92
kümə xanımın ifasında hər iki obraz əzəmətli yaradılmış və yenə
böyük faciə ruhilə aşılanmışdır...
Ehtiras girdabına düşmüş insanın fəlakətini, fəlakətli ehtirasla-
rın dəhşətini, müdhiş aqibətini ustalıqla əyan edən aktrisa hər iki
rolda öz tamaşaçılarını dərindən sarsıdır, onları “katarsis” (“mənəvi
paklaşma”) prosesindən keçirir, nəticə etibarilə yenə müsbət
idealları təsdiq edir” (15).
Hökümə Qurbanova Kleopatradan əvvəl Mariya Tüdor və
Südabə kimi son dərəcə mürəkkəb xarakterli obrazları yaratmaqla,
özünü görkəmli faciə aktrisası kimi göstərmişdir. Kleopatra obrazı
ilə Hökümə xanım bu fikri bir daha təsdiq etdi.
“Ehtirası, fikirləri, məhəbbəti, həyat kredosu müxtəlif müstəvi
kəsiklərində çarpazlaşan Kleopatra səpkili mürəkkəb faciə obrazları-
nın ən dramatik səhnələrində də aktrisa səslə daxili ehtirasını paralel
işlətməkdə, onları obrazın mürəkkəb, psixoloji, ziddiyyətli mənəvi
aləminin açılmasına istiqamətləndirməkdə mahir ustad idi” (21).
Hökümə xanımın ifa etdiyi Kleopatrada Şərqə məxsus ehtiras
çox güclü idi. Kleopatranın xarakterinin açılmasında əsas göstərici
idi. H. Qurbanova Kleopatranı ecazkar sənətin zirvəsinə qaldıra
bilmişdir.
“Hökümə Qurbanovanın Kleopatrası xüsusilə təsirli və cazibə-
dar görünür. Kleopatra-H. Qurbanova öz sevgilisinə sadiq bir aşiq-
dir, öz eşqi yolunda hər cür əzablara dözməyə hazırdır. O, əflatuni
bir məhəbbətlə məftun olduğu Antoniyə sadəcə olaraq bir könül
əyləncəsi kimi baxmır, öz şöhrəti ucundan xəyanətlərə yol versə də
məhəbbətində çox təmiz və məğrurdur. Buna görə də Antoninin
ölümündən sonra alçalmağa təhqir olunmağa dözməyərək özünü
həlak edir.
Kleopatra surəti Hökümə Qurbanovanın səhnəmizdə əsl ka-
milləşmə dövrü keçirməyə başladığı bir vaxtın məhsuludur. Belə
çətin və mürəkkəb bir obrazı yaratmaqla o özünün artistlik palitrası-
nın nə qədər zəngin və rəngarəng, təbiətində nə qədər tükənməz iste-
dad və qüvvət olduğunu bütün parlaqlığı ilə nümayiş etdirdi. H.Qur-
banovaya xas olan qızğın temperament, alovlu ehtiras, səhnə tə-
93
biiliyi kimi keyfiyyətlər Kleopatra obrazında bütün genişliyi ilə göz-
lərimiz önündə canlandı. Görkəmli sənətkarı “Antoni və Kleopatra”
tamaşasında görən yüzlərcə tamaşaçı onu səmimi məhəbbət hissi ilə
alqışladı. Teatrımız böyük zövq və ilhamla hazırladığı bu tamaşanı
şəhərimizə qonaq gələn qardaş respublikaların sənət adamlarına da
göstərdi. Əsərə baxan teatr xadimləri-moskvalılar, gürcülər, özbək-
lər, taciklər Hökümə Qurbanovanın Kleopatra kimi mürəkkəb psixo-
logiyaya malik obraz üzərində işləyərkən novatorluq axtarışlarına
geniş meydan verdiyini və səhnəmizdə unudulmaz bir sənət
nümunəsi yaratdığını sevinc və iftixar hissi ilə qeyd etdilər” (23).
Tənqidçinin qeyd etdiyi kimi Hökümə Qurbanovanın novator-
luq axtarışlarına geniş meydan verməsi Kleopatra obrazında bütün
çılpaqlığı ilə görünürdü.
“Novatorluq obrazın ideya-estetik idealını poetik bir münasi-
bətlə, sənətkarlıqla ifadə etməkdə özünü göstərir. Novatorcasına ya-
ranan bir tamaşa və ya obraz fikircə dərin, bədiilik və müasirlik
baxımından tam olur. O, hissin, ehtirasın, mənanın təcəssümündə
dinamikaya arxalanır.
