www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Bu isə reallıqdan kənarlaşmaq, uzaqlaşmaq deməkdir.
Milli mətbuatımızın ilk qaranquşu olan "Əkinçi"nin
ruhunu unutmaq olmaz!
“Yeni era” qəzeti, 19.01.1998-ci il
TĠKDĠ KĠ ĠZĠ QALSIN...
Musa Nağıyev haqqında bildiklərimiz və
bilmədiklərimiz
O xəsis deyildi
Azərbaycanda sahibkarlığın, milli burjuaziyanın
tarixindən söhbət açanda, ilk növbədə, məşhur
xeyriyyəçilərimiz Zeynalabdin Tağıyev, Musa Nağıyev,
Şəmsi Əsədullayev, Murtuz Muxtarov, Seyid Mirbabayev,
Binəqədili Səlimov, Hacı Hacağa, İsabəy Hacınski və
başqaları yada düşür. Vaxtilə bu məşhur milyonçuları
təkcə Azərbaycanda, Qafqazda və Rusiyada deyil,
dünyanın bir sıra başqa ölkələrində də yaxşı tanıyırdılar.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Görkəmli tədqiqatçı alim, ensiklopedik biliyə malik
qocaman nasir və tərcüməçi Manaf Süleymanov Bakının
keçmişindən, onun keşməkeşli günlərindən, acılı-şirinli
tarixindən bəhs edən "Eşitdiklərim, oxuduqlarım,
gördüklərim" adlı kitabında milyonçuları iki qismə bölür:
birincisi, neft milyonçuları, yəni neftxudalar, ikincisi isə,
"sandıq milyonçuları", yəni pulu sandıqda üst-üstə yığıb,
yalnız sələmçilik yolu ilə, yaxud da malı "öldürə-öldürə"
ucuzlaşdırandan sonra alıb, baha qiymətə satmaqla
varlanan milyonçular.
Ağa Musa Nağıyev birincilərdən idi. Onun dövrü,
fəaliyyəti,
işgüzarlığı,
halal
zəhməti
layiqincə
qiymətləndirməyi bacarması və qənaətcilliyi barəsində
çoxlu fakt və rəvayət var. Ağızdan-ağıza keçən bu
rəvayətlərin bəzilərində o, xəsis adam kimi təsvir olunur
və beləliklə də, gördüyü böyük işlərin, milyonçunun
xeyirxah əməllərinin üstünə kölgə salınır. Halbuki Musa
Nağıyev inqilabdan qabaqkı Bakımızın memarlıq
simasının formalaşması üçün böyük əmək, enerji və
əlbəttə, milyonlarını "uf" demədən sərf etmişdir. Maarif
və səhiyyə sahəsində bir sıra xeyirxah işlərini də bura
əlavə etmək olar. Təəssüf ki, biz bu güclü, təpərli və
sözükeçən şəxsiyyətin fəaliyyətini, doğma xalqı üçün
gördüyü işləri hələ dəyərincə qiymətləndirməmişik.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Bəllidir ki, Azərbaycanın neft maqnatlarından biri
kimi tarixə düşmüş Ağa Musa Hacı Əli oğlu Nağıyev
Bakı şəhərinin Biləcəri qəsəbəsində yoxsul bir ailədə
həyata göz açmışdır. Erkən çağlarından fiziki əməklə
məşğul olmuş, əvvəlcə hambalçılıq etmiş, bu yolla qəpik-
quruş qazanmış, heç vaxt israfçılıq etməmiş, iti ağlı və
qənaətcilliyi sayəsində milyonlara sahib olmuşdur. Bu
qeyrətli şəxsiyyətin adı çəkiləndə, ilk öncə, onun
"Cəmiyyəti-xeyriyyə" üçün Bakı şəhərinin mərkəzində
ucaltdığı əzəmətli "İsmailiyyə" hazırda respublika
Əlyazmalar İnstitutu kimi tanınan yaraşıqlı bina, bu gün
onun adını daşıyan (nə yaxşı ki uzun illər Semaşko
xəstəxanası kimi bəlli olan bu səhiyyə oçağı axır ki onu
inşa etmiş şəxsin adına layiq görüldü) xəstəxana və başqa
tikililər gözlərimiz önündə canlanır. Ömrü boyu
təmtəraqdan, gözqamaşdıran parıltıdan uzaq olan, şan-
şöhrötə uymayan Ağa Musa həmişə bədxərclikdən,
israfçılıqdan uzaq olmuş, pulunun qədrini bilmiş, "Dama-
dama göl olar" atalar sözünü özünün həyat devizinə
çevirmişdi.
"İsmailiyyə" düz 6 ilə (1907-1913) inşa edilmişdir.
Binanın layihəsini milliyyətcə polyak olan məşhur memar
İ.Ploşko vermişdi. Layihə Venetsiyada ucaldılmış məşhur
Palattso Kantarini üslubunda hazırlanmışdı. Xəstəxana isə
tanınmış memar N.Bayevin layihəsi üzrə tikilmişdi. Bina
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
xeyriyyəçinin familiyasının baş hərfi - "N" - formasında
inşa edilmişdi.
Ağa Musa yüksək zövqə malik idi. Bakıda yeni bir
bina uçaltmaq istəyəndə o, həmişə tanınmış və istedadlı
memarlar dəvət edir, layihənin bir neçə variantda
hazırlanmasını tapşırır, layihələr hazır olanda isə onların
ən mükəmməl variantı üzərində dayanırdı. Ona görə də
Ağa Musanın Bakıda tikdirdiyi binalar Azərbaycan
memarlığının qızıl fonduna daxil olmuşdur. Həmin
layihələr əsasında tikilmiş binalar bunlardır: 28 May
küçəsindəki əkiz 4, 6, 10 və 46 nömrəli binalar, həmin
küçədə kirxa, Nizami küçəsində Opera və Balet Teatrı
kassalarının yerləşdiyi bina, yenə həmin küçədə nəzəri
uzaqdan cəlb edən və uzun illər "Şaxnoviçin mağazası"
kimi tanınan bina, hər iki "Kitab pasajı"nın binaları,
Bülbül küçəsindəki 12 və 30 nömrəli binalar, Rəsul Rza
küçəsindəki 8, 23 və 49 nömrəli binalar, Ağamalıoğlu
küçəsindəki 13 nömrəli bina, Ü.Haçıbəyov küçəsindəki
10, 11, 12, 13 nömrəli binalar, Xaqani küçəsindəki 47
nömrəli bina, Əzizbəyov küçəsindəki 19 nömrəli bina,
Ağa Musanın öz evi (indiki "Yeni Avropa"
mehmanxanası) və neçə-neçə başqa yaraşıqlı tikili, eləcə
də Pirşağı qəsəbəsindəki uşaq evi, əlillər evi və s. Bütün
bu tikililər öz gözəlliyi ilə Bakının mənzərəsində indi də
seçilir.
Dostları ilə paylaş: |