104
SSRİ xalq artisti Hökümə Qurbanovanın ifa etdiyi Naydyino-
va obrazı aktrisanın yetmişinci illərin əvvəlində yaratdığı ən dolğun
səhnə qəhrəmanlarından biridir. Onun bir sənətkar kimi obraza
yaradıcı münasibəti o qədər geniş və hərtərəfli idi ki, bu da ona
obrazın dəqiq açılmasına imkan verirdi. Nəticədə, Hökümə xanımın
yaratdığı hər bir obraz, yaşından, mühitindən, mövqeyindən asılı
olmayaraq sənət hadisəsinə çevrilirdi.
1974-cü il mart ayının 1-də S. Vurğunun “İnsan” mənzum
faciəsi Mehdi Məmmədovun quruluşunda ikinci dəfə tamaşaya qo-
yuldu və flosof Şahbazın həyat yoldaşı, bəstəkar Səhər obrazı Hökü-
mə Qurbanovaya tapşırıldı.
Bu tamaşada SSRİ xalq artistləri Hökümə Qurbanova (Səhər)
və Mehdi Məmmədovun (böyük Şahbaz) son dərəcə maraqlı və
yaddaşlardan silinməyən ifaları var idi.
Tamaşada iki Şahbaz və iki Səhər var. Bunlar gah cavan, gah
da yaşlı görünürlər. Hər iki obrazı eyni aktyorlar böyük məharətlə
ifa edirdilər. “Tamaşadakı hadisələr belə cərəyan edir ki, tamaşaçı
gah cavan, gah da qoca Səhəri görür... Hər ikisinin rolunu Hökümə
Qurbanova ifa eləyir. Psixoloji cəhətcə və səhnəlik tərəfdən
mürəkkəb olan bu “dəyişmə” elə bir ustalıqla və o qədər sadə, təbii
tərzdə baş verir ki, guya bizi hər dəfə sehrin gücü ilə gah keçmişə,
gah da hazıra köçürürlər və biz gah məhəbbətlə, yaradıcılıq ilhamı
ilə çoşan gənc Səhəri-H. Qurbanovanı, gah da kədərdən, iztirabdan,
çətin sınaqlardan üzülən, amma yenə də vüqarını itirməyən xoşbəxt
ananı, qəhrəman atasının xatirəsini əziz tutan bir oğul böyüdən
dəyanətli ananı görürük” (“Baku” qəzeti, 24.03.1974).
Hökümə xanımın ifa etdiyi Səhər sənətkarlıqdan yoğrulmuş
bir səhnə qəhrəmanı idi. Onun ifasında Səhər mənalı və təbii idi.
Səhər-Qurbanova bir qadın, ana və nəhayət vətəndaş kimi ömrünü
namusla başa vurmuş, gözəl əsərlər yaratmış, ərini pak məhəbbətlə
sevmiş, daim məhəbbətinə sadiq qalmış, ağıllı və tərbiyəli bir övlad
böyütmüşdür.
M. İbrahimov yazır ki; “Səhər rolunda çıxış edən SSRİ xalq
artisti Hökümə Qurbanovanın çox gözəl oyununu qeyd etməliyik.
105
Hökümə xanım surətin psixoloji aləmini, sevinc və iztirablarını yax-
şı açır, musiqi ilə bağlı səhnələrdə mənalı, ehtiraslı jestlər və hissi
ifadələr tapır”.
Səhər-Hökümə xanımın ərinin orduya gedəcəyini düşündükcə
keçirdiyi iztirabları unutmaq çətin idi:
Bəzən bağçadakı bir çocuq səsi,
Ya bir bəstəkarın ürək nəğməsi,
Ya mənalı bir söz, məsum bir baxış,
Qışdakı qar tarı, yazdakı yağış,
Yaşıl yamacdakı bir ayaq izi,
Qəmli bir insanın pərişan üzü,
Bir gülüş... bir bayram... ya da ki, bir yas,
Bir insan vüqarı, bir qəşəng libas
Yerdə olmasaydı insan sönərdi,
Gözəl xəyallar da heçə dönərdi.
“Leteraturnaya qazeta” (10.07.1974) yazır ki; “H. Qurbanova
Səhər obrazını başdan-başa öz ürəyinin hərarəti ilə, qadın şəfqəti və
mehtibanlığı ilə isidir”.
Aktrisanın yaratdığı Səhər ərini böyük məhəbbətlə sevməklə
yanaşı, ona çox böyük hörmət edirdi. Aktrisa bunu xüsusi cizgilərlə
göstərirdi.
