192
növlərindən hər biri ayrıca insanın keyfiyyət etibarı ilə müxtəlif olan
qabiliyyətlərinə əsaslanır. Yaxşı cəmiyyətdə hər bir insan ən yaxşı
yerinə yetirə bildiyi işlə məşğuldur. Bu, fəaliyyətin ictimai olaraq
daha vacib növlərinin və ali qabiliyyətlərin daha az və orta
əhəmiyyətli olan fəaliyyət növləri ilə uyğunluğunu nəzərdə tutur.
Adamların ictimai vəziyyətlərindəki fərqlər onların təbii fərqləri ilə
şərtlənir. Beləliklə, cəmiyyətin sinfi quruluşu, Platona görə, həm etik
olaraq (əxlaqi olaraq), həm də qabiliyyətlər nöqteyi-nəzərindən
cəmiyyətin ayrıca götürülmüş üzvünə əsaslanır.
Ədalətli dövləti siniflərin və funksiyaların harmonik qarşılıqlı
təsiri səciyyələndirir (Dövlət, 434 c-d). Əmək bölgüsü və sinfi fərqlər
əsas siyasi fəziləti – ədaləti nəzərdə tutur.
Düşünmək olar ki, Platon axtardığını, yəni hakimiyyətin və
qabiliyyətin uzlaşdığı ideal cəmiyyəti tapmışdı. Bu cəmiyyət
"piramida" formasına malikdir. Hökmdarlar və fəzilət ideyası arasında
görünməz bağlar mövcuddur. Bu əlaqə sarsılmazdır, çünki fəzilət
ideyası öz bütöv təcəssümünü hökmdarlarda tapmışdır
67
.
Platon hakimiyyətin və qabiliyyətin qarşılıqlı əlaqə problemini
nəzəri olaraq həll etmiş olsa da, özü tərəfindən təklif olunan təhsil və
tərbiyə sisteminin ictimai fraqmentasiyasını dəf edə biləcəyinə və
eqoistik mənafeləri ram edə biləcəyinə hər halda şübhə edirdi. Platon
belə düşünürdü ki, onun müasiri olan Afinada demokratiyanın
tənəzzülünün başlıca səbəblərindən biri qeyri-kompetentliklə yanaşı
məhz eqoistik mənafelərdir. Onun tərəfindən təklif olunan əlac - siyasi
hakimiyyətə malik olan iki ali sinif üçün xüsusi mülkiyyətin qadağan
olunması və ailə institutunun ləğv edilməsi idi. Bu halda o, belə bir
qaydada mühakimə yürüdürdü: Var-dövlət və ailə həyatı ictimai
mənafelərə zidd ola bilən eqoistik mənafelərin mənbəyidir. Ailə həyatı
– xüsusi həyatdır. Var-dövlət paxıllığı və konfliktləri törədir. Bütün
bunlar isə cəmiyyəti zəiflədir
68
.
Platon iqtisadiyyata əsasən siyasi tərəfdən baxırdı
69
. Sərvətlərin
qeyri-mütənasib paylanması, çox varlılar və çox kasıblar arasında
67
Platon insani davranışın izahı zamanı ümumi əhəmiyyətə malik olan və
dəyişməz normalardan (ideyalardan) çıxış etdiyi üçün, təbii hüquqlar
haqqında təlim mənşəyini demək olar ki, ondan götürür (baxın. Fəsil 5). Eyni
zamanda bir daha xatırladaq ki, Platon əsasən hansısa bir beynəlxalq
ictimaiyyət barədə deyil, antik polis barədə düşünmüşdür. Bu, Aristotelə də
aiddir.
68
Baxın. E. Barker. Greek Political Theory. - London, 1970. - P. 239 ff.
69
Platon və Aristotel öz siyasi təlimlərində iqtisadiyyata müəyyən əhəmiyyət
versələr də, ona marksistlərdən fərqli olaraq siyasətin hərəkətverici qüvvəsi
kimi baxmırdılar (baxın. Fəsil 21)
193
kəskin differensiasiya cəmiyyətin stabilliyi üçün təhlükəlidir.
Siyasətçilər öz iqtisadi mənafeləri ilə ictimai mənafelərə zidd şəkildə
hərəkət edə bilərlər. Platon elə buna görə də, hesab edirdi ki, polisin
stabilliyi aşağıdakı amillərlə təmin olunur:
hökmdarların qabiliyyətli olması (təhsil);
vətəndaşların
cəmiyyətə
münasibətdə sadiq olmaları
(hökmdarlarda xüsusi mülkiyyətin və ailənin olmaması),
dövlətin öz-özünü təmin edə bilməsi (əhalinin sayı və ərazisi
arasında balans) və
hücumda olan müdafiə
70
.
Bunu tez-tez təsdiq edirlər ki, Platon "kommunizm prinsipini"
irəli sürür. Bu, terminin ən uğurlu seçimi deyildi. Buna baxmayaraq
ki, Platonda "kommunizm" barədə danışmaq olar, lakin o mənada
danışmaq olar ki, mülkiyyət müəyyən ölçüyə kimi ümumi, latınca
deyildiyi kimi communis olmalıdır, "kommunizm" sözü də bu
mənadan qaynaqlanır. Məhz bu mənada, məsələn, ilk xristianların
"kommunizmi" barədə danışırlar. Amma bu gün "kommunizm" adətən
marksizmlə assosiasiya olunur. Marksist kommunizm təsdiq edir ki,
siyasi hakimiyyət iqtisadi əsaslara malikdir, istehsal vasitələri
üzərində mülkiyyətə əsaslanır. Platon özünün ideal dövlət haqqında
təlimində cəmiyyəti belə təsvir etmişdir ki, ali siniflər burada, belə
görünür ki, istehsal üçün münasib olan mülkiyyətə (torpaq, istehsal
alətləri, gəmilər və i.a.) deyil, istehlak üçün münasib olan mülkiyyətə
malikdirlər (ev əşyaları və xidmətçilər).
Tarixin iqtisadi şərhi (bu, onun dialektik-materialist anlamı ilə
eyni deyildir) kapitalizmin ilkin inkişafına, yəni İntibahdan sonrakı
dövrə müəyyən dərəcədə tətbiq oluna bilər. (İqtisadçılıq deyəndə biz o
təlimi başa düşürük ki, o, tarixi dəyişikliklərin əsas səbəbi olaraq
iqtisadi amilləri qəbul edir və tarixi hadisələrə siyasi, sosial və mədəni
amillərin müstəqil təsirini inkar edir. Digər tərəfdən, orta əsr,
feodalizm dövründə həlledici amil demək olar ki, iqtisadiyyat deyildi,
din idi.
Yunanların əksəriyyəti kimi, Platon üçün də polis (polis, şəhər-
dövlət) və eykos (oikos, ev təsərrüfatı) əsas anlayışlar idilər.
70
Platon özünün Dövlətdə irəli sürdüyü bəzi müddəaları, xüsusən, iki ali
sinfin nümayəndələri üçün xüsusi mülkiyyətlə və ailə ilə bağlı müddəaları
Qanunlarda bir qədər yumşaldır. Özünə müasir olan həyat tərzini nəzərə
alaraq, o, ümumi mülkiyyətin dövlət tərəfindən gerçəkləşmə imkanlarını və
həmçinin də cinsi partnyorların dəyişmə praktikasının sonradan valideynlər
və uşaqlar arasında bağların qırılacağını görmürdü. Baxmayaraq ki, Platon
bunu ən yaxşı həll hesab edirdi.