227
kölə olanlardır. Qulun kölə vəziyyətində olma təyinatı ilə onun şəxsi
keyfiyyətləri arasında uyğunluq mövcuddur. Bu nöqteyi-nəzərdən,
kölə azad yunan kişilərindən aşağıdır. Beləliklə, Aristotel qulları, həm
də qadınları azad yunan kişilərindən aşağıda təsvir edir. Onların hər
ikisi ictimai həyatda və şəhər meydanında (agora) deyil, ev
təsərrüfatında (oikos) olduqları zaman öz yerlərindədirlər. Qadınlar və
kölələr öz təbiətləri etibarı ilə, öz şəxsi keyfiyyətləri etibarı ilə şəhər-
dövlətin ictimai həyatında iştirak edən azad kişilərə nisbətən çox aşağı
səviyyədədirlər. Buna görə də, insan öz təbiətini polisdə reallaşdırır,
deyərkən, yadda saxlamaq gərəkdir ki, bu, Aristotelə görə, qadınlara
və kölələrə aid deyildir.
Beləliklə, icma, cəmiyyət insana münasibətdə nəsə zahiri bir
şey deyildir. İcma insan tərəfindən özünün ən yaxşı insani
qabiliyyətlərini reallaşdırmaq üçün zəruri şərtdir. Başqa sözlə, bazis
anlayışı olaraq cəmiyyətdən və ya dövlətdən təcrid olunmuş ayrıca
fərd anlayışı deyil, insan-icmada (zoon politikon) anlayışı çıxış edir.
Müstəqil, özü üçün kafi ola bilən fərd ola bilməz, müstəqil, özü üçün
kafi yalnız polis ola bilər. Aristotel eyni zamanda güman etmişdir ki,
Platon insanı icmanın bir hissəsi kimi anlamaqda həddindən artıq
uzağa getmişdir. "Məgər bəs dövlət öz təbiəti etibarı ilə, - Aristotel
belə yazırdı, - bir insan çoxluğu deyilmi"?! Bununla da, biz nə
nəzəriyyədə, nə də siyasi praktikada insanı aradan qaldırmamalıyıq,
insanın və cəmiyyətin təbii olduğundan daha çox eyniləşdirilməsini
tələb etməməliyik.
Biz yuxarıda qeyd etmişik ki, həyatın unikal insani prinsipi
geniş mənada zəkadır. İnsan məhz öz zəkasının reallaşması məqsədi
ilə icmada yaşamalıdır. Zəkanın qaneedici təcəssümü isə yaxşı şəhər-
dövləti nəzərdə tutur. (Loqos və polis qarşılıqlı olaraq əlaqəlidirlər).
İnsani təbiət "qeyri-rasional" qaydada ömür sürən, özünün
unikal insani "ruhunu" icmada digərləri ilə birgə istifadə etməyən
insanlar tərəfindən aşkar olunmur. Onu yalnız o insanlar aşkar edirlər
ki, zəkalı sosial icmada (ailədə, insan məskənində, polisdə) yaşayırlar.
Başqa sözlə, Aristotel kiniklərin, onun müasiri olan hippilərin nöqteyi-
nəzərini təkzib edir. Xatırladaq ki, kiniklər Aristoteldən fərqli olaraq
belə güman edirdilər ki, "təbii qaydada" yaşamaq primitiv və heyvani
həyat sürmək deməkdir.
Qeyd edək ki, Aristotelin yaxşı həyat anlamının özündə bir
qeyri-müəyyənlik vardır. Bu, nəzəri fəaliyyət çərçivəsində olan
həyatdırmı (nəzəriyyə), yoxsa, zəkavi siyasi icmada mövcud olan
həyatdır (praksis)? O ki, qaldı zəkalı siyasi icma ilə zəruri məhsuldar
əmək (poyezis) arasındakı münasibətlərə, aydındır ki, Aristotel
birincini insani varlıqlar üçün daha yaxşı və özündə-məqsəd hesab
228
edir. Lakin fiziki əmək hətta istirahət xatirinə edildikdə belə yaxşı
həyat demək deyildir və hər hansı bir dəyərə malik deyildir. Fiziki
əməklə məşğul olan insanlar, onların kölə olub-olmamasından asılı
olmayaraq insani həyatı ən yaxşı bir qaydada reallaşdıra bilmirlər.
