174
olunmasını Azərbaycan dövlətinin ali məqsədi olduğunu bəyan
etməklə Konstitusiya müəyyən edir ki, məhz dövlət hər kəsin hü-
quq və azadlıqlarının müdafiəsinə təminat verir və bu müdafiənin
məhkəmə orqanlarında həyata keçirilməsinə imkanlar yaradır.
Bütövlükdə, Azərbaycan Respublikasının Konstitusiyasında in-
san və vətəndaş hüquq və azadlıqları tam həcmdə təsbit olunur.
Konstitusiyanın maddələrini insan hüquqları sahəsində əsas bey-
nəlxalq hüquqi sənədlərin müddəaları ilə müqayisə edərək belə bir
nəticəyə gəlmək olar ki, onların ümumi yanaşmaları və konkret
normalarında oxşarlıq mövcuddur. Bu isə təsadüfi deyil. Azərbay-
canda insanın konstitusion statusunu müəyyən edən prinsiplər mü-
hüm beynəlxalq sənədlərdə təsbit olunmuş normaların ümumdün-
ya səviyyəsini əks etdirir. Bu isə, ilk növbədə, onunla izah olunur
ki, Azərbaycan dünya birliyinin bir hissəsi olmaqla bəşər siviliza-
siyasının dəyərlərini tanıyır və qəbul edir. Demokratik inkişaf yo-
lunu seçmiş Azərbaycan Respublikası Ümumdünya insan hüquqla-
rı Bəyannaməsində, BMT Nizamnaməsində, Mülki və siyasi hü-
quqlar haqqında, iqtisadi, sosial və mədəni hüquqlar haqqında bey-
nəlxalq-hüquqi sənədlərdə təsbit olunmuş insan hüquqlarına riayət
olunması prinsiplərini tanıyır və Azərbaycan Respublikasının
Konstitusiyasında, müvafiq dövlətdaxili hüquqi sənədlərdə insan
və vətəndaş hüquq və azadlıqlarının təsbit edilməsi bu prinsiplərə
təminat veriləcəyinin ifadəsidir.
Beləliklə, Azərbaycan Konstitusiyası insan və vətəndaş hüquq
və azadlıqlarını dünya təcrübəsinin nəzərə alınması fonunda geniş
şəkildə təsbit edir, onların və insanın ən ali dəyər olmasından çıxış
edir. Bütün bunlar isə demokratik, hüquqi dövlətin ən əsas və ay-
rılmaz əlamətlərindən biri olmaqla bütün dövlət hakimiyyəti or-
qanlarının fəaliyyətində insan hüquq və azadlıqlarının prioritet yer
tutmasından xəbər verir.
Konstitusiyada insan hüquq və azadlıqlarının həyata keçirilmə-
si üçün zəruri təminatlar da göstərilmişdir. Konstitusiyanın müd-
dəalarına müvafiq olaraq bu sahədə ümumdövlət təminatına insan
hüquq və azadlıqlarının prioritetliyini, Konstitusiyanın və qanunla-
175
rın aliliyini, hakimiyyətin bölgüsü prinsipinə əsaslanan demokra-
tik, hüquqi dövlətçilik təsisatları sisteminin formalaşdırılmasını,
insan hüquqlarının müdafiəsinin hüquqi əsaslarının yaradılmasını,
bu sahədə milli təsisat və mexanizmlərin yaradılmasını və s. aid et-
mək olar.
6.6. Azərbaycanda insan və vətəndaş hüquq və azadlıqlarının
təmin edilməsi siyasətinin əsas istiqamətləri
İnsan və vətəndaş hüquq və azadlıqlarının təmin və müdafiə
edilməsi daim dövlətin diqqət mərkəzində olan başlıca məsələlər-
dəndir. Çünki vətəndaş cəmiyyətinin formalaşdırılması, demokra-
tik, hüquqi dövlət quruculuğu bilavasitə insan və vətəndaş hüquq
və azadlıqlarının möhkəm təminatının yaradılması problemi ilə
bağlıdır.
