İdris Hacızadı
Yüklə 3,03 Mb. Pdf görüntüsü
|
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
qocalar evində yaşayan Hökumə ananın acı taleyindən bəhs olunurdu. Kimdir Hökumə ana, nədir bu qadını yaşının ahıl çağında qocalar evində yaşamağa məcbur edən? O, qocalar evinə Bakıdan gedib. Həyat yoldaşı erkən vəfat etdiyindən, ana iki oğul böyüdüb, boya-başa çatdırıb. Onları ərsəyə yetirənə qədər min əzabla üzləşib, kirpiyində od götürüb Hökümə ana. Sonra da min arzu ilə hər ikisinə istədikləri qızı alıb. Toy edib, qoşa gəlin qayınanası olub. Elə onun əsl faciəsi də, müsibətli günləri də bundan sonra başlanıb. Gəlinlər qala-qala, evdə bütün işləri Hökümə ana özü görüb ki, ailədə artıq söz-söhbət olmasın. Bir də arvad onda ayılıb ki, artıq qulluqçuya çevrilib - analıq hüququndan əsər-əlamət qalmayıb. "Sağ ol" eşitmək əvəzinə isə gəlinləri tərəfindən təhqirlərə məruz qalıb, hətta utanıb eləmədən arvadın zəhmətdən ağarmış saç-birçəyini də yolub tökür, döyüb əldən salırlar. Axırda ana dərdini oğlanlarına açır ki, arvadlarını tənbeh edib, anası qarşısında üzr istəsinlər. Lakin arvad əksini görür: arvadlarına qəhmar çıxır oğlanlar! Elə bundan sonra evdə özünü artıq hiss edən iki oğul anası beləcə qocalar evində yaşamağı üstün tutur - bütün bu haqsız təhqirlərə dözə bilmir. www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Necə də dəhşətli bir hadisə?! Nə qədər də böyük bir ədalətsizlik, haqsızlıq?! Hər iki oğulun gözu qabağında, daha doğrusu, onların iştirakı ilə möhnətkeş ana yavaş- yavaş ev qulluqçusuna çevrilir, sonra da təhqirlərə məruz qalır, analıq hüququ tapdalanır, axırda da artıq bir əşya kimi bayıra atılır... Bu yerdə özunu saxlaya bilmir, dişinin dibindən çıxanı belə məsləksiz, nankor oğullara, ev, ailə tərbiyəsi görməmiş gəlinlərə yağdırmaq istəyirsən: ar olsun belə qoşa oğula! Lənət onların başlarına qoyduqları papaqlarına! Özlərinə, kişiliklərinə (əgər onlara kişi demək olarsa) min lənət! Başlarına dəysin belə qızları evlərə yola salan anaların tərbiyəsi!.. Başına gətirilən bu müsibətlərdən sonra ana ürəyi yenə dözmür, uşaqları üçün narahatçılıq keçirir, hələ də gözləri yoldadır: bəlkə oğlanları bu uzun vaxt ərzində barı bircə dəfə onu yada salıb, bura gəldilər? Lakin daş qəlbli övladlar arvadlarının tumanı altında gizlənib (Bu ifadə üçün oxuculardan üzr istəyirik. Bundan tutarlı söz tapmadıq), onların nazı, hikkəsi ilə oynayır, ananı bir dəqiqə də olsa, yadlarına salmırlar. Beləcə aylar, illər bir- birini qovur, lakin övladlar ananın öldu-qaldısından bir xəbər tutmurlar. Ana gecə-gündüz fikirləri ilə baş-başa qalır, vəziyyəti götür-qoy edir. Bir neçə dəfə özünə qəsd etmək qərarına gəlir. Yenə övladlarını düşünür, onların şəxsiyyətini düşünüb, fikrindən daşınır. Ümidini itirməyib www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
- daim yollara dikilir gözləri, intizar baxışları. Nə qədər çalışsa, ürəyi ilə bacarmır ana. Amma ümidləri yenə boşa çıxır. Axırda başa düşür ki, o öz-özünü aldadır. Bununla iş bitmir. Ananı bir məsələ narahat etməyə başlayır: onun qocalar evində ölümü (ölüm haqdır) oğlanlarının şəxsiyyətinə toxunmaz ki? Görürsünüzmü ana qəlbinin genişliyini, ana ürəyinin həyəcanını? Bu yerdə üzümü anaya tutub deyirəm: özünü əldən salma, Hökumə ana, daşqəlbli oğlanların buna layiq deyillər. Onların şəxsiyyəti, mənliyi, mənəviyyatı yoxdur. Olsa da ora boşdur, heçdir, puçdur. Soyuq, donuq bir ət parçası daşıyırlar onlar. Ürək yerinə. Axır ki, ana bütün ümidini üzəndən sonra qəti sözünü deyir: vəsiyyət edir. Vəsiyyətdə deyilir: Mən bir daha heç vaxt o evə qayıtmaram. Vəsiyyət eləmişəm - məni bu qocalar evindən Bəhruz həkim yerdən götürsün (Allah Bəhruz həkimi o qocalar evinə çox görməsin!), sinəmin üstünə də oğlumun cib dəsmalına büküb gətirdiyim, gəlinlərimin əllərilə yolunmuş ağ birçəyimi büküb qoysun. Mənim oğlum da, həkimim də Bəhruz həkimdir... Dağ vüqarlı, dəniz ürəkli Hökumə ana! Sənin qəti və son qərarını alqışlayır, qarşında səcdə edirəm. Və bu www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
dəmdə bir atalar sözünü demək yerinə duşər; "Neynirəm qızıl teşti ki, içində qan qusacağam". Bəli, belə mənəviyyatsız, insanlıqdan kənar, nankor övladlardansa, vəsiyyətini sağlığında edib, gözün yumulandan sonra qəbir evinə məhz Bəhruz kimi oğulları çiynində getmək daha düz olar. Ana, ancaq mən heç cür inana bilmirəm ki, oğlanların öz ailələrində xoşbəxtdirlər, xoşbəxt yaşayırlar. Başqasının bədbəxtliyi, faciəsi üzərində qurulan həyat necə xoşbəxt ola bilər? Görəsən oğlanların barı bircə dəfə ölməz sənətkarımız Rəşid Behbudovun məşhur "Ana" mahnısını dinləyiblərmi, ya da mərhum şairimiz Əli Kərimin "Qaytar ana borcunu" şeirini eşidiblərmi?
Bəs
harın, hikkəli, əqidəsiz gəlinlər? Onlar heç yadlarına salırlarmı ki, bir vaxt özləri də sənin kimi qaynana olacaqlar? Yəqin ki, o dunyadan bixəbərlər "Nə tökərsən aşına, o da çıxar qaşığına" kəlamını bilmirlər. Yenə bir atalar sözünü deyirəm təsəlli uçun: "Buynuzsuz qoçun qisası buynuzlu qoçda qalmaz". Vaxt gələr oğlanların da, onların arvadları da tutduqları əməldən peşman olarlar. Günlərin birində mən əminəm ki, indi susmuş vicdanları oyanar, onları haqq-ədalət məhkəməsinə çəkər. Əfsus ki, o zaman gec olar. Çünki "Sonrakı peşmançılıq fayda verməz" kimi atalar sözumüz var axı bizim.
Yüklə 3,03 Mb. Dostları ilə paylaş:
|