20
sonralar bu mühüm məsələlər bir qədər unudulmuş və tibb elmi əsas
etibarilə xəstəliyin öyrənilməsi ilə məşğul olmuşdur.
İndi bir daha aydın olur ki, sağlamlığı bilmədən xəstəlik haq-
qında düzgün məlumat əldə etmək mümkün deyildir. İlk baxışdan
belə məlum olur ki, sağlamlıq haqqında hər şey aydındır. Həqiqətdə
isə sağlamlıq özü də çox mürəkkəb bir proses olub, onun müəyyən
dərəcələri vardır. Bu barədə C. H. Təqdisi belə bir faktı açır ki, hələ
min il bundan əvvəl İbn Sina sağlamlıqda altı dərəcə seçmişdir.
Hal-hazırda Ümumdünya Səhiyyə Təşkilatı da sağlamlığın beş də-
rəcəsini tanıyır ki, bunlar da mahiyyət etibarı ilə İbn Sinanın fikrinə
çox yaxındır. Çox zaman praktik həkim öz gündəlik fəaliyyətində
qeyd edir ki, bu adam sağlamdır, lakin onun sağlamlığının nə dərə-
cədə olması kimi mühüm bir məsələyə lazımi fikir vermir. Müasir
səhiyyə çalışmalıdır ki, insanların sağlamlığını mümkün qədər
yaxşılaşdırıb, yüksək səviyyəyə çatdırsın.
Sağlamlığın qoruyub möhkəmləndirilməsi cəmiyyət üçün ol-
duqca əhəmiyyətli olan tibbin əsas vəzifəsidir. İnsanların ən xoş ar-
zuları elə bununla əlaqədardır. Görüş zamanı bir neçə dəfə sağ ol,
sağlam qal, sağlamlıq arzu edirəm və s. sözləri təkrar edirik. C. H.
Təqdisinin əsərlərində sağlamlığın normadan fərqlənməsi və mürək-
kəb bir proses olması haqqında maraqlı fikirlər vardır. O, öz əsərlə-
rində sağlamlıq üçün olduqca zəruri olan Ümumdünya Səhiyyə Təş-
kilatının fikrini (fiziki, ruhi və ictimai sağlamlıq) göstərməklə bəra-
bər eyni halda belə bir mühüm faktı da qeyd edir ki, hələ orta əsr-
lərdə dahi Azərbaycan münəccimi və hər tərəfli geniş biliyə malik
olan Nəsirəddin Tusi bu üç şərti hələ o zaman demək olar ki, eyni
məzmunda qeyd etmişdir.
Azərbaycan həkimi Məhəmməd Yusifi orta əsrlərdə “Tibbi
Yusifi” adlı əsərində sağlamlığın qorunması və möhkəmləndirilmə-
sinə böyük yer verir və bu məsələləri poetik dildə öz kitabında qeyd
etmişdir. Bunun səbəbini onunla izah edir ki, şer insanın yaddaşında
möhkəm qalır. Həmin kitabda ətraf mühitdən səmərəli istifadə
etmək, qida və istirahət rejimini gözləmək, aktiv olmaq, yuxunu
21
tənzim etmək, zərərli maddələri bədəndən xaric etmək kimi məsə-
lələrə xüsusi yer verilir.
Məşhur rus tənqidçisi N. A. Dobrolyubov (05.02.1836-
29.12.1861) insan üçün heyvani yox, insani sağlamlığın zəruri ol-
masını göstərmişdir.
Şərqdə heç bir zaman gözəllik məfhumunu, sağlamlıq məfhu-
mundan ayırmamışlar. Görkəmli alman ədibi Henrix Geyne
(13.12.1797-17.02.1856) yazır ki, ən həqiqi gözəllik sağlamlıqdır.
Hal-hazırda sağlamlıq və gözəllik institutları yaradılır.
Elmi texniki inkişaf dövründə sağlamlığın məsələlərinin də-
rindən öyrənilməsi böyük aktuallıq kəsb edir.
C. H. Təqdisinin əsərlərində göstərilir ki, müasir təsəvvürlərə
əsasən sağlamlıq heç də xəstəliyə qarşı qoyulmayıb, onunla sıx əla-
qədə öyrənilir. Bu əsərlərdə norma ilə patologiyanın əlaqəsi geniş
işıqlandırılır. Qeyd olunur ki, norma ilə sağlamlıq sıx əlaqədə olma-
sına baxmayaraq heç bir zaman eyni ola bilməzlər. Normadan kə-
nara çıxmaq həmişə xəstəliyin olmasına dəlalət etmir. Məsələn, nor-
madan kənara çıxmaq ola bilər ki, müdafiəyə uyğunlaşma
reaksiyalarının möhkəmlənməsinə yönəlmiş olsun. Bu da sağlam
orqanizmin inkişafına kömək edir.
