225
Poetik fənlərin məqsədi – əvvəllər mövcud olmayanın
yaradılmasıdır. Bu fənlər yaradıcıdır (poetikdir). Yeninin doğuluşu
bədii yaradıcılığın gedişində baş verə bilər. Elə buna görə də, bu
fənlərə poeziya və ritorika aiddir. Amma bu, texniki istehsalın
gedişində də baş verə bilər. Aristotel burada sənətkarlığın müxtəlif
növlərini nəzərdə tutur.
Nəhayət, qeyd etmək lazımdır ki, "məntiqin atası" hesab edilən
Aristotel məntiqi başqaları ilə yanaşı duran ayrıca bir fənn kimi deyil,
bütün fənlərin tərkib hissəsi kimi, aləti (yunanca, organon) kimi
nəzərdən keçirmişdir. Aristotel həmçinin demək olar ki, dili də
tədqiqat obyektinə çevirmiş, dilin daxili strukturunu nəzərdən
keçirmiş və düzgün məntiqi nəticələri (sillogizmləri, sübutları)
tapmışdı. Nə qədər ki, dil bütün akademik fənlərin tərkib hissəsidir,
düzgün məntiqi nəticələrin tədqiqi bütün fənlər üçün ümumi olanın
öyrənilməsidir.
Digər amillərlə yanaşı onu da qeyd etmək lazımdır ki, Aristotel
inanırdı ki, məntiqi olaraq düzgün olan bütün nəticələr sübut oluna
bilməyən prinsipləri, məsələn ziddiyyət prinsipini nəzərdə tutur:
"mümkün deyildir ki, eyni bir şey eyni bir şeyə eyni bir mənada xas
olsun və xas olmasın". Bu prinsip, Aristotelə görə, sübut oluna
bilməyən, amma dilin istənilən rasional istifadəsi üçün məcburi olan ilk
prinsipdir
91
.
Yuxarıda söylənilənləri nəzərə alaraq, diqqətimizi insanın və
cəmiyyətin Aristotel tərəfindən anlaşılmasına yönəldək.
Uşaq da eyni ilə buğda toxumu kimi reallaşdıra biləcəyi
potensial imkanları öz daxilində daşıyır. Amma insanlar bitkilər kimi
"bitmirlər". Onlar zəkalı varlıq kimi yaşayırlar və toxumdan fərqli
olaraq özləri özlərinin ən yaxşı qabiliyyətlərini təcəssüm etdirməyə də
bilərlər. Elə buna görə də, insanlar onları reallaşdırmağa və müxtəlif
həyati situasiyalarda yardım almağa çalışaraq etika və siyasət kimi
praktik fənləri işləyib hazırlayırlar.
Ümumiyyətlə, Aristotelə görə, insani qabiliyyətlərin ən
yaxşıları unikal insani "ruh", zəka ilə bağlıdır. "Rasional" həyat bütün
91
Dil tədqiqat predmeti olduğu zaman onu bir obyekt kimi, yəni tədqiqatçıdan
ayrı bir şey kimi başa düşmək ənənəsi yaranır. Dilin tədqiqi zamanı Platon
müəyyən mənada özünün istifadə etdiyi dil haqqında mühakimə yürütmüşdür.
Elə buna görə də, onda dilin demək olar ki, bir subyekt kimi və həm də bir
obyekt kimi dialektikası mövcuddur. Amma Platon öz düşüncələrində özünə
rəva bilməzdi ki, birinci prinsiplərə və ya deduksiya qaydalarına baş qoşsun,
o çalışardı ki, onların üzərində və onlar arxasında dayananlar barədə
düşünsün.
226
insanların universal məqsədidir. Lakin hər bir ayrıca insan üçün onun
məqsədi onun qabiliyyətlərinin yaşadığı cəmiyyətdə reallaşmasından,
onun cəmiyyətdə stilinin (onun etosunun - ethos) və yerinin, öz
qabiliyyətlərini ən yaxşı bir qaydada reallaşdıra biləcəyi yerin
tapılmasından ibarətdir. Fəzilət (arete) də elə budur.
Biz tanrılardan fərqli olaraq hər şeyi bilmirik, bitkilərdən və
heyvanlardan fərqli olaraq isə tamamilə nadan da deyilik, biz səhv də
edə bilərik. "Mümkündür ki, mən mənə xas olan müəyyən qabiliyyətə
malik olmuşam, amma onu aktuallaşdırmamışam". Bu hal nə tanrılar,
nə də heyvanlar üçün səciyyəvi deyildir. Bu, yalnız insan həyatının
daim təkrarlanan faciəvi tərəflərindən biridir.
Aristotel birgə mövcudluğun formalarını təsvir edir, o, belə
hesab
edir
ki,
insanlar
ən yaxşı insani qabiliyyətlərini
reallaşdırmaqdan ötəri bu formalar daxilində həyat sürməlidirlər.
Tamamilə kamil olmaq üçün, insan ardıcıl olaraq ailə ilə, yaşayış
məskəni (ailələr icması) ilə və şəhər-dövlətlə bağlı olan sosiallaşma
mərhələlərindən gəlib keçməlidir. Yalnız bundan sonra insan əslində
nə olduğunu aşkara çıxara bilər. İnsanın təbiəti - onun qabiliyyətləri
(potensiallığı) – sosiallaşmanın üç mərhələsində ardıcıl olaraq aşkar
olunur (aktuallaşır).
İnsan təbiəti
b. K.s.136
Polis
Yaşayış məskəni
Ailə
Doğuluş
Bu yolda onun sadə tələbatlarından (valideynlərin evi)
başlayaraq mürəkkəbədək (polis) bir çox ehtiyacları ödənilir və
həmçinin insan təbiətin reallaşmasının artmaqda olan dərəcəsi aşkar
olur. Başqa sözlə, o, ibtidai və heyvani həyatda özünü aşkara çıxarmır.
İnsan təbiəti insan mədəni olduğu zaman aşkara çıxır.
Qeyd etmək lazımdır ki, insan Aristotel üçün - hər şeydən öncə
kişi cinsinin nümayəndəsidir. Biz tezliklə görəcəyik ki, Aristotelə
görə, qadınlar əsasən ailə və onun lokal ətrafı ilə bağlıdırlar, burada
onlar öz qabiliyyətlərini ən yaxşı bir qaydada reallaşdıra bilərlər.
Bundan da daha çox deyilsə, o, həqiqətən azad və müstəqil insanla
(insanla - bu sözün daha yaxşı mənasında) təbiətən kölə olan insan
arasında fərqi diqqətə çatdırır. Qullar polisdə kölə vəziyyətində
yaşayırlar, ağır fiziki əməklə məşğul olmaq məcburiyyətindədirlər.
Aristotel üçün belə bir həyat kişi cinsinin nümayəndəsi olan azad
yunanların polisdə yaşadıqları həyata nisbətən daha az dəyərlidir.
Aristotel güman edirdi ki, kölə vəziyyətinə düşən insanlar təbiətən