355
ostana bölünür. Ali qanunverici hakimiyyət orqanı 4 il müd-
dətinə seçilən Xalq Şurası Məclisidir. Hökuməti Baş nazir təşkil,
prezident isə təsdiq edir. – 105,116,117,173,180,181, 225.
130. Fələstin – İsrail–Ərəb münaqişəsi – BMT Baş
Məclisinin 1947-ci il qərarına əsasən Böyük Britaniya
mandatlığı ləğv edilərək Fələstin ərazisində müstəqil ərəb və
yəhudi dövlətləri (İsrail və Fələstin) yaradılmalı idi. 1948–49
və 1967-ci ildə Fələstin Ərəb Dövləti üçün ayrılmış böyük bir
ərazini İsrail işgal etdi. İsrail hökuməti Fələstin torpaqlarını bu
günədək işğal altında saxlayır. Fələstin xalqının azadlıq və öz
müqəddəratını təyin etmək hüququna zidd olaraq İsrail hakim
dairələri ancaq İsrail dövləti daxilində Fələstin xalqına
«muxtariyyət hüququ» verilməsi planını irəli sürürlər. Fələstin
ərəb xalqının qanuni hüquqları uğrunda mübarizə aparan
Fələstin Azadlıq Təşkilatı (FAT) isə bu planı qətiyyətlə rədd
edir. FAT-nı 115 ölkə tanıyır, 82 ölkədə nümayəndəliyi var.
1973-cü ildən bəri FAT Fələstin ərəb xalqının yeganə qanuni
nümayəndəsi kimi tanınır. – 105,115,116.
131. İraq, İ r a q R e s p u b l i k a s ı – Cənub-Qərbi Asiyada
– Dəclə və Fərat çayları hövzəsində neft ixrac edən ölkə. Sahəsi
438,3 min km
2
, əhalisi 36 milyon nəfərdir. İnzibati ərazisi 18
mühafazaya bölünür. Dövlət başçısı prezident, hökumət başçısı isə
Baş nazirdir. Ölkə ABŞ və NATO ölkələri ilə müharibə
vəziyyətində olduğu üçün ali qanunverici orqanı yoxdur. Paytaxtı
Bağdaddır. – 116,180,182,291.
132. Beynəlxalq Atom Enerjisi Agentliyi (BAEA) – BMT
yanında 1957-ci ildə atom enerjisindən dinc məqsədlərlə istifadə
sahəsində beynəlxalq əməkdaşlığı inkişaf etdirmək üçün
yaradılmışdır. 100-dən artıq ölkə bu agentliyin üzvüdür. İqa-
mətgahı Vyanadadır. – 117.
133. Nikola Sarkozi (d.1955) –Fransa dövlət və siyasi xadimi.
2007–12-ci illərdə Fransa Respublikasının prezidenti olmuşdur.
356
1993–95, 2002–2004 və 2005–2007-ci illərdə Fransa hökumətində
nazir vəzifəsində çalışmışdır. – 118.
134. Həzi Aslanov, H ə z i Ə h ə d o ğ l u (1910–1945) –
tank qoşunları qvardiya general-mayoru, iki dəfə Sovet İttifaqı
Qəhrəmanı. Böyük Vətən müharibəsinin ilk günlərindən döyüş-
lərdə iştirak edən H.Aslanov Stalinqrad vuruşmasında, 55-ci
əlahiddə tank polku feldmarşal Manşteynin tank ordusunun
darmadağın edilməsində xüsusi məharət göstərmişdir. 1944-cü ildə
H. Aslanovun 35-ci qvardiya tank briqadası Belorusiyanı,
Pribaltika respublikalarını azad etmək uğrundakı vuruşmalarda
xüsusilə fərqlənmişdi. H.Aslanov Mitağa şəhəri yaxınlığındakı
vuruşmada qəhrəmancasına həlak olmuşdur. – 119, 120.
135. Oqtay Əsədov, O q t a y S a b i r o ğ l u (d.1955) –
ictimai xadim, mühəndis. 1996–2004-cü illərdə Abşeron Re-
gional Səhmdar Su Cəmiyyətinin, 2004–2005-ci illərdə «Azər-
su» Səhmdar Cəmiyyətinin prezidenti olmuşdur.
