İlham A.Mazanlı_________________________________________________________
163
millətlərarası əlaqələrə, beyəlxalq münasibətlərə vurduğu
zərbənin böyük bir səhv və çox təhlükəli olduğunu
anlamağa, bu məsələlərin işıqlandırılmasına KİV-ləri
gələcəkdə daha məsuliyyətlə və qarşılıqlı hörmət hissi ilə
yanaşmaq barədə fikirləşməyə vadar etməlidir.
Dövlətlərarası və millətlərarası əlaqələrin, xüsusilə
də millətlərarası münaqişələrin (Kosovo – Serbiya, Rusiya –
Gürcüstan, Rusiya – Moldova, Ermənistan – Azərbaycan)
mənzərəsi və məzmunu müxtəlif və mürəkkəb neqativ
çalarlarla o qədər zəngin və ziddiyyətlidir ki, bu
münaqişələrin KİV-də işıqlandırılması, onların başvermə
səbəblərinin ümumi əsaslarının izah edilməsi də müəyyən
çətinliklər yaradır və problematikaya bir neçə aspektdən
yanaşmağı tələb edir. Təcrübə göstərir ki, bu sahədə
tədqiqatlar aparmaq üçün ilk növbədə milli ruh və milli
mənəviyyat reallığına müraciət etmək məqsədəuyğundur.
Milli ruhun və milli mənəviyyatın əsasını millətin dini, dili,
xalqın yaşadığı təbii şərait, onun mədəniyyəti, adət-
ənənələri və s. elementlər təşkil edir. Cəmiyyətdə çoxluğun
qəbul etdiyi reallıq milli ruh və mənəviyyat kimi
qiymətləndirilir və insanlar bu anlayışı ruh, mənəviyyat,
mentalitet, milli düşüncə və s. anlayışlarla birgə işlədirlər.
Bu reallıqlar özünü daha çox cəmiyyətin həyatında baş
verən çətin anlarda, o cümlədən, millətlərarası və
dövlətlərarası münasibətlərin gərginləşdiyi və bu zəmində
yaranan münaqişələr zamanı özünü daha qabarıq tərzdə
büruzə verir. Paradoks burasındadır ki, məhz belə
KİV millətlərarası və dövlətlərarası münasibətlərin təkmilləşdirilməsi faktoru kimi
164
vəziyyətlərdə milli ruhun cizgilərini müəyyən etmək daha
çətin olur. Hətta, güclü məlumatlandırma və maarifləndirmə
imkanlarına malik olan kütləvi informasiya vasitələri də bu
işdə hər hansı bir fərqli üstünlüyə malik deyildir. Hər bir
millətin incəsənəti – folkloru, xalq mahnıları, milli musiqisi,
milli poeziya və proza korifeylərinin yaradıcılıqları və s.
faktorlar bu vəzifəni daha uğurla və sistemli şəkildə yerinə
yetirə bilir. Bu baxımdan, xalqımızın mədəniyyət və
incəsənət xəzinəsi ilə həqiqətən də fəxr etməyə dəyər. Bu
gün dünyanın ən demokratik ölkələrinin konstitusiyalarında
öz əksini tapmış müddəalar ən azı 1000 illik tarixə malik
Azərbaycan xalq nağıllarında, zərbi-məsəllərində,
nəsihətlərində, dastanlarında böyük həssaslıq və
peşəkarlıqla nəzərdən keçirilmiş və onların tətbiqi qaydaları
müəyyən edilmişdir. Tədqiq etdiyimiz istiqamət -
millətlərarası və dövlətlərarası münasibətlər də istisnalıq
təşkil etmir.
Adətən, “ümumbəşəri dəyərlər” beynəlxalq
münasibətlərin tənzimlənməsində o qədər də əməli olmur.
