92
müxtəlif ali məktəblərində neft-qaz, neft-qaz qurğuları, qazma, geofizika, geologi-
ya, proseslərin avtomatlaşdırılması, kompüter, inşaat, boru kəmərləri, ekologiya,
neft-kimya və kimya mühəndisliyi, energetika, iqtisadiyyat, proqramçı və insan
resurslarının idarəedilməsi ixtisasları üzrə təhsil alan Azərbaycan vətəndaşı olan
tələbələrə yay tətili müddətində istehsalat təcrübəsi keçmək üçün “Yay təcrübəsi
proqramı”na başlamışdır. Proqram tələbələrin neft sənayesinin müxtəlif sahələrində
təcrübi biliklərinin artırılması, onların real iş şəraiti ilə yaxından tanış olması, nəzəri
biliklərinin təcrübədə yoxlanılması, həmçinin iş keyfiyyətləri barədə ARDNŞ-də daha
dolğun informasiyanın toplanması məqsədi ilə həyata keçirilmişdir. Yay təcrübəsi
tələbənin istəyindən asılı olaraq, 1 və ya 2 ay müddətində davam etmişdir. Proqramın
şərtlərinə görə tələbə ilə həmin müddətə müvəqqəti əmək müqaviləsi bağlanmış və
o ən aşağı dərəcəli mütəxəssis vəzifəsində işə qəbul olunmuşdur. Təcrübəçi işlədiyi
vaxta və vəzifəsinə müvafiq olaraq, əmək haqqı almışdır. Eyni zamanda ARDNŞ işçiləri
üçün mövcud olan bütün güzəştlər təcrübəçilərə də şamil edilmişdir. Proqramda
təhsil aldığı ali məktəbdən asılı olmayaraq, qeyd olunan ixtisaslar üzrə bakalavriatın
2, 3, 4-cü kursları və magistraturanın 1 və 2-ci kurslarını bitirən tələbələr iştirak
etmişlər. 7 iyun 2010-cu il tarixində ARDNŞ-nin saytında elan olunmuş müsabiqəyə
bir həftə ərzində ölkə daxilində və xaricdə 21 ali məktəbdə təhsil alan 298 tələbə
müraciət etmişdir. 13 ali məktəb üzrə 126 tələbə yay təcrübəsinə qəbul edilmişdir.
Tələbələrin yay təçrübəsi ARDNŞ-nin “Azneft” İB, “Azərikimya” İB, ”Kompleks Qaz-
ma İşləri” Tresti, “Neftqaztikinti” tresti, Xəzər Dəniz Neft Donanması, Geofizika və
Geologiya İdarəsi, Heydər Əliyev adına Bakı Neft Emalı Zavodu, “Azərneftyağ” Neft
Emalı Zavodu, Qaz Emalı Zavodu, İnformasiya Texnologiyaları və Rabitə İdarəsi,
Neft Kəmərləri İdarəsi və Ekologiya İdarəsində təşkil edilmişdir.
Bu il ilk dəfə olaraq ARDNŞ respublikanın enerji sektorunda gənc kadrlara
tələbatın yüksək olduğunu nəzərə alaraq, ölkə daxilində və xaricdə təhsil alan
tələbə və gənc mütəxəssislərin enerji sektoruna marağını artırmaq məqsədi ilə
SOCAR Yay Məktəbi təşkil etmişdi. Məktəbdə respublika daxilində və xaricində
ali məktəblərin bakalavriat və magistratura pillələrində avtomatika və İKT, boru
kəmərləri, ekologiya, energetika, geoloji kəşfiyyat, hüquq, qaz-neft-mədən, qazma,
iqtisadiyyat, kimya-texnologiya, neft-mexanika və inşaat ixtisasları üzrə təhsil alan,
əsasən, “yaxşı” və “əla” qiymətlərlə oxuyan 30 nəfər Azərbaycan vətəndaşı olan
gənclər iştirak etmişlər. SOCAR Yay Məktəbi 29 avqust – 6 sentyabr 2010-cu il
tarixlərində Şıx cimərliyində yerləşən “Ramada” otelində keçirilmiş və bu müddət
ərzində iştirakçılar oteldə qalmışlar. Yay Məktəbi ARDNŞ-nin fəalliyət göstərdiyi
enerji sektorunun - neft-qaz yataqlarının geologiya-geofizikası, quyuların qazılması,
neft-qaz hasilatı, nəqli və saxlanması, emalı və neft-kimya, ekoloji normalar və
alternativ enerji mənbələri, neft-qaz hasilatı və emalı sənayesinin iqtisadiyyatı,
neft və neft məhsullarının satışını əhatə etmişdir. Hər gün şirkətin müxtəlif idarə
93
və müəssisələrində çalışan işçilər Yay Məktəb iştirakçılarına mühazirələr vermiş,
onlarla praktiki məşğələlər aparılmış, ekskursiyalar təşkil olunmuşdur. Hər axşam
ARDNŞ vitse-prezidentləri Məktəb iştirakçıları ilə görüşmüş və onları maraqlandıran
sualları cavablandırmışlar. Məktəb tədris proqramı və təşkilati məsələlərinin həllinə
görə tələbələr arasında böyük əks-səda yaratmış və gənclər arasında ARDNŞ-nin
nüfuzunun artmasına səbəb olmuşdur. Yay Məktəbindən sonra keçirilən elektron
rəy sorğusu da bunu təsdiq etmişdir.
