I. A. Axmedov, N. S. Saidxo‘jaeva

Nazorat savollari 
1. 
Dozimetriya va radiometriya nima?
2. 
Dozimetrlar nimani aniqlash uchun mo‘ljallangan?
3. 
Rentgenmetrlar nimani aniqlash uchun mo‘ljallangan?
4. 
Indikatorlar nimani aniqlash uchun mo‘ljallangan?
5. 
Asbobni ishga tushirishni tushuntirib bering?
6. 
DP-5 asbobining tuzilishini tushuntirib bering?
7. 
DP-5A asbobning kamchiligini aytib bering? 
8. 
DP-5A dozimetri nima maqsadda ishlatiladi?
9. 
DP-22 va DP-24 asboblari to‘g‘risida ma’lumot bering?
10. 
Shaxsiy dozimetrlarning ishlashga tayyorlash tartibini tushuntirib bering?
11. 
Shaxsiy dozimetrlarning yangi avlodlari ma’lumot bering?
12. 
Zamonaviy shaxsiy indikatorlar to’grisida ma’lumotlar bering? 

---

97 
V-BOB. KUNDALIK FAOLIYAT SHAROITLARIDA IONLASHTIRUVCHI 
NURLANISHLARDAN MUHOFAZALANISH 
 
5.1. Radiatsiyaviy xavfsizlikni ta’minlash prinsiplari 
Radiatsiyaviy holatlar va ularning xavfsizligi bo‘yicha O‘zbekiston 
Respublikasining 2000 yil 31 avgustda “Radiatsiyaviy xavfsizlik to‘g‘risida” qonuni 
qabul qilindi. Ushbu qonunning maqsadi fuqarolar hayoti, sog‘lig‘i va mol-mulki, 
shuningdek atrof muhitni ionlashtiruvchi nurlanishning zararli ta’siridan muhofaza 
qilishni ta’minlash bilan bog‘liq munosabatlarni tartibga solishdan iborat.
Nurlarni ilm-fanda, tibbiyotda va iqtisodiyotning barcha sohalarida ishlatishda 
uning xavfsizligini ta’minlashga hech qanday asossiz cheklovlarsiz radiatsion 
xavfsizlikning normalari va prinsiplariga amal qilish bilan erishiladi.
Radiatsiyaviy xavfsizlikni ta’minlashning asosiy prinsiplari quyidagilardan 
iborat: 
normalashtirish prinsipi
— ionlashtiruvchi nurlanish barcha manbalaridan 
fuqarolarning nurlanish olishi individual dozasini yo‘l qo‘yiladigan, ular sog‘lig‘iga 
xavfsiz bo‘lgan darajadan oshirmaslik;