ilə mühit arasındakı düzgün qarşılıqlı təsir məhdud və
harmonik bütöv olaraq kosmosu, kainatı təşkil edir.
Xatırlatmaq olar ki, bu gün suda, havada və torpaqda çirklənmə
baş verir, enerji mənbəyi olaraq isə son nəticədə Günəş çıxış edir.
Məhz od, hava, su və torpaq Aristotel və bir çox digər yunan
naturfilosofları üçün bazis elementləri idi. Aristotel üçün hər bir şey
öz təbii məkanına malik idi. Çirklənmə "öz yerinə" uyğunsuzluq
deməkdir, bu zaman şeylər o mühitdədirlər ki, burada olmamalıdırlar.
Bu mənada Demokritin "atomistik" kainatında çirklənmə mövcud
deyildir.
Aristotel, Demokritin əksinə olaraq, cüt anlayışlardan, məsələn,
yuxarı və aşağı, quru və nəm, isti və soyuq anlayışlarından istifadə
etmişdir. Səhra, tundra və rütubətli meşə arasındakı fərqlər ekoloji
olaraq vacibdir. Amma mexaniki dünyaanlamada onlar bu kontekstdə
çıxış etmir. Bu, canlı və cansız arasındakı, canlı varlıqlara xas olan
müxtəlif həyati prinsiplər arasındakı fərqlərə də aiddir. Bu, bitkilər
üçün - qidalanma, inkişaf və çoxalma qabiliyyəti, heyvanlar üçün –
əlavə olaraq həm də hərəkət və hiss etmə qabiliyyəti, insanlar üçün
isə, bütün bunlardan başqa, həm də təfəkkür qabiliyyətidir.
Beləliklə, ekologiya, yəqin ki, təbiətin Qaliley və Nyuton
ruhunda anlaşılan mexaniki-atomistik mənzərəsi hədlərindən kənarda
qalır. Amma o, təbiətin Aristoteldə və başqa yunan filosoflarında
aşkar edilə bilən fəlsəfəsinə yaxındır. Bizim zəmanədə Aristotelə və
ona yaxın filosoflara müraciət iki məqsədi nəzərdə tutur. Bunlardan
birincisi – təbiətin və təbiətə münasibətdə bizim tutmalı olduğumuz