Norma özü hələlik tam öyrənilməmiş məfhumdur. C. H.
Təqdisi əsərlərində iki yüzə yaxın normanın olmasını göstərib, bir
neçəsinin adını çəkir. Hal-hazırda yeni bir tibb sahəsi olan normalo-
giyanın ortaya çıxması göstərir ki, onun əsas vəzifəsi normanın ma-
hiyyətini öyrənməkdən ibarətdir. Müasir biologiya və tibbdə geniş
tətbiq olunan aşağıdakı norma formalarını göstərmək olar.
Fizioloji norma-bu norma o qədər konkret deyil. Ona görə ki,
bu göstəricilər bir çox amillərin təsirindən asılı olaraq xeyli dəyiş-
kəndir. Məsələn, dağ yerləri və aranda yaşayan şəxslərin eritrosit-
ləri, qan dövranı və bir çox başqa göstəriciləri bir-birindən xeyli
fərqlənir. Bu fərqlənmə isə onların hərəsi üçün norma sayılır. Canlı-
ların növündən və başqa xüsusiyyətlərindən də asılı olaraq fizioloji
norma dəyişir. Bu haqda belə misalı qeyd etmək olar ki, zürafənin o
uzunluqda boynundan beyindəki mərkəzləri qan ilə təchiz etmək
22
üçün 320 mm. civə sütununa bərabər arterial təzyiq lazımdır. İnsan
isə bu təzyiqdən dərhal tələf olar.
Çox məlum olan normalardan biri də orta arifmetik (statistik)
normadır. Hələ vaxtı ilə Nəsirəddin Tusi yazmışdır ki, insanın nəbzi
haqqında düzgün məlumat əldə etmək üçün onu bir dəfə saymaq
kafi deyil. Yaxşı olar ki, üç dəfə sayıb orta rəqəmi götürmək lazım-
dır. Statistik normanın müasir tibbdə geniş tətbiq olunmasına bax-
mayaraq hələ bu da norma haqqında tam məlumat vermir.
İnsanın sağlamlığı dinamik olduğundan dinamik normada diq-
qəti cəlb edir. Lakin bu normanın göstəriciləri də bütün hallarda ki-
fayətedici qəbul edilə bilməz.
Adaptasiyanın sağlamlıqda əhəmiyyətini nəzərə alsaq adaptiv
norma yalnız müəyyən hallarda əhəmiyyətli ola bilər.
Sağlamlıq bir çox cəhətdən ekologiyadan asılı olduğu üçün
ekoloji norma da müəyyən olunmuşdur.
Orqanizmin daxili mühitinin sabitliyinin sağlamlıqda əhəmiy-
yətini nəzərə alaraq bəzi homeostatik normadan söhbət gedir.
Klinikalarda çox zaman fərdi normaya böyük əhəmiyyət veri-
lir. Lakin hər bir şəxs üçün fərdi normativlər təyin etmək praktik
olaraq çətinlik törədir.
Göstərilən və burada adları çəkilən və çəkilməyən bir sıra
norma növlərini C. H. Təqdisi əsərlərində təhlil edərək belə bir nəti-
cəyə gəlir ki, hal-hazırda tibbdə yalnız ümumi-korrelyativ norma
tətbiq edilə bilər. Yəni hər bir şəxsin fərdi homeostatik, ekoloji,
dinamik, fizioloji və s. normalarının xüsusiyyətlərini nəzərə alaraq
həmin adamın normalarını təyin etmək olar. Bu məsələnin klinika
üçün olduqca böyük əhəmiyyəti var. Kitablarda yazılan bir tərəfli
normativləri bəzi praktik həkimlər əsas götürərək insanın sağlam və
ya xəstə olması haqında düzgün olmayan fikirlər yarada bilərlər.
Normaya korrelyativ yanaşdıqda belə səhvlərin qarşısı alınır.
Norma ilə sağlamlığın sıx əlaqədə olması hamıya məlumdur.
Lakin bilmək lazımdır ki, norma hələ sağlamlıq demək deyildir.
Normadan kənara çıxmaq ola bilər ki, orqanizmin müdafiəyə uy-
ğunlaşma reaksiyalarının güclənməsinə doğru yönəlmiş olsun ki,
Dostları ilə paylaş: |