Azərbaycan Respublikası Milli Məclisinin üzvü, 2005-ci
ildən Azərbaycan Respublikası Milli Məclisinin sədridir. Yeni
Azərbaycan Partiyası Siyasi Şurasının üzvüdür. – 123,126.
136. Toğrul Nərimanbəyov, T o ğ r u l F ə r m a n o ğ l u
(d.1930) – rəssam. Azərbaycan və SSRİ xalq rəssamı. Məişət,
portret, mənzərə və natürmort janrlarında, monemental
boyakarlıq, illüstrasiya və teatr rəssamlığı sahəsində fəaliyyət
göstərir. Yaradıcılığında monumental boyakarlıq mühüm yer
tutur. «Qobustan kölgələri» (F.Qarayev), «Yeddi gözəl»
(Q.Qarayev), «Min bir gecə» (F.Əmirov) baletlərinə verdiyi
bədii tərtibat Azərbaycan teatr rəssamlığının qiymətli
nümunələrindəndir. Azərbaycan və SSRİ Dövlət mükafatları
laureatıdır. – 124.
137. Tamerlan Əliyev, T a m e r l a n Ə z i z o ğ l u
(1921–1997) – Azərbaycan tibb elminin görkəmli nümayəndəsi,
357
Əməkdar elm xadimi. Dövlət mükafatı laureatı, tibb elmləri
doktoru, professor.
Tamerlan Əliyev 250-dən çox elmi əsərin, o cümlədən 12
monoqrafiyanın, dərslik və dərs vəsaitlərinin, metodiki
tövsiyələrin və səmərələşdirici təklif və ixtiraların, həmçinin
çoxsaylı elmi-kütləvi məqalələrin müəllifi olmuşdur. – 125.
138. Azərbaycan Dövlət Gənc Tamaşaçılar Teatrı – XX əs-
rin 20-ci illərində yaranmış Azərbaycan teatrı. 1936-cı ildən Azər-
baycan Dövlət Gənc Tamaşaçılar Teatrı adlanır. Ötən müddət
ərzində teatrda 513 yeni tamaşa hazırlanmış, 33505 tamaşa
göstərilmişdir. – 132.
139. Azərbaycan Dövlət Rus Dram Teatrı – Bakıda Səməd
Vurğun adına rus dilində fəaliyyət göstərən teatr. 1923-cü ildən
Bakı İşçi Teatrı adı ilə fəaliyyət göstərmiş, 1937-ci ildən Azərbay-
can Dövlət Rus Dram Teatrı adlanır. Teatrın repertuarı «Don
Karlos» (F.Şiller), «Romeo və Cülyetta» (V.Şekspir), «Canlı meyit»
(L.Tolstoy)» və s.əsərlərlə zəngin olmuşdur. – 132,157,158–159.
140. Azərbaycan Dövlət Akademik Milli Dram Teatrı –
Azərbaycanın ən qədim dram teatrı. Tarixi 1873-cü ildə Bakıda
səhnəyə qoyulmuş M.F.Axundovun «Lənkəran xanının vəziri»
və «Hacı Qara» komediyalarının tamaşası ilə başlanır. Bu teatr
1880–90-cı
illərdə
C.Zeynalovun
ev
tamaşaları,
H.Mahmudbəyovun
və H.B.Zərdabinin teatr truppaları
əsasında yaradılmışdır.
Azərbaycan SSR XKS-nin 1920-ci il 1 iyul tarixli qərarı ilə
Birləşmiş Dövlət Teatrı yaradıldı və buraya bütün teatr
truppaları daxil oldu. 1922-ci ildə dram truppası Birləşmiş
Dövlət Teatrından ayrılaraq müstəqil fəaliyyət göstərməyə
başladı. – 132.
141. Azərbaycan Dövlət Opera və Balet Teatrı – Respub-
likanın ən böyük musiqi teatrı. Azərbaycan XKS-nin 1920-ci il 1
iyul tarixli qərarı ilə Birləşmiş Dövlət Teatrı tərkibində opera
truppası kimi yaradılmışdı. 1924-cü ildə opera truppası bu teatrdan
Dostları ilə paylaş: |