215
Buna əlavə olaraq, Aristoteldən gələn ənənələrdə materiya
adətən qadın başlanğıcı ilə, forma, formalaşdıran isə kişi başlanğıcı
ilə əlaqələndirilir. Oxşar anlam çox zaman adi şüurda qeyri-aşkar bir
şəkildə mövcuddur, məsələn, ana torpaq passiv material kimi
nəzərdən keçirilir, torpaq o zaman məhsuldar olur ki, əkinçi onu
şumlayır və toxum səpir.
Biz dörd səbəbi və ya prinsipi sənətkar işinin nümunəsində
illüstrasiya etdik. Bu, tamamilə Aristotel ruhundadır, onun düşüncələri
çox zaman müxtəlif sənətlər üçün səciyyəvi olan yaradıcı proseslərin
analizinə əsaslanırdı. Aristotel eyni zamanda bundan biologiyada çıxış
nöqtəsi olaraq istifadə etmişdir
83
.
Dörd səbəb istənilən şeyə xasdır. O zaman ki, canlı
orqanizmlər (məsələn qızılgüllər və pişiklər) özlərini öz inkişaflarının
nəticəsi kimi yaradırlar, son səbəb və hərəkətverici səbəb demək olar
ki, müəyyən mənada şeylərin öz daxilindədir. Onlar məqsədə və
hərəkətverici qüvvəyə məsələn duluzçu tərəfindən olduğu kimi xarici
təsir nəticəsində deyil, özlüyündə malikdirlər. Burada biz təbiət və
insani fəaliyyət (mədəniyyət) arasındakı fərqlə rastlaşırıq. Təbii
şeylər, insan tərəfindən yaradılmışların əksinə olaraq dörd səbəbə və
ya prinsipə, özlüyündə malikdirlər.
Amma, heç də bütün təbii şeylər belə deyillər. Cansız şeylər,
məsələn, daş və su inkişafla xarakterizə olunmur. Onlara münasibətdə
son səbəb barədə danışmaq kifayət qədər problematikdir.
Amma, Aristotelin "təbii" və "məcburi" adlanan hərəkətlər
barədə təlimi son səbəbləri qeyri-üzvi təbiətlə əlaqələndirməyə imkan
verir. Hər şeydən öncə qeyd etmək lazımdır ki, Aristotel
dəyişikliklərin dörd tipini irəli sürmüşdür. 1) Substansial dəyişikliklər
substansiyaların (şeylərin) yaranması və yox olması ilə əlaqədardır.
Nümunə üçün atın doğuluşunu və ölümünü götürmək olar. 2)
Keyfiyyət
dəyişiklikləri
substansiyanın
(şeyin)
xassələrinin
dəyişiklikləri ilə bağlıdırlar. Nümunə üçün yarpağın yaşıldan sarıya
çevrilməsini götürmək olar. 3) Kəmiyyət dəyişiklikləri onunla bağlıdır
ki, substansiyalar (şeylər) daha böyük (və ya daha kiçik) ölçülü
xassələrə malik olmağa başlayırlar. Deyək ki, pişik daha ağır və daha
kök və ya daha yüngül və daha arıq olur. 4) Məkan dəyişiklikləri
substansiyanın (şeyin) məkanda öz yerini dəyişməsi ilə bağlıdır. Onlar
o zaman baş verirlər ki, məsələn daş yerə düşür və ya ox hədəfə
yönəldilir.
83
Yunan polisində sənətlərin və kənd təsərrüfatının aparıcı mövqeyi ilə
müqayisə edin.
216
Təbii və məcburi hərəkətlər haqqında təlim dəyişikliklərin
sonuncu tipinə aiddir. O, belə bir gümandan çıxış edir ki, hər bir şey
dörd elementdən ibarətdilər: oddan, havadan, sudan və torpaqdan.
Bunlardan ilk ikisi "yuxarıya" qalxmağa (od havaya nisbətən daha çox
səy göstərir), qalan ikisi isə "aşağıya etməyə" (torpaq sudan daha çox
səy göstərir) çalışırlar. Müxtəlif şeylər elementlərin qeyri-münasib
miqdarından təşəkkül tapmışlar. Deməli, özlərində daha çox torpağı
daşıyan şeylər təbii olaraq "aşağıya" üz tuturlar. İçərilərində havanın
üstünlük təşkil etdiyi şeylər içərilərində torpağın üstünlük təşkil etdiyi
şeylərə nisbətən təbii olaraq yuxarıda olacaqlar. İçərilərində odun
üstünlük təşkil etdiyi şeylər yuxarıya üz tutacaqlar, onların altında isə
içərilərində havanın üstünlük təşkil etdiyi şeylər yerləşəcəkdir. Bu, o
deməkdir, ki, məsələn, ayrıca şeylərin yerə düşməsi onların "öz təbii
yerinə meyli" ilə izah olunur, bu meyl isə onlarda dörd elementin
münasibəti ilə müəyyənləşir. Beləliklə, düşmə hərəkəti son səbəbin
köməyi ilə izah olunur.
Dörd səbəbdən istifadə edərək, demək olar ki, şeyin təbii yeri
onun son səbəbidir, şeyin ağırlığı onun hərəkətverici səbəbidir, onun
təbii yerinə aparan yol formal səbəbdir və şeyin hazırlandığı material
onun maddi səbəbidir.
O zaman ki, biz oxu horizontal istiqamətdə buraxırıq, o, öncə
horizontal olaraq hərəkət edir, sonra tədricən aşağı enməyə başlayır və
bucaq altında yerə düşür. Ox yaydan buraxıldığı zaman birbaşa olaraq
yerə düşmür. Oxa onun "təbii" hərəkətindən, yəni birbaşa yerə
düşmədən fərqli bir hərəkət, yəni müəyyən istiqamətdə hərəkət
verilmişdir. Yaydan buraxılmış ox o istiqamətdə hərəkət etməyə
"məcburdur" ki, onun ondan başqa bir seçimi yoxdur. Aristotelin
"məcburi" hərəkət barədə təliminin məğzi elə bundadır.
Oxşar hadisələri İntibahdan başlayaraq başqa cür izah edirlər,
bu izah zamanı son təbii səbəblər haqqında təsəvvürlə yanaşı, həm də
"təbii" və "məcburi" hərəkət anlayışlarını da rədd edirlər (Qaliley).
Aristotel astronomiyada dünyanın yuxarı və aşağı sferalarını
fərqləndirmişdir. "Təbii" və "məcburi" hərəkətlər haqqında təlim
dünyanın Yerə yaxın olan hissəsinə ("ayaltı dünya"ya) tətbiq
olunmuşdur. Ulduzlar və planetlər yuxarı sferaya məxsusdurlar,
hərəkət burada mükəmməl çevrələr üzrə və daimi sürətlə həyata
keçirilir. Aristotelin astronomiyası üç fundamental hipotezdən çıxış
edir. 1) dünya yuxarı və aşağı sferalara bölünmüşdür, bunlardan da hər
birinə hərəkətin spesifik qanunları xasdır. 2) Yuxarı sferada hərəkət
dairəvidir. 3) Göy cisimləri çevrələr üzrə daimi sürətlə hərəkət edirlər.
Bundan da daha çox deyilsə, dünya bir son olaraq başa düşülürdü.
Bütün bu müddəalar dünyanın Ptolemey (akme 127-145-ci illər)