__________________________________________________
36
129. “Ədəbiyyat qəzeti”- həftəlik qəzet. 1934-cü ildən çıxır.
Azərbaycan Yazıçılar Birliyinin orqanı. 1953-cü ildən “Ədəbiyyat
və incəsənət” adı ilə çıxmışdır. Qəzetdə Azərbaycan və xarici ölkə
yazıçılarının əsərləri, ədəbiyyat və incəsənət problemlərinə dair
məqalələr, publisistik yazılar dərc olunur. C.3-367, 368;
130. Əhməd bəy Ağayev (Ağaoğlu)- Əhməd bəy Mirzə
Həsən oğlu Ağayev (1869-1939)- Azərbaycanda türkçülük
hərəkatı ideoloqlarından biri. Görkəmli ictimai-siyasi xadim,
publisist, hüquqşünas, şərqşünas-islamşünas alim. O, “Nicat”,
“Nəşri-maarif”, “Səfa” xeyriyyə cəmiyyətlərinin təşkilində və
fəaliyyətində yaxından iştirak etmişdir. XX əsrin 20-ci illərində
Türkiyənin dövlət mətbuat bürosunun müdiri təyin edilən Əhməd
bəy 2 dəfə Türkiyə Böyük Millət Məclisinə deputat seçilmiş,
Ankara Universitetinin professoru olmuşdur. Sovet dönəmində
ona qatı “panislamist”, “pantürkist” damğası vurularaq adı və
əsərləri qadağan edilmişdir. Həyatının və əsərlərinin geniş surətdə
öyrənilməsinə son illərdə başlanılmışdır. İstanbul şəhərində vəfat
etmişdir. C.1-158; C.4-459;
131. Əhməd Cavad, Cavad Məmmədəli oğlu Axundzadə
(1892-1937)- Azərbaycan şairi. Yaradıcılığında mücərrəd
romantizmlə yanaşı, milli istiqlaliyyətə yenidən qovuşmaq
arzusundan doğan meyllər mühüm yer tutur. Azərbaycanın ən
dəyərli milli ziyalı nümayəndələrini məhv edən sovet totalitar
rejiminin repressiya qurbanlarındandır. C.1-380; C.2-7; C.6-309;
132. “Əhrar” Partiyası- siyasi partiya. 1918-ci ilin payızında
Bakıda yaradılmışdır. Sədri Aslan bəy Qardaşov idi. C.1-154;
133. Əl-Biruni, Əl-Biruni Əbu Reyhan Məhəmməd ibn
Əhməd əl Xarəzmi (973-1048)- orta əsr ensiklopediyaçı alim,
əsərlərini ərəb dilində yazmışdır. Tarix, etnoqrafiya, coğrafiya,
astronomiya, fizika və s. elm sahələrinə aid 150-dən çox əsərin
müəllifidir. C.6-345;
134.
Ələsgər Ələkbərov, Ələkbərov Ələsgər Hacağa oğlu
(1910-1963) – görkəmli Azərbaycan aktyoru. Azərbaycan və
SSRİ Xalq artisti. 1993-cü ildən ömrünün sonunadək Azərbaycan
Milli Dram Teatrında işləmişdir. Ələkbərovun yaradıcılığı
__________________________________________________
37
Azərbaycan teatrının inkişafında mühüm rol oynamışdır. C.1-160;
C.4-84; C.5-187; C.9-19;
135. Əli İnsanov, Əli Binnət oğlu İnsanov (1946)- tibb
elmləri doktoru, professor. Azərbaycan Respublikasının səhiyyə
naziri olmuşdur. C.4-256; C.5-23;
136. Əli Nağıyev (1954)- Azərbaycan Respublikasının Əmək
və Əhalinin Sosial Müdafiəsi naziridir (1996). Birinci çağırış Milli
Məclisinin deputatı olmuşdur. C.2-517, 519, 520, 524, 531, 533;
C.4-256;
137. Əlibəy Hüseynzadə, Əlibəy Hüseyn oğlu Hüseynzadə
(1864-1940)- Azərbaycan yazıçısı, jurnalist, filosof, tərcüməçi,
ictimai xadim. Rusiyada 1905-1907-ci illər inqilabının təsiri ilə
çarizmi, feodal-patriarxal geriliyi, Şərq istibdadını, ətaləti və dini
mövhumatı tənqid edən Ə.Hüseynzadə Azərbaycanda burjua
ideologiyasının başçılarından biri, “Füyuzatçılar” ədəbi-fəlsəfi
cərəyanının
əsas nəzəriyyəçisi olmuşdur. Fəaliyyətində
“türkləşmək, islamlaşmaq, müasirləşmək” şüarına əsaslanırdı.