Aristotelin zamanında sinfi fərqlər fiziki əməklə məşğul olan insanlar
ilə intellektual və siyasi fəaliyyətlə məşğul olan insanlar arasındakı
fərq formasını kəsb etmişdi. Aristotel güman edirdi ki, insanın
formalaşması prosesi, "humanizasiya" əməklə deyil, məhz intellektual
və siyasi fəaliyyətlə bağlıdır.
Bu nöqteyi-nəzər, digər amillərlə yanaşı, Hegelin və Marksın
baxışlarından da fərqlənir, Hegel və Marks təsdiq edirdilər ki, tarixi
aspektdə "humanistləşdirmə" amili məhz əməkdir, insanı məhz əmək
formalaşdırır. "Ağa" yalnız bir katalizator olaraq zəruridir. Tarixi
yaradan ağa deyildir, "quldur, kölədir", həmən o qul, kölə ki, əmək
vasitəsi ilə bilik və idrak əldə edir, insanın özü də əmək prosesində
formalaşır. Əlbəttə ki, bu nöqteyi-nəzərləri bir-biri ilə uzlaşdırmaq
kifayət qədər çətindir, belə ki, Aristotel o tarixin başlanğıcinda
yaşamışdır ki, Hegel və Marks ona artıq öz keçmişlərində malik idilər
və onu mənalandıra bilirdilər. (Bundan sonra biz görəcəyik ki, Hegel
və Marks ictimai inkişafın gedişində insanın ilk dəfə özü olması
ideyasını necə mənimsəmişlər. Lakin onlar inkişafı hər şeydən öncə
hər hansı bir ayrıca fərdlə bağlı olan bir proses kimi deyil, bir tarixi
proses kimi, yəni bir çox nəsillərin həyatı boyu reallaşan bir proses
kimi nəzərdən keçirmişlər).
Aristotelin və Platonun insana və cəmiyyətə baxışlarındakı fərq
qadınların rolunu nəzərdən keçirərkən xüsusən aşkar şəkil almış olur.
Platon həyatın xüsusi və ictimai sferaları arasında kəskin sərhəd
qoyduğu və birincini dövləti ümumi mülkiyyətə və ümumi uşaqlara
malik böyük bir ailəyə çevirmək yolu ilə ləğv etməyə meylli olduğu
halda, Aristotel güman edir ki, ailə və dövlət müxtəlif funksiyaları
yerinə yetirirlər. Ailə qidalanma, əhalinin yenidən istehsalı və
uşaqların tərbiyəsi kimi əsas tələbatların ödənilməsi üçün şəraiti təmin
edir. Dövlət isə kişi cinsindən olan vətəndaşların intellektual və siyasi
özünütəsdiqini mümkün edir. Xüsusidən ictimaiyə keçidlər varisliyin
pozitiv məqamları ilə bağlıdır. Ailədə, xüsusi sahədə sosiallaşmadan
sonra insan məskənində və nəhayət, ictimai sahədə, polisdə
sosiallaşma baş verir. Deməli, göz qarşısında olan - şəxsi və ictimainin
qarşı-qarşıya qoyulması deyidir, onların daxili əlaqəsidir. Elə buna
görə də, Platonun nöqteyi-nəzərindən ailə olmamalıdır, ləğv
edilməlidir.
Əksinə, Aristotelin nöqteyi-nəzərindən isə
o,
sosiallaşmanın və ünsiyyətin əsas institutudur.