38
münasibəti Plutarxın dilində isə belə səslənirdi: “Əlində hakimiyyət
olan adamın kiçik günahları da böyük görünür”.
Qədim Yunanıstanda məğlubiyyətə uğrayan aristokratizm öz
tarixi inkişafını özgə bir milli zəmində, özgə bir milli dildə və özgə bir
mədəniyyətin daşıyıcıları tərəfindən davam etdirdi. Bu özgə milli
zəmin, əlbəttə ki, qədim Roma, özgə milli dil – latın, özgə
mədəniyyətin daşıyıcıları isə Roma stoikləri idilər.
Stoisizm həm də kosmosentrizmin bir dünyagörüş olaraq
yenidən bərpasına yönəlmişdi. Lakin kosmos burada birinci yerdə
duraraq qalsa da, hələ ki, xalis subyekt şəklində təsvir olunmurdu.
Stoisizmin tarixi təkamülü prosesində isə kosmosa getdikcə daha çox
insan hissləri, insan iradəsi, insan zəkası aid edilməyə başlayır. Bu
proses neoplatonizmdə tamamlanır
10
.
Əgər
yunan hadisəsi kimi meydana gələn stoisizm sonradan
bütövlükdə bir Roma hadisəsinə çevrilmiş və yunan hadisəsi olaraq
isə öz mövcudluğunu dayandırmışdısa, neoplatonizm bir yunan
hadisəsi olaraq meydana gəlmiş, bir yunan hadisəsi olaraq inkişaf
etdirilmiş və üstəlik bir yunan hadisəsi və ideyası olaraq da
gerçəkləşdirilmişdir.
Neoplatonizmin banisi olan Plotin yunan ruhunu əsarət və
mənəvi zülm çirkabından xilas etməyə və bununla da onu
gözəlləşdirməyə səy edirdi. Lakin o, bunu etməyə heç də əsarət və
mənəvi köləlik çirkabının konkret təsviri ilə başlamırdı. Burada heç
Romalılara qarşı üsyan çağırışı da yox idi. Burada, hətta xristianlığa
qarşı elə bir siyasi etiraz çağırışı da yox idi. Plotin yunan ruhunu əsarət
və mənəvi zülm
çirkabından xilas etmə işini aristokratik
dünyaduyumunun kosmosentrik əsaslarının möhkəmləndirilməsi yolu
ilə edirdi. «Ali gözəlliyi görmək üçün ruh cismani çirkabdan
təmizlənməlidir». Plotin bunu etməyə dünyanın ilahi mahiyyətinə
söykənərək və bu mahiyyətin transsendent deyil, immanent nöqteyi-
nəzərdən anlaşılmasından başlayırdı. Plotin insan ruhunda dünyanın
ilahi mahiyyətinin gizləndiyini qəbul edir və insan ruhunda gizlənən
həmin bu mahiyyətin görünə bilməsi üçün ruhun cismani çirkabdan
təmizlənməsinin zəruri olduğunu irəli sürdüyü zaman həmin bu
mücərrəd görünən fikrin müəyyən fəlsəfi izahını da verirdi: Ruh
maddilikdən nə qədər çox azaddırsa, bir o qədər gözəldir. Cisimlər
vahid və ilahi mahiyyətdən doğulan ali gözəlliyə qovuşan zaman gözəl
olurlar. Gözəl cisimlər ali gözəlliyin izləri, surətləri, kölgələridirlər.
İnsan isə əsl gözəlliyə çatmaq üçün vəcdin, ekstazın köməyi ilə ruhunu
hissi aləmdən uzaqlaşdırmalı, allaha qovuşdurmalı və əriyib onunla
10
Лосев Ф. Ф. История античной философии. М, 1989.
39
birləşməlidir. Dünya özü allahdan şüalanma, emanasiya yolu ilə törə-
mişdir. Emanasiya öz mənbəyindən uzaqlaşdıqca isə zəifləyir. Materiya
elə buna görə də formasızlığın, natəmizliyin, qeyri-ilahiliyin ifadəçisi,
ilkin zülmətdir. Materiya, eyni zamanda, məhdudiyyətdir. Ruh isə insanı
allaha yaxınlaşdırır. Lakin bu hal yalnız təkcə insana da aid deyildir.
Şeylər ümumiyyətlə ideya ilə qovuşarkən gözəl olurlar. Hər bir şeydə
gözəlliyə doğru ilahi bir meyl vardır.
Plotinin ümumi ontoloji mövqeyi belə idi, özü də bu mövqe
Platona istinad edirdi. Bir fəlsəfi sistem və cərəyan olaraq
neoplatonizmin əsasında Platon fəlsəfəsinin durması əlbəttə ki, təbii
idi. Neoplatonizmin banisi olan Plotin özünün tarixə həkk etdirdiyi
adını belə Platondan götürmüşdü. Lakin hər halda bütün bunlarla
yanaşı onu da qeyd edək ki, Plotin, demək olar ki, bütün məsələlərdə
Platonu davam və inkişaf etdirsə də, bircə, bəlkə də az əhəmiyyətli
görünən bir məsələdə bir qədər fərqli mövqe tuturdu. Bu, incəsənətin
təyinatı ilə bağlı məsələ idi. Plotin, Platondan fərqli olaraq, düşünürdü
ki, incəsənət, sadəcə olaraq, görünən predmetləri təqlid etmir, o, həm
də görünən predmetlərin əsaslarına nüfuz edir. Platon dünyanın ilahi
mahiyyətinə aparan yolu yalnız fəlsəfədə görürdü, Plotin isə bunu,
həm də incəsənətdə görür.
Neoplatonizm, ümumiyyətlə, isə qədim yunan fəlsəfəsinin bir
məntiqi sonu idi. Qədim yunan təfəkkürün mütləq predmetini təşkil
edən kosmos antik fəlsəfənin təşəkkülü prosesində subyekt
statusundan obyekt statusuna, onun tənəzzülü şəraitində isə yenidən
subyekt vəziyyətinə qayıdır. Kosmos mifik anlamda yalnız subyekt
statusunda idi. Qədim yunan fəlsəfəsinin meydana gəlməsi ilə kosmos
həm
də
obyekt
statusunda
anlaşılmağa başladı. Demokrit
atomistikasında isə o, yalnız obyekt kimi anlaşıldı. Qədim yunan
fəlsəfəsinin sonrakı inkişafında kosmosa yenə də subyektiv əlamətlər
şamil edilməyə başladı və neoplatonizmdə bu proses özünün məntiqi
sonluğuna yetişdi. Kosmos yenə də mifik anlamda olduğu kimi yalnız
subyekt statusunda oldu.
Yeri gəlmişkən, qeyd edək ki, qədim Yunanıstanda
neoplatonizm tərəfindən oynanılan bu rol, qədim Hindistanda vedanta
tərəfindən oynanıldı. Vedanta da, neoplatonizm tipli özünəqayıdış
forması idi. Yunan təfəkküründə kosmos obrazının obyekt
vəziyyətindən subyekt vəziyyətinə qayıdışı neoplatonizm təlimində
tamamlandığı kimi, qədim hindlilərin vedanta təlimində də kainat
yenidən Riqvedanın ilkin qatlarında olduğu kimi öz hərəkət səbəbini
özündə daşıyan vahid orqanizm – puruşa – kimi təsvir olunur.
Qədim yunan təfəkkürünün inkişaf xüsusiyyətləri ilə qədim
hind təfəkkürünün inkişaf xüsusiyyətləri arasında apardığımız bu