“Sovetskaya kultura” (02.06.1974) qəzeti yazır ki; “H. Qur-
banova Şahbazın arvadı bəstəkar Səhərin parlaq obrazını yaradıb...
Onun ifası insani və qəhrəmani keyfiyyətlərlə, zərif cizgilər və incə
psixologizm ilə fərqlənir”.
H. Qurbanovanın ifasında Səhər otuz ildir ki, ərinə olan sev-
gisi və musiqinin gücü ilə yaşayır. O, özünün daxilindəki qüvvəyə
arxayın olan, hər əzaba qalib gələn insan idi. “Hökümə Qurbano-
vanın oyunundakı səmimilik və xalislik hamı üçün örnəkdir”
(“Pravda” qəzeti, 05.05.1974).
“Səhər rolunda ... Hökümə Qurbanovanın surətin psixoloji alə-
mini, sevinc və iztirablarını mənalı, ehtiraslı jestlərlə, hərəkətlərlə və
hisslərlə açması ... coşqunluq və inandırıcılıq səhnəmizdə “İnsan”ın
ikinci həyatının parlaq və uğurlu olmasına zəmin yaratdı” (13).
106
“Sevinc, Tolqonay və Səhər obrazları başqa qütbün adamları,
faciə aləminin sakinləridir. Onların qismətində, taleyində bir yaxın-
lıq var. Hər üçü əzabkeşdir. Qaragünlü, gözüyaşlı, sinədağlıdır. Hər
üçü hicran yolçusudur. Onlar intizar, həsrət içində yaşayır, yaşayır
və gözləyirlər. “Sənsiz”, “Ana torpağı” və “İnsan” pyeslərində
ölümlər, qaraxəbərlər, qanlar, qurbanlar olmasa idi belə bu üç qadın
obrazı həmin əsərlərə faciə vüsəti, ülviyyəti verər, onları əsil faciə
səviyyəsinə qaldıra bilərdi.
Xüsusilə Hökümə Qurbanovanın ifasında!
Aktrisa hicran mövzusunu, vüsalə çatmaq ehtirasını, kama çat-
mazlığın əzabını dərindən duyduğu kimi, dərin idrak və emosiya ilə
də canlandırır. Əsil faciəviliyin və faciə janrında yazılmış əsərlərin
nəzdində böyük iztirabla dərin idrak bir-birinə qarışır və qovuşur. On-
lar hadisə ilə mahiyyətin, forma ilə məzmunun qovuşduğu kimi qovu-
şur, vəhdət daxilində birləşirlər. Bu vəhdət eyni zamanda ahəngə çev-
rilir, musiqi sədaları kimi səslənir, dinlənir, şeriyyətin dili ilə şairanə
bir dillə bizə həyatın, xilqətin sirlərini açır. Deməli idrak aləminin
qapılarını açır. Faciə səpgili pyeslərdə iştirakçıların çəkdiyi, bizim
canyanğısı ilə duyduğumuz əzab, iztirab, əlbəttə, idrak və özünü idrak
vasitəsi, həyat əlaməti və nəticə etibarilə nikbinlik nişanəsidir...
Səhər obrazı Sevinc və Tolqonayla müqayisəedilməz dərəcədə
əzəmətlidir, monumentaldır. Onun təmsil etdiyi, hicran, vəfa, səda-
qət teması da bu əsərdə genişəhatəli, fəlsəfi vüsətlidir. Səhər-H.
Qurbanova fəlsəfi-monumental səpkili bu tamaşaya onun üzvi his-
səsi kimi daxil olur. Şahbazla bərabər onun ideya-konflikt özəyini
yaradır. Əslində tamaşanı Səhər başlayır və o da tamama yetirir.
Səhər-Qurbanova hamıdan əvvəl səhnənin önünə çıxıb royal arxa-
sında əyləşir, olub-keçənləri qəmli, ibrətli bir dastan kimi nəzərində
canlandıraraq uzaqlara baxır, sonra şirmayı dillərdə “Hicran nəğ-
məsi” adlanan simfoniyanın ilk akkordlarını səsləndirirdi...
“Hicran nəğməsi” pərdə-pərdə ötür, dalğa-dalğa ucalır, sanki
tamaşa salonundan çıxıb uzaqlara yayılırdı. Səhər “Otuz il əvvəl...”
deyə xəyalın gücü ilə keçmişi hazıra qaytarır, tamaşaçıların gözü
qabağında bir anda özü də otuz il cavanlaşırdı. Tamaşaçı ona
Dostları ilə paylaş: |