153
6.2. Demokratik cəmiyyətlərdə insan və vətəndaş
hüquq və azadlıqlarının təmin və müdafiə
edilməsi vasitələri və mexanizmləri
İnsanın cəmiyyətdə vəziyyətinin beynəlxalq-hüquqi tənzimlən-
məsinin nəticələrinin pozitiv olması həmin cəmiyyətin daxili mü-
hiti və bütövlükdə siyasi sistemindən, dövlətin suveren iradəsin-
dən, sosial-siyasi, hüquqi, iqtisadi və mədəni xüsusiyyətlərindən
və durumundan asılıdır. Dövlətin sosial təcrübəsində insan hüquq-
ları və azadlıqlarına dair müvafiq beynəlxalq sazişlərdəki bu və ya
digər hüquqi normaların reallaşdırılması üçün təkcə onların məz-
mununu ölkənin qanunvericiliyinə transformasiya etmək deyil,
həm də ilk növbədə, onlardakı şəraitin yaradılmasına yönələn mü-
vafiq sosial-iqtisadi siyasətin həyata keçirilməsi zəruridir. Bu ba-
xımdan, yalnız demokratik cəmiyyətdə insan və vətəndaş hüquq və
azadlıqlarının reallaşdırılması üçün əlverişli şərait yaranır və onla-
ra tam təminat verilir. ABŞ politoloqu Şapiro yazır ki, demokratiya
azadlığı qoruyan nemət və rifahdır. Məhz buna görə də, bu məqsəd
və prinsip əsasında siyasi strategiyanı reallaşdırmaq lazımdır.
İnsan hüquqları probleminə ictimai mənafelər və dəyərlərin üs-
tünlüyünü nəzərə almaqla daha ədalətli və humanist yanaşmanın
işlənilməsi və inkişaf etdirilməsi nöqteyi-nəzərindən, bir tərəfdən
dəyişən maraqların, digər tərəfdən isə mənəvi dəyərlər və impera-
tivlərin sabitliyinin dəyişməz əhəmiyyəti vardır. Bizim fikrimizcə,
bu faktorların birləşdirilməsi bəşəriyyətin hüquqi və sosial inkişa-
fının əsas tələbatı, insan hüquqları nəzəriyyəsi və təcrübəsinin,
milli dövlətlərin daxili və xarici siyasətinin prinsipial məsələsidir.
İnsan hüquqları ideyasına əsaslanan demokratiya konsepsiyası
geniş şəkildə politoloq Larri Daymond tərəfindən işlənmişdir.
Onun fikrincə, insan hüquqlarının nəzərə alınmaması demokratiya
konsepsiyasını zəiflədir, insan hüquqlarına əsaslanan liberal de-
mokratiya modeli demokratik fikir və təcrübəni zənginləşdirir. Bu
model fərdi və qrup azadlığı ilə yanaşı, siyasi plüralizmin təmin
154
olunmasını da nəzərdə tutur.
L.Daymond insan hüquqlarının demokratik modelinin əsas əla-
mətlərinə aşağıdakıları aid edir:
– real hakimiyyət konstitusion əsasda faktiki surətdə seçilmiş
şəxslərə və onların təyin etdiyi şəxslərə mənsubdur;
– icra hakimiyyətinin səlahiyyətləri konstitusiya və ona
müvafiq qəbul edilmiş normativ aktlarla məhdudlaşdırılır.
Müstəqil məhkəmə, parlament, insan hüquqları üzrə Müvəkkil-
ombudsman təsisatı digər institutlar qarşısında məsuldur;
– seçkilərin nəticələri əvvəlcədən müəyyən olunmur, müxalifət
mövcuddur və alternativ qüvvələrin fəaliyyətinə imkan və şərait
vardır;
– vətəndaşların partiyalar və müntəzəm seçkilərdən başqa öz
maraqlarını və dəyərlərini ifadə və təmsil etməsi üçün çoxlu kanal-
lar və vasitələrin olması, o cümlədən onların yarada biləcəyi müx-
təlif muxtar assosiasiyalar, hərəkat və qruplar;
– assosiasiyalar azadlığına və plüralizmə əlavə olaraq vətən-
daşların siyasi cəhətdən azad əlaqəsi vasitəsi olan kütləvi informa-
siya vasitələri də daxil olmaqla alternativ informasiya mənbələri-
nin mövcud olması;
– fərdlər əsas azadlıqlara – etiqad, fikir, mətbuat, toplaşma və
s. azadlıqlara malik olmalıdır;
– vətəndaşlar siyasi cəhətdən qanun qarşısında bərabərdirlər
və onların azadlıqlarını qərarları digər hakimiyyət mərkəzləri tə-
rəfindən hörmətlə qarşılanan və dəstəklənən məhkəmə sistemi mü-
dafiə edir;
– legitim idarəetmə vətəndaşları ədalətsiz həbslərdən, sürgün-
dən, terrordan, işgəncələrdən və digər bu kimi mənfi müdaxilələr-
dən qoruyur.