Ümumi rəydir ki, insan və vətəndaş hüquq və azadlıqlarının
reallaşdırılması mexanizmi insanın bütün hüquq və azadlıqlarına
hörmət üçün zəruri şəraiti təmin edən, insan şəxsiyyətinə xas olan
ləyaqətdən irəli gələn, onun tam və azad inkişafı üçün əhəmiyyətli
olan vasitə və amillərin müəyyən sistemidir. Bu mexanizmin struk-
turuna daxil olan elementlərə ictimai normalar, insan və vətəndaş
hüquq və azadlıqlarının subyektlərinin fəaliyyəti, ictimai rəy, ümu-
mi, xüsusi və təşkilati prosedurlar, məsuliyyət və s. aid edilir.
Ümumiyyətlə, insan hüquqlarının reallaşdırılması mexanizminin
vəzifələrinə pozulmuş hüquqların qorunması, müdafiəsi və bərpası
daxildir. Beləliklə, həmin mexanizmin yarımsistemləri kimi pozul-
muş subyektiv hüquqların “qorunması mexanizmi”, “müdafiəsi
mexanizmi”, həmçinin, “tərbiyəsi mexanizmi” çıxış edirlər.
İnsan hüquqlarının müdafiə və təmin edilməsi sahəsində xarici
təcrübəni tədqiq edən araşdırmaçıların ümumi rəyinə görə, heç də
bütün ölkələrdə insan və vətəndaş hüquq və azadlıqlarını təmin
edən dövlətdaxili mexanizmlər (təminatlar) yaradılmır. O.E.Kuta-
fin qeyd edir ki, təminatlar fiziki şəxs tərəfindən ona məxsus
176
hüquq və azadlıqların həyata keçirilməsi imkanlarını təmin edən
tədbirlərdir.
M.V.Baqlay hüquq və azadlıqların konstitusion təminatlarını
nəzərdən keçirir və onların təsnifatının aşağıdakı kimi verilməsini
təklif edir:
– insan və vətəndaş hüquq və azadlıqlarının ümumi təminatları;
– hüquq və azadlıqların müdafiəsi;
– məhkəmə müdafiəsi;
– beynəlxalq müdafiə;
– təzminat məsələsi üzrə müdafiə;
– ədalət mühakiməsinin konstitusion təminatları;
– hüquqi yardım almaq hüququ;
– qanunsuz yolla əldə edilmiş sübut və dəlillərin qeyri-qanuniliyi;
– hökmə yenidən baxılması hüququ;
– cinayətdən zərər çəkənlərin hüquqları;
– qanunun əks qüvvəsinin qadağan edilməsi.
İnsan və vətəndaş hüquq və azadlıqlarının təmin edilməsi, on-
ların tam həcmdə həyata keçirilməsi dövlət qarşısında müəyyən
vəzifələr qoyur. Azərbaycan Respublikasının Konstitusiyası insan
və vətəndaş hüquq və azadlıqlarını təsbit və bəyan edərək həm də
müəyyən edir ki, onlara riayət olunması dövlətin nəzarətində və
məsuliyyətindədir. Bu hüquq və azadlıqların müdafiəsi və təmin
olunması üçün zəruri olan əsas mexanizmlər də müəyyən olun-
muşdur. Ölkədə insan və vətəndaş hüquq və azadlıqlarının müda-
fiəsi və təmin olunmasına görə üzərinə məsuliyyət qoyulan təsisat-
lar sırasına dövlət hakimiyyətinin hər üç qolu aid edilir. Belə ki,
Azərbaycan Respublikası Konstitusiyasının 71-ci maddəsinə əsa-
sən, insan hüquqlarını qorumaq qanunvericilik, icra və məhkəmə
hakimiyyəti orqanlarının borcudur.
Göründüyü kimi, Konstitusiyada mütərəqqi amillərdən biri ki-
mi təsbit olunmuş hakimiyyətin bölgüsü prinsipinə əsasən, haki-
miyyətin hər üç qolu öz fəaliyyətində insan və vətəndaş hüquq və
azadlıqlarını hər bir halda qorumalı, bu, onların ümdə vəzifələrin-
dən biri və əsas olmalıdır. Ona görə ki, insan və vətəndaş hüquqla-