Türk Dünyası Gənc Tədqiqatçılar dərnəyinin Araşdırmaları
№1(1) 2017
82
Mahmudun “Divan”ında qaraquşun adı 4 mənada qeyd edilir ki, bu
mənalardan biri də “Mizan” ulduzudur. Bu isə Oğuz Xaqanın oğlu
Ulduz xanla əlaqədərdir. Oğuz Xaqanın oğlu Ulduz xanın soyundan
gələn oğuz tayfalarının onqonu qaraquşdur. Türk döyüşçülərinin isti-
fadə etdikləri döyüş üzlükləri qaraquşun simvolu idi. Türklər inanırdı
ki, Günəş və Merihin (Mars, əjdaha) nəzarətində olan silahlardan və
zirehlərdən istifadə edərkən insan ruhunun və varlığının bu güclər tə-
rəfindən ələ keçirilməməsi üçün geyilən üzlüklər pis ruhları qorxudur
və onların insana yaxınlaşmamasına səbəb olurdu [8, 247, 248, 251].
Qeyd edək ki, Səfəvi, Əfşar və Qacar sülalələrinin hakimiyyəti zama-
nında da döyüşçülər üzlüklərdən istifadə edirdilər və bu üzlüklərin
alın hissəsində ay-günəş simvolu təsvir edilirdi [4, 294]. Balta üzə-
rindəki qaraquşun ətrafında tuğ işarələrinin təsvir edilməsi də onun
hakimiyyət quşu olduğunu göstərir. Qaraquşdan bir az aşağıda ovla-
nan quşlar təsvir edilmişdir. Həmin quşlardan aşağıda heyvanın ol-
ması bu quşların ovlandığına işarədir. Mahmud Qaşqarlının “Di-
van”ında
quşlar bəylik, qut-xoşbəxtlik və
tale simgəsi olaraq göstəril-
mişdir [1, 153]. Baltanın uclarında üçbucaq işarəsi vardır. Bu “tu-
mar” adlanan simvoldur, hansı ki, Yer-Göy-Su üçlüyünü ifadə edir.
Tumarın içində ox ucu təsvir edilmişdir. Həmin ox işarəsi quşların
belində də yer alır. Bu eyni zamanda damğa qəbul edilir və “al-dam-
ğa” adlanır ki, bir başa hökmdarlığın möhürüdür. Ümumi olaraq isə
bu işarə “qut” şəklində oxunur [4, 159]. Baltanın ağzının hilal forma-
sında olması hakimiyyət simvolu olduğunu əks etdirir. Hilal iki buy-
nuz formasında olub, ilahi bilik, güc və hakimiyyət rəmzidir. Eyni
zamanda baltada təsvir edilən bəbir simvolları da diqqəti cəlb edir.
Bəbir vəhşi heyvan olub türk inancında xüsusi yer tutur və aslan,
pələng kimi hakimiyyətə layiqlik simvoludur [1, 136].