159
hüquqlar dövlətin hər bir vətəndaşa yaşamaq üçün minimum vasi-
təni təmin etmək vəzifəsini müəyyən edir. Sosial hüquqlar insanın
layiqli həyat səviyyəsinin və sosial müdafiəsinin təmin olunması
ilə bağlıdır.
Mədəni hüquqlar insanın mənəvi inkişafını təmin etməyə yönə-
lir. Onlara təhsil, mədəni dəyərlərə yol tapmaq hüququ, bədii və
texniki yaradıcılıq azadlığı və başqaları aiddir.
V.Y.Çirkin fərdin və vətəndaşın konstitusion hüquq və azadlıq-
larının dörd qrupa bölündüyünü göstərir:
1) bərabərlik prinsipini ifadə və ehtiva edən hüquq və azadlıq-
lar (məsələn, vətəndaşların qanun qarşısında bərabərliyi);
2) fərdin azadlığına, toxunulmazlığına, ləyaqətinə təminat ve-
rən şəxsi hüquq və azadlıqlar;
3) vətəndaşların cəmiyyətin siyasi həyatında iştirakı ilə əlaqə-
dar olan siyasi hüquqlar və azadlıqlar. Bu hüquq və azadlıqlar
vətəndaşlara cəmiyyətin və dövlətin idarə olunmasında iştirak
etməyə imkan verir (məsələn, birləşmək azadlığı, bu isə həm də
dövlət hakimiyyətinə təzyiq etmək üçün də istifadə olunur);
4) sosial-iqtisadi və mədəni hüquqlar: bu hüquqlar fərdin cə-
miyyətin sosial-iqtisadi və mədəni həyatında fəal iştirakı üçün hü-
quqi şərait yaradır (məsələn, əmək hüququ və əməyin azadlığı, mə-
dəni nailiyyətlərdən istifadə etmək hüququ və s.).
Beləliklə, göründüyü kimi, insan hüquqları, onların söykəndiyi
prinsiplər (azadlıq, suverenlik, qanunçuluq, bərabərlik, təhlükəsiz-
lik, dözümlülük və s.), bu hüquqları bəyan edən sənədlər, müvafiq
konseptual müddəa və yanaşmalar tarixi inkişafın fonunda daha da
zənginləşmiş və yeni keyfiyyət çalarları əldə etmişdir. “Birinci nə-
sil hüquqlar” kimi səciyyələndirilən vətəndaş hüquqları və siyasi
hüquqlar sonralar “ikinci nəsil hüquqlar”la – iqtisadi və sosial hü-
quqlarla tamamlanmış, daha sonra isə “üçüncü nəsil hüquqlar” ad-
landırılan hüquqlar haqqında ideyalar irəli sürülmüş və bu hüquq-
lara dinc, sağlam ətraf mühitdə və təhlükəsiz yaşamaq və s. hüquq-
lar aid edilir.
Fərdin siyasi hüquqları və azadlıqları vəhdət təşkil etməklə cə-
160
miyyətin siyasi azadlığının səviyyəsini səciyyələndirir. Onların
reallıq dərəcəsi və məzmunu cəmiyyətin iqtisadi rifah halından, si-
yasi rejimdən, siyasi mədəniyyətindən, mənəvi həyatından, digər
amillər və şəraitdən asılıdır.
Hər bir azadlığın, həmçinin, siyasi azadlığın obyektiv surətdə
mövcud olan sərhədləri vardır. Siyasi sahədə şəxsiyyətin hüquqi
azadlığı sosial (faktiki) və siyasi azadlıqdan geniş ola bilməz. Eyni
zamanda, dövlət siyasi sferada hüquqi azadlığı məhdudlaşdıra bi-
lər. Digər tərəfdən, vətəndaşlar qarşısında dövlət onların siyasi tə-
ləbatlar və mənafelərinin ödənilməsi, siyasi fəallığın inkişaf etdi-
rilməsi üçün məsuliyyət daşıyır. Dövlət siyasətinin bu prinsiplərin-
dən geri çəkilmək hüququn və dövlətin demokratik xarakterinin
deformasiyaya uğramasına gətirib çıxarar.
Siyasi hüquq və azadlıqlar şəxsiyyətin siyasi vəzifələri ilə bir-
likdə vətəndaşın ümumi konstitusiya statusunun yarımsistemi olan
siyasi-hüquqi statusunu təşkil edir. Onu da qeyd etmək lazımdır ki,
fərdin siyasi azadlığı, ilk növbədə, bütövlükdə cəmiyyətin azadlığı,
həmçinin, şəxsiyyətin təmsil etdiyi sosial birliyin (qrupun, kollek-
tivin, təşkilatın) siyasi azadlığı ilə müəyyən edilir.
