İlham A.Mazanlı_________________________________________________________
155
üzr istəməyi tələb edirlər (19 oktyabr 2005-ci il). İslam
Əməkdaşlıq Təşkilatı (2011-ci ilə qədər İslam Kofransı
Təşkilatı) 57 dövlət başçısının iştirak etdiyi növbədənkənar
sammitində (6 dekabr 2005-ci il) karikaturalarla bağlı
müzakirələr keçirir və Danimarka hökumətindən
karikaturalara görə məsul şəxsləri mühakimə etməyi tələb
edir (18 yanvar 2006-cı il). Ərəb Dövlətləri Liqası
Danimarka hökumətinə ciddi etirazını bildirir (29 dekabr
2005-ci il). İslam Əməkdaşlıq Təşkilatı dini əqidələrin
təhqir olunmasını qadağan edən Qətnamə layihəsini BMT-
nin müzakirəsinə təqdim edir. Bu müddət ərzində bəzi ərəb
dövlətləri Danimarka hökumətinin fəaliyyətsizliynə görə bu
ölkədən öz səfirlərini geri çağırır, öz ölkələrindən isə
Danimarkanın səfirlərini çıxarır, Danimarkanın mallarını
boykot edirlər.
Yalnız Norveç hökuməti “Magazinet” qəzetində
karikaturaların dərcinə görə üzr istəyir, lakin eyni zamanda
azad mətbuat üzərində hökmü olmadığını bildirir (26 yanvar
2006-cı il). Danimarkanın Səudyyə Ərəbistanındakı səfiri
American AP-TV-yə verdiyi müsahibəsində “Jyllands-
Postens” qəzetini islamı zəif bildiyinə görə tənqid edir (28
yanvar 2006-cı il). “Jyllands-Postens” qəzeti özü isə
danimarka və ərəb dillərində - karikaturaları çap etdiyinə
görə yox, islam ictimaiyyətinin hisslərinə etinasızlığına görə
üzr istəyir.
88
88
“Jyllands-Postens” qəzeti, 30 yanvar 2007.
KİV millətlərarası və dövlətlərarası münasibətlərin təkmilləşdirilməsi faktoru kimi
156
Bütün bu proseslərə, bir neçə qəzetin Məhəmməd
Peyğəmbərin karikaturalarını çap etmələri dörd qitənin 100-
dən çox dövlətinin və bu ölkələrdə yaşayan millətlərin, hətta
bir ölkənin vətəndaşları arasındakı münasibətləri son həddə
qədər gərginləşdirdiyinə baxmayaraq, Avropa qəzetləri
2008-ci ilin yanvar-fevral aylarında Danimarka və Norveç
qəzetləri ilə həmrəylik nümayiş etdirmək haqqında qərarlar
qəbul edirlər.
Müsəlman ölkələrinin aparıcı mətbuat orqanları
Qərbli həmkarlarının bu cür qərarlarının KİV-in fəaliy-
yətinin təməl prinsiplərinə, jurnalistikanın daxili qanunauy-
ğunluqlarına, məhz ilk növbədə Qərb jurnalistlərinin
təşəbbüsü ilə qəbul olunmuş jurnalistikanın etik
normalarına, davranış kodeksinə və s. zidd oduğunu
xatırladırlar.
Adətən, “söz azadlığı” pərdəsinə bürünərək öz
çıxışları ilə ciddi qarşıdurmalar yaradan (o cümlədən
dinlərarası, millətlərarası və dövlətlərarası münasibətlərdə),
sonra da heç nə olmamış kimi üzr istəməklə işini bitmiş
hesab edən Qərb mətbuatı yenə bu metoddan isrifadə edir.
“Эхо Москвы” radiosu 2010-cu il martın 10-da “Politiken”
jurnalının Məhəmməd Peygəmbərin karikaturalarını çap
etdiyinə görə oxucularından (jurnal 90 min abunəçisini
itirmişdi) üzr istədiyi barədə məlumat yaymışdır.