Məsələn, Ermənistan-Azərbaycan, Dağlıq Qarabağ
münaqişəsi ilə əlaqədar BMT-nin qəbul etdyi 4 Qətnamənin
20 ildən artıq vaxtdır ki, Ermənistan tərəfindən yerinə
yetirilməməsini buna nümunə göstərmək olar. Bu cür
yanaşma deməyə əsas verir ki, xalqlar və dövlətlər
arasındakı münasibətlər sinfi ziddiyyətlərlə, iqtisadiyyatın
təməl prinsipləri, xalqların iqisadi-mədəni inkişaf səviyyəsi,
mədəni-tarixi səciyyələri ilə deyil, onların milli ruh və milli
İlham A.Mazanlı_________________________________________________________
165
mənəviyyatlarının bir-birinə uyğun olub-olmaması
səviyyəsi ilə müəyyən olunur. Milli ruhu və milli
mənəviyyatı şikəst olan və yaxud da milli eqoizm ruhu
inkişaf etmiş xalq həmişə düşmənçiliyə, tarixin
qarmaqarışıqlı dönəmlərində qonşu xalqların ərazisindən,
maddi-mənəvi potensiallarından və s.-dən yararlanmağa
meylli olur. Milli ruha və milli mənəviyyata, həmçinin
xalqın əqidəsi, inamı, dili, mərhəməti, alicənablığı, ərazisi,
qəddarlıq və xeyirxahlıq dərəcəsi, işğalçılıq, qəsbkarlıq və
şovinistlik ənənələri, hiyləgərliyi və s. keyfiyyətlər də daxil
edilir.
Rusiya mətbuatı sosializm düşərgəsi süquta
uğradıqdan sonra Şərqi Avropa və postsovet məkanında
Rusiya-Ukrayna, Rusiya-Moldova (Dnestryanı Respublika),
Rusiya-Gürcüstan (Abxaziya və Cənubi Osetiya daxil
olmaqla) qarşıdurmalarında Rusiyanın “mübarizəsini”
onlarla bu xalqları bir-birinə bağlayan pravoslav kilsəsi ilə
izah etsələr də, Kosovo, Çeçenistan, Dağlıq Qarabağ
hadisələrində, o cümlədən, günümüzdə ərəb ölkələrində
yaşanan faciələrdə marağını və iştirakını kilsə mənəviyyatı
ilə əsaslandıra bilmir. Qərbi serblərin, ukraynalıların,
gürcülərin, “Dnestryanı Respublika”da yaşayan rusların
milli ruh və milli mənəviyyatlarını deformasiya etməkdə və
zəiflətməkdə “suçlandıran” Rusiya KİV-ləri ölkələrinin
Dağlıq Qarabağ, Çeçenistan, Şimali Qafqazdakı digər
bölgələrlə, Kosovo və ərəb dünyası ilə bağlı siyasətlərinə
bəraət qazandırarkən bu ərazilərdə yaşayan xalqların milli
KİV millətlərarası və dövlətlərarası münasibətlərin təkmilləşdirilməsi faktoru kimi
166
ruh və milli mənəviyyatına hörmət hissini unudur,
Məhəmməd Peyğəmbərin karikaturası ilə bağlı yaşanan
“danimarkasayağı” (“avropasayağı”) mövqe və ya da
mövqesizlik nümayiş etdirir, ya da onları abstrakt
terrorizmdə və dövlətə itaətsizlikdə (özünün qeyri-rus
əhalisini millətçi rus vandalizmindən qoruya bilməyən
qurumu dövlət adlandırmaq mümkündürsə. Yeri gəlmişkən,
hazırda Rusiya əhalisinin 11,7 %-ni müsəlmanlar təşkil edir,
2030-cu ildə bu rəqəmin 14,4 % olacağı proqnozlaşdırılır)
günahlandırırlar. Əgər Rusiyanın məqsədi adıçəkilən
regionlarda yaşayan xalqların həyat səviyyəsini
yaxşılaşdırmaqdan ibarətdirsə (onlar özləri bu cür
bəyanatlar verirlər), o bunu ilk növbədə öz əhalisi üçün edə
bilərdi.
Milli ruhun və milli mənəviyyatın formalaşmasında
kütləvi informasiya vasitələrinin rolu danılmazdır. Lakin,
son iyirmi ildə milli ruhların bir-birinə yaxınlıq və ya
uzaqlıq səviyyələrinin millətlərarası və dövlətlərarası
münasibətlər və münaqişələr sahəsində özünü daha qabarıq
formada büruzə verməsinə baxmayaraq, bir qədər əvvəl
folklorumuz haqqında dediyimiz fkri KİV-lərimiz barədə
(fəaliyyətləri və fəaliyyətsizlikləri) əminliklə deyə bilmirik.
Azərbaycan Respublikasının Konstitusiyasına, bilavasitə
KİV-lərin fəaliyyəti ilə bağlı qəbul olunmuş 10-adək
qanuna və onların tətbiqi mexanizmləri ilə əlaqədar yüksək
səviyyədə imzalanmış 50-dən artıq fərman, sərəncam, qərar,
əsasnamə, qayda və s. sənədlərə əsasən mətbuatın bütün
Dostları ilə paylaş: |