C.4-459;
138. Əlikram Hümbətov, Əlikram Ələkbər oğlu Hümbətov-
1993-cü ildə Azərbaycan Respublikasını parçalamaq məqsədilə
qanunsuz hərbi qruplaşmaya rəhbərlik etmiş, qondarma “Talış-
Muğan Respublikası” nı yaratmağa cəhd göstərmişdir. C.1-65-73,
76-78, 80, 91, 93- 99, 102-110, 252, 284; C.2-273, 280, 282-284,
472, 533, 550, 552, 557-559, 568; C.3-98, 199, 209; C.4-33, 34,
155-157, 182, 185, 190-192, 490; C.6-84, 469; C.7-276, 277; C.8-
216, 217; C.9-318;
139. Əlimərdan bəy Topçubaşov (1865-1934)-Azərbaycan
Xalq Cümhuriyyətinin qurucularından biri. Görkəmli hüquqşünas,
ictimai-siyasi və dövlət xadimi, diplomat. 1917-1920-ci illərdə
Bakı Müsəlman Şurası Müvəqqəti İcraiyyə Komitəsinin sədri,
Azərbaycan Parlamentinin sədri. Paris (Versal) Sülh konfransında
Azərbaycan nümayəndə heyətinin başçısı olmuşdur. 1934-cü ildə
Parisdə vəfat etmişdir. C.1-156, 175; C.2-5; C.3-456; C.5-422,
444; C.6-308;
140. Əliş Ləmbəranski, Əliş Cəmil oğlu Ləmbəranski (1914-
1999)- mühəndis, dövlət xadimi. Ləmbəranski müxtəlif illərdə
__________________________________________________
38
Azərbaycan SSR Neft Sənayesi nazirinin müavini, Bakı şəhər
ZDS İcraiyyə Komitəsinin sədri, SSRİ Nazirlər Soveti yanında
Mikrobiologiya Sənayesi Baş İdarəsi rəisinin birinci müavini,
Azərbaycan SSR Nazirlər Soveti sədrinin müavini vəzifələrində
işləmişdir. Azərbaycan SSR Ali Sovetinin deputatı olmuşdur.
SSRİ Dövlət mükafatı laureatı idi. C.5-216;
141. Əlişir Nəvai, Nizaməddin Mir Əlişir (1441-1501)- özbək
şairi, mütəfəkkir, dövlət xadimi. Nəvainin lirik şeirləri özbək
ədəbiyyatına yeni bir istiqamət vermiş, onu həyat həqiqətlərini,
yüksək insani hissləri, insanın daxili aləmini, arzu və istəklərini,
etirazlarını sənət dili ilə ifadə vasitəsinə çevirmişdir. Şairin
humanist məzmunlu lirik şeirləri özbək bədii dilinin inkişafında,
Yaxın Şərqdə yayılmasında mühüm mərhələ olmuşdur. C.4-225;
C.5-191; C.6-338, 339, 345, 346; C.8-6;
142. İrşad Əliyev, İrşad Nadir oğlu Əliyev (1944)- 1992-ci
ildə Prezident Aparatında məsləhətçi, 1992-1994-cü illərdə
Respublika Qaçqınlar və Köçkünlərlə İş üzrə Dövlət Komitəsinin
sədri işləmişdir. 1994-cü ilin oktyabr ayından 2004-cü ilə qədər
Azərbaycan Respublikasının Kənd Təsərrüfatı naziri olmuşdur.
C.1-535; C.2-387; C.3-65, 338, 342, 346, 347, 408; C.4-206-211,
213, 215, 217, 219, 220; C.6-53, 54, 61, 62; C.7-345, 349, 350,
352; C.9-165, 174, 178, 179;
143. Ənvər Əlixanov, Ənvər Nəzər oğlu Əlixanov (1917-
1993)- geoloq, geologiya-mineralogiya elmləri doktoru, professor.
1961-1970-ci illərdə Azərbaycan SSR Nazirlər Sovetinin sədri və
Ali Sovetin deputatı olmuşdur. C.6-455;
144. Ərzurum, (Erzurum)- Türkiyənin şimal-şərqində şəhər.
Ən qədim şəhərdir. 1473-cü ildən Türkiyənin tərkibindədir.
Əvvəllər Karin Feodosiopol adlanmış, VII əsrdə xilafətə qatılmış,
XI əsrdə Ərzurum səlcuqlar tərəfindən tutulmuş və Ərzən-ər Rum
adlanmışdır. Ərzurum adı da elə buradandır. C.6-464; C.7-485;
C.9-361;
145. Əsgər Akayev (1944)- Qırğızıstanın siyasi və dövlət
xadimi, fizik, akademik. 1989-1990-cı illərdə Qırğızıstan EA-nın
prezidenti, 1990-2005-ci illərdə Qırğızıstan Respublikasının
Prezidenti olmuşdur. C.2-400, 409; C.4-109, 224, 231, 233, 234,
Dostları ilə paylaş: |