Fransada Məhəmməd Peyğəmbərin karikaturalarını
ilk nəşr edən “Charlie Hebdo” jurnalının Parisdəki ofisi
yandırıldıqdan və üzvləri, əsasən də qurucusu Stefan
İlham A.Mazanlı_________________________________________________________
157
Şarbonyenin (ləqəbi Şarbo) ünvanına hədələr səsləndikdən
sonra jurnalın fəlsəfə və islam dini məsələləri üzrə
mütəxəssisi, professor Abdenur Bidarla “Məhəmməd
Peyğəmbəri yançaqları açıq göstərən karikatura məncə
gülməli deyildi. Amma onun “axmaqlar tərəfindən sevilmək
çətin məsələdir” dediyi karikaturasına çox güldüm” başlıqlı
müsahibədə jurnalla əhali arasında yaranmış gərginliyn
yumşaldılmasna cəhdlər göstərilir.
89
Gələcəkdə əhalinin milli tərkibi haqqında proqnozlar
da vəziyyəti Avropanın xeyrinə dəyişdirmir. İnkişaf etmiş
ölkələrdə, o cümlədən, Avropa ölkələrində yerli əhalinin
sayının 2,3 dəfə azalacağı proqnozlaşdırılır. BMT-nin Sosial
Məsələlər və İqtisadiyyat Departamentinin xüsusi
məruzəsində (noyabr 2004, Brüssel) göstərilir ki, 2000-
2050-ci illərdə Avropanın əhalisi 96 mln. nəfər azalacaqdır.
Məsələn, 1995-2000-ci illərdə Avropanın əhalisi 4,4 mln.
nəfər azalmışdır. Avropa ölkələri bu boşluğu miqrantların
hesabına doldururlar. Doyche Presse-Agentur İnformasiya
Agentliyinin 2004-cü ilin noyabr ayında verdiyi məlumata
görə, həmin müddətdə Avropa 5 mln. miqrant qəbul
etmişdir. Miqrantların əksəriyyətini müsəlmanlar təşkil
edir.
90
Bütövlükdə isə təxminən 455 milyonluq Avropa
əhalisinin 15 milyondan artığını müsəlmanlar təşkil edir və
bu rəqəm ildən-ilə artmaqdadır.
89
“Charlie Hebdo” jurnalı, Paris, 2013. 2 yanvar.
90
“Respublika” qəzeti, Bakı, 2004. 19 noyabr.
KİV millətlərarası və dövlətlərarası münasibətlərin təkmilləşdirilməsi faktoru kimi
158
Latviya Universitetinin professoru, şərqşünas Leon
Tayvans Baltkom “93,5” radiostansiyasına müsahibəsində
(8 avqust 2011-c il) Avropanın müsəlmanlaşmasının
qaçılmaz olduğunu və bu prosesin artıq üç istiqamətdə -
Qitənin demoqrafik, iqtisadi və dini məskunlaşması
istiqamətlərində getdiyini və əgər sərhədlər açılarsa, 20
ildən sonra Avropanın müsəlman Avropası olacağına əmin
olduğunu bildirir.
Bununla bərabər, bəzi müsəlman ölkələrinin rəsmi
dairələri Qərbdə islamofobiya əhval-ruhiyyəsinin güclənmə-
si və bu cəmiyyətlərdə müsəlman azlıqlarının hüquqlarının
pozulması hallarının artması barədə KİV-lərdə hesabatlar
çap etdirirlər. Bu hesabatlarda Avropa ölkələrində
məscidlərin tikilməsinə, islam saytlarının açılmasına qarşı
atılan addımlar, müsəlmanların müqəddəs ziyarətgahlarına
hücumların edilməsi və onların murdarlanması Qərbdə,
əsasən də ABŞ, İngiltərə, İsveçrə, Fransa, Avstriya,
Avstraliya və s ölkələrdə insan hüquqlarının pozulması
kimi qiymətləndirilir. Həmçinin, bu hesabatlarda Qərb
ölkələrində, o cümlədən, Belçika və Fransada hicabı
qadağan edən qərar və qanunların qəbul edilməsi pislənilir.
KİV-lər isə yerli əhalidə islama və islam təşkilatlarına nifrət
əhval-ruhiyyəsi formalaşdırırlar.
91
91
http://obozrevatel.com/abroad/evropa-mozhet-stat-musulmanskoj-za-
20-let-ekspert.htm
Dostları ilə paylaş: |