Şəxsiyyətin siyasi və hüquqi statusunun müəyyən olunmasında
vətəndaşlıq anlayışı da mühüm əhəmiyyət kəsb edir. Elmi ədəbiy-
yatda vətəndaşlıq şəxs və vətəndaş arasında hər iki tərəfdən müəy-
yən hüquq və vəzifələr törədən qarşılıqlı əlaqələr kimi təsbit edilir.
Bu baxımdan, həmin dövlətin vətəndaşları həm geniş hüquqlardan
istifadə edir, həm də onların üzərinə daha çox vəzifələr düşür.
Demokratik cəmiyyətlərdə azadlıq insan hüquqları vasitəsilə
təsbit edilir və reallaşdırılır. İnsan hüquqları demokratiyanın mü-
hüm elementi kimi tam, bütöv sistem yaradır və vəhdət təşkil edir.
A.Tokvil “Amerikada demokratiya” əsərində qeyd edir ki, demok-
ratiya siyasi hüquqlar anlayışını hər bir vətəndaşın şüuruna çatdırır
və bu da onun əsas üstünlüklərindən biridir: “Əlbəttə, hamıya siya-
si hüquqlardan istifadə etməyi öyrətmək asan deyil, amma bu məq-
sədə nail olmaq müsbət nəticələr verir”.
Beləliklə, insan hüquqları ideyası qədim köklərə malik olsa da,
161
yalnız demokratiya, azadlıq, ədalət və formal bərabərlik prinsipləri
əsasında əsl məna kəsb etmişdir. Müasir dünyada insan hüquqları-
na dair mühüm universal beynəlxalq normaların artıq formalaşdığı
bir vaxtda bu prinsiplərin reallaşmasına, hamının hüquq və azad-
lıqlarının təmin edilməsi üçün əlverişli şəraitin yaradılması yalnız
demokratik cəmiyyətdə mümkündür. Belə ki, demokratik cəmiy-
yətdə insana qayğı yüksək və ali məqsəd sayılır və müvafiq olaraq
insan hüquqları və azadlıqlarının konstitusiya və qanunlarda təsbit
edilməsi dövlət idarəçiliyinin əsas məqsədi kimi çıxış edir. Konsti-
tusiyada təsbit olunmuş hüquq və azadlıqlar şəxsiyyətin fərdi fəal-
lıq potensialının ölçüsü kimi çıxış edir. Məhz bu cür cəmiyyətlərdə
vətəndaşların konstitusion hüquq və azadlıqlarının müdafiəsi məq-
sədilə yaradılmış mexanizmlər səmərəli şəkildə işləyir.
6.3. Ombudsman təsisatı – insan və vətəndaş hüquq və
azadlıqlarının müdafiəsinin xüsusi mexanizmi
Demokratik cəmiyyətdə insan və vətəndaş hüquq və azadlıqla-
rının müdafiəsi mexanizmində ombudsman təsisatının xüsusi yeri
və rolu araşdırmaçılar tərəfindən önə çəkilir. Modern cəmiyyətlə-
rin inkişaf səviyyəsi insanların həyatının bütün sahələrinə idarəet-
mə fəaliyyətinin ekspansiyasının getdikcə artdığını göstərir. Bu da
insanları idarəetmə orqanlarında, demək olar ki, tamamilə asılı və-
ziyyətə salır. Bunun nəticəsində isə ombudsman kimi bir təsisatın
fəaliyyət mexanizminə zərurət yaranır ki, onun da vəzifələrinə
idarəetmə orqanlarının işindən qənaətlənməyən vətəndaşların şika-
yətlərinə baxmaq və onların hüquq və azadlıqlarını müdafiə etmək
daxildir. Bu cür təsisata tələbat, həqiqətən də, çox yüksəkdir, xüsu-
silə də əgər nəzərə alınsa ki, ombudsmana müraciət proseduru cid-
di qaydaları və yüksək xərcləri nəzərdə tutmur. Bundan fərqli ola-
raq məhkəməyə müraciət prosedurları uzunmüddətli olur və əvvəl-
cədən müəyyən olunmuş sərt çərçivələrdə baş verir.
Bundan başqa, bəzi müəlliflər ombudsman təsisatının fəaliyyəti-
nin psixoloji tərəfini də ön plana çəkirlər. Araşdırmaçı A.Pavslovska