2007-ci ildə Kadrların hazırlanması şöbəsi Azərbaycanda və ölkədən kənarda
təhsil alan tələbə və şagirdlərlə əlaqə yaratmaq, onların müraciətlərini vaxtında
cavablandırmaq üçün ARDNŞ-nin korporativ veb səhifəsinin bir bölməsi olan Təqaüd
Proqramı bölməsi – saytı (www.socar.az/tehsil.html) yaradılmışdır və hazırda fəaliyyət
göstərir. Bu bölmədə şöbənin tələbələr və şagirdlərlə fəaliyyət istiqamətlərinə aid
bütün məlumatlar: proqramların şərtləri, müsabiqələr, namizədlər və təqaüdçülər
haqda məlumatlar, universitet və ixtisasların siyahısı, tarixçə, fotoalbom, ən çox
verilən suallar və cavabları, əlaqə məlumatları yerləşdirilmişdir və daim yenilənir.
94
Hesabat ilində ARDNŞ-nin müəssisələrində sağlam və təhlükəsiz əmək şəraitinin
yaradılması və təmin edilməsi, istehsalat sahələrinin, binaların, iş yerlərinin müasir
standartların tələblərinə uyğun səviyyədə yenidən qurulması, istehsalat xəsarətalmalarının,
qəzaların, peşə xəstəliklərinin qarşısının alınması sahəsində böyük işlər görülmüşdür.
ARDNŞ hər il istehsalatda təhlükəsiz və sağlam əmək şəraitinin vəziyyətindən asılı
olaraq əməyin mühafizəsi üzrə tədbirlərin hazırlanıb həyata keçirilməsinə, əl əməyinin
yüngülləşdirilməsinə, istehsalat proseslərinin mexanikləşdirilməsinə maliyyə vəsaiti ayırır.
Bu məqsədlə 2010-cu ildə müəssisələrdə əmək şəraitinin yaxşılaşdırılması üzrə tədbirlərə
12 196 572 manat vəsait planlaşdırıldığı halda, bu məqsədlə 14 407 463 manat pul
xərclənmişdir ki, bu da nəzərdə tutulan məbləğin 118,1 %-ni təşkil edir.
İdarə və müəssisələrdə çalışan işçilər xüsusi geyim, xüsusi ayaqqabı və digər fərdi
mühafizə vasitələri ilə təmin olunmuş və bir çox müəssisələrdə işçilərin bu geyim və
vasitələrdən tam istifadə etmələrinə nail olunmuşdur. İl ərzində işçilərin xüsusi geyim,
ayaqqabı və fərdi mühafizə vasitələri ilə təmin olunmasına 9.480.500 manat vəsait
xərclənmişdir. Həmçinin ARDNŞ-nin Baş Ofisinin istehsalatla bilavasitə təmasda olan
mühəndis texniki işçiləri xüsusi geyim və fərdi mühafizə vasitələri ilə təmin olunmuşlar.
Azərbaycan Respublikasının Əmək Məcəlləsinin 223-cü maddəsinin tələblərini icra
edərək əməyin mühafizəsi işlərin təşkilini gücləndirmək məqsədilə işçilərinin sayı beş yüz
nəfərdən artıq olan bir sıra müəssisələrdə – “Azneft”, “Azəriqaz” və “Azərikimya” İstehsalat
Birliklərində, “Neftqaztikinti” və “Kompleks Qazma İşləri” Trestlərində, “Azərneftyağ”
və H.Əliyev adına Bakı Neft Emalı Zavodlarında, Xəzər Dəniz Neft Donanmasında, Geo-
fizika və Geologiya İdarəsində, Heydər Əliyev adına Bakı Dərin Özüllər Zavodunda, Neft
Kəmərləri İdarəsində müəssisə rəhbərinin əməyin mühafizəsi üzrə müavini, İnformasiya
Texnologiyaları və Rabitə İdarəsində və “Neftqazelmitədqiqatlayihə” İnstitutunda baş
mühəndisin əməyin mühafizəsi üzrə müavini vəzifələri ştatları yaradılmışdır.
İstehsalat sahələrində qəzaların, yanğınların, bədbəxt hadisələrin baş verməsinə və peşə
xəstəliklərinin yaranmasına səbəb ola biləcək risklərin müəyyən edilməsi, onların ləğv
edilməsi və ya minimum səviyyəyə endirilməsi məqsədilə 2010-cu ildə Şirkətin Əməyin
mühafizəsi və təhlükəsizliyi şöbəsi və əməyin təhlükəsizliyi üzrə daimi fəaliyyət komissiyası
tərəfindən Şirkətin 15 müəssisəsinin 63 təşkilatında əmək şəraitinin vəziyyəti yoxlanılmış,
1600-dən çox təhlükəsizlik qaydalarının pozuntuları və digər nöqsanlar aşkar edilmişdir ki,
bunların da aradan qaldırılması üçün tədbirlər görülmüş və müəyyən hissəsi ləğv edilmişdir.
XVIII. ƏMƏYİN MÜHAFİZƏSİ
Dostları ilə paylaş: |