... Hökümə Qurbanovanın Kleopatrası bu baxımdan çox səciy-
yəvidir. Aktrisa xarakteri dramatik və dinamik bir ehtirasla canlan-
dırır. Onun hər bir hərəkəti obrazın daxili məntiqinə tabe edilir. Bu
zaman o, öz qəhrəmanına dolğun mündəricə və cazibədarlıq gətirir.
Bu, novator bir sənətkarın yaradıcılıq xüsusiyyətidir. Nəhayət, Qur-
banovanın novatorluğu fikrin obrazlı və bədii ifadəsində, xarakterin
bütün incəliklərinə qədər açılmasında, aktrisanın ölçü hissini gözlə-
məsində və müasir səslənməsində özünü göstərir” (1).
H. Qurbanovanın tamaşaçılara nümayiş etdirdiyi Kleopatra
Antoniyə dəfələrlə xəyanət etməsinə baxmayaraq yenə də onu sevir-
di. Ona görə də Hökümə xanımın ifa etdiyi Kleopatra dünya səhnə-
lərində ifa olunan Kleopatralardan fərqli idi.
“Tamaşanın təməlində və mərkəzində Kleopatra-Hökümə
Qurbanova dayanır. Bu Kleopatra bir qadın, bir şəxsiyyət, bir səhnə
əsəri kimi əzəmətlidir. Aktrisa qadın gözəlliyini xarakterin monu-
mentallığı ilə elə bir məharətlə uyuşdurur ki, bunun özü obraza
94
əlavə bir gözəllik gətirir, estetik həzz mənbəyinə çevrilir. Aktrisa bu
rolda həqiqətən sənətin yüksək pillələrinə ucalmış, istisnasız olaraq
hamını, o cümlədən öz tənqidçilərini də heyran qoymuşdur. Onun
Kleopatrası obrazı həm zahirən, həm daxilən görmək və qavramaq,
obrazın cismi və ruhi aləminə nüfuz etmək, eləcə nüfuz etmək yox,
orda təcəssüm tapmaq, danışıqda, davranışda, plastikada, münasi-
bətlərdə xarakteri əyaniləşdirmək nümunəsi, yüksək sənətkarlıq
timsalıdır. Tamaşaçılar və tənqidçilər bu rolun ifasını başdan başa,
bütünlüklə təqdir eləmişlər” (16).
Hökümə Qurbanovanın Kleopatrası məharətli oyun nəticəsin-
də meydana gəlmişdir. Aktrisa bu obraz ilə sənətin yüksək zirvəsin-
də olduğunu sübut etmişdir. Bu monumental səhnə əsəri, H. Qurba-
novanın böyük sənətinin bariz nümunəsi idi. Onun Kleopatrası
Azərbaycan səhnəsinin bəzəyidir. Əgər Hökümə xanım təkcə Şeks-
pirin ən mürəkkəb qadın obrazı olan Kleopatranı yaratmış olsa idi,
yenə də onun adı Azərbaycan teatrının tarixində qızıl həriflərlə ya-
zılmış olardı.
Hökümə Qurbanovanın Kleopatrası Azərbaycan səhnəsində
tarixi hadisədir. Bu misilsiz ifaya görə aktrisaya tamaşanın bəzi
yaradıcı heyəti ilə birlikdə 1965-ci ildə M. F. Axundov adına Res-
publika mükafatı (indiki Respublika Dövlət mükafatı) verilmişdir.
1964-cü ilin iyul ayında Akademik Milli Dram Teatrı İrəvan
şəhərində qastrolda oldu. Qastrola on iki tamaşa aparılmışdır ki,
bunlara C. Cabbarlını “Solğun çiçəklər” (6), H. Cavidin “Səyavuş”
(5; 15), S. Vurğunun “Vaqif” (8; 18; 22; 28), S. Rəhmanın “Toy” (4;
9; 11; 19; 23; 25) və “Əliqulu evlənir” (4; 9; 19; 20; 23; 25; 30), M.
Hüseynin “Alov” (6; 7; 14; 16; 17; 27), M. İbrahimovun “Kəndçi
qızı” (1;11; 26; 29), Ş Qurbanovun “Əcəb işə düşdük” (3; 13; 14;
21; 24; 27), V. Hüqonun “Mariya Tüdor” (3; 13; 31), Lope de Ve-
qanın “Dəlilər” (7; 16; 17), Y. Osnos və V. Vinnikovun “Hind gö-
zəli” (2; 10; 12; 21; 24), S. Alyoşinin “Palata” (10) əsərləri aid idi.
Və bir ay qastrol müddətində teatr 31 tamaşa “Flora” yay teatrında,
17 tamaşa isə azərbaycanlılar yaşayan rayonlarda tamaşaçılara gös-
tərdi. Cəmi 48 tamaşa nümayiş olundu. Yerevan qastrolu iyul ayını
Dostları ilə paylaş: |