Ceyms Marş və İohan Olsen “inteqrativ demokratiya”da insan
və vətəndaş hüquq və azadlıqlarına münasibəti açıqlayaraq qeyd
edirlər ki, birincisi, insan hüquqları pozulmazdır, yəni onlara müt-
ləq surətdə təminat verilməlidir; ikincisi, insan hüquqları ayrılmaz-
dır, yəni, onlar bir dəfə müəyyən olunduqdan sonra ləğv oluna bil-
155
məzlər; üçüncüsü, hüquqlar qanunların yenidən baxılması yolu ilə
deyil, daha çox onların interpretasiyası vasitəsilə dəyişdirilir.
Modern cəmiyyətlərdə insan hüquqlarının təsnifatı müxtəlifdir.
Onların daha ümumi təsnifatına görə bütün hüquqlar neqativ və
pozitiv hüquqlara bölünür. Hüquqların təsnifat əsasında bölgüsü
onlarda azadlığın neqativ və pozitiv aspektlərinin fərqləndirilməsi-
nə əsaslanır. Neqativ hüquqlar fərdin azadlığını mühafizə edir və
cəmiyyətin, dövlətin, digər şəxslərin ona qarşı münasibətdə bu və
ya digər neqativ hərəkətlərə yol vermək vəzifələri kimi qeyd olu-
nur. Bu hüquqlar fərdi dövlətin onun azadlığını pozan, digər şəxs-
lərin müdaxiləsindən və məhdudiyyətlərindən qoruyur. Onların hə-
yata keçirilməsi isə dövlətin ehtiyatlarından, ölkənin sosial-iqtisadi
inkişaf səviyyəsindən asılı deyil.
Neqativ hüquqların legitim təsdiqinə və bütövlükdə insan hü-
quqlarına neqativ (və liberal) münasibətə misal olaraq ABŞ Kon-
stitusiyasının “Hüquqlar haqqında Bill”ini – ABŞ Konstitusiyasına
dəyişiklikləri göstərmək olar.
Bu sənədin birinci maddəsində yazılır: “Konqres hər hansı
bir dinin bərqərar olunması və ya sərbəst etiqadı qadağan
edən, söz və mətbuat azadlığını, həmçinin, vətəndaşların dinc
toplaşma və sui-istifadə hallarını aradan qaldırmaq tələbləri
ilə öz şikayətlərini hökumətə bildirmək üçün müraciət etmək
hüququnu məhdudlaşdıran qanun verə bilməz”.
Neqativ hüquqlar fərdi dövlətin onun sərbəst hərəkət etməsinə
mane olan məhdudiyyətləri və məcburiyyətlərindən qoruyan hü-
quqlar hesab olunur. Rusiya politoloqu A.İ.Solovyev bu hüquqlara
praktiki olaraq bütün liberal səciyyəli insan hüquqlarını aid edir. O
hesab edir ki, bu hüquqlar mütləqdir və konkret ölkənin inkişaf sə-
viyyəsindən asılı deyil, yalnız insan şəxsiyyətinin suverenliyini və
onun sərbəst seçiminə dövlət tərəfindən hörmətli münasibəti nəzər-
də tutur.
Bu hüquqlar yalnız fərdin işləri və maraqlarına ədalətsiz müda-
xilə, onun azad seçiminə qəsd istisna olmaqla dövlətdən maddi və
digər ehtiyatların toplanması və bölüşdürülməsini, ümumiyyətlə, hər