İlham A.Mazanlı_________________________________________________________
465
sağlamlaşması üçün potensial imkanlar, tərəflər
arasında qarşılıqlı inamın bərpa olunması və s. daxil
olmaqla) nəzərə alınmaqla, millətlərarası və
dövlətlərarası münasibətlər mövzusunda regional
konfransların keçirilməsi və bu konfransların
seksiyalarından birinin ayrıca olaraq millətlərarası
və dövlətlərarası münasibətlərin təkmilləşməsində
KİV-in yeri və rolu mövzusuna həsr olunması
faydalı ola bilər.
Təxirəsalınmaz vəzifələrin cərgəsinə aşağıdakı
tədbirləri də daxil etmək olar:
a)
kütləvi informasiya vasitələrinin münaqişənin
səbəblərinin uydurulmuş (və ya sadələşdirilmiş)
stereotiplərinin əhali tərəfindən dərk edilməsinin
aradan qaldırılması, əhaliyə onun mürəkkəbliyinin
və çoxşaxəliliyinin, geniş diapazonda, lakin
beynəlxalq qanunlar və öhdəliklər çərçivəsində həlli
yollarının izah olunması üçün istifadə edilməsi;
münaqişənin neqativ iqtisadi, siyasi, mədəni, sosial
və s. nəticələrinin onun bilavasitə iştirakçılarının
şüuruna çatdırılması;
şayiələrlə mübarizənin
gücləndirilməsi, onların əsassızlığının açıq şəkildə
ifşa edilməsi, şayiələri yayanlara qarşı neqativ
ictimai fikrin formalaşdırılması;
KİV millətlərarası və dövlətlərarası münasibətlərin təkmilləşdirilməsi faktoru kimi
466
b)
əhalinin diqqətinin mətbuat tərəfindən münaqişələrin
emosional, təkəbbürlü yollarla deyil, siyasi,
demokratik yolla, beynəlxalq normalar çərçivəsində
həlli imkanlarına cəlb edilməsi və bu istiqamətdə
konkret yolların tövsiyə edilməsi;
c)
münaqişə iştirakçılarının qanuni tələblərinin tam
ödənilməsinin və əsassız, konstutusiyayazidd
xarakter daşıyan iddialarının qəti
şəkildə
yolverilməzliyinin mətbuat tərəfindən
dəstəklənməsi;
d)
kütləvi informasiya vasitələrinin münaqişəyə aparan
hər bir qanunazidd hərəkət və çağırışın – bunun
ayrıca bir şəxsin, qrup və ya kütlənin hərəkəti
olmasına baxmayaraq – qəti şəkildə cəzalandırılması
faktlarının geniş ictimaiyyətə çatdırılmasına kömək
etməsi və görülən tədbirlər barədə əhalinin mütləq
məlumatlandırılması;
e)
mətbuatın millətlərarası zəmində zorakılıq fakt-
larının açıldığı materiallarla konstitusiya yolu ilə
seçilmiş qanuni hakimiyyətə kömək göstərməsi.
Mətbuatın xüsusi vəzifələrindən biri də münaqişələ-
rin, əsasən də dövlətlərarası ziddiyyətlərin mülayimləşmə-
sində və tənzimlənməsində obyektiv surətdə maraqlı olan
sağlam sosial və siyasi qüvvələri dəstəkləməkdən ibarət
olmalıdır. Televiziya və radio proqramlarında azsaylı
xalqların həyatı, adət-ənənələri, məişətləri və s. ilə bağlı
İlham A.Mazanlı_________________________________________________________
467
verilişlər təşkil olunsa da (bu sahədə İctimai Televiziyanın
fəaliyyəti diqqəti daha çox çəkir) milli məsələlər üzrə
ixtisaslaşmış ayrıca nəşrlərin olması bu sahədə problemlərin
müzakirə və həll olunmasına töhfə verə bilərdi. Bizim
fikrimizcə, müasir oxucu və tamaşaçının səviyyəsi və zövqü
nəzərə alınmaqla, bu nəşrlərin yüksək dizaynı, rəng çalarlığı
(canlı rənglərin zənginliyi və sintezi), poliqrafiya icrası ilə
müasir audio-video-multimedia məhsulları aləminə yenilik
gətirə bilən və fərqlənən elmi-praktik jurnalın yaradılması
daha məqsədəmüvafiq olardı. Respublika miqyasında
populyar olan və yayılan qəzetlərdə isə sözügedən
problematika üzrə ayrıca şöbənin və ya qrupun
yaradılmasını milli məsələlərin problemə çevrilməməsi
istiqamətində qabaqlayıcı və çəkindirici faktor rolunu
oynayacağına şübhə etmirik. hazırda Hollandiyada yaşayan,
qondarma Talış-Muğan Respublikasının uydurma prezidenti
Əlikram Hümbətovun 2013-cü il sentyabrın 4-də Yerevana
səfəri və Yerevan Dövlət Universitetində talışşünaslıq üzrə
magistr proqra-mının açılışında iştirakı ( eyni minvalla
burada ləzgi, avar, tat, ingiloy və s. poqram və mərkəz-
lərinin yaradılmayacağına da zəmanət yoxdur) bunu daha
aktual edir.
Kütləvi informasiya vasitələrinin millətlərarası və
dövlətlərarası münasibətlər problemlərinin həllinə təsirinin
səmərəliliyinin artırılması üçün sosioloji tətqiqatlardan
geniş istifadənin də əhəmiyyəti böyükdür. Ona görə də
redaksiya kollektivlərində sosialoloji tədqiqat yönümlü
KİV millətlərarası və dövlətlərarası münasibətlərin təkmilləşdirilməsi faktoru kimi
468
səriştəli xidmətlrin yaradılması redaksiyaların bu
istiqamətdəki fəaliyyətlərini daha canlı edə bilər. Bu xidmət
insanların əhval-ruhiyyəsinin, onların ictimai təzahürlərə
münasibətlərinin təhlilinə, situasiyaları proqnozlaşdır-
malarına və qəzetin ictimaiyyəti cəmiyyətdəki problemlərin
həllinə cəlb etmək imkanlarının artırılmasına daha geniş
şərait yarada bilər.
Dostları